Re: Chjam'è Rispondi

**U Palatinu** 16/01/12, 03:09 pm

Ghjù a écrit:Permettite mi di contàvvi un stalvatoghju chi m'hè accadutu, per via di i chjami e risponde. Era l'annata scorsa per a fiera di pedicrocce, roccu mambrini ( per quellu ch'ùn lu cunnosce, u so cugnome hè "u russignolu di zilia" è hè cunsideratu cum'e unu di i più forte impruvisatore ). Ha fattu un chjami e risponde incù un amicu a ellu nant'à un pantalone strappatu ch'avia un ghjovanu, mentre faciule un ore e mezzu. Ci vole a avè l'imaginazione quantunque!!

Tuttu u mondu u cunosce in Corsica. Hè un grande tarcanu, ellu.
Eiu, sò scrive in rima. Ellu hè un pueta.
Hè què a sfarenza.

**Ghjù** 16/01/12, 04:23 pm

Hè di sicuru a un livellu sopra. E cio chi m'incantu u più, hè ch'ellu parla in rima, ùn riflettr mancu. E rime venenu sole

**Cocolitoferidea** 17/01/12, 09:44 am

Ripigliemu u sughjettu
Caru à u Russignolu

U mio cantu puverettu
Forse ghjustu bonachjolu

Ùn hè micca meludia
È nemancu puesia.

**Ghjù** 17/01/12, 02:41 pm

Di Stu caru russignolu
Ch'ha fattu tante prudezze

E chi ha pigliatu u so volu
A liscià e rime, di carezze

Senza circà di fà megliu
Vogliu tirà lu u mo capellu

Francesco 17/01/12, 03:18 pm

A' Ghjù l'impruvvisadore
chì in e rime mette u core

A' Cocolitò a Musa
chì di a rima hè spusa

A' me, Francescu
chì a rima a pestu!

Chjam'è Rispondi - Page 6 893483

**Ghjù** 19/01/12, 03:13 pm

A noi tutti quì
chi femu campà u foru

E ch'ùn venenu a smarì
'Sse chjame fatte d'oru

E 'sse risposte ch'è no' ci demu
E 'sse macagne ch'è no' ci femu

**Cocolitoferidea** 20/01/12, 07:16 am

Mai ùn smarisceranu
A rima è pò u cantu

Fin chì sempre fermeranu
E nostre muse accantu

I tempi fiurisceranu
Incù l'arte fiaricantu.

Culunellu di Vinciguerra 24/01/12, 12:38 pm

Mi facciu un affaccata
Per rilancià u dibattu

A mio musa hè firmata
Ancu quandu mi sò piattu

À cantà sempre ci voltu
À piglià u fruttu coltu.

**Cocolitoferidea** 25/01/12, 06:57 am

Mi face moltu piacere
Ch'e quì quellu to passaghju

Ùn aghju tantu putere
Ma capiscu u missaghju

Stu fiatu manteneremu
Fin ch'e vivi fermeremu.

Francesco 25/01/12, 03:13 pm

Di u fruttu di u mio cantu
certe, ùn mi ne vantu

E' à a mia tinta Musa
umilmente dumandu scusa

ma cantà hè gran piacè
incù voi è incù te...

**Cocolitoferidea** 26/01/12, 06:52 am

Canti bè ma conti male
I pedi di i to versi

Ottu u sciffru nurmale
In u cantu quì traversu

Puru Francè ci sì quasi
È ne simu persuasi.

Chjam'è Rispondi - Page 6 321119

Francesco 26/01/12, 09:20 am

Ahi, ahi, ahi, i me corci pedi... Chjam'è Rispondi - Page 6 809326

Compiu 27/01/12, 08:43 am

O Cocolitò mi pare
Ch'e tù sippii troppu dura

E rime sò cusì rare
A musa hè cusì pura

Ma cun e to cundizione
Faci scappà l'emuzione.

Moltifincu 30/01/12, 06:50 pm

stu pezzu d'omu
si chjama Lisandru

ha fattu u saltu
sin'a u piattu

u diu , aghju cantatu
è un sogniu , ha fattu...

Chjam'è Rispondi - Page 6 583525

**Ghjù** 08/03/12, 03:06 pm

Rilanciu eiu u sughjettu
Chi ci face incantà

Di fàvvi fà un viaghjettu
Attraversu lu mio cantà

Serà què lu mio prughjettu
Serà què lu mio sperà

**U Palatinu** 08/03/12, 03:11 pm

U to prughjettu mi pare
Bellu è onorabile

Piantemu e nostr'affare
Di cantà hè pussibile

Venerà l'ispirazione
Incù l'imaginazione.

Francesco 08/03/12, 03:51 pm

Anc’eiu accunsentu
È mai mi pentu

Un cantu puru
Po’ esse raru

Ma incù l'ispirazione
Venerà, a canzone

Compiu 08/03/12, 07:01 pm

Feghji ch'e l'ispirazione
Fù quella d'una canzone

Ùn ti possu dà lezzione
Aghju troppu emuzione

Mi sbrogliu cu a scrizzione
Ùn hè micc'una fizzione.

**U Palatinu** 08/03/12, 07:05 pm

Canti ma senza dì niente
U to versu ùn hà sensu

Canti ma hè cun scumpiente
Voli tù puetà pensu

Scrivi solu per e rime
Ma ùn vecu ch'e lacrime.

Francesco 12/03/12, 09:17 am

Sè troppu duru, ò Palatì... Chjam'è Rispondi - Page 6 39542

**U Palatinu** 12/03/12, 12:01 pm

Pensi ch'o sò troppu duru
Ma a ti dicu da francu

U cantu dev'esse puru
Certe volte ùn l'hè mancu

Vi vogliu incuragisce
Quellu cantu à fiurisce.

**Cocolitoferidea** 13/03/12, 10:40 am

Pochi incurragimenti
Ch'e i toii Palatinu

Parenu tutti spaventi
È u cantu à u spinu

Cun tanti regulamenti
Prestu l'arte s'impulvinu.

**Cocolitoferidea** 20/05/12, 01:49 pm

Allora perseguitemu
U nostru cantu fraternu

Sempre impruviseremu
Fin ch'ùn simu à caternu

O zitelli ripigliate
In u viotu ùn firmate.

**U Palatinu** 20/05/12, 05:21 pm

Seraghju quì a mio cara
A to chjama fù intesa

A to rima hè amara
Ma a to voce hè spesa

Cantemu in allegria
Seguitendu quella via.

**Ghjù** 20/05/12, 09:13 pm

Seguitendu quella via
Impruviseremu cù u core

Tutt'inseme ind'è l'armunia
U cantu ùn si pò more

Sperendu chi torna ci ne seranu
Chi 'ssi canti si perseguiteranu

Contenu sponsorisé