Re: Andatura di u forum

[Cocolitoferidea]

Pace è Salute.
Pace è Salute à tè è à tutti quelli chì leghjeranu.

[U Palatinu]

Cum'è a pudete custatà, u foru hè statu riorganisatu.
Spergu ch'ella vi garberà.

Tocc'à voi avà di fà lu campà.

[Culunellu di Vinciguerra]

Ma... ai cacciatu tuttu, mi pare !
Ùn capiscu micca u to prughjettu, e to idee.

[Francesco]

Mi garba ma...

[Culunellu di Vinciguerra]

Eiu sò vultatu chì hà mandatu missaghji u Palatì à tutt'ognunu, tutti quelli ch'ùn eranu più venuti dapoi un certu tempu.
E l'aghju trovu cusì trasfurmatu u nostru foru.
Incunvenienti ùn ne vecu ma ùn capiscu micca troppu a logica.

[U Palatinu]

A logica hè simplice : aghju vulsutu vultà à i fundamentali, raghjuvenisce stu vechju foru chì s'hè addurmintatu assai dapoi un paghju d'annu.
Unepochi ùn ci sò più, ma aghju speratu tuttu riprincipià.

[Cocolitoferidea]

Eiu sò vultatu chì hà mandatu missaghji u Palatì à tutt'ognunu, tutti quelli ch'ùn eranu più venuti dapoi un certu tempu.
E l'aghju trovu cusì trasfurmatu u nostru foru.
Incunvenienti ùn ne vecu ma ùn capiscu micca troppu a logica.

U foru era guasgi mortu, era venuta l'ora di fà lu rinasce.
Tandu incù un ergonumia più chjara è un bellu colpu di spazzula nant'à u passatu, tuttu pò riparte.
Fendu una publicità intensiva è un pugnu di cummunicazione, si pò fà.

A logica hè simplice : aghju vulsutu vultà à i fundamentali, raghjuvenisce stu vechju foru chì s'hè addurmintatu assai dapoi un paghju d'annu.
Unepochi ùn ci sò più, ma aghju speratu tuttu riprincipià.

Iè. Eccu !

[Compiu]

Bonghjornu.
Sò rivenutu chì aghju ricevutu l'e-mail anc'eiu, ma à dì la franca, ùn mi piace più tantu u foru cum'è vo l'avete resu.
In u 2009, ùn era micca u stessu spiritu. Eramu quì per scherzà è attempu riflette è dà à riflette. Era l'epica chì Ange Santini era u patronu di a Corsica (à pocu presu), chì Sarkozy era u maestru di a Francia, chì si scupria a tela è tutte e so pussibilità è chì eramu tutti belli ghjovanni, belli rivultati, pieni di sperenze in l'avvene ch'aviamu da custruì incù u surrisu appiccatu à e labbre.
Oghje hè passatu u tempu. Avemu vintu unepochi d'elezzione è fattu un bellu pezzu di caminu ma avemu dinù vistu e limite di u sistema.

Nant'à stu foru, avemu sempre imbulighjatu spiritu macagnosu è spiritu seriu, ma oghje hè scorsu u tempu. A dinamica chì avia marchjatu appena s'hè spenta è mi pare chì i vostri sforzi ùn ghjovanu più à nunda. Trapassati sò i fori nant'à a tela è simu cusì pochi.
Avà, t'aghj'à parlà à tè o Palatì, per lodà e to prove, ancu s'è l'alchimia ùn marchja più. Ai pruvatu a carta di a macagna, ma oghje, cio chì ferma di u foru hè duvintatu troppu seriu è ùn hè micca cacciendu i Fulletti, chì d'altronde ùn ghjovavanu più à nunda dipoi un pezzu, ch'è tù ai da sbuccà.

Aiò o ghjente. Altre lotte ci aspettanu.
Eiu mi ne passu.

A truvà ci in altrò.

[Francesco]

Salutu quantunque tuttu u mondu.

Hè vera, oghje tempu hè passatu, per noi, per a Corsica, ma u nostru spiritu ùn po cambià, nentru simu (ò duveremmu esse..) sempre li stessi, è allora? U nostru travagliu hè di seminà (idee, figli... perchè micca ) sempre seminà perchè sempre qualcosa firmarà!

[U Palatinu]

Bonghjornu.
Sò rivenutu chì aghju ricevutu l'e-mail anc'eiu, ma à dì la franca, ùn mi piace più tantu u foru cum'è vo l'avete resu.
In u 2009, ùn era micca u stessu spiritu. Eramu quì per scherzà è attempu riflette è dà à riflette. Era l'epica chì Ange Santini era u patronu di a Corsica (à pocu presu), chì Sarkozy era u maestru di a Francia, chì si scupria a tela è tutte e so pussibilità è chì eramu tutti belli ghjovanni, belli rivultati, pieni di sperenze in l'avvene ch'aviamu da custruì incù u surrisu appiccatu à e labbre.
Oghje hè passatu u tempu. Avemu vintu unepochi d'elezzione è fattu un bellu pezzu di caminu ma avemu dinù vistu e limite di u sistema.

Nant'à stu foru, avemu sempre imbulighjatu spiritu macagnosu è spiritu seriu, ma oghje hè scorsu u tempu. A dinamica chì avia marchjatu appena s'hè spenta è mi pare chì i vostri sforzi ùn ghjovanu più à nunda. Trapassati sò i fori nant'à a tela è simu cusì pochi.
Avà, t'aghj'à parlà à tè o Palatì, per lodà e to prove, ancu s'è l'alchimia ùn marchja più. Ai pruvatu a carta di a macagna, ma oghje, cio chì ferma di u foru hè duvintatu troppu seriu è ùn hè micca cacciendu i Fulletti, chì d'altronde ùn ghjovavanu più à nunda dipoi un pezzu, ch'è tù ai da sbuccà.

Aiò o ghjente. Altre lotte ci aspettanu.
Eiu mi ne passu.

A truvà ci in altrò.

Salute o scimò (nunda di pessimu ; era u to anzianu cugnome).
Cuntentu di vede ti, cuntentu di leghje ti, è capiscu cio ch'è tù voli dì, ma ùn sò tantu d'accunsentu. Iè, di sicuru, chì simu invechjati assai, ma ùn hè micca per què chì hè scorsu u tempu di i fori.
Rispettu a to decisione, ancu s'o a rigrettu.

[Cocolitoferidea]

Anc'eiu a rigrettu.

[malvina]

Salute à tutti, aghju ricevutu un mail dicendumi chì l'appuntamentu avia da ripiglià a so attività.Ùn socu micca cosa dì vistu chì a grande moda avà hè Facebook (micca ch'o preferghi e rete suciali ma què seria un'altru affare...) induve ci hè più interattività ,nantu à un bloggu lampate una chjama è vi rispondenu un annu dopu (è ancu.. )è quandu avete a risposta ùn vi ricurdate più di a dumanda.... )Ùn aghju avutu tempu di guardà a nova organizazione mà aghju quantunque rimarcatu chì u mo primu scrittu, una puesia era stata sguassata... è ùn aghju mancu un doppiu..Scialatevila !!A prestu forse.

[U Palatinu]

Salute o Malvina.
Un gran ringraziu per a to cuntribuzione è per u to ritornu.
Manc'eiu, ùn sò più cosa dì, cosa fà per rilancià a dinamica.
In quant'à a to puesia, postu chì sò stati messi in l'archivi tutti i sughjetti vechji di più di 100 ghjorni, ùn era più vedevule.
Ma nunda ùn hè statu sguassatu.
E postu ch'è m'ai dumandatu, l'aghju rimessa.

[Francesco]

A' mè "Faccia-libru" ùn piace, preferiscu sempre i forum

[Cocolitoferidea]

Bref.... u travagliu l'avemu.

[Francesco]

Bref.... u travagliu l'avemu.

l'ai detta ma u meiu hè à l'urdinatore...

[Francesco]

Bon 2019!!

[U Palatinu]

Grazie. À tè dinù.
Spergu ch'è tù ti porti bè, dapoi u tempu. Eiu,pò si. Sempre unepochi di prughjetti, ma mi pare ogni tantu d'invechjà.

[Francesco]

... ma mi pare ogni tantu d'invechjà.

Simu esseri umani (A' parte qualche fantasmu... ): hè u nostru destinu.

Grazie Corsica (è dinù Corsi) pè avemmi fattu scopre un mondu.

[U Palatinu]

Sò dinù eiu chì ti ringraziu assai per esse statu, per tuttu.

[Francesco]

Pace è salute à tutti i Corsi!

[U Palatinu]

A tè dinù, sò cuntentu ch'è tù stia bè.

[Francesco]

Bon venti venti è pace è salute à tuttu u mondu!

Per un colpu!

[U Palatinu]

Cum'è l'aghju ghjà detta in u missaghju d'eri chì, per ùn sò chì raghjone, ùn hè micca statu arrigistratu, bon capu d'annu ancu à tè. Aghju mancatu u capu d'annu, ma aghju dinù mancatu i dece anni di u forum. Iè, dece anni, è simu sempre quì, mezu mortu, ma sempre quì.
In tutti i casi, sò felice di vede ch'è tù ci sì.

[Cocolitoferidea]

Ùn ci hè più tantu dinamica per custindi, ma sò anni è anni ch'ella dura.
Salute à tè o Fransè, è à tutti.

[Contenu sponsorisé]