U mostru di Bormali

Page 1 sur 3 1, 2, 3  Suivant

Aller en bas

U mostru di Bormali

Message  U Palatinu le 25/10/12, 05:40 am

Prima di tuttu, lasciatemmi spiegà cosa hè sta storia.

Certi si ne ricorderanu podasse, ma era nant'à Mirvella. Ùn hè mancu d'avà ne di l'annu passatu, era più anzianu.

Era un principiu di storia scritta in francese da "Ghjuvan-Filici". Era, cum'ellu a dicia ellu, un pezzu incompiu di storia da a quale ùn sapia micca troppu cosa fà, è ci invitava à perseguitàlla.
Subitu dopu, d'altre personne anu participatu, scrivendu qualchi pezzi di testi. Anc'eiu, tandu, aviu participatu, in corsu o in francese.

À a fine, aghju, incù l'accunsentu di tutti l'autori, ripigliatu tuttu. Aghju tuttu scrittu in lingua corsa, aghju riscrittu tuttu è armunizatu tuttu.

Per disgrazia, u racontu hè sempre incompiu, ma què, s'e qualchissia vole cumplettà...



TANDU VOLE FÀ UN GRAN RINGRAZIAMENTU À :

  • GHJUVAN-FILICI
  • PIRATELLA
  • MINCCHJUDARGENTTU


Grazie à voi trè d'avè scrittu, d'avè participatu, è d'avèmmi datu l'autorisazione di ripiglià.
Grazie mille.



Ma avà, basta e chjachjare, è eccu u testu ch'e avemu scritti à quattru.
Per a prima volta, resu publicu.

U MOSTRU DI BORMALI

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 25/10/12, 05:40 am

« Ùn ne devi parlà ! Ùn devi dì nunda ! Ùn u poi cuntà ! Per pietà ! À u nome di Cristu Santu ! Ùn u conti mai ! »
Tale eranu e parole di u mio amicu Paulu Zinfironi quand’ellu amparò ch’o avia decisu di scrive stu libru, di stampà nant’à un fogliu tuttu cio ch’o sapia, ch’o sapia, ch’o avia amparatu, nant’à u mostru di Bormali. Ne avia a paura, quante noi tutti.
Malgratu ch’ellu sia statu vintu, Paulu avia sempre a paura ch’ellu vultessi un ghjornu à a vita, è ch’ellu perseguitessi a so opera infernale di morte. Paulu avia a paura chì u stintu diavulescu chì ammarciscia sta terra maladetta ripigliessi fiatu per suminà, una volta di più, u tarrore. Paulu avia a paura. Ma ùn era u solu, chì paura, l’avia anc’eiu, quant’e tutti quelli chì eranu stati testimonii invuluntarii di cio chì era accadutu quallà. È malgratu tutti l’anni scorsi, malgratu tutta l’incertezza chì firmava sempre in giru à l’abbenimenti ch’e aviamu vistu incù i nostri ochji, senza mai sapè s’e sunniavamu o micca, a paura ella, era vera. Avia avvelenatu i nostri cori, è sempre, malgratu i nostri sforzi per ùn pensàcci, rivenia in noi quandu falava a notte sopr’à e nostre mente.
Ma tutti ùn aviamu micca reagitu di a stessa manera. S’e Paulu vulia sminticàssi per u sempre di tuttu cio chì avia u più minimu ligame incù u Mostru di Bormali, è s’e Laura avia cumplettamente scambiatu tuttu in a so vita, eiu, à u cuntrariu, vulia scunghjurà u male parlendu.
Vulia parlà. Vulia scrive, sopra tuttu. Scrive stu libru, fattu di raccolte di tuttu cio ch’elli m’avianu cuntatu l’anziani di i paesi di a pieva, di i vechju rapporti d’inchiesta, di u librettu lasciatu da u ghjurnalistu inglese più d’un seculu fà, è pò tuttu cio ch’ellu m’avia dettu u « scemu » ghjustu nanzu di more.
Per scrive stu libru incù testimunianze cusì frammentarie, era statu obligatu di rumanzà. D’ùn mantene ch’e cio chì mi paria u più logicu in u filu di sta storia cusì strasurdinaria, è pò dinù d’invintà qualchi ditaglii, fendu usu di a mio sinsibilità propia, per empie i vioti.

Oghje, più ch’e mai, pensu l’ora ghjunta di parlà. Di svelà à u mondu e raghjone di stu spaventu. D’un periculu tamantu ch’ùn sì pò parà per u sempre. Chì ancu s’e a pieva di Bormali hè duvintata oghje un disertu umanu, u Male ci ferma sempre, è u mio duvere hè di fà schjattà a verità.
Eccu dunque a mio storia.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 25/10/12, 05:40 am

Capitulu 1



E testimunianze e più vechje sò di stu trè di ferraghju di u 1884, in a pieva muntagnola di Bormali, in u paesolu di Teghja.
Mentre chì partianu à l’alba per strisge u campu, dui paisani scuprinu cun spaventu un cadavere umanu tuttu spezzatu. Pigliati d’un tarrore supranu, i dui lavuraghjoli chjamonu subitu tutti quelli di u paesolu pò mandonu un missaghjeru à u Capitanu Ordioni per ch’ellu venessi sopra locu.
U cadavere cusì struppiatu ùn pobbe esse identificatu, è nisun scumparsa umana ùn era accaduta in tuttu u rughjone. Puru, u statu cusì atroce in chì era a spoglia testimuniava d’una suffrenza cusì tarribile chì un atterrimentu durevule pigliò pussessu di u circondu. E ferite ùn parianu micca esse state tagliate da una lama, ma strappate di manera salvatica è ancu strisciula di carre pendianu sopra lochi da i denti d’un animale. Cusì, l’inchiestatori ne cunchjudinu ch’un omu ch’ùn era micca da quì era mortu in questu locu è chì u biastiame l’avia marturiatu dopu mortu.
Prestu, a fandonia pigliò a suprana in tutta a pieva, è in qualchi ghjornu, prestu si parlò d’un magu chì averia dighjà fattu more trè persone è divuratu i disgraziati sanu o in partita. A paura fù tale chì assai abbandunonu i paesoli di Teghja è di Valderone, per prutegge i so zitelli.

A nutizia di l’abbenimentu, è i puttachji chì ne seguitonu, ghjunsenu fin’à Aiacciu, è à un viaghjatore inglese, scrittore è ghjurnalistu, Sir Peter Wright, chì, appassiunatu, scelse di fà a so inchiesta nant’à st’affare cusì scura, appressu à i paesani elli stessi.
Si n’andò dunque in a pieva di Bormali, à chere l’uspitalità, malgratu a so spuzza per i magoni è e puce. Puru ùn era u più difficiule, chì subitu, a cummunicazione si svelò ardua, è sole e so tinte cuniscenza in lingua taliana li permissenu qualchi cuntrastu.
À rombu di circà, si ne ritruvò davanti à a casa d’un aramitu. Ellu si chjamava Ghjuvan-Matteu, ma tutti u cugnumavanu l’Orsu Moru, perchè era maiò, assai forte, è pò dinù per a so pella mora.
A scontra tra u distintu scrittore britannicu è quellu ch’e tutti dicianu mazzeru averia pussutu sembrà strasurdinaria. Puru, aldilà di tutti i preghjudicati ch’elli averianu pussutu tene l’unu versu l’altru casconu à l’affuria quand’ellu s’accertò ch’elli eranu capace di cuntrastà cun amicizia, fin’à parlà si di u so passatu rispettivu.
Ghjuvan-Matteu Safficheli era un autenticu culossu, stazzunaru di passione è di prufessione tenutu da dannatu in tutta a pieva, chì si dicia ch’ellu era umbreticu, zergosu, è sulitariu. S’e Sir Peter ùn li visse nisun caratteru umbreticu o zergosu, u so estru sulitariu ùn era ch’e troppu vedevule postu ch’e a so casa era un anzianu stazzu ch’ellu avia ricevutu d’un ziu pastore.
S’e Ghjuvan Matteu ùn era micca veramente sucievule, ellu avia una zitella unica, Stella-Serena, ch’ellu tenia cara più ch’e tuttu. A sposa era morta ghjovanna d’un male misteriosu pocu nanzu, è ben ch’e u Prete Sulanni avia parlatu di cause naturale, sta morte avia assai cuntribuitu à fà cresce a gattiva riputazione di u stazzunaru, à tal puntu chì certi dicianu ancu ch’ella era ellu à avè la tombu.
Puru, a so figliola sempre campava cun ellu, è sembrava suddisfà si di a so esistenza quasi chjusa.
Escitu da Cambridge, Sir Peter Wright, avia principiatu a so carriera in un picculu ghjurnale lucale chì li avia permessu di fà vede a so penna, è fattu entre in u gloriosu Times duve avia scrittu qualchi anni, scuntrendu cusì fama è successu. Puru, a so carriera carca di sperenze si sfalò quandu, dinunciendu un scandalu finanziariu di manciate cun ligami cun membri influenti di u Parlamentu, fù bruttalmente lampatu fora, è di u Times, è di ogni circuli litterarii è ghjurnalistichi. Cascatu, in pochi tempi, in a miseria, perdendu tuttu cio ch’ellu tenia, ellu scelse senza avè ne a scelta, di scrive in u ghjurnale mensuale Wave, un ghjurnale marginale è cuntestatoriu da chì u capi ridattore, John Werlett, era monda cunisciutu per e so opinione pulitiche anarchiste. Tandu fù lasciatu da a so sposa, Lady Ophelie, assai cunservatriccia, per chì Werlett era l’incarnazione di u male.
Fù cusì chì Werlett u mandò in Corsica, per l’occasione di a rialisazione d’un numaru speziale nant’à stu populu cusì particulare, chì sempre sembrava resiste à u marosu di u tempu.
In u richetu, in l’anzianu stazzu, u ghjurnalistu scoprì ch’ellu ùn avia micca aspettatu u dilettu d’una vita simplice, in armunia incù una natura onnipresente è pacevule. U stazzunaru, cum’ellu u chjamava incapace di pudè prununcià u so nome, era un omu bravu è simplice, ancu puru s’ellu era intelligente assai. U ghjurnalistu ne era propiu incantatu, chì aldilà di a serenità chì esaltava di l’aria è di tuttu u locu, chì li piacia assai, principiava dighjà à sente si un estru per scrive parechji articuli.

Mentre chì Sir Wright durmia, per a prima volta, quasi nant’à a terra, in u stazzu di u stazzunaru, un soffiu aghjacciale è funestu si sparghjia nant’à a pieva sana.
U lindumane, in u paese di Gruscura, si scoprinu dui altri cadaveri, struppiati di spavintosa manera.

Nanzu l’alba, Fernandu Ciapparoni, u pastore, si lasciava u so fratellu, maritatu a vigilia per vultà à i so lochi. Malgratu l’ultimi abbenimenti chì avianu interruritu a Teghja, ogni paesani di Gruscura eranu stati invitati à stu matrimoniu chì seria unu di i più belli di l’annu 1884. Ancu e famiglie nemiche eranu pusate à u stessu tavulinu. A famiglia Ciapparoni, cusì pudente, avia fattu un pranzu strasurdinariu per scunghjurà u spaventu chì s’era ancu impatrunitu di u paese u più grande u più riccu è u più sicuru di a pieva in chì tanti paesani di u circondu s’eranu refugiati di pettu à l’ùltime tragedie. Di fattu, era custruitu u paese sopr’à un scogliu è tuttu ingiratu di teppale à piccu, ch’ùn si pudia micca scalà. Ùn si pudia entre ch’è per a strada ! Cusì, i Gruscuresi godianu di stu doppiu sintimu d’abbundanza è di sicurezza. Fin’à tandu.

Chì sta matina, di bon ora, Fernandu Ciapparoni si ne ricullava à e so bande. Mentre chì parechji dormianu quì o culà in casa per avè troppu betu, Fernandu era ghjà à appruntà u sumeru.
Qualchi minuta dopu, mentre chì in u paese insunulitu regnava sempre una dolce tranquilità, Fernandu, ghjuntu in piazza di u paese, in faccia à a chjesa, scuprì cun stupore è orrore dui corpi dissanguinati in un veru puzzettu di u so sangue.
I dui corpi avianu bracci è ghjambe dicicutati, cum’e da una bestia salvatica, nudi in Cristu, a carne lacerata, carca à simboli sataneschi. Puru, ben ch’e moltu dannighjate, e faccie eranu ricuniscèvule. S’e l’unu era un veru scunisciutu per Fernandu, ellu scuprì cun spaventu è affettu chì l’altru era un amicacciu ch’ellu avia vistu a vigilia, à u matrimoniu, cusì allegru è pienu di vita, cume sempre !
Atterritu, troppu cummosu per risente tristezza, Fernandu rinculò, l’anima sfracellata, senza più sapè pinsà. Fù à stu mumentu chì l’altru, à l’agunia, si misse à parlà. Senza mancu più pudè raghjunà davanti à un abominazione tale chì suprania ogni parola, Fernandu si n’avvicinò per stintu, è l’omu, prima di cappià u so ùltimu suspiru, sussurò : « Lorganella hè a seiesima. Lorganella. »

Qualchi ora dopu, tuttu u paese era à capu di cio chì s’era passatu. A vita paria scorsa in l’ochji d’ognunu è più nimu ùn avia pussutu tene e so pinsate schiette. Tutti eranu spartuti tra l’orrore, a tristezza, è l’ira. S’e nimu ùn era statu capace d’identificà u secondu mortu, u primu era un veru puntellu di a vita paesana è u dulore di a so morte cusì brutta ne era ancu più grande.
Ma dopu à u primu subugliu, u primu affanu, s’azzizzonu e mente è a zerga generale si girò contr’à l’Orsu Moru, stu straniu stazzunaru ch’e tutti pinsavanu mazzeru chì campava solu in a muntagna, senza mai parlà à nimu, è da chì a sposa era morta senza raghjone cusì ghjovana.
I più arrabiati, fra chì era Fernandu pruponianu ancu di mette in ballu una spedizione punitiva per infine, dopu à tant’anni d’impunità, dà à stu tristu sughjettu l’espiazione ch’ellu meritia.
Fernandu, chì era statu u cucinu carnale di a defunta sposa di l’Orsu Moru, era dapoi prima, in brama di vindetta contr’à stu magantulu ch’ùn era mancu cristianu, è ch’ellu avia sempre odiatu.
À rombu di parlà, un picculu gruppu si furmò, in l’assemblea di paesani adduniti nant’à a piazza, è cundutta da Fernandu, ella s’appruntava quasi à inizià un gennaru di caccia à l’omu murtale contr’à quellu ch’elli chjamavanu ormai u mostru di a muntagna.
Per furtuna, ci fù Prete Sulanni, u piuvanu, chì lampò una chjama à a pace è à a raghjone. Ramintendu ch’ùn c’era nisun prova, Prete Sulanni riescì à cunvinche i più arrabiati d’ùn andà arrecà preghjudiziu à un omu forse nucente.
Ma u spaventu ùn era ancu finitu.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 25/10/12, 05:41 am

Capitulu 2


Solu dui ghjorni dopu, pichjò u tarrore ancu più forte ch’è prima. Francescu-Maria, un pasturellu di Valderone, venia solu d’insummà Murina a mula, carca più ch’e à u sòlitu, chì cullava sempre zirzata per u chjassu muntagnolu, fendu rimbumbà i so zocculi ferrati à novu in tutta a muntagna.
Passu per passu avia francatu u puntettu sopra à u castagnettu è dighjà s’appruntava à arruchjà in u caminu sott’à u paese. Croscia tinta, caminava à corricorri è Francescu-Maria pigliava piacè à fighjà la ghjucà si di tutti i tuvoni è i ciottuli, senza pensà una sola seconda à u spaventu di l’ultimi ghjorni, spenseratu per un tempu di cio chì s’assumigliava à qualchi spettri di a notte.
Francata a teppa, Murina venia solu di ghjunghje infine in a rimpianata chì Francescu-Maria fù surpresu di custatà ch’ella s’era piantata, senza nisun raghjone, cum’è petrificata.
Sentendu chì qualcosa ùn era nurmale Francescu-Maria esitò una cria prima di perseguità. L’aria li paria rinfrescata, quasi ghjacciata, cum’è imbulighjata da un muscu di velenu escitu da l’Infernu.
S’era piantata a mula à l’entrata di a girata à u gineparu. Allunghendu u passu per dà li di voce, è malgratu sta strania paura incapisciatoghja chì l’avia presu à u più prufondu di u so esse, Francescu-Maria era impenseritu. A l’incuntrariu di u mulacciu di u babbu, Murina, ella, ùn piantava mai, ch’ella piovi, ch’ella venti, o ancu ch’ellu nevi. Almenu ch’ella ci sia una raghjone ancu più seria.
Avvicinendu si, s’accorgì chì a mula tremava è sguttava à più pudè, arechje incruchjate in daretu, u pelu incrispinitu à più pudè, incù un velu di paura in l’ochji. Impenseritu, u pasturellu s’avvicinò per capì. È pò, ellu passò davanti, è visse. Tuttu. È subitu, un fretu spavintosu si ficcò in a so lisca.

Quandu si ne vultò sola a mula in paese, l’imbastu sott’à u corpu è e fibbie pendicone à mezu à i pedi, i paesani capinu chì una disgrazia era accaduta. Sùbbitu si messe in ballu una squadra per purtà succorsu à u pasturellu. À capu soiu, era Ghjacumantone Zichelli, u babbu. U soffiu cortu è u core arrabbiatu, u vechju pastore cunducì tutti l’omi in a muntagna à la riscossa di u figliolu.
U spiritu in focu, ùn pudia impedisce si di pinsà cun tarrore à l’abbenimenti di l’ultimi ghjorni, è à sti corcii cristiani sfracellati. S’è u primu ùn era micca statu identificatu, u secondu era statu un omu apprezzatu in tuttu u rughjone chì era ancu un parentinu à ellu, è u dulore ne pichjava ch’è più forte.
In tuttu u rughjone, si pensava dinù à sta frasa detta da l’agonizante senza chì nimu ùn ebbi pussutu da a più minima spiegazione. Tutti si dumandavanu cosa vulia dì "Lorganella hè a seiesima".
Marchjendu incù l’altri nant’à i passi di u so figliolu, Ghjacumantone ebbi l’occazione di vede, à u luntanu, l’anzianu stazzu di Ghjuvan-Matteu, u troppu famosu Orsu moru. Videndu sta vechja casa di pastori diventata l’alloghju d’un miscredente, Ghjacumantone ùn pudì reprime u so disgustu.
Fora di u fattu chì l’omu s’era impatrunitu d’un stazzu senza esse pastore, s’arricurdava chì l’avianu vistu di notte in cerca d’erbe in lochi stranii. Si dicia ch’ellu facia messe nere in u campusantu. Tante cose si dicianu nant’à stu furbacciu chì avia assassinatu a so moglia senza ch’è a ghjustizia umana u pudessi chjappà. Era ellu, quellu mostru chì avia sfracellatu tanti cristiani ultimamente.
Ghjacumantone pinsava cun amarezza chì senza u prete, e cose si serianu compie dapoi u principiu è ùn ci serianu micca stati tutti sti morti. U prete pensava cum’è un prete, ma u pastore era cunvintu ch’è l’Orsu moru ùn meritianu nisun cumpassione ne carità. Fù tandu ch’ellu ritruvò u figliolu.
U zitellu era sdraiatu in un fussettu, cume mortu, l’ochji chjosi è a bocca aperta. Tandu, u vechju pastore, imbiancatu, fallò prestu, traversendu d’un colpu u sepalaghju, per raghjunghje u figliolu.
- Hè vivu ! Hè vivu !
Di fattu, fora di qualchi pillicatura senza gravità, ùn era mancu feritu. U so stridu di gioia, increscitu da u ribombu, si fece sente in tutta la muntagna, è ancu aldilà. Mischiendu forza è dilicatezza, pigliò u figliolu in i so bracci è senza aiutu, raghjunse u caminu, pò stallò u figliolu nant’à a mula, è tutti inseme, ripiglionu u caminu di u paese senza ch’è Francescu-Maria ùn’ebbi ripigliatu cuniscenza.
Puru fiscava sempre un ventu di spaventu sopra locu, è ben ch’e stu ventacciu sembressi vulè fà fughje ognunu, un paesanu un pocu più curaghjosu feci qualchi passu di più nant’à u chjassu, è truvò, à una vintina di metri da culà, in un botru, una decina di cadaveri, tutti atrucemente mutilati !

Cinque ore dopu, tutta a pieva era annegata in u tarrore u più neru. A nutizia avia francatu e limite di Valderone, è in ogni locu, si sapia. Dighjà, à mezu voce, si dicia ch’e era torna una malfatta di quellu ch’e tutti chjamavanu u Mostru. Assai eranu cunvinti chì stu Mostru era l’Orsu moru. Vestuta di tarrore, l’ira pupulare briunava, è numarosi eranu quelli pronti à u peghju per fà piantà u spaventu, è sbarazzà si d’un gattivu sughjettu.
Fra tempu, Francescu-Maria, sempre incuscente, fù stallatu in un lettu di a so casa, è in giru à ellu, eranu Ghjacumantone, u so babbu, Ghjuvanna, a so mamma, è Suffia, a so surella.
Quandu Francescu-Maria aprì l’ochji, u so sguardu era quellu d’un scemu chì avia vistu l’orrore senza nome, quella ch’ùn deverianu micca esiste. Un sguardu tarribile à fighjà, sopra tuttu per a famiglia cumossa. Trimulava, ma micca di fretu à u caldu d’un fuccone affucante. Trimulava di tarrore. A so famiglia decise d’un quistiunà lu è d’aspettà ch’ellu pigliessi a parolla, cosa chì accadì pocu dopu camera, quandu Francescu-Maria, a voce infrebbata, stridò prima di riperde cuniscenza.
- U lupu ! L’orsu ! U lupu è l’orsu ! Attenti ! Sò quì ! Simu lecchi. O Lorganella !

In a stanza vicina, ci eranu u prete Sulanni, u piuvanu, u capitanu Ordioni, incaricatu di l’inchiesta è Fernandu Ciapparoni chì, ben ch’e più ghjovanu, era amicu cù u babbu, è perchè ellu era pròpiu in brama di cunosce infine a verità per pudè vindicà infine l’assassinu di a so cucina. Fernandu vulia vede in st’abbenimentu a prova di a culpabilità di l’Orsu moru è si prupunia d’andà subitu à tumbà lu. Prete Sulanni perseguitava à dì ch’ellu ùn ci era nisun prova è ch’ellu seria statu un gran peccatu d’accusà un omu di sta manera. U Capitanu, ellu dinù, vulia aspettà certezze per piglià a decisione, ma dighjà avia sceltu di fà surveglià Ghjuvan-Matteu Safficheli da dui pulizzeri.
In zerga, Fernandu si n’andò, senza scurdà si di dì à i so interlocutori ch’elli eranu cechi è chì serianu culpèvuli di e a morte di e prossime vittime di l’Orsu moru. In rabbia nera è senza mancu salutà u s’amicu, si ne vultò in casa soia. Culà, stallatu à u so descu si ne pigliò un fogliu è una pena per scrive à u vescu.
Ci cuntava l’ultimi abbenimenti è u ligame sicuru incù u stazzonaru diavulescu. Pò cheria l’aiutu di a più alta autorità cristiana, è dumandava ch’e u prete sia scambiatu da un altru, più capace di sbarazzà a pieva di a putenza di u Male. Anni è anni, avia purtatu rispettu à u piuvanu, ma ste circustanze eccezziunale chjamavanu à misure forte.
Fernandu cunchjuse a lettera, pensendu cun ironia ch’ùn c’era quasi nimu à capu ch’ellu sapia leghje è scrive. In tutta a pieva, u pigliavanu per un pastore incultu è baulu, sempre più prontu à fà sente i so pugni, ch’e u so cerbellu. Eranu pochi à sapè ch’ellu avia fattu i so studii in Firenza, duve ne era esciutu incù e felicitazione di i prufessori. È eranu ancu menu à sapè chì s’era fattu pastore per scelta, ma chì era anzituttu un omu alleteratu è coltu, ch’ùn avia nisun lezzione à riceve d’un prete troppu bravu è un militare limitatu ! Ùn avia bisognu di nimu per fà u so duvere di cristianu.
U Capitanu Ordioni si n’andò senza nunda di novu. U zitellu ùn diceria nunda per aiutà lu à fà schjattà a verità. Di sicuru, u corciu era statu più ch’e cumossu da cio ch’ellu avia vistu, Ordioni l’avia capitu bè. U traumatismu era statu troppu impurtante per un zitellu. Ma cosa avia vistu ?
Di sicuru, di vede tanti cadavere era sicuramente statu atroce, ma ellu, ne era sicuru avia vistu qualcosa di più. Cosa era, ùn a pudia induvinà. È u zitellu ùn parleria micca. S’era vistu in i so ochji ch’ellu ùn vulia ch’e sguassà di a so mente quellu tarrore senza nome chì l’avia fattu cade.
Pò ci fermava à sapè quale eranu tutti sti morti. Fora d’unu solu, tutti l’altri eranu ghjente scunisciuti. D’induve eranu ? A questione firmava senza risposta chì nimu ùn era smaritu.
Per a prima volta di a so vita, u Capitanu principiava à dumandà si s’e un affare cusì tarribile era veramente d’origine umana. Ancu cuscente chì u core umanu pudia esse un orrore senza nome, i fatti nant’à chì era statu incaricatu d’inchiestà avianu qualcosa di sopranaturale. Ellu chì sempre era statu cartesianu sembrava sente u so spiritu balchighjà cumu nanzu d’affundà si in u bughju.

Andendu si ne, u prete avia u core disturbatu assai. U so duvere era di fà u so pudè per cumbatte u Male è appacià a pieva in ebulizione ch’ùn capiscia u veru periculu. I ghjorni à vene serianu difficiule, ellu a sapia, è forse ancu di più s’e a ghjente ne perdia u cerbellu.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 25/10/12, 05:41 am

Capitulu 3



Briaca di putenza, si ne vultava in Gruscura dopu à tant’anni. Stu vechju paese disertu era sempre u stessu. Li vulia prisentà u so più bellu visu per a so visita ceremoniale. Tuttu era prontu. Tuttu ? Quessa li firmava à vede. Piantò a vittura un pocu dopu à l’entrata, pigliò u so saccu, fece qualchi passu à mezu à e case viote fin’à u chjassu. Ma u locu era firmatu disertu. L’altru ùn ci era ancu.
Saccu in spinu, fece qualchi passu nant’à u chjassu fin’chì sorse un canelupu arrabbiatu da l’una di l’ultime case. U pelu inzizitu, s’avia da lampà nant’à ella, quandu i so ochji cruciianu u so sguardu. Subbitu si calmò è si ne ripartì capu calatu, sottumessu. Ella suspirò. Chì perdita di tempu !
Fece una decina di metri di più è principiò a cullata, d’un passu lestu. I tacchi ribumbendu, francò u ponte sopr’à u castagnolu è pò a pendita ancu più aspra, per ghjunghje in cima di u poghju piattu. Quì, accant’à un soliu gigante, si piantò. Si piantò è aspettò.

Qualchi minuta dopu, era ellu. Era ghjovanu, vint’anni à u più, è incù u so sguadu persu, paria intimuritu. Vestutu era per viaghjà, di panni sparigliati.
Era a prima volta chì si vedianu, ma ùn dubbitava mancu una stonda chì fussi ella. Fora di a so bisaccia, s’assumigliava assai à una burghesa elegante, spigliata, pitturata, manicurata è spilata. U so visu, tra ovale è rutondu, era propiu perfettu, quant’è tuttu u so corpu, da a pelle à i cuntorni. I so capelli di seta, li falavanu nant’à e spalle, è eranu d’un culore chì paria scambià. Puru a cosa a più rimarchevule era u so sguardu. Cusì pudente chì era impussibile, dopu fighjulatu, di staccà si ne senza straziu. Paria tene tra tenta è quarant’anni, ma ellu sapia chì era più assai più vechja.
Ella, cume per apprezzà lu, u fissava di u so sguardu indescrivibile. L’omu, magru magru, tenia capelli longhi, più tagliati dapoi più d’un annu, ubidiscendu cusì à unu di i vutizii per prova di a so alleganza à cunfurmà si à u Protocollu. Per ellu, per tuttu quessa, avia abbandunatu i so studii, i so anziani prughjetti d’avvene, i so amichi, a so famiglia ; si ne era fughjitu.
Tuttu era principiatu più d’un annu capavanti, è quessu ghjornu, l’ora era venuta per ella d’assicurà si di a so fedeltà. L’ora era venuta di sapè. Senza nisun salutu, e so prime parole fubbinu dirette :
- Sì sempre decisu o Rambert ?
- Aiò… aghju fattu tuttu cio ch’e avete esigitu di mè. Aghju ubbiditu cun ardore à i vostri minimi cumandi. Cumu ne pudete sempre dubbità ? rispose u ghjuvanottu cun fierezza.
D’una voce firmata freta è senza emuzione, insistì :
- Ai sempre a pussibilità d’abbiurà. Ti poi sempre, arritirà, vultà à a vita è seguita a via ch’e tù voli. Malgratu cio ch’e ai fattu è tutti i sacrifizii ch’e ai accettatu, poi sempre rinuncià. Per l’ultima volta.
- Innò o Signora… ùn vogliu micca rinuncià. rispose u dettu Rambert cun una forza appena finta.
Ma ùn li bastava, chì, sempre cusì freta impassibile è imperiale, insistì :
- A ti dumandu un ultima volta. Hè pròpiu l’ultima pussibilità ch’o ti lasciu, è ti possu ghjurà ch’ùn ti turminteraghju micca s’e rinuncii. Mi ti ghjurgu dinù ch’e, dopu à stu puntu, ùn puderai mai più rinuncià, quale ch’e fussini i to sintimi. A ti dumandu un ultima ultima volta. Sempre decisu ?
L’ora era di prima trinca, è ancu l’acelli s’eranu piantati di cantà. Ùn c’era più nisun rimore, fora di u soffiu di Rambert chì infine, cun forza è sincerità, rispose :
- Iè o Signora.
Senza chì a più minima marca d’emuzione ùn si leghjessi nant’à u so visu, ella dichjarò :
- Hè capita. Tandu avà, a messa hè detta, è u to destinu hè chjosu. Veni ! Ci andemu.
Tandu s’ingagiò in u chjassu, seguitata da quellu ch’ùn sapia ch’e troppu cio ch’ellu venia d’accittà.
Caminonu senza parlà. U ghjovanu ripensava à tuttu l’annu, à a so decisione di lascià a so vita, à u so viaghju iniziaticu in u mondu sanu, à i Cinque Mentori chì li avianu trasmessu u so sapè è fattu francà stranie prove. Viaghju chì infine si compiava, per scuntrà a Seiesima. A più impurtante !
Era lindu lindu u celu, senza a minima minaccia di timpurale. Surridia Rambert, pensendu ch’e prestu ùn ne averia più nisun primura.
Infine, dopu à sette ore di viaghju, ghjunsenu.
U locu sceltu, vicinu di a cima, era un aeruccia piana ingirata da trè picchi, invisibile da u fora, senza nisun altra strada. Quellu pianottulucciu avia in u so centru un teghjone. Cume previstu, Rambert sì piantò accantu à a petra, è e so Mentora pigliò a parola cun sulennità :
- Sì ghjuntu à u Puntu Senza Ritornu. Dopu ricevuta a Cunsecrazione, tandu u Mostru di Bormali si sveglierà per vultà, cume à u Principiu, à suminà spaventu è tarrore. L’ultima volta era in u 1884. Ma per avà, ùn aghju più bisognu di chjachjarà. Sai cio ch’e ai dà fà.
Quessa, Rambert ùn a sapia ch’e troppu, è malgratu u so pocu laziu, sapia ch’ùn avia a scelta. Cun strazii, spiazzò l’unicu petrone di u locu, sott’à chì era piattatu un pozzu. Cum’e previstu, Rambert cacciò tutti i so panni, malgratu a cursura di u locu, è infine, saltò nentru u pozzu.
U tuvone ùn era prufondu ch’e di qualchi metru, è ben chì ghjunse in fondu senza pena, era cusì strettu ch’e ogni cenu era per ellu un straziu. D’altronde, u tuvone era pienu d’acqua chì li culava fin’à u torace. Quellu cuntattu ancu puru dispiacevule era indispensevule per a so sopravivvenza.
U pocu di lume chì li ghjunghjia li fù cacciatu quandu a so Mentora rimisse a petra, chjodendu lu in u bughju. Move ùn pudia guasgi più, mentre chì u fretu è u crosciu li pesavanu. Ma era quessu u prezzu à pagà. Sapia quantu tempu dureria l’Iniziazione Ultima, senza beie ch’e l’acqua à l’ingiru. Sapia ch’ellu averia à stà longhi ghjorni in u bughju, in u fretu, senza manghjà, è senza lume, ma ne cuniscia u prezzu è era a so scelta. In sù, a so Mentora si pusò per aspettà.

Cinquanta trè ghjorni dopu, era compiu u tempu. Ella spiazzò un altra volta u petrone, è lampò un canapu in u pozzu per permette à Rambert di cullà. S’ell’ùn era mortu u ghjuvanottu, ùn valia micca di più. Smagritu, bruttu, s’assumigliava di più à un cadavere ch’e à un vivu. U cunfinamentu senza move è u cunsumu d’un acqua sempre più coghja l’avianu ammazzatu. Puru, a so risuluzione ùn era mai stata cusì forte, è ben ch’e u so sguardu sia viotu, a so Mentora sapia ch’e a fine era vicina.
Sùbbitu escitu, Rambert si sfalò à i pedi di a so Mentora, inalterata. U tempu s’era cupertu, è u timpurale minacciava. Rambert, à l’oliu santu, sapia ch’e a prova ùn era ancu compia. Uniscendu e so forze, si misse arrittu mentre chì a so Mentora li dava una salvietta cun chì s’asciuvò à l’ingrossu.
Pò, ella li porse un cultellu chì li permisse, seguitendu u Protocolu, di scarifica si à voli ne più. Sta prova di più ùn u facia mancu più soffre è assai menu ch’ellu l’averia temutu, ellu chì avia tan patutu, ma era cusì debbulu ch’e a so Mentore scelse d’aiutà lu. Vense à ellu per aiutà lu à caccià si tuttu u so pellame, nant’à u so corpu sanu. A Suffrenza Ultima per ellu, prevista in u Protocolu.
Per fine, mentre chì ribumbava u tonu vicinu, a Seiesima Mentora li indittò unu di i trè picchi in giru à l’area, ch’ellu devia scalà à u più prestu. Famitu, senza forze, spasimante è malatu, ogni mossa li paria d’esse l’ultima nanzu à a morte. Ma ùn pudia rinuncià à u so scopu ultimu ; a cima.
Quandu ci ghjunse, l’avianu vintu e so ferite. Si ne muria. Fù tandu ch’ellu fù pichjatu da u fulmine chì l’annegò da a so luce.
A so Mentora firmò qualchi tempu à fighjulà u luce persistente di più ch’e a nurmale, inviluppendu in totalità u corpu essangue di Rambert. Era tuttu compiu u Protocolu.

Quandu infine u luce si spense, Rambert era statu trasfurmatu. U cadavere più mortu ch’e vivu ch’ellu era solu qualchi minuta nanzu, ùn esistia più. Ellu misurava ormai trè metri, mentre ch’e a so custituzione musculare era quasi statu déciplicata. U so capu era duvintatu un capu di toru cun corne tamante, munitu d’un ceffu di lupu addubitu di denti di squalu. A so pella era duvintata squamosa tale quella d’un sarpu, è ellu tenia ale di dragone in u so spinu. Infine, i so pedi s’assumigliavanu ormai a stessa forma ch’e i so mani, tramindui prudigiosamente sgrinfiuti.
Ùn era più à l’agunia chì avia lasciatu a so umanità. Ormaiolu fattu d’odiu, d’ira, è di vulintà di fà u male, ùn avia più fame ch’è di suminà spaventu. Era duvintatu un dimoniu. Per u sempre.
Quella chì era stata a so Seiesima Mentora, li feci infine un sunrisu, è annunciò :
- A to Iniziazione hè compia. Sappii puru ch’e avà, ùn ti chjamerai mai più Rambert. U to nome novu, per l’Eternità, hè Leviathor ! Serai u novu Mostru di Bormali, prontu à principià u so regnu di tarrore. L’omini durghjuleghjeranu à l’intesa di u to solu nome, è l’umanità sana serà a to schjava.
- Sò u vostru servitore. rispose Leviathor d’una voce tarribile ch’ùn era più quella di Rambert.
- Sappii ormai ch’e u mio nome hè Lorganella.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 25/10/12, 05:42 am

Capitulu 4


U 28 di ferraghju di u 1884, u ghjurnalistu inglese, Sir Wright ricevì attempu duie lettere impurtante. A prima da a so sposa, Lady Ophelie, è l’altra da u so capi ridattore, John Werlett.
In a so missiva, Lady Ophelie scrivia ch’ella si pentia d’esse partuta cusì prestu, è aghjunghjia ch’ella accunsentia vulinteru di rivene cun ellu s’ellu piantava u so travagliu per circàssi un altru più rispettabile. Infine, a lettera si cumpia incù l’annunziu ch’ella venia in Corsica per raghjunghje lu.
Werlett li avia scrittu per dì li chì era statu propiu affascinatu da l’Affare di u Mostru di Bormali chì per ellu, seria u più gran successu di u deceniu per u ghjurnale. Per quessa, dopu à qualchi felicitazione, li annunciava ch’ellu avia sceltu di vene sopra lochi per aiutà lu in u so travagliu.
Ste duie lettere disturbonu à bastanza Sir Peter Wright. Ben ch’è felice di custatà ch’e e so rilazione cun a so sposa si megliuravanu, ùn avia laziu di vedella affaccà in stu locu persu, cusì luntanu di l’alta sucetà lundinese. Senza mancu pensà à a minaccia di u mostru. D’altronde, s’e Werlett venia attempu à ella, non solu a cuabitazione seria impussibile, ma in più di què, risicheria d’arruvinà u so matrimoniu. È, manchendu di tempu, ùn pudia fà nunda per impedisce qualcosa.
U famosu ghjurnalistu inglese era addisperatu.

Mentre chì Sir Peter Wright annaspava e so idee nere, Ghjuvan-Matteu u so albergadore, tratechju di a so situazione d’ostracismu in a pieva, decidì d’andà visità à Fernandu Ciapparoni.
Di sicuru, Fernandu era u so nemicu u più accanitu in tutta a pieva, ma Ghjuvan-Matteu u vulia vede chì sapia chì era intelligente. Ghjuvan-Matteu sapia ch’e, s’ellu riescia à cunvinche lu, puderianu tramindui pruvà di triunfà di u mostru chì insanguinava a pieva.
Sta sera quì, u core strintu, pienu d’apprensione, Ghjuvan-Matteu si n’andò per vede à Fernandu. Dopu chjosu cun primura a so casa, per prutegge à u megliu a so figliola, pigliò u so bastone è, à pedi, viaghjò fin’à u stazzu duve Fernandu firmava solu cun e so bestie.

Una mez’ora dopu, ci era. Tandu, angusciatu, in u fretu di a notte, pichjò à a porta. Dopu à qualchi seconde senza fine, Fernandu aprì a porta. U so sguardu abbalbaticatu si feci prestu minacciosu :
- Tù ! Per sangue di Cristu ! Dimoniu ! O Cristacciu ! L’Orsu Moru ! Signore maladettu !
- Fernandu ? Sò solu venutu à vedetti perchè ti devu parlà. Per piacè.
- Ùn parlu micca cun tè, mostru ! T’aghju da tumbà ! T’aghj’à fà pagà tuttu u male ch’è tù ai fattu.
Subitu Fernandu sì lampò nant’à Ghjuvan-Matteu, à calcii, è cazzotti, vulendu strangulàllu à morte. In pochi tempi, tuttu l’odiu accumulatu mentre anni è anni si scatenava contr’à l’oghjettu di e so pinsate e più odiose. A lotta fù intensa, ma Ghjuvan-Matteu, più forte, riescì à sgagiàssi è à immubilizà Fernandu, sempre sputendu, ma ormai impudente.
Tandu Ghjuvan-Matteu ripigliò a discussione :
- Avà ch’è sì un pocu più calmu, t’aghju infine pudè parlà. Hè impurtante.
- Vade retro Satanas !
- Calmatti appena, è viderai ch’o sò cristianu quante tè.
- Brusgierai in Infernu !
- Lascià mi parlà una cria. Lascià mi cuntà ti cio ch’è aghju à dìtti. Dopu si vederà.
- Ùn m’ingannerai micca ! A mio anima ùn t’appartenerà mai, Luciferu ! Ritornu in u bughju !
Ghjuvan-Mattei, capiscendu ch’ùn puderia mai dì cio ch’ellu avia da dì in cundizione simile, dichjarò, senza interrompessi, per ùn lascià parlà Fernandu :
- Sò cio ch’e pensi di mè. Cio ch’è credi sapè di mè. Credi ch’o sò un mostru. O un demoniu. Ai a paura di mè almenu quante mi odii. È in più di què, per tè, sò eiu chì aghju tombu à a mio moglia. A to cucina. Ti possu ghjurà, ancu da ochji à ochji, ch’ùn ci sò per nunda s’ella hè morta, è ch’ella m’hà attristitu almenu quante tè. A ti ghjurgu nant’à a Santa Bibbia.

Ghjuvan-Matteu piantò una cria di parlà, per ripiglià u so soffiu. Fernandu firmò senza riazzione, pensosu. Tandu Ghjuvan-Matteu, incuragitu, perseguitò :
- Sò chì per tè, sò eiu chì aghju tombu tutte ste povere ghjente culà. Ma ti possu assicurà, ghjurà ancu, lampendu nant’à mè l’eterna dannazione s’o mi sperghjurgu, ch’ùn ci sò per nunda nunda. Sò venutu à tè per parlàtti. Perchè sò ch’e tù sì un omu intelligente, è ch’e mi poi aiutà.

Fernandu firmò zittu. U tonu sinceru di quellu ch’ellu chjamava l’Orsu Moru caminava in a so mente, fin’chì si misse à pinsà chì forse ùn era un mostru ch’ellu avia pinsatu. Almenu decidì di sentellu parlà s’ellu vulia per pruvà à capì, è Ghjuvan-Matteu perseguitò :
- Ùn sò ne mazzeru, ne magu, ne magantulu, ne mancu dimoniu. Solu un omu. Un omu ordinariu. Forse solitariu, ma urdinariu. A mio moglia, a to cucina, era ella, una mazzera.
- Una mazzera !!
- Ma aspetta. Era una mazzera, ma una mazzera bianca. Una mazzera bona. Chì avia vulsutu dedicà a so vita à lottà contr’à e forze di u male.
- Hè vera chì quandu era chjuca, era sempre rivultata più ch’è noi, contr’à tuttu cio chì hè male in u mondu, à tal puntu chì tandu eramu tutti cunvinti ch’ella duvinteria sora.
- Hè cio ch’ella m’avia dettu. E so brame eranu di cunsacràssi à lottà contr’à e forze suprane di u male. Per quessa, passò anni è anni à studiàlle per cumbattelle. Fù cusì chì amparò chì in Infernu, ci sò sei dimonii più pudenti ch’e tutti l’altri, fora di Satanassu ellu stessu, incaricati di ricrutà omi apiandu u core giratu versu u male, per fànne essari malefichi.
- Iè ? È cumu sai tuttu què ? È cumu a sapia, ella ?
- Ùn sò ch’e cio ch’ella m’hà dettu o ch’aghju lettu nant’à i so foglii dopu à a so morte, ma ùn sò cumu ella l’avia amparatu. Cosa sò di manera sicura, hè chì fra sti sei dimonii mentori, ci n’hè unu, o piuttostu una, chì si trova ind’e noi, in a pieva. Si chjama Lorganella, capace di piglià a faccia ch’ella vole. Hè un dimoniu tarribile, è a mio moglia hà pruvatu di lottà contru, ma Lorganella fù più forte, è a mio moglia si ne morì, cusì ghjovana.
- Seria per què ?
- Eiu, a pensu cusì. È s’o sò venutu à vede ti sta sera, hè per dìtti chì tutte ste ghjente ammazzate, sò u segnu chì Lorganella vene di sveglià u mostru, ch’ella vene di trasfurmà un omu, cunsentante in essaru maleficu. Per mè, hè què u mostru di Bormali. Allora s’e tù voli aiutà mi, pensu ch’ellu seria una bona idea. Avemu tutti i dui una persona cara à vindicà. Hè a stessa persona.
Ghjuvan-Matteu, piantendu u so discorsu, cappiò infine Fernandu. Ridiventatu maestru di se stessu, Fernandu ùn avia più nisun laziu di tumbà, d’ammazzà, o di strangulà Ghjuvan-Matteu. À u cuntrariu, i so detti, ben ch’è stranii è colmi di scenze occulte, li eranu sembrati sinceri è veri.
Per a prima volta di a so vita, li paria veramente ch’e Ghjuvan-Matteu era un omu anc’ellu, un cristianu. Avia cunfianza in ellu. Tandu si vergugnò d’avè lu odiatu anni è anni, è infine, dichjarò :
- Sò d’accunsentu. Ma cosa femu, avà ? Cumu lottà contr’à un nemicu tale ?

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 25/10/12, 05:44 am

Eccu compiu.
Ùn aghju mai trovu una risposta à l'ultima intarrugazione di u prutagunista.
In fatti, hè un stilu assai unicu in u so ghjennaru, postu ch'e hè un racontu à parechji mani, un pocu riarrangiatu per fà currisponde tutti i pezzi di testi inseme.
Ùn hè micca veramente un testu mirvellacciu postu chì quallà, ùn hè mai statu publicatu sott'à sta forma, ma ùn hè micca cumplettamente un testu novu.

S'e qualchissia vole scrive a seguita, hè u benvenutu.

È avà, avete a lettura !

Aspettu ancu i vostri cummenti cun primura.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Francesco le 25/10/12, 07:43 am

Avà ùn aghju tempu, ma vagu à leghjelu dopu incù calma.
Saluti.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 25/10/12, 07:44 am

Grazie mille per avanzu.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Cocolitoferidea le 29/10/12, 02:02 pm

Grazie di sta publicazione, ma stu racontu ùn hè novu, nò ?
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: U mostru di Bormali

Message  U Palatinu le 30/10/12, 08:56 am

Innò, ma hè a prima volta ch'o u mettu publicamente.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Francesco le 31/10/12, 04:36 pm

Ai fattu bè.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 31/10/12, 04:50 pm

Grazie.

Ma avà, aspettu i vostri cummenti nant'à stu testu !

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Francesco le 02/11/12, 08:39 am

U Palatinu a écrit:Eccu compiu.
Ùn aghju mai trovu una risposta à l'ultima intarrugazione di u prutagunista.
In fatti, hè un stilu assai unicu in u so ghjennaru, postu ch'e hè un racontu à parechji mani, un pocu riarrangiatu per fà currisponde tutti i pezzi di testi inseme.
Ùn hè micca veramente un testu mirvellacciu postu chì quallà, ùn hè mai statu publicatu sott'à sta forma, ma ùn hè micca cumplettamente un testu novu.

S'e qualchissia vole scrive a seguita, hè u benvenutu.

È avà, avete a lettura !

Aspettu ancu i vostri cummenti cun primura.


Vengu principià à leghje issu u racontu, mi piace, i mo cummenti i piazzaraghju à a fine di a lettura.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 02/11/12, 09:03 am

Grazie mille.
È s'e t'ai un idea per scrive a seguita di a storia...

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Cocolitoferidea le 04/11/12, 10:57 am

In d'altri termine, fai fà u to travagliu à l'altri.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: U mostru di Bormali

Message  Francesco le 05/11/12, 02:06 pm

avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 05/11/12, 08:08 pm

Quandu ci vole, ci vole.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Francesco le 06/11/12, 09:44 am

Vengu di finisce di leghje u racontu.

M'hà piaciutu perchè si sente l'angoscia chì culla, si sente cume una manu chì ti piglia à u collu è pocu à pocu, si serra.

Aghju trovu dinù qualche cunveniente.

Mi spiecu, si vede assai ch'ellu hè statu scrittu à più mani, u stilu à u principiu hè lentu è ci sò ripetizzioni quantunque ponu esse currette faciulmente.

Ci hè qualcosa chì ùn mi cunvinche dinù, u tempu di l'azione: u 1884, à a fine di u seculu XIX, ùn mi pare ghjusta perchè hè u periodu di u "positivismu"; a Francia republicana averebbe inviatu un "Gran pulizzeru" à indagà pè mantene a "paix républicaine" senza lascià u "populu" frà e so paure.

A u cuntrariu u periodu più ghjustu serianu stati li anni di a "Restauration", li anni 1815/1820 incù tutte è so vindette frà "realisti" è vechji partitenti di Napulione è poi era u periodu induve li inglesi anu assai viaghjatu pè e rive di u Mare Terraniu (Pensa à Byron è Shelley in Liguria)

Cosa ne pensi?
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 06/11/12, 04:00 pm

Pensu ch'e t'ai a raghjone, ma tandu u ghjurnale Wave ùn averia pussutu esiste chì, in sta storia, si sfinisce cume essendu un ghjurnale "anarchista".

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Francesco le 07/11/12, 02:23 pm

U Wave averebbe pussutu esse republicanu, tandu.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 07/11/12, 04:16 pm

Ai a raghjone. U più impurtante hè ch'ellu sia un ghjurnale "pocu ordinariu", chì averia dispiaciutu à a moglia di u ghjurnalistu. Hè què u più impurtante.

Ma sinnò, ùn ai idee per a seguita ?

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Francesco le 09/11/12, 08:52 am

'Un ci hè nisun mostru supranaturale solu un omu malvagiu è pudente chì gode à fà di u male ma ùn si rende contu è ùn si ricorda di ciò chì face (Un pocu cume Dr. Jekill è Mr. Hyde).
Sendu u figliolu di un sceffu puliticu assai pudente è assai ligatu à u guvernu ellu vene prutettu è piattatu è vene dinù creata una storia pè spavintà l'anime semplici di u populu...
U ghjurnalistu inglese, principià à avè suspetti è alliandusi incù u prutagunista truva a verità.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  U Palatinu le 10/11/12, 06:18 pm

Ma allora, cumu spiegherai i capituli VI è VII ?

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: U mostru di Bormali

Message  Francesco le 11/11/12, 09:28 am

Eiu parlu cume s'eiu fussi u scrivanu di a storia sana...

Micca pe' cuntinueghja'...

Ma ci pensu.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: U mostru di Bormali

Message  Contenu sponsorisé


Contenu sponsorisé


Revenir en haut Aller en bas

Page 1 sur 3 1, 2, 3  Suivant

Revenir en haut


 
Permission de ce forum:
Vous ne pouvez pas répondre aux sujets dans ce forum