Re: U cantu tradiziunale corsu

Pisticcinu 13/05/12, 09:30 am

Hahaha perchè ? qual'hè annantu ?

**Cocolitoferidea** 13/05/12, 10:03 am

Francesco a écrit:A scopa t'addispera?

U cantu tradiziunale corsu - Page 4 637476

**Ghjù** 13/05/12, 12:58 pm

calabracciu a écrit:Hahaha perchè ? qual'hè annantu ?

Qual'hè ùn puderaghju risponde ti, eiu. Solu possu dìtti chi u ritrattu hè statu pigliatu da un filmu, cum'e ci l'avia amparatu cocolitò.

**U Palatinu** 13/05/12, 03:13 pm

Hè Amy Adams.

**Ghjù** 13/05/12, 09:04 pm

Esempiu di chjam'è rispondi :

**Cocolitoferidea** 14/05/12, 06:08 am

Incù qualche figure cunisciute ! U cantu tradiziunale corsu - Page 4 3340

**Ghjù** 14/05/12, 08:33 am

Pensu ch'o vecu di quale tù parli U cantu tradiziunale corsu - Page 4 809326

**U Palatinu** 14/05/12, 11:26 am

Ghjù a écrit:Pensu ch'o vecu di quale tù parli

Vedi sempre, tù.

**Ghjù** 14/05/12, 11:41 am

Diceremu chi una di e duie personne nant'à videò, era quì. Dunque di sicuru ch'o vecu U cantu tradiziunale corsu - Page 4 755753

**Cocolitoferidea** 21/05/12, 02:13 pm

Ghjù a écrit:Picculu rappellu di ciò ch'è u cantu tradiziunale corsu.

E trè voce di basa di a pulifunia corsa sò :
a siconda, quella chi lampa u cantu, u bassu chi u sustene incù à so forza, è a terza chi u fiurisce incù e so riuccate. Eccu li :
Canti ligati à a morte.

U lamentu : Cantu d'assenza ma chi n'hè micca sempre ligata à a morte

U voceru : Cantu funebru impruvisatu à u capizzale di u defuntu.
C'hè u voceru pè a morte naturale, chi hè un "lamentu" di un core marturiatu, spessu graziosu è pueticu.
È c'hè dinù u voceru pè a morte viulenta, chi hè spessu sbaticu è zirgosu.

A baddata : Lamentu riservatu à e donne è impruvisatu in publicu sempre à u capizzale di u defuntu.

Canti ligati à a vita.

E nanne : Cantu pè addurmintà i ciucci. Sò cunsiderati cum'e "micro-puemi"

Canti ligati à u travagliu.

A tribbiera : derivatu di a parulla "tribbiu" ( granda petra ) ò nant'à u nome di l'animali. I pastori praticavanu a tribbiera di u granu facciendu circulà à l'intera di l'aghja, un' abbrancata di boi, strascinendu u tribbiu. E dunque 'ssu cantu era cantatu pè 'sse manifestazione.

A pistera : Cantu stagliatu, ritmatu da u rimore quandu pichjavanu u saccu in pannu chi cuntenavu e castagne seche per sbicinàlli.

Canti ligati à l'amore.

Voce sola :
A seranata : Cantu à una sola voce dedicatu à l'innamurati, accumpagnatu ò nò d'un strumentu.

Voce accumpagnate :
A currente : Cantu prufanu spessu pè l'innamurati dinù.

C'hè dinù :

U chjam'e rispondi : Què u cunnisciate, dui impruvisatori nant'à un tema sceltu.

U cuntrastu : Cantu prufanu cantatu quand'è ci sò e lite trà un omu è una donna u più spessu.

A morra : ( Iè, hè dinù cunsideratu cum'un cantu ). Un cantu "ghjucatu".

Senza scurdà :

A paghjella : Cantu populare à 3 voce.

U terzettu : U mutivu pueticu hè più prisente ch'ind'è a paghjella è a struttura di i canti hè versificata incù 3 strufate.

U madrigale : Cantu pulifunicu spessu amurosu. A tecnica vucale deve esse ancu di più maneghjata ch'è a paghjella.

I canti ghjesali : Canti di messe. Ponu esse pè i vivi ò pè i morti. Canti per a settimana santa, canti di a prucezzione è dinù u diu vi salvi regina.

Eccu m'amichi. Fora di e canzone corse "nurmale" diceraghju, chi si mettenu ind'è "Videò culturale" , puderete mette quì, videò di cantu tradiziunale.

Avà ch'e ammaestremu bè a paghjella (sei versi in ottosilabbe), vi prupongu l'eserciziu di scrive terzetti. Un pocu più cumplicatu. Cosa ne pinsate ?

**Cocolitoferidea** 21/05/12, 02:16 pm

Esempiu :

Terzettu

Nun ti scurdà di mè, benchè luntanu,
Abbie cumpassionne di un infelice
Ch’eo vogu chjamendu da colle al pianu.

Duve si ? duve stai ? duve domori ?
Idulu del mio core, Nice si bella ?
A tante pene perche nu u succori ?

Sò persuasu ch’e tù ùn serai più quella
Avrai forse cambiatu di novu amore
A la fonte d’amore, Diana stella.

Sè piu ci pensu e piu mi cresce lu male
Sò qui per ditti a mio passione
Ch’eo sempre sinceru e liberale
Qui ripongu la penna e il calamaru.

Tradiziunale
Canta u populu corsu

Quessu, ùn hè di mè, ma pensu pudè fànne unu cusì.

**U Palatinu** 21/05/12, 03:36 pm

Ùn capiscu nunda in u sistema di l'alternenza di e rime.

**Ghjù** 21/05/12, 04:38 pm

E rime facenu :

1
2
1

3
4
3

Ecc.. Mi capisci ? Eiu sò d'accunsentu, possu pruvà. Ma ùn ti prumettu micca qualcosa di maravigliosu U cantu tradiziunale corsu - Page 4 809326

**U Palatinu** 21/05/12, 05:59 pm

Capiscu, ma mi pare irregulare. Forse troppu per mè.

**Ghjù** 21/05/12, 06:36 pm

capiscu.. Pruveraghju quantunque eiu. Mi dò sin'à u 31 di maghju !

**U Palatinu** 21/05/12, 07:18 pm

Rimarcherai ch'ella ùn hà datu data.

**Ghjù** 21/05/12, 07:43 pm

L'aghju rimarcatu. Ma ghjè una sfida ch'o mi lampu solu diceraghju..

**U Palatinu** 21/05/12, 07:50 pm

Hè una sfida cumplicata, perchè, aldilà di l'assenza di sughjettu precisu, ùn ci hè micca una forma precisa, mi pare.

**U Palatinu** 22/05/12, 07:16 am

Terzettu

Pienghje a mio mente, è u mio core
U crudellu ventu, quì sì scatena
Lampendu contr'à mè, tutt'u so furore.

A sperenza hè morta, ma socu vivu
Puru tuttu svenatu, à l'agunia
Di u fiatu sacratu, eiu sò privu.

Cusì amare hè, a nostra via
L'umanità hè un ceppu furtivu
Chì campa cusì pocu in allegria.

Sò murtulitu, senza nisun succorsu
Sì sò svanite quelle mio forze
Singhjozza u me core senza nisun sperenza
Quì sì compia u cantu, di tutt'una vita.

Francesco 22/05/12, 07:21 am

U Palatinu a écrit:Ùn capiscu nunda in u sistema di l'alternenza di e rime.

A me piacenu e rime irregulari.

**U Palatinu** 22/05/12, 07:22 am

Allora, ti piacerà u terzettu.

Francesco 22/05/12, 07:29 am

L'ai detta, infatti mi piace.

**Ghjù** 22/05/12, 01:08 pm

U Palatinu a écrit:Terzettu

Pienghje a mio mente, è u mio core
U crudellu ventu, quì sì scatena
Lampendu contr'à mè, tutt'u so furore.

A sperenza hè morta, ma socu vivu
Puru tuttu svenatu, à l'agunia
Di u fiatu sacratu, eiu sò privu.

Cusì amare hè, a nostra via
L'umanità hè un ceppu furtivu
Chì campa cusì pocu in allegria.

Sò murtulitu, senza nisun succorsu
Sì sò svanite quelle mio forze
Singhjozza u me core senza nisun sperenza
Quì sì compia u cantu, di tutt'una vita.

Hè u toiu, u terzettu ?
Vedi chi ùn hè micca cusì cumplicatu. Mi piace ! U cantu tradiziunale corsu - Page 4 90558

**Cocolitoferidea** 22/05/12, 03:41 pm

Si vultatu dipressivu o Palatì ?

**U Palatinu** 23/05/12, 06:04 am

Innò. Manc'appena, ti poi rassicurà.

Contenu sponsorisé