Re: Sfida Aprile-Maghju

[Ghjù]

Aè multifincu è Calabracciu avà Pruvate à fà qualcosa s'è u tempu l'avete

[Cocolitoferidea]

Grazie. Grazie à tutti.

[Francesco]

Ci he' sempre un tempu,

Un tempu per nasce
un tempu per more

un tempu per ave'
un tempu per dona'

un tempu per abraccia'
un tempu per trattene un abracciu

un tempu per vindicassi
un tempu per perduna'

ava', per me', 'un ci he' piu' tempu.


Fine di a mo "trilugia di l'addisperu"

[Cocolitoferidea]

È compii in delizia !

[Ghjù]

Ai u tempu pè rigalàcci di e to puesie !

[Cocolitoferidea]

U vechju Miclù Mlirìn fighjulava pensosu per a finestra di u so casone di a cità di Delhi. Era una bella casa ch'e a soia, pagata incù i soldi arrecati da i so amichi di l'opposizione, ma ùn era a so cità. A so cità, quella in a quale era veramente ellu, si chjamava Dankian, è ùn era micca in India, ma in u so vechju paese di u Gonong. U Gonong in u quale ùn pudia più vultà, essendu statu cundamnatu à a morte per contumace.
Ma cosa valie a so vita ? Più nunda à contu soiu. Era un esiliatu, un esiliatu di 77 anni, un anzianu revoluziunariu, un anzianu indipendentistu, un anzianu ministru, quandu u Gonong era sempre una democrazia, è oghje, in u 1978, ùn era più nunda. Solu un ombra fra l'ombre.


Si ricordava. Si ricordava di a so ghjuventù ardente, quandu u populu muntagnolu di u Gonong si pisò per luttà contr'à l'occupante britannicu. Si ricordava di i cumbattimenti feroce chì principionu in l'anni trente per compiessi in u 1949 da a vittoria di u populu gonongaiu, è a scunfitta britannica. Tandu tenia dighjà 48 anni, ma li paria d'esse ghjovannu, d'esse un lione.
Era statu unu di i capi di a rivuluzione, è ancu s'e u so rollu ùn era micca statu u più impurtante di tutti, avia actatu.
Era statu fattu Ministru, Ministru di u Cummerciu. Una posizione assai interessante per pudè ghjuvà à u bène cummunu di u paese, per fà cresce a so ricchezza è fà cunosce u sapè-fà di Gonong in u mondu sanu. Un cornu !

Pianu pianu, a corruzzione avia pigliatu a suprana è l'anziani capi rivuluziunariu eranu duvintati troppu invidiosi, immerzendussi d'una manera perversa ch'ellu ùn avia vistu vene. Quelli chì pruvavanu di resiste eranu subitu scartati, è u vechju Miclù Mlirin pinsava à i so amichi, lampati fora di u paese, esiliati, sia in URSS, sia in Australia, o sia, cume ellu, in India. Micca in China, chì a China appughjava u novu putere curottu di Ceng Gorzù, l'anzianu capu rivuluziunariu cusì valorosu, divintatu dittattore.

A so vita sana era duvintata amarezza. Qualchi anni dopu, fù lampatu, senza nisun spiegazione, in campu di riiducazione duv'ellu ùn firmò ch'e qualchi mesi. U dittattore, cuscentu di a so popularità, preferì esiliàllu in India, à u luntanu, in u casu duve ne averia torna bisognu.

Avia campatu anni è anni in esiliu, sperendu un ritornu in un Gonong appaciatu, fin'à u 1967, quandu u capu di l'armata, Zing Merlan, l'avia fattu chjamà per mette in ballu un novu reghjime puliticu, dimucraticu. Miclù Mlirin, sempre bramosu di travaglià per u bè di u so paese, era vultatu, senza teme a morte. Ma Zing Merlan era statu assassinatu, è u putere era vultatu sempre di più pudente, mentre ch'e i so ultimi amichi firmati l'aiutavanu à fughje, per a seconda volta, in India.

[Compiu]

È vi site piantati quì ?

[Contenu sponsorisé]