Chjam'è Rispondi

[Cocolitoferidea]

Dopu à nostru dibattu
Nant'à u chjam'è rispondi

Chì da veru, hè un fattu
Di puesia'à un fondu

Mi facci'un novu sughjettu
È dopu custì u mettu.

[U Palatinu]

Una chjama m'ai fattu
Hè per quessa ch'o rispondu

U sicrettu ùn hè piattu
Ne pò ghjunghje tutt'u mondu

Impruvisà hè simplice
È ne sò propiu felice.

[Filippu]

Beddi chjami 'eti fattu
Ùn vogliu stà in u fondu

È hè u mè primu attu
chì facciu in istu mondu

O Corsi, unuratu socu
di praticà in issu locu



(È avali, in a mè lingua amata:

Beddi chiami âti fattu
Nun vogghiu stari ntô funnu

E è lu mè primu attu
ca fazzu jintra stu munnu

Corsi, unuratu mi sentu
ca scrivu nta l'Appuntamentu)

[U Palatinu]

Simu noi onorati
Di questa cunversazione

I versi'ùn sò affanati
Ùn bisognanu lezzione

Vi precu a benvenuta
A vostra pium'ùn hè muta

[Filippu]

Omu di bè, alliatu meu
I vosci cunsigli ascultaraghju

Istu foru hè u mè liceu
aghju piuma è calamaghju

Ùn stò micca quì par a cusgera
Di l'isula vogliu u raghju

Da a navi si ved'a scugliera
A sapeti ch'eiu sò marinaghju?

A Cursichedda hà capiddera
A vecu bè da u mè maghju

A libartà ùn hà micca fruntiera
Oghji vi portu un missaghju

A Testa di Moru, a voscia bandera
In u celu azuru, l'innalzaraghju!

Dicu "Corsica libara!", intrepidu,
Eppò "Sicilia libara!", avà gridu.


(È avali, in a mè lingua amata:

Omu bonu, alliatu meu
A li vostri cunzigghi dugn'arè,

Stu fureddu è lu mè liceu
C'haiu piuma e calamarè

Nun staiu ccàni pâ custurera
L'arma corsa nni vogghiu arrè

Dâ navi si vidi la scugghiera
Lu sapiti ca sugnu marinaru?

La Còrsica c'havi capiddera
La viju bò dû mè àrvaru

La libbirtà nun c'havi fruntera
Aoi nu missaggiu vi vègn'a purtà

La Testa di Moru, la vostra bannera
Nta lu celu azzolu, l'hê ausà!

Dìciu "Còrsica lìbbira!", attrivitu,
Appoi "Sicilia lìbbira!", ora gritu.)

[Invité]

Bella rispost'ai fattu
Tutt'u mond'hè d'accunsentu

Sai ch'ùn sì micca mattu
U to cant'ùn hè lamentu

Scrivi puru longu è bè
A ti dicu propiu à tè.

[Culunellu di Vinciguerra]

Sò passate parechj'ore
Ma cantemu cun fervore

Ma quì ancu senza piore
S'impruvisa in ardore

Nant'à vita, o dulore
Gioia, penna, o amore.


Per u puttachju, u piore, ùn hè micca, malgratu à cio ch'ellu pò parè, un prete, ma u capimachja di una cunfraterna di cantori chì cantanu in chjesa.

[Filippu]

Tutt'i gattivi attaccani u bonu
ma a ghjustuzia è papparonu
Cum'è lancia tesa à a battaglia
Par scunfighja ogni canaglia.

U Mali chjama, è à tutti tenta
ma l'Anima Corsa hè attenta.
Pronta à cumbatta i so nimichi:
Rè, vittuli, è ancu i falsi ghjudichi.

Sentu voci chì ùn tacenu
Orsu Dumè u timirariu,
chì lotta forti contr'à u sicariu
Vincerà queddi chì torcenu.

L'altra voci hè u Culuneddu
Valenti è putenti cum'è u lionu
Ma utilizeghja ancu u ciarbeddu
Chì crideti? Ùn hè micca spacconu!

[Invité]

Mi vergogna di risponde
À un scrittu cusì bellu

Chì da veru le mio stonde
Ùn sò ch'è un luminellu

L'ommagiu mi ven'in core
Ùn hè micc'un strappacore.

[Francesco]

Incù un pocu di rime
e sentimentu
più serena hè a vita,
più luntanu u turmentu.

Di ghjunghje à scrive questu cantu
nanzu d'affaciammi quì
certe, ùn averei micca pensatu.

Ma a cumpagnia ispira...
e Muse Corse m'hanu visitatu
è ind'u mio core hanu instillatu
suvali rime in corsu
è avà sò beatu.

[U Palatinu]

O amicu ti salutu
È pò dinù a to musa

Tù ùn stai micca mutu
Ùn bisogni micca scusa

Incù a to musa, feghji
Dicu : cuntinueghji !

[Filippu]

À tè l'omu di u Piemonti
i to paroddi dighjà volanu
sopra à vadini è monti:
da a Corsica ùn sè luntanu.

À tè l'omu di a Casinca
cunnosci bè a to isula,
quedda vechja o ughjinca,
ancu s'edda ùn hè piccula.

À i Musi Corsi chì mi ispiranu,
tistimoniu a me ricunnuscenza.
Di sicuru l'anu vistu chì sò sicilianu,
è par i me rimi mi danu l'essenza.

[Invité]

Pensu chì ste rime deverianu dinù figurà in u sughjettu puesia, chì a meritanu.

[U Palatinu]

Iè. Perchè micca ?

[Filippu]

Pensu chì ste rime deverianu dinù figurà in u sughjettu puesia, chì a meritanu.

Grazii o Maestru Fenice par i cumplimenti.

[U Palatinu]

Pensu chì ste rime deverianu dinù figurà in u sughjettu puesia, chì a meritanu.

Grazii o Maestru Fenice par i cumplimenti.

Allora s'è tù a ti senti, metti puru e to rime in u sughjettu "Puesie".
À tè di decide.

[Francesco]

À tè l'omu di u Piemonti
i to paroddi dighjà volanu
sopra à vadini è monti:
da a Corsica ùn sè luntanu.

À tè l'omu di a Casinca
cunnosci bè a to isula,
quedda vechja o ughjinca,
ancu s'edda ùn hè piccula.

À i Musi Corsi chì mi ispiranu,
tistimoniu a me ricunnuscenza.
Di sicuru l'anu vistu chì sò sicilianu,
è par i me rimi mi danu l'essenza.

Bella!

[U Palatinu]

Avà, tocca à Filippu di decide.

[Filippu]

Bella!

Grazii !

[Filippu]

Avà, tocca à Filippu di decide.

L'aghju messa in a rubrica Puesie, cù u titulu "Corsica - Ligami frà i populi".

[U Palatinu]

L'aghju vistu

[Cocolitoferidea]

Ci ne ferma sempre d'altre à aghjustà à a lista.

[Filippu]

Ci ne ferma sempre d'altre à aghjustà à a lista.

Induva sò?

[Cappellurossu]

A saperai sicuramente tù megliu ch'è noi, induve ai messu tutte e to creazione in puesie.

[U Palatinu]

Rivultem'à u sughjettu
Di lu chjamu è rispondi

Chì tantu avemu lettu
In tutti quelli circondi

Senza pinsà à l'afflettu
Scrivaremu qualchi stondi.

[Contenu sponsorisé]