Re: U cantu tradiziunale corsu

Francesco le 23/05/12, 01:52 pm

Cocolitoferidea a écrit:Si vultatu dipressivu o Palatì ?

Spergu ch'è innò... U cantu tradiziunale corsu - Page 5 809326

**Ghjù** le 23/05/12, 09:02 pm

Ma innò, ùn hè micca vultatu cusì U cantu tradiziunale corsu - Page 5 755753

**U Palatinu** le 25/05/12, 06:52 am

Cuncernendu u terzettu, mi pare oghje chì cio ch'aghju fattu quì ùn ne era unu.
Da veru, è a mi l'hà dettu un omu chì ci cunosce di più ch'e mè, ùn hè micca quessa a struttura di u terzettu.

i terzetti sò scritti annant'à ondeci pedi chì rimanu annant'à u decesimu
a
esempiu:

ùn-ti-scur-dà-di-mè-ben-chè-lun-ta-nu

per e rime :

A
B
A

B
C
B

C
D
C

D
F
D

eccu ;)

Francesco le 25/05/12, 07:18 am

Vivamente un esempiu, grazie. U cantu tradiziunale corsu - Page 5 749848

**Cocolitoferidea** le 26/05/12, 07:33 am

Un esempiu ?
È què, allora ?

Cocolitoferidea a écrit:Esempiu :

Terzettu

Nun ti scurdà di mè, benchè luntanu,
Abbie cumpassionne di un infelice
Ch’eo vogu chjamendu da colle al pianu.

Duve si ? duve stai ? duve domori ?
Idulu del mio core, Nice si bella ?
A tante pene perche nu u succori ?

Sò persuasu ch’e tù ùn serai più quella
Avrai forse cambiatu di novu amore
A la fonte d’amore, Diana stella.

Sè piu ci pensu e piu mi cresce lu male
Sò qui per ditti a mio passione
Ch’eo sempre sinceru e liberale
Qui ripongu la penna e il calamaru.

Tradiziunale
Canta u populu corsu

Quessu, ùn hè di mè, ma pensu pudè fànne unu cusì.

Francesco le 26/05/12, 08:49 am

Ehm... un altru? U cantu tradiziunale corsu - Page 5 749848

**U Palatinu** le 26/05/12, 01:05 pm

Per un altru, ci vurria à lasciàmmi u tempu di scrivellu.

**Cocolitoferidea** le 27/05/12, 04:41 pm

Abbisogna quantunque rime ricche.
Hè una sfida difficiule.

**Cocolitoferidea** le 27/05/12, 05:01 pm

Aghju principiatu à trasfurmàllu :

Pienghje a mio mente, è u mio core
U crudellu ventu s'hè scatenatu
Lampendummi tutt'u so abbrucore.

U speme hè mortu, esterminatu
Di u fiatu sacratu, ne sò privu
Sò à l'agunia, tuttu svenatu

Si n'hè spentu custì, u mio abbrivu
Davanti à l'inumana falsità
Chì sempre ghjunghje à u so arrivu

Sò murtulitu, senza nisun succorsu
Sì sò svanite quelle mio forze
Singhjozza u me core senza nisun sperenza

**Ghjù** le 27/05/12, 09:04 pm

Bella dinù ! U cantu tradiziunale corsu - Page 5 90558

**U Palatinu** le 28/05/12, 06:38 am

Ghjù a écrit:Bella dinù !

Megliu ch'e a meia.

**U Palatinu** le 28/05/12, 06:44 am

È l'aghju compiu eiu, cara principessa :

Pienghje a mio mente, è u mio core
U crudellu ventu s'hè scatenatu
Lampendummi tutt'u so abbrucore.

U speme hè mortu, esterminatu
Di u fiatu sacratu, ne sò privu
Sò à l'agunia, tuttu svenatu.

Si n'hè spentu custì, u mio abbrivu
Davanti à l'inumana falsità
Chì sempre ghjunghje à u so arrivu.

Murtulitu da a velenosità
A mio anima in u so filacore
Campa sempre in a tenebrusità.

Francesco le 28/05/12, 07:33 am

Belli tramindui.

Ma parenu scritti da Ribellu Arrabiatu. U cantu tradiziunale corsu - Page 5 346571

**Ghjù** le 28/05/12, 07:58 am

Bella, ai bè adupratu e rime per questa quì !

**U Palatinu** le 28/05/12, 08:44 am

À dui, l'avemu fattu, stu terzettu.

**Ghjù** le 28/05/12, 09:02 am

Bravu à voi dui !

Tocc'à noi altri avà

**U Palatinu** le 28/05/12, 06:30 pm

Fà cum'e tù a senti, sopra tuttu.

**Ghjù** le 28/05/12, 08:11 pm

I sughjetti l'aghju, basta solu à mettelli in rime. È à truvà u tempu dinù

**Cocolitoferidea** le 29/05/12, 06:04 am

Allora bon curraghju, è focu in ceppu.

Francesco le 29/05/12, 01:36 pm

Ghjù a écrit:Bravu à voi dui !

Tocc'à noi altri avà

noi altri?? 0159

U cantu tradiziunale corsu - Page 5 69557

Pisticcinu le 29/05/12, 03:59 pm

Eiu per quessa so una zucca ...

**Ghjù** le 29/05/12, 09:01 pm

Ùn sì micca u solu, ma ci vole un principiu à tuttu.

Francesco le 30/05/12, 10:03 am

Cu u tempu, ci provu, ma socu una scarpa. U cantu tradiziunale corsu - Page 5 39542

**U Palatinu** le 30/05/12, 06:46 pm

Quantu vi svalurisete, tutti !

Pisticcinu le 30/05/12, 07:28 pm

Eiu dicu a verità ! A chi nasce sumere un diventa cavallu haha ! Aghju pruvatu ma facciu male ..

Contenu sponsorisé