Re: altra pruposta.

**U Palatinu** 22/02/12, 06:52 pm

Salutu, cume si deve, sta prima puesia o Ghjù. Forse l'ai scrittu prestu, ma u stintu pueticu hè dighjà prisente.

**Ghjù** 22/02/12, 07:04 pm

Ti ringraziu. Pruveraghju di fànne un' altra nanzu à fine di marzu. Videremu s'e no' stemu nant'à 'ssu sughjettu ò s'e no' u cambiemu quandu tutt'u mondu averà scrittu a so puesia.

Francesco 23/02/12, 02:53 pm

Ma bravu Ghjù, i to prugressi so rapidi! altra pruposta. - Page 3 628659

**Cocolitoferidea** 23/02/12, 03:50 pm

Mi piacenu e vostre puesie. Chì cibu !

**U Palatinu** 27/02/12, 06:35 pm

A mio cuntribuzione persunale :

U cantu di a natura
Risplende quante u sole
U muscu di l’aria pura
Pare mille farandole
L’esse si face altura
S’esaltanu e parole.

Ballanu milli culori
Creandu un armunia
Un ghjuvellu di savori
Curunatu sinfunia
Una mansa di splendori
Divina cosmogunia.

U ventu hè un incantu
Casone di puesia
Chì vole stridà u vantu
D’un mondu di fantesia
È cun curraghju tamantu
Sublimà a parusia.

U mare hè un imperu
Grande hè a so putenza
Signore ghjustu sinceru
Carcu di magnificenza
U più grande messageru
Sparghjendu beneficenza.

U fiume hè un ardore
Chì trionfa di a morte
Arcanu viaghjatore
Chì franca tutte e porte
Simbolu caru d’amore
A to essenza hè forte.

A furesta maestosa
Ci rigala prutezzione
A so aura altosa
Face nasce emuzione
D’una manera untosa
Quasi quante perfezzione.

Tal’un diu hè u monte
Cù u so capu bianchitu
Pare sfidà l’orizonte
Cun putere infinitu
Fendu nasce tante fonte
Da u so fiancu fervitu.

Bellu hè u nostru mondu
I so chjassi naturali
Da a cima à u fondu
Hè tuttu un festivali
Di tesori hè fecondu
Di piaceri immurtali.

**Ghjù** 27/02/12, 07:14 pm

Ai piazzatu a barra abbastanza alta.

**U Palatinu** 27/02/12, 07:28 pm

Ti ringraziu.
Eiu, ùn ci vecu ch'e qualche rime abituale, incù sempre u stessu stilu.

Viderai s'e tu cuntinueghji à scrive puesie : dopu à un certu tempu, tutte e to puesie risicheghjanu d'assumigliàssi assai tra d'elle. Forse micca, ma à mè, hè u mio casu.

**Ghjù** 27/02/12, 08:53 pm

Ciò chi mi surprende u più, è a to ricerca di e parulle

**U Palatinu** 27/02/12, 08:54 pm

Iè ?
Per esempiu ?

Francesco 28/02/12, 08:39 am

Ghjù a écrit:Ciò chi mi surprende u più, è a to ricerca di e parulle

So d'accunsentu, ci so parolle chì parenu talianu anticu:

Arcanu

**U Palatinu** 28/02/12, 08:40 am

Ah iè ?
È quale, per esempiu ?

Francesco 28/02/12, 08:45 am

Per esempiu Arcanu, divina cosmugonia, Sublimà

**U Palatinu** 28/02/12, 08:45 am

Ah iè ?
Puru mi pare ch'ella si dice in corsu dinù.

Francesco 28/02/12, 08:47 am

U Palatinu a écrit:Ah iè ?
Puru mi pare ch'ella si dice in corsu dinù.

Di sicuru, certe hè raru (ancu in talianu).

**Ghjù** 01/03/12, 07:16 pm

Certe di e to parulle, sò parulle ch'ùn so abituale a sente, mancu in francese certe volte. Hè ciò ch'o vulia dì

**U Palatinu** 01/03/12, 07:19 pm

In puesia, si dicenu cose ch'ùn si dicenu micca in a vita cutidiane. altra pruposta. - Page 3 346571

**Ghjù** 01/03/12, 07:20 pm

Più và, è più u rimarcu

**U Palatinu** 01/03/12, 07:24 pm

Ti ramentu à què :

U Palatinu a écrit:Ma cosa hè a puesia ?

A musicalità di e parole
A dulcezza di e sunurità
U sonniu stampatu
Una pinsata fatta foglia
Un mondu chì nasce
A ballata di e lettere
U spiritu chì s'infiara
Un anima chì vola

Cosa puderia esse a puesia ?

Per mè, a puesia hè tuttu què, è ancu più ch'e què, cume un muscu indefinissabile di magia in un mondu umanu troppu ternu.
Per quessa, a puesia ùn deve micca avè a paura d'ùn avè sensu vedevulu. Ùn deve avè a paura d'invintà parole nove. A puesia veramente libera ùn ha sensu ch'e quellu di fà nasce sintimi altissimi d'una sublimazione di l'essare, in a mente di u scrittore è di u lettore. Pocu imprema u sensu. Pocu impremanu e parole. Solu contanu i sintimi.

Di sicuru, ùn possu pritende à esse pueta, ma pensu quantunque d'avè a raghjone in a mio definizione di a puesia. Cosa ne pinsate ?
Aspettu a vostra risposta.

**Ghjù** 03/03/12, 02:19 pm

Iè mi ne ramentu ! altra pruposta. - Page 3 755753

Hè vera chi a to significazione di a puesia, avà ch'o ne aghju fattu una è chi spergu ne feraghju d'altre, hè più chè vera

**U Palatinu** 03/03/12, 03:42 pm

Ti ne ringraziu.

**Ghjù** 03/03/12, 04:13 pm

Avà, attachemu u mese di marzu è un cuncorsu nant'à a natura è sempre facevule pè quelli chi ùn ne anu micca fattu per avà. Ò per quelli chi vulerianu scambiàlla, a so puesia.

**U Palatinu** 03/03/12, 04:16 pm

Di tutte manere, s'hà da vutà, micca per una personna, ma per un opera. Cosa chì vole dì chì una persona pò scrive cuntribuzione, nò ?

Culunellu di Vinciguerra 03/03/12, 07:06 pm

Scriveraghju una piccula puesia di forma "paghjella", ma ùn mi dumandate micca di più, chì eiu e rime...

**U Palatinu** 04/03/12, 07:33 am

A scelta t'appartene.

Francesco 04/03/12, 01:02 pm

Aspettu dinu' a to puisia o' Carlos.

Contenu sponsorisé

Cuncorsu di puesie ogni mesi