Re: altra pruposta.

**U Palatinu** le 23/03/12, 04:13 pm

Una puesia in rima libera, a vi scrivu subitu :

O poghju carcu di machja
Sparghji a beneficenza
Si canta u to silenziu
Per ùn sveglià e to fate
Sott'à un celu d'inguernu
Chì esalta a putenza.

Ind'è tè mi sò piantatu
Cume in meditazione
È vistu u to incantu
Essenza di a natura
Un picculu fiumicellu
Quì per annacquà i scoglii.

**Ghjù** le 23/03/12, 04:43 pm

Ancu s'o ùn sò micca fanàticu di e rime libere, a trovu propriu bella !

**U Palatinu** le 23/03/12, 04:55 pm

Belle què ?
Mi dumandu s'e a parola "ordinaria" ùn hè micca dighjà troppu elogiosa !

**Ghjù** le 23/03/12, 05:26 pm

Tutta in simplicità ! ordinaria, ma cusì "linda" diceraghju

Francesco le 25/03/12, 09:38 am

Linda he' dighja' una parolla puetica. (esiste dinu' in talianu ma he' assai pocu aduprata)

Linda he' dinu' un nome feminile.

**U Palatinu** le 25/03/12, 09:39 am

L'ai detta.

**Ghjù** le 25/03/12, 01:03 pm

Allora, ùn site d'accunsentu cun mè ? altra pruposta. - Page 5 321119

**U Palatinu** le 25/03/12, 05:08 pm

U to cumpiimentu mi face piacè, ma à mè mi pare una puesia "ordinaria".

**Ghjù** le 25/03/12, 05:11 pm

Allora, hè ch'o sò veramente un principiante ind'è e puesie ! altra pruposta. - Page 5 809326

**U Palatinu** le 25/03/12, 05:15 pm

Eiu dinù.

**Cocolitoferidea** le 27/03/12, 06:08 am

S'avvicina u termine di u cuncorsu.

**U Palatinu** le 27/03/12, 08:04 am

Fora di Carlos, avemu tutti tenuti a nostra prumessa.

Francesco le 27/03/12, 09:46 am

Carlos hè un "politicu"... altra pruposta. - Page 5 809326

**Ghjù** le 27/03/12, 01:00 pm

Ferma più ch'e 4 ghjorni, ha torna u tempu altra pruposta. - Page 5 755753

**U Palatinu** le 27/03/12, 07:04 pm

Pocu.

**Cocolitoferidea** le 01/04/12, 12:14 pm

Bon.
Avà hè compiu.
Femu l'elezzione ?

**Ghjù** le 01/04/12, 01:46 pm

Va bè, principiu eiu . A vi dicu a mo risposta quì, direttamente, cusì serà fattu.

Natura divina di u palatinu, è cocolitò m'ha piaciuta assai, era bè in u tema è he ciò ch'o ricercava eiu.
Veranu di Francesco, in rima libera, stessa cosa pè quella di u palatinu, ùn sò fanàticu di stu gennaru di puesia, ma e vostre m'anu piaciute, ùn mi dumandate u perchè, ùn saperaghju micca cosa possu risponde.
Quella ch'ha fattu u palatinu solu, era pè mè, a un livellu sopra, francamente.
È pè finì, quella di u culunè, corta, ma veramente bella merita à so piazza trà tutte ste belle puesie !

Dunque, ùn pensu micca ch'o vi facciu una surpresa dicenduvvi lu, ma votu pè quella di u palatinu.

**U Palatinu** le 01/04/12, 04:39 pm

U Palatinu a écrit:A mio cuntribuzione persunale :

U cantu di a natura
Risplende quante u sole
U muscu di l’aria pura
Pare mille farandole
L’esse si face altura
S’esaltanu e parole.

Ballanu milli culori
Creandu un armunia
Un ghjuvellu di savori
Curunatu sinfunia
Una mansa di splendori
Divina cosmogunia.

U ventu hè un incantu
Casone di puesia
Chì vole stridà u vantu
D’un mondu di fantesia
È cun curraghju tamantu
Sublimà a parusia.

U mare hè un imperu
Grande hè a so putenza
Signore ghjustu sinceru
Carcu di magnificenza
U più grande messageru
Sparghjendu beneficenza.

U fiume hè un ardore
Chì trionfa di a morte
Arcanu viaghjatore
Chì franca tutte e porte
Simbolu caru d’amore
A to essenza hè forte.

A furesta maestosa
Ci rigala prutezzione
A so aura altosa
Face nasce emuzione
D’una manera untosa
Quasi quante perfezzione.

Tal’un diu hè u monte
Cù u so capu bianchitu
Pare sfidà l’orizonte
Cun putere infinitu
Fendu nasce tante fonte
Da u so fiancu fervitu.

Bellu hè u nostru mondu
I so chjassi naturali
Da a cima à u fondu
Hè tuttu un festivali
Di tesori hè fecondu
Di piaceri immurtali.

Ti ringraziu di a to scelta, ma s'o mi possu permette o Ghjù, s'e tù faci allusione à quessa culà, ti ramentu ch'e l'aghju ritiratu di a cumpetizione.

**Ghjù** le 01/04/12, 04:53 pm

Hè vera ! allora ritirgu u mo votu.
Sceltu difficiule avà.

Compiu le 02/04/12, 07:07 am

Perchè d'ùn fà micca un votu nant'à un modu "sondage" ?

**Ghjù** le 02/04/12, 09:57 am

Hè fattu ! altra pruposta. - Page 5 809326

Contenu sponsorisé

Cuncorsu di puesie ogni mesi