Re: Sfida Aprile-Maghju

**Ghjù** 26/04/12, 02:10 pm

U Palatinu a écrit:A sfida mi pare riempiita bene. Ti feliciteghju, non solu perchè ci ai riflettitu, ma dinù per u to scrittu ellu stessu. Mancu una parola di troppu, è si risente bènissimu l'emuzione.
A frasa di Miclù Mlirin hè stata illustrata d'una manera ch'ùn averia rinegata u vechju revoluziunariu gonongaiu.

Hè ciò ch'o vulia fàvvi risente, l'emuzione d'un vechjarellu, ch'ùn ricunnosce più à so terra.
Ti ringraziu ! Sfida Aprile-Maghju - Page 2 809326

**Cocolitoferidea** 27/04/12, 08:16 am

Sfida riescita o Ghjù ! Sfida Aprile-Maghju - Page 2 5831

Francesco 27/04/12, 11:49 am

Ma bravu Ghju'!!

**Ghjù** 27/04/12, 03:59 pm

**Cocolitoferidea** 04/05/12, 06:53 am

Avà, tocca à l'altri (è à mè dinù).

**U Palatinu** 04/05/12, 12:25 pm

È tutti l'altri dinù.

**Ghjù** 04/05/12, 02:26 pm

s'o l'aghju fattu eiu, pudete fàlla voi dinù Sfida Aprile-Maghju - Page 2 809326

**Cocolitoferidea** 06/05/12, 08:17 am

Ùn t'inchieta. Aghj'à fà qualcosa.

**Ghjù** 06/05/12, 01:31 pm

Ùn m'inchietu micca per tè Sfida Aprile-Maghju - Page 2 755753

Francesco 07/05/12, 07:28 am

Eiu m'inchjetu per... mè! Sfida Aprile-Maghju - Page 2 809326

**Ghjù** 07/05/12, 09:23 am

Ne ai sempre fattu, perchè chi per quessa ùn ci accaderii ?

Francesco 07/05/12, 12:08 pm

U tempu si ne fughje
u corpu s'invechja
ùn aghju più sognii
ùn aghju più sperenze
solamente u mo spiritu
solamente i me vizii
firmanu ghjovani...

Sfida Aprile-Maghju - Page 2 809326

**Ghjù** 07/05/12, 03:02 pm

Eccu la ! vedi !
Bella, è sopratuttu ind'è u tema

**Cocolitoferidea** 08/05/12, 08:11 am

Vedi chì ci ghjunghji ! Sfida Aprile-Maghju - Page 2 3340

Francesco 09/05/12, 11:14 am

U brionu di l'omu chì va more

U mio ghjornu s'avvicina
prestu seraghju nanzu à te, mio Diu

Incù tutte e mo colpe
Incù tutti i me peccati

Ne renderaghju contu...
Ma tu? Se' tu nucente?

Simu noi chì emu fattu u
mondu à nostra immagine

O' se' tu, mio Signore,
chi l'ai fattu à toia?

**Cocolitoferidea** 09/05/12, 01:11 pm

Si mutivatu.

**Ghjù** 09/05/12, 03:33 pm

Un altra ! Un altra ! Un altra ! Un altra ! Sfida Aprile-Maghju - Page 2 893483

**U Palatinu** 10/05/12, 07:28 am

Ti sbroglii bè o Francè.

**Cocolitoferidea** 11/05/12, 09:28 am

U vechju Miclù Mlirìn fighjulava pensosu per a finestra di u so casone di a cità di Delhi. Era una bella casa ch'e a soia, pagata incù i soldi arrecati da i so amichi di l'opposizione, ma ùn era a so cità. A so cità, quella in a quale era veramente ellu, si chjamava Dankian, è ùn era micca in India, ma in u so vechju paese di u Gonong. U Gonong in u quale ùn pudia più vultà, essendu statu cundamnatu à a morte per contumace.
Ma cosa valie a so vita ? Più nunda à contu soiu. Era un esiliatu, un esiliatu di 77 anni, un anzianu revoluziunariu, un anzianu indipendentistu, un anzianu ministru, quandu u Gonong era sempre una democrazia, è oghje, in u 1978, ùn era più nunda. Solu un ombra fra l'ombre.

Si ricordava. Si ricordava di a so ghjuventù ardente, quandu u populu muntagnolu di u Gonong si pisò per luttà contr'à l'occupante britannicu. Si ricordava di i cumbattimenti feroce chì principionu in l'anni trente per compiessi in u 1949 da a vittoria di u populu gonongaiu, è a scunfitta britannica. Tandu tenia dighjà 48 anni, ma li paria d'esse ghjovannu, d'esse un lione.
Era statu unu di i capi di a rivuluzione, è ancu s'e u so rollu ùn era micca statu u più impurtante di tutti, avia actatu.
Era statu fattu Ministru, Ministru di u Cummerciu. Una posizione assai interessante per pudè ghjuvà à u bène cummunu di u paese, per fà cresce a so ricchezza è fà cunosce u sapè-fà di Gonong in u mondu sanu. Un cornu !

Pianu pianu, a corruzzione avia pigliatu a suprana è l'anziani capi rivuluziunariu eranu duvintati troppu invidiosi, immerzendussi d'una manera perversa ch'ellu ùn avia vistu vene. Quelli chì pruvavanu di resiste eranu subitu scartati, è u vechju Miclù Mlirin pinsava à i so amichi, lampati fora di u paese, esiliati, sia in URSS, sia in Australia, o sia, cume ellu, in India. Micca in China, chì a China appughjava u novu putere curottu di Ceng Gorzù, l'anzianu capu rivuluziunariu cusì valorosu, divintatu dittattore.

Francesco 11/05/12, 09:54 am

Interessante sintesi. Sfida Aprile-Maghju - Page 2 749848

**Cocolitoferidea** 11/05/12, 11:02 am

Grazie, ma ùn hè compiu.

**Ghjù** 11/05/12, 01:28 pm

Bellu !
Aspettemu à to seguita.

**Cocolitoferidea** 11/05/12, 01:52 pm

Grazie assai à voi. Aghju pruvatu di ripiglià u primu tema nant'à Miclù Mlirin per vede cosa ne pudia fà.

**Ghjù** 11/05/12, 09:22 pm

Mi pare ch'è tù l'ai riesciuta per u mumentu, a sfida. Sfida Aprile-Maghju - Page 2 755753

**U Palatinu** 12/05/12, 07:12 am

Grazie cara Cocolitò !

Contenu sponsorisé