Re: Chjam'è Rispondi

[Francesco]

Grazie à voi è à te, amicu Ghjù
noi ci impegnemu à dà di più

Sperendo chì incù l'ispirazione
u penseru divenghi azzione

è a parolla da simplice segnu
divenghi murale disegnu...

[U Palatinu]

Eiu sò rassicuratu
U cantu si perseguita

In bassu ùn hè firmatu
A storia ùn hè finita

Impruvisemu più forte
Apreremu ogni porte.

[Cocolitoferidea]

Incù a nostra cantada
È quelle di i tarcani

A musa hè una fada
Chì ghjoca in tutt'i piani

Demmucci solu a forza
Di perseguità sta corza.

[Cocolitoferidea]

Una volta di più chjamu
À quellu chì vole cantà

Ùn hè d'oru ne di ramu
Puru ci pò abbisantà

Hè què l'impruvisazione
Ma ùn dò nisun lezzione.

[Cocolitoferidea]

Ùn c'hè nimu per risponde
Mi sò troppu scatenata

Puru ùn pò più cunfonde
U veru è a sperata

Fermu senza illuzione
Per e mio aspirazione.

[Ghjù]

Vecu chi in a mio assenza
Ai chjamatu più d'una volta

Aspettemu d'altre presenze
Chi i feremu bella accolta

O multifì, O calabracciu
Ùn vi fate un penseracciu !

[U Palatinu]

A to chjama ùn hè vana
A mio bella principessa

Chì a to musa hè sana
Sola o in a fraiessa

Canteremu tutt'inseme
Salutà e nostre speme.

[Francesco]

Rispundaraghju à mia manera
incù una trimenda rima nera

A morte di u chjam'è rispondi
u trionfu di i bughji canti!

Ma ùn temete, hè solu macagna!
ma cù me u cantu ùn guadagna.

[Ghjù]

U cantu sempre vince
S'ell'hè fattu incù u core

A ti possu scunvince
U cantu ùn si pò more

Ti ferma solu à pruvà
È noi à t'accumpagnà

[Cocolitoferidea]

A dite cun squisitezza
Ancu in dilicatezza

U cantu hè armunia
S'ella c'hè a puesia

Cun un pocu di dulcezza
Si pò francà l'amarezza.

[Francesco]

Perchè ùn riescu à risponde
incù poche rime tonde?

Ci piazzu troppi pedi
ancu s'è ci provu, tu mi credi?

irregulari sò e mo rime
svagate sò e mo muse...

[Culunellu di Vinciguerra]

Tutti sim'insunnuliti
U sughjettu pare mortu

I puemi sò smariti
Ùn`sì zappa più in l'ortu

Aiò prestu rivenite
Nant'à e strade fiurite.

[Franz]

Micca mortu ma malatu
Amiku Marzialu, suldatu

Basta a vulintà è un gestu
cume u cuntadinu semina l'ortu

A rima attorna rivene
e a via diritta tene

[Sumerinu]

Hè daveru difficile
Seguità a vostra rima

Mà a via più facile
Ancu quella di a cima

S'e u pede va gentile
Cù ghjustezza è ch'ùn trima

[Ghjù]

Eccu quì una bella chjama
ch'è quella chi t'ai fattu

Sai ch'o sò sempre in brama
È dinù sempre attrattu

Allora cuntinuemu puru
pruvemu senza smisuru

[Francesco]

Rispondi incù a to puisia
moltu più linda di a mia

porti in core a to musa
e mai tu l'ai dilusa

quantu à a corcia mia
tene a brama di volà via

[Ghjù]

Ùn sii micca cusì duru
incù e to dolce rime

Chi un ghjornu di sicuru
Tale una sfulgurime

A to musa serà linda
E serai più patime*



*Avà ùn mi n'arricordu più s'è si pò dì cusì

[Sumerinu]

Eccu furia t'aghju trova
À chjamà quì o quallà

Eppuru sarè a prova
Ch'e ùn sò impruvisà

Sempre cun parulla nova
In stu locu per cantà

[Sumerinu]

Tandu pare fantasia
Ch'o rieschi à cantà

[Francesco]

Cosa vole dì patime?

[U Palatinu]

"Patì" è a so variazione "patisce" volenu dì soffre.

[Francesco]

"Patì" è a so variazione "patisce" volenu dì soffre.

Grazie.
U sapiu ma 'un aviu capitu u sensu di patime.

[Ghjù]

Innò, nu u mio sensu, patime vole piuttostu dì "calme", qualchissia chi manca d'agitazione

[U Palatinu]

U più impurtante hè u sensu ch'e tù li dai.

[Ghjù]

Hè a sola parulla chi m'hè ghjunta quandu aghju rispostu
Bon ripigliemu u sughjettu !

[Contenu sponsorisé]