Mimorie d’Agulayan Atsidi

Page 1 sur 2 1, 2  Suivant

Aller en bas

Mimorie d’Agulayan Atsidi

Message  U Palatinu le 12/11/10, 10:25 am

20 di ghjennaghju di u 1963.


Stu ghjornu firmerà per u sempre stampatu in a mio mente, di a stessa manera ch’è u diamente arria per u sempre u vetru.
Fù stu ghjornu quì chì eiu, Agulayan Atsidi, chjamatu dinù Ken Lee Jones, fui chjamatu à participà à a spedizione chì sulcò la mio vita sana.

Mi chjamu Agulayan Atsidi, sò natu in lu 1932, è sò di quelli ch’elli chjamanu Indiani. Micca ch’o fussi d’India, ma piuttostu Americanu. In fattu, sò forse più americanu ch’è l’altri, sopra tuttu quelli chì mi piglianu per un salvaticu.
Ma di què mi n’impippu cumplettamente. Aghju amparatu à impippamine.
Sò Siù, sò di u gloriosu populu lakota, è sò statu duppiamentu battizatu. U mio veru nome hè, davanti à u Spiritu Maiò, Agulayan Atsidi, ma li Bianchi mi chjamanu Ken Lee Jones, perchè hè un nome dettu civilisatu.
Per via di lu passatu, deveria udià i Bianchi. Eiu, ùn aghju odiu contr’à nimu, mancu contr’à i più crudelli. Solu risentu spessu una grande lassitutina di vede ch’è u mondu sia cusì pocu rispettatu da quelli chì si dicenu civilisati. Mi piaceria dinù chì li Bianchi ci rispettessinu di più, sopra tuttu dopu à u sfragellu di u seculu scorsu. A nazione rossa hè stata cusì ammazzata da i culoni.

Ma per sopravive in sta sucetà, ci vole à battessi, o à avè qualchi talenti. Ùn pensu micca avè un talentu particulare, ma tutti li mei dicenu ch’o sò un pistatore eccezziunale, è chì a furesta ùn hà nisun sicretti per mè, ch’ellu sia per truvà una volpe, un lupu, un orsu, o ancu puru un omu chì si piatta. Certi dicenu ancu ch’o sò u migliore pistatore di a riserva di Yellow Cloud, in a quale si trovanu tutti li meii dapoi più di cinquant’anni. Dapoi a fine di e guerre indiane cum’elli e chjamanu i Bianchi.

Mi ricordu di stu ghjornu, di stu 20 di ghjennaghju, duve cinque pulizzeri sò venuti à truvàmmi, in a mio casa per pruponemmi di travaglià, cume pistatore, in Unione Sovietica, per risolve un affare impurtantissima : per ritruvà dui B45 di l’armata, Charlie Bravo è Zoulou Tango, misteriosamente smariti in unu di i lochi i più salvatichi di a Siberia.
Mi ricordava bè di quell’affare. Mi ricordava bè chì, un mese nanzu, u 15 di dicembre di u 1962, sti dui avioni militari smariscianu di tutti i radar. U lindumane, a stampa ne parlava dighjà, è u misteru era divintatu un incidente diplomaticu. Mi ricordava bè di u fraiu ch’ellu avia fattu à l’ONU : u presidente Kennedy avia accusatu Khrouchtchev di piattà a verità, è Khrouchtchev avia rispostu chì l’America l’avia fattu à postu.
A situazione si seria sicuramente invelenata di più, forse quantu quella di i missili di Cuba s’e i guverni di i dui paesi i più pudenti di a pianetta ùn eranu micca ghjunti à calmàssi è à decide d’organisà una spedizione mista per andà à ritruvà l’avione, è fà un inchiesta culà per sapè cosa s’era passatu, è forse purtà succorsu à i piloti di l’avioni s’elli eranu firmati in vita.

È tandu l’armata americana era venutu à truvàmmi per pruponemmi di fà parte di a spedizione.
S’elli mi lascionu a scelta, insistinu pisamente per ottene la mio participazione. Mi dichjaronu ch’e senza què, seria a Terza Guerra Mundiale, è mi tendinu ancu una lettera, scritta a u presidente Kennedy ellu stessu, chì mi supplicava à mè, u migliore pistatore di tutta l’America, di participà à sta mossa per salvà a pace mundiale. Ben intesu, tuttu què mi paria esageratu, è era sicuru ch’elli mi pigliavanu tutti per un povaru salvaticu ch’è la lusinga pudia amasgiulà.
In cumpensazione, è quale ch’è sia u risultatu di a spedizione, riceveriu eiu, à lu mio ritornu, una paga tamanta. U guvernu federale mi rigaleria d’un pezzu di terra di più di 50 chilometri quadrati per mè è per li meii. Eccu un occasione sunniate per megliurà a sorte di li meii, mi dicianu elli. Puru ùn ci vulia crede. U mio populu era statu tantu ingannatu in u passatu, caminatu da false prumesse in false prumesse, cume s’e l’omu biancu ci cunsiderava cume indegni di a parola data.
D’altronde, per mè è per tutti li meii, a terra ùn deve è ùn pò appartene à nimu. Ùn avemu, noi omi, i rossi quante li bianchi, nisun dirittu nant’à a terra, chì pò esiste senza noi, ma simu piuttostu noi ch’ùn pudemu esiste senza ella. Per quessa, ùn simu micca noi i maestri di a terra, ma ghjè ella chì seria piuttostu la nostra maestra. Allora cosa vale un titulu di prupietà, nant’à l’universalità di e putenze naturale ?
In fatti, è malgratu tuttu què, accittaiu di participà à a spedizione, ma solu per a pussibilità di purtà succorsu à dui omi, i dui piloti di l’apparechji, chì senza noi si ne puderianu more prestu, s’elli ùn eranu micca ghjà morti. Accittaiu di fà parte di a spedizione.

Subitu dopu à la mio accittazione, i pulizzeri mi cunducinu da a mio riserva di Yellow Cloud, in Washington. Quallà, ci scuntraiu qualchi rispunsevuli militari di i servizii sicretti chì mi parlonu un pocu di più di quella missione.
Amparaiu chì Khrouchtchev avia accittatu ch’è una piccula squadra americana inchiestessi nant’à u territoriu sovieticu per purtà succorsu à i so piloti, ma nunda di più. È per aiutàcci, seriamu accumpagnati da una squadra sovietica d’una decina di suldati di l’Armata Rossa. A spedizione anderia in unu di i lochi i più freti di a Russia è forse ancu di a pianetta. Un locu salvaticu è disulatu in u quale pinsavanu avè bisognu di mè, Agulayan Atsidi.
Cun mè, solu ci seria una persona di più, chì Khrouchtchev avia insistitu per chì a squadra americana ùn cumprendessi ch’è duie persone, forse per cunservà un sintimu d’autorità. L’altra persona era una riprisentante di u Guvernu Federale, un ingeniera di a CIA chjamata Lauren Minehall, ch’o scuntraiu u stessu ghjornu.
Lauren Minehall era una piccula donna bruna, forse più ghjovana ch’è mè, ma chì mi parì un pocu freta è ghindata, sempre distante incù tuttu lu mondu, sempre à piattà le so emuzione. Puru, malgratu u pocu di calore umana ch’ella sgaggiava, ùn mi parì micca disprezzente cun mè, è paria rispettàmmi da veru. D’altronde, si dicia ch’ella era una granda travagliatore.
È eramu noi dui, i dui riprisententi americani d’una spedizione chì per certi, deveria impedisce una guerra atomica ! Quantu tontu hè lu mondu di l’omu !

U 23 di ghjennaghju di u 1963, Lauren è eiu partimu da Washington in aviò militare speziale, chì ghjunghjì u lindumane à Iekaterinburg, in Unione Sovietica. Quallà, a squadra sovietica chì ci devia accumpagnà in u fretu ci ricevì curdialmente ben ch’è un pocu fretamente. Eranu dece persone : novi suldati, cummandati da u capitanu Fiodor Kavarich.

U capitanu Kavarich si svelò esse un omu à bastanza fretu è distante, quasi cume Lauren, è ùn pudimu micca troppu cuntrastà cun ellu. Puru, i mio cuntatti fubbinu più istruttivi incù unu di i suldati, uriginariu di a Siberia, chjamatu Youri Gorvankarov, pistatore cume mè, chì ci spiegò, à Lauren è à mè, ch’e u locu duve i nostri avioni eranu smariti era accantu à una muntagna chì, s’ella ùn era ne a più alta, ne a più pindia di u rughjone, avia una riputazione più ch’è sinistra. Ma Youri ùn ci dò nisun ditaglii di più.

U lindumane, fubbimu tutti cundutti in Siberia, è dighjà u fretu ùn era più quellu ch’avia sempre cunisciutu. L’avvintura principiava.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Cocolitoferidea le 12/11/10, 03:31 pm

avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Mimorie d’Agulayan Atsidi

Message  Francesco le 12/11/10, 03:48 pm

Cocolitoferidea a écrit:

avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Cocolitoferidea le 15/11/10, 12:11 pm

Principia bè, ma avà, s'aspetta a seguita.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Mimorie d’Agulayan Atsidi

Message  U Palatinu le 15/11/10, 02:56 pm

Hè quessu u prublemu : ùn aghju nisun idea per a seguita.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Cocolitoferidea le 22/11/10, 02:32 pm

Eiu, ci aghju vistu ch'ellu ci era una seguita chì si scrivia anant'à u foru corsu.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Mimorie d’Agulayan Atsidi

Message  Culunellu di Vinciguerra le 24/11/10, 02:52 pm

Aghju vistu anc'eiu.
Ma cosa aspetti per mettella quì dinù ?
avatar
Culunellu di Vinciguerra
Prisente
Prisente

Masculin Numaru di missaghji : 1291
Data d'iscrizzione : 28/12/2009
Età : 46
Lucalisazione : Quì

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Cocolitoferidea le 25/11/10, 07:39 pm

Aspetterà forse l'autorisazione di l'altri scrittori di sta storia.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Mimorie d’Agulayan Atsidi

Message  Cappellurossu le 28/11/10, 01:47 pm

U Palatinu hè babbu d'ùn sò quanti scritti orfanii ch'ùn anu mai trovu seguita.
avatar
Cappellurossu
Stallatu
Stallatu

Masculin Numaru di missaghji : 659
Data d'iscrizzione : 29/11/2009
Età : 38
Lucalisazione : Probabilmente in Corsica

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  U Palatinu le 29/11/10, 07:56 am

Hè megliu ch'e d'ùn avè scrittu quasi nunda.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Francesco le 29/11/10, 09:13 am

U Palatinu a écrit:Hè megliu ch'e d'ùn avè scrittu quasi nunda.

Sò d'accunsentu cù u Palatinu, ò Cappellurò

T'aghju lampatu una sfida.

avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Cocolitoferidea le 04/12/11, 04:33 pm

Postu ch'e u Palatinu avia scrittu altri capituli (vedevuli nant'à u Foru Corsu), ùn vecu nisun raghjone d'ùn mettelli micca quì.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Mimorie d’Agulayan Atsidi

Message  Cocolitoferidea le 04/12/11, 04:39 pm

27 di ferraghju di u 1963


Facianu parechje settimane dighjà ch’è no viaghjiamu in i rughjoni diserti di a Siberia, è sempre mi dumandava s’o avia fattu bè di participà à sta spedizione. Micca ch’ùn fussi bramosu d’aiutà à a salvezza ipotetica di li dui piloti, chì forse eranu dighjà morti dapoi u principiu, ma ùn mi sentia micca cuncernatu. Eranu affare diplomatiche tra i dui Stati Maghjori di i dui paesi i più pudenti di u mondu, è eranu venuti à circàmmi, à mè, aduprendu quasi a forza, per aiutàlli. Ùn averianu nisun omi di vaglia in l’armata federale ?
M’avianu dinù fatte prumesse, ma ùn ci credia più à quelle prumesse. Dapoi ch’elli s’eranu stallati nant’à sta terra ch’elli avianu chjamatu America, l’omu biancu avia sempre fattu prumesse mai tenute. Ch’è u presidente Kennedy, chì puru ùn mi paria micca troppu antipaticu*, m’avessi ghjuratu ellu stessu ch’o seria ricumpensatu incù un pezzu di terra ùn scambiava nunda. I culoni ùn avianu mai tenutu e so prumesse, mi paria un pocu tardu per scambià.
È pò d’altronde, cosa vale a prupietà di a terra ? Per mè, è per tutti li meii, a terra ùn appartene à nimu. È què, l’omi bianchi ùn l’anu ancu capitu, è forse ùn lu capisceranu mai.

Dapoi u principiu di a spedizione, aviamu viaghjatu nant’à e piane ghjacciate ch’elli chjamanu permafrost, scuperte di tundrà, sott’à un sole troppu palidu è troppu debule per riscaldàcci. U paesaghju tene in ellu qualcosa chì mi piacia – forse u latu salvaticu – ma u fretu aghjacciante era tale chì lu mio solu laziu era chì tuttu si compiessi à u più prestu.

U capitanu Fiodor Kavarich cumandava u viaghju. Era un omu scuru, sempre azezu, senza mai surride, è mi paria chì ancu li so suldati ùn u pudianu pate. Era ellu chì ci dicia quandu viaghjà, quandu piantà, quandu stallà e tende. Era ellu.
Laureen è eiu aviamu una sola tenda per noi dui, cosa ch’ùn mi dispiacia micca, sopra tuttu per riscaldàmmi. I suldati sovietichi, elli, eranu trè per tende, è solu u capitanu Kavarich avia a so tenda propia. Ùn m’intaressava manc’appena l’affare interne tra ste ghjente, ma mi paria propiu anurmale ch’elli sianu trè per tende, fora di u sceffu chì pudia avè a so propia tenda. Puru, malgratu stu lussu, Fiodor Kavarich mi paria esse quellu chì, in a squadra sovietica, era u menu felice.

Infine, dopu à tanti ghjorni di viaghju in l’immensa piana siberiana, ghjunghjiimu à a vicinanza di e muntagne. Di u locu duve serianu cascati i dui aviò. A parte a più difficiule di a spedizione avia da principià prestu. Era u 27 di ferraghju di u 1963.

A sera venuta, quandu Kavarich decidì di stallà u campamentu, eramu à u pedi di e muntagne è l’ascensione seria per u lindumane. Aiutatu da dui suldati sovietichi, accendiu un focu, è tutti ci stalliamu in giru, per riscaldàcci una cria è manghjà e nostre corcie pruvisione.
Laureen firmò muta, aprendu a bocca solu per manghjà, è s’e i suldati sovietichi cuntrastavanu tra d’elli, u capitanu Kavarich facci u musu. Cum’ellu facia sempre d’altronde.

Dopu à a fine di u ripastu, Laureen si spicciò di rivultà sott’à a tenda, senza mancu una parola per mè. Micca ch’o fussi cusì appiccatu à ella, ma m’averia piaciutu di sente qualche parole d’amicizia di la so bocca. Forse eru stancu da tanti ghjorni. Forse ancu mi sentia solu, cume ingiratu ch’e da stranieri. Ùn sapia più.

Preferendu lasciàlla sola, firmaiu qualche stonde fora di a tenda à pruffità di u caldu di u focu. Credia d’esse solu, ma ci ne era un altru chì avia avutu a stessa idea. Era u suldatu Yuri Gorvankarov.

A so presenza accantu à u focu mi sorprendì un pocu chì, fin’à tandu, era statu, di tutti i suldati sovietichi, quellu chì paria suppurtà u megliu u fretu. Tandu, vedendummi affaccàmmi, iniziò a cunversazione cun mè, in un inglese quasi senza accentu, ben ch’ellu ùn fussi micca la so lingua materna. Cume mè, d’altronde.

Mi dumandò s’o avia preferitu vene accantu à u focu piuttostu ch’è d’andà à dorme, è li rispundiu chì a tenda era troppu freta. Eranu banalità, ma facianu una cunversazione.
Tandu mi spiegò chì ellu dinù, ne vulià pruffità. Micca solu di u caldu, chì ùn temia micca u fretu quant’e mè, ma ancu di u spettaculu di e fiamme.
Tandu, amparaiu ch’ellu era un paisanottu di Siberia, abittuatu à i freti i più duri, è chì per quessa, a timperatura ùn li paria micca insupportabile quant’e mè.
Era statu arrulatu di forza in l’Armata Rossa, senza lu so accunsentu, qualchi anni nanzu. Mi spiegò ch’e sta missione ùn era per ellu un scumpientu, ma piuttostu l’occasione d’un ritornu in lu so paese, ancu s’e u caminu passava propiu luntanu di li so lochi propii.

Mi spiegò dinù chì u rughjone in u quale eranu smariti i dui avioni era cunisciutu cume un locu maladetta in l’antica tradizione siberiana lucale. Si dicia ch’ella era a porta di l’infernu, o ch’ella piattava un reame di fulletti. Si dicianu tante cose sfarente è strasurdinarie nant’à stu montu ch’ùn si ne sapia nunda di precisu, fora di u fattu ch’ellu ci era forse qualcosa quallà. Ma cosa ?

Li parlaiu dinù di lu mio parè nant’à u capitanu Kavarich, è si misse à ride, cunfirmendu chì per via di lu so caratteracciu, era udiatu da tutti li so suldati, è ancu da li so superiori. Yuri mi cuntò chì Fiodor Kavarich era un generale chì era statu sgradatu dui anni nanzu per avè criticatu u Praesidium Supranu. Avia francatu u gulag, ma era firmatu in disgrazia sempiterna, cundannatu à esecutà e missione e più difficiule di l’Armata Rossa.
Per quessa, era sempre azezu, mai cuntentu, è si ne vindicava spessu nant’à li so omi, essendu u sottu-ufficiale u più temutu da i suldati.

Dopu à st’ultima precisione, mi n’andaiu à chjinàmmi in a mio tenda, lascendu Yuri, ch’o pudia cunsiderà cume un amicacciu novu, pruffità di a bellezza di e fiamme di u focu, per andà à ritruvà à Lauren sperendu ch’ella acciteria ch’o a riscaldessi.
U lindumane seria una ghjurnata difficiule.


Dernière édition par Cocolitoferidea le 04/12/11, 04:41 pm, édité 1 fois
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Mimorie d’Agulayan Atsidi

Message  Cocolitoferidea le 04/12/11, 04:41 pm

Primu di marzu di u 1963


A muntagna era freta, ancu più freta ch’è a piana siberiana, à tal puntu chi mi paria d’essemmi scurdatu di cio ch’ellu pudia esse u caldu.
Aviamu vulsutu principià l’ascinzioni di u Monte Rokayma a vigilia, ma una timpesta di neve ci avia obligatu di piantàcci una cria, à stallà e nostre tende à u pede di a muntagna. Culà, aviamu passatu u ghjornu sannu in e tende. I Russi trà d’elli, è eiu incù Laureen. A ghjurnata fù sicuramente longa, ma per elli. Eiu, chì firmaiu solu in a tenda cun ella, ùn truvaiu micca a ghjurnata cusì longa.
U lindumane, u tempu si scoprì. U celu era divintatu chjaru, ma u fretu era firmatu. Aviamu principiatu l’ascinzioni da veru. L’avia decisu Fiodor Kavarich.
Tandu principiò l’ascizione. Dura.

A cullata principiò in un silenziu quasi religiosu. Yuri, essendu siberianu, marchjava davanti, ghjuvenducci di guida. Certe ùn cuniscia micca stu rughjone, chì a Siberia ùn era un paese chjucu, è chì Yuri venia d’un altru locu, ma u capitanu Kavarich l’avia decisu cusì.
Primu, u caminu era un andatu vagu passendu tra cispuglii, nant’à una pendita dolce, ma dopu à cinqu’ore di viaghju, pocu à pocu, l’andatu diventia sempre più vagu, è a pendita perdia di a so dulcezza.
À meziornu, allora ch’è no veniamu di ghjunghje nant’à un areuccia quasi piana, accantu à una piccula spilunca, Kavarich ordinò ch’è no piantessimu quì, per manghjà.
U ripastu fù ancu più prestu fattu ch’e e nostre riserve s’allisinavanu è ch’ùn aviamu nisun certitutine di truvà in sti monti, salvaghjine, o ancu piante manghjareccie.
À a fine di u magru ripastu, u capitanu Kavarich, chì fin’à tandu era firmatu silenciosu è infuschittitu, cum’ellu era sempre, annunciò ch’è l’ascinzioni di u Monte ci piglieria torna una ghjurnata, ma chì di l’altru latu, si trovava, sionti e vechje carte, un picculu paesolu abbandunatu, custituitu di menu d’una decina di case, ma in u quale ci puderiamu mettecci à l’agrottu à cundizione ch’elle ebbinu sempre u so tettu. Sughjunghjì per fine, chì l’avioni ch’e no circhiamu serianu sicuramente vedevuli quand’e no seriamu passati di l’altra banda di u monte.
È tandu, rallegrati, ancu senza esse ne sfamati ne ripusati, ripigliimu u difficiule caminu fra u monte.

L’ore chì seguitonu fubbinu à bastanza peghje ch’e quelle di a matina. U fretu, a neve, u ventu ghjallatu chì riprincipiava ; tutte ste cose ch’ùn avia mai cunisciutu cusì intense in a mio riserva di Yellow Cloud, in pienu disertu torridu di u centru di l’America. Un locu ch’è i bianchi ci avianu rigalatu senza prublemu perchè ùn valia nunda, ne per e culture, ne per a caccia, è senza alcune di ste risorze cusì pregiate da i bianchi ch’e sò i minerali o u petrolu.
Ma u più chì mi primurava, ùn era lu mio fiatu ch’e quellu di Laureen. Ella cusì dolce, cusì scaghjula, cusì nucente, à mezu à una natura cusì salvatica è cusì spietata. Lu mio esse, ancu puru stunatu da a viulenza di stu fretu, era resistente. Solu a mio mente ùn l’era quandu pensava à ella.
Tandu precava u Spiritu Maiò Mare-Yeli* cun tutta la mio energia per ch’è sta spedizione si cumpiessi à u più prestu.
È sott’à u ventu, sfidendu a terra, a nostra piccula squadra viaghjava, sempre più altu, fra una neva dura, sott’à u sguardu di a cima è di u sole.


Quandu ghjunghjimu à a fucata, nant’à a cresta di u monte, eramu bagnati da l’abrucata, è dighjà s’era pisata la luna. Puru u luce morendu di u sole era ettantu bastevule per permettecci di schjarisce a nostra vista di l’altru fiancu di a muntagna di manera assai precisa per fàcci vede cio ch’ellu ci era à vede.

In contrabassu, si pudianu vede qualche vechje case di petre acciurmulate – forse stu famosu picculu paesolu da u quale ci avia parlatu u capitanu Kavarich – è ancu più bassu, si vedianu i dui avioni !

Stu scopu cusì bramatu era infine vedevulu. L’avioni si trovavanu luntani di noi, quasi à u pedi di a muntagna, duve ne nascia un altra. I dui aereu, ben ch’è tavunati è scuperti di neve, ùn parianu micca in un statu troppu gattivu cume s’elli s’eranu scrasati. A sperenza di ritruvà i piloti vivi ricrescì in li nostri cori à tutti, ancu s’e bisognava sempre una spiegazione. Ma a sera era dighjà ghjunta, è u capitanu Kavarich cumandò ch’è no piantessimu quì, per stallà e nostre tende.


U lindumane, dopu à una nuttata senza storia, ripigliiamu u viaghju, falendu. U core pienu di sintimi cuntradittorii, a marchja si ripigliò senza troppu difficultà, chì u ventu s’era calatu è ch’è u viaghju si facia falendu.

À meziornu, ghjunghjimu infine à u livellu di u paesolu abbandunatu. Da vicinu, si pudì vede chjaramente ch’ellu era custituitu di sette casuccie di petre. Cinque ùn avianu più tettu, ma tutti i muri firmavanu sempre arritti, ancu s’elle s’induvinavanu, accantu à e sette altre, e ruvine d’una casa falata.
Splurendu e case l’une dopu à l’altre, ebbimu a bona surpresa di scopre carname siccata di cio chì paria esse pesciu. Ci ne era à bastanza per noi tutti per almenu dui ghjorni. Puru, malgratu u statu d’abbandonu di u picculu paesolu senza nome cunisciutu, ùn paria micca troppu anziana è custituia per noi a prova ch’e i lochi eranu stati occupati ultimamente.
In fatti, in tutte e case, scoprimu parechji ughjetti varii, tale un cultellu, una mansa di legni, qualche pelle di bestie, un fargone, chì testimunia d’una vita chì si n’era fughjita troppu prestu per ricuparà tuttu. Forse u locu avia ghjuvatu d’aggrottu per i dui aviatori, ma a cosa mi paria strania, chì l’ughjetti ch’e no aviamu trovu ùn currispondianu micca à quelli chì si devianu truvà in l’avioni.
D’altronde, l’assenza di i dui omi era una prova ch’elli ùn ci eranu forse per nunda, è stu paesucciu luntanu di tuttu, tenia sempre i so misteri. Qualchissia ci era venutu ultimamente, ma ùn eranu micca i nostri smariti.

Dopu meziornu, ripigliimu a strata, falendu fin’à l’avioni. Ci ghjunghjimu senza peripezie particulare qualche ore dopu.

L’avioni ùn eranu distaccati l’uni di l’altru ch’è una decina di metri. Ben ch’e in gattivu statu è sicuramente irricuperevuli, ùn s’eranu micca scrasatu. Igor Rovalov, un suldatu russiu spezializatu in ste cose ci spiegò ch’ellu s’assumigliava piuttostu à un atterraggiu d’urgenza nant’à un ere sfavurevule. I dui avioni s’eranu posti, certe male, ma s’eranu posti.
A splurazione di e duie carcasse crescì lu misteru : malgratu i disguasti, ùn ci mancava nunda di cio chì era sensatu truvàssi. Nunda, fora di i piloti. Igor ci dichjarò ch’ellu era una bona nutizia, perchè, in cundizione simile, si pudia dì chì s’elli eranu statu tumbati quandu l’avvioni tucconu a terra, seria statu impussibile ch’e ùn ritruvessimu micca i cadaveri.
Tandu, u capitanu Kavarich cumandò ch’e no ripigliessimu e ricerche u lindumane, è ch’e no dedichessimu u restu di a ghjurnata à ricullà in u paese abbandunatu, per passàcci a notte.

Ci ghjunghjiimu à l’attrachjata, è tutti inseme, fendu usu di a tela di e nostre tende, riescimu à custituisce un tettu pruvisoriu, ma quantunque bastevule, à duie di e case chì avianu u so tettu falatu.
Tandu, u paese divententu un agrottu moltu più cunfurtevule ch’elle eranu fin’à tandu e tende, ci stalliamu in e quattru case campatoghje, per passàcci a nuttata, è sicuramente i ghjorni à vene, manghjendu a carne ch’e ci no aviamu trovu, è riscaldenducci incù u legnu ch’ellu ci era.

A ghjurnata era compia, è i ghjorni à vene serianu quelli di a ricerca di i dui omi. Fra tanti misteri, mi ritrovava, una volta di più, solu cun Laureen, in un aggrottu di « lussu ».
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4923
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Mimorie d’Agulayan Atsidi

Message  U Palatinu le 05/12/11, 06:56 am

Grazie cara principessa* ma s'ùn l'avia micca fattu fin'à avà, hè solu perchè mi paria leghjitimu d'avè prima l'accunsentu d'Antonu, chì ellu hà scrittu dinù assai nant'à sta storia. È chì quì, solu sò i mio scritti ch'e ai messu.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Francesco le 05/12/11, 09:10 am

Belli! Ma devu ripiglià u filu...
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Compiu le 05/12/11, 10:30 am

Allora, a seguita ?
avatar
Compiu
Arradicatu
Arradicatu

Masculin Numaru di missaghji : 1559
Data d'iscrizzione : 20/10/2010
Età : 42
Lucalisazione : In cosa ti cuncerna ?

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  U Palatinu le 05/12/11, 03:15 pm

Dighjà ch'aghju cusì pocu tempu per occuppàmmi di u situ, ùn ne aghju micca di più per scrive.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Francesco le 05/12/11, 03:34 pm

Carlos Laguinda a écrit:Allora, a seguita ?


Dumandalu à Antonu...
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  U Palatinu le 05/12/11, 04:43 pm

Nant'à u Foru Corsu allora.
Ma averà u tempu, ellu dinù ?

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Compiu le 08/12/11, 11:56 am

Dunque, s'aghju capitu bè, ùn avemu micca finitu d'aspettà.
avatar
Compiu
Arradicatu
Arradicatu

Masculin Numaru di missaghji : 1559
Data d'iscrizzione : 20/10/2010
Età : 42
Lucalisazione : In cosa ti cuncerna ?

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  U Palatinu le 24/02/18, 08:43 am

A sò ch'ùn si più cun noi o scemu, ma per fine, aghju ripigliatu tutta a storia d'Agulaian è n'aghju fattu una nuvella compia.
Eccu la;

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  U Palatinu le 24/02/18, 08:43 am

Sò avà un pugnu di mesi, mi pare, ch’o strazieghju in l’eterna neve di u tarritoriu d’Arokaimà. Ùn ne possu più. Dicenu l’omi chì simu à u tocc’à tocca cun l’alba, ma mi mancu u fiatu di crede li. Simu tutti lecchi sì. Cundannati da i nostri cumandanti zòtichi à circà un pidochju chì si piatta à mezu à una furesta d’ovi. Aiò fate la finita ch’ùn si ritroveranu mai più sti dui quì. Dapoi u tempu, si ne seranu morti. Perchè turnà à allungà u nostru fastidiu ? L’onore, u patriutisimu ? Chì mi ponu fà ? Tenite lu puru per voi, u vostru "sensu di u duvere", chì a saperaghju eiu cosa valenu ste parolle in bocche vostre.
Mi n’aghj’à more quì, ma chì vi pò fà ? Eiu ùn sò ch’è un Indianu, cum’è a dite voi. Un menu ch’è nunda da quale a vita ùn vale ch’è poc’è micca. Sò cusì l’affare dapoi più di dui sèculi. Vi site impatruniti e nostre terre, vi site pruchjamati maestri è civilisati è di noi, avete fatti i vostri schjavi salvàtichi. Tamanta strada ch’è c’avete fattu percorre !
Davanti à u Spiritu Maiò, eiu mi chjamu Agulaìan Atsiti, ma mancu ùn a sapete. Per voi, in i vostri fuglietti ufficiali, sò statu arrigistratu Kenneth Jones, natu u sette di ghjunghju di u 1932 in a riserva siù lakota di Yellow Cloud di u statu federale di l’Arizona. Eccu tutta a mio sterpa ! Parolla detta, chì mi fermava à duvintà per u restu di a mio esistenza ? Un sburgnone compiu o un atturucciu solu chjamatu per figurà in unepochi di filmi chì ci disprezzanu è glurificheghjanu a nostra culunisazione ? Mai ch’ella sia !
Eiu mi sò fattu cacciatore per campà. Era eiu u più famosu di tuttu u mio pòpulu è quessa, a palesu senza pritenzione chì ghj’era vera. I mei m’avianu ancu cugnumatu u rè di a furesta è di i diserti, quellu capace di ritruvà a mosca in Ampugnani. Soca serà da stu cugnome è da a mio fama chì m’hè venuta a mio disgrazia maiò.
Una mane di ghjennaghju di u 1963, sò venuti à circà mi, à l’ispensata. Eranu cinque. Trè agenti detti speziali è dui pulizzeri per u so rinforzu. Sì sò affaccati à l’alba davanti à e porte di e nostre tarre sacrate pò, senza un mìnimu palmu di rispettu, anu svegliatu à tuttu u mondu, vechji è zitelli dinù, per ch’elli li dissinu induve ghj’era eiu. Cumandava u so bisognu è nunda ùn li pudia parà, nemancu i stridi è i pienti di e donne è di i ciuccii. M’anu trattatu in criminale quandu m’anu purtatu per forza in i so bastimenti, à tanti chilòmetri di culà, à nome di u "Duvere Naziunale". Ùn fù ch’è dopu piazzatu davanti à un tavulìnu ch’elli m’anu spiegatu chì m’avianu cunvucatu i federali per ch’o participessi à una missione sicreta di succorsu in piena Siberia.
Parianu fole ! C’eranu dui militari americani chì s’eranu persi incù u B52 Tango Bravo in unu di i lochi i più spersi di tutta l’Unione Suviètica è ghj’era à mè chì mi toccava d’andà à ritruvà li ! Saetta !
U scàndalu era internaziunale, elli dicianu. Eramu à l’orlu d’una terza guerra mundiale ! Ancu di grazie ch’ellu c’era u nostru meravigliosu presidente Kennedy chì sapia cusì bè parlà à sti barbari communisti sciarbellati per cunvinche li di mette in ballu una spedizione per andà à a so salvezza è dà a prova ch’ùn eranu micca spie. A missione avia da esse mezu suviètica, mezu americana. È m’avianu datu à mè l’onore di fà parte di i riprisentanti di u mondu liberu. Nunda di menu ! Solu perchè ghj’eru un bon cacciatore, ben ch’o fussi statu Indianu. Eccu tuttu u so discorsu.
Di sicuru, m’era lasciata a scelta di riccusà, ma a mi la scunsigliavanu. L’avvene di u mondu liberu era in manu meiu, mi dicianu. Eranu millaie è millaie di voce nucente chì mi chjamavanu à a riscossa. Cumu pudè esse cioccu à u so addisperu maiò ? Iè, m’era lasciata a scelta, quessa pò sì. Ma mi spiegonu dinù chì mi seria pagata a mio participazione d’un pezzu di terra di più di cinquanta chilometri quadrati per ingrandà u tarritoriu di Yellow Cloud. Chiva ! Tamant’affare ch’è di rende ci un pezzu di terra ch’è ci avete arrubbatu !
Una voce in fondu à mè mi sussurò chì c’era ghjatta. Chì l’omu biancu di putere ùn avia mai tenutu a so mìnima prumessa fatta à l’omu rossu. Èppuru mi ghjunse in mente a voglia di pruvà, d’andà sopra lochi, di vede cosa c’era à vede è forse d’amparà qualcosa per u m’avvene.
Fù per quessa chì decisi d’accittà, di porghje u m’aiutu à quelli cumpatriotti chì si credenu patroni di l’universu è più Americani ch’è mè.

- Voli un altru pezzucciu di carne o caru Agulaià ? Per una volta, ne aghju di troppu.
- Innò, và bè. Ti ringraziu o Iurì.
Mi sciaccu un bichjeru d’acquavita chì mi riscalda. Mi ferà prò. U ventu hè pròpiu cutratu oghje in a taigà è u sole luce cusì pocu chì mi pare d’esse di notte. Ma pocu m’imprema chì ci n’andemu da custì, à visticà d’altri circondi. Sei mesi fà, m’averebbe sbillicatu un infrasata cusì zòtica, ma oghje, ùn mi ferma più ch’è què per esse torna appiccatu à truvà mi una raghjone di firmà in stu paese pazzu sempre annegatu d’un fretu di l’altru mondu. Culà, si n’hè falata a mio fede. Culà s’hè spentu u mio sperà di i primi ghjorni, quandu simu partuti di Iekaterinburg, ghjustu dopu aghjustata a nostra squatra. A u mio latu, c’eranu una quindecina di suldati di l’Armata Rossa cumandati da u capitanu Igor Vissarionovich Clastiniev ch’è ci’avia imprestatu Khrouchtchev è pò un ùnica riprisentante di u Guvernu Federale Americanu, l’aghjente Lauren Minehall, di a CIA. Un aghjente "speziale", cum’è tutti l’aghjenti sicretti di u mondu dettu liberu. Oh i mei, chì pretenzione !
Ghj’era una pìccula donna capellibruna, appena più ghjovana ch’è mè, sempre civile ma mai amichèvule, più urbana ch’è spuntanea, è cun chì ùn aghju tantu cuntrastatu. Puru aghju pruvatu à u principiu, chì eramu i dui soli Americani à mezu à tanti Russii, ma à ella ùn li piacia micca à chjachjarà ; ne cun mè ne cun nimu.
S’assumigliava assai à u capitanu Clastiniev. Sempre sticchitu, a faccia impassìbile è severa, era un omu duru è un bon’militare di quelli chì tutt’ognunu rispettava ma chì nimu ùn si sentia di chjamà u s’amicu. Un scogliu frescu frescu fattu per truncà l’ossu è micca per ballà u veranu. Cusì era Igor Clastiniev. Era ellu chì ci dicia di marchjà, di piantà è di stracquà si.
Paria sempre azezu Clastiniev, ma Iurì mi spiegò un ghjornu chì era a so manera d’esse. Caru Iurì. Ancu di grazie ch’ellu c’era ellu. A so casata sana sana era Iurì Antonovich Gorvanov, ma m’hè venutu prestu di chjamà lu solu Iurì. Di tutti i suldati russii chì ci’accumpagnavanu, era u solu à esse di u circondu di u paese d’Arokaimà, u rughjone induve s’era persu Tango Bravo. Era dinù u solu à fà parte d’un pòpulu dettu indigenu.
U solu, cun mè.
U primu ghjornu, capii chì eramu fratelli quand’ellu mi spiegò :
- U prublemu hè chì avemu da esse vicini à bastanza di u Monte Finjlôka. Hè un locu famosu per l’iniziazione di i nostri sciamani.
Senza piglià lu à a risa cum’è tutti l’altri, li dumandaiu :
- Ai paura di qualcosa in particulare ?
Iurì ritense un trimulellu.
- À i Spiriti Maiò ùn li piacenu tantu d’esse disturbati quand’elli cantanu a bellezza di a terra. Per avà, ùn u cunosci micca u paese d’Arokaimà, ma prestu, sò ch’è t’ai à capì cio ch’o dicu.

È di fattu, aghju capitu à bastanza prestu, quandu simu entrati pochi ghjorni dopu in Arokaimà. Era una conca tamanta cuperta di taigà è in centru di chì risplendia una muntagna sola sola : u Finjlôka. L’aria paria bolle d’una friscura spampillante è u bughju di a notte lucicà d’una presenza sopranaturale. Tuttu avia un muscu di magia per custindi. Arokaimà era un rughjone induve l’omu dettu civilisatu ùn avia pussutu impone u so òrdine senza gustu ; un rughjone guasgi periculosu per a sterpa umana. Eppuru, era di quì ch’ellu venia Iurì Antonovich Gorvanov.
- A mio famiglia campa in un paesolu à l’entrata di u ciottulu. ellu mi spiegò. Ùn simu ch’è sei o sette centu in tuttu u circondu. Tutti simu indigeni, discindenti di cacciatori è di maghi di i tempi anziani. È ben ch’o sia oghje un suldatu, ùn aghju mai persu l’usi è a memoria di l’antenati.
A stessa sera, mentre chì muntavamu e nostre tende, ellu sughjunse :
- Ùn c’hè mai statu nimu per avvicinà si di u Finjlôka, fora di qualchi sciamanu nostru. E ùn c’hè mai statu nisun biancu per vede lu. Site voi i primi.
Fù tandu chì un suldatu rispose cun dispettu :
- Tantu megliu, chì noi, ùn simu micca bianchi, ma rossi.
U lindumane, ùn era più cusì fieru di a so cacciata, quessu custì, ch’ùn era più ne biancu ne rossu ma turchinu quant’è noi tutti. Per via di a timpesta, era falata a timperatura ancu più bassu ch’è prima, chì scumudava ancu i Russii i più forti. Ma di lagnà ci ne ùn aviamu u tempu ch’ùn era ancu compia a nostra strada. Aviamu dighjà da riparte ver’di u centru.

Passonu parechji ghjornu cusì, incù u fretu è u ventu, à caminà nant’à u permafrost, tra l’arburoni giganti, sott’à un sole troppu dèbule per pudè arrecà mi un palmu di sperenza. Cosa era venutu à fà à mezu à stu niente di biancume ? Eranu parechje settimane chì si n’eranu smariti in u cotru i nostri pilotti. Ùn c’era periculu ch’elli fussini sempre vivi. Allora per cosa ? Ritruvà i so cadàveri ? Chì mi pudia fà ? Ùn ci seria statu nisun omu di vaglia in l’armata federale per ch’elli ghjunghjissinu à circà mi ?
Quant’ella mi mancava a mio riserva di Yellow Cloud, a so sciappitana, i so fiori è tutti i meii !

U cinquesimu ghjornu, si calò u ventu. Era ora. Ormai à dui passi di u pede di u monte, si pudia infine accende un focu per porghje ci un palmu di calore. Meravigliatu di pettu à u spettàculu di e fiamme, m’eru messu à pusà accant’à Iurì per sfurvicià una stonda.
- … è quandu i culoni bianchi anu trovu l’oru nant’à e nostre terre, ci anu lampatu fora è stirpati. Pò quelli chì firmavanu, l’anu chjosi in cio ch’elli chjamavanu riserve per pudè impatrunisce si u restu…
Iurì cappiò un suspiru maiò.
- Per noi, ùn s’hè micca passatu propiu cusì, ma anu stallatu e so fabbriche siderurghjiste anant’à i nostri lochi antichi. Ci anu datu a caccia dopu à avè ci trattati di salvàtichi. Cum’è voi. Pò c’hè statu u colpu di l’assimilazzione furzata. Hè cusì chì m’anu ubligatu à fà u suldatu in l’Armata Rossa.
Li volsi risponde qualchi parolla di sustegnu o d’amicizia ma mi ne mancò u soffiu. E storie di i nostri pòpuli eranu assai troppu simile per ch’ùn fussimu micca fratelli, Iurì è mè. Ma tandu u silenziu avia pigliatu a suprana tra di noi.
- Basta cusì i linguacciuti. Andate à dorme avà. Vi tocca à esse in gamba dumane per tene capu à sta muntagna. Raghjunghjite e vostre tende.
A voce di Clastiniev ùn permettia nisun cuntistera. Senza un dettu di più, ci ne vultiamu à i nostri sacconi. U lindumane avia da esse un ghjurnacciu.

Bastonu qualchi ora di sonnu per arripusà ci una cria. Arritti cun l’albore, attaccaimu l’ascinzione sott’à l’orma d’un silenziu guasgi misticu. In testa marchjava Clastiniev è noi seguitavamu, nant’à un chjassu muntagnolu chì righjirava à straziera tra i muchji chì per fine si sguassò mentre chì crescia a raffacata. In troncu di meziornu, u cumandante urdinò ch’o no piantessimu per manghjà si un pezzu.
- A mumenti ci simu. S’ùn ci simu sbagliati, averemu da ritruvà a carcassa di u Tango Bravo nanzu chì si compii u ghjornu. ellu annunciò.
- E i dui pilotti ? dumandò unu.
- Quessa, videremu…
U dopu meziornu fù assai peghju ch’è a matina, chì si n’era vultatu u ventu, purtendu cun ellu è fretu, è neve. Annegati in u rascesu, eramu tutti bluccati, infrittuliti. U timpurale era duvintatu cusì viulente ch’ùn si pudia più vede più di cinque metri davanti. Addisperatu, pricaiu u Spiritu Maiò chì tutti si compii à u più prestu, ch’o rivolti in Yellow Cloud à u più prestu.
Ancu s’ella era una terraccia, una prighjone senza muri.
L’ùnica limosina ch’elli ci avianu lasciatu i nostri maestri civilisati per custruisce i so imperi.
Chì ci firmava à fà, s’ell’ùn era di sunnià à una Repùblica di i Salvàtichi ?

Ma prestu s’appaciò u tempu è si ne rivense u sole chì mi lampò fora di e mio pensate. Riprincipiava a nostra marchja.
Quandu ghjunsimu à a bocca nant’à a cresta, l’abbrocu ci bagnava di i so culori appena strasurdinarii. A luna s’era pisata alta è tòndula, cum’è per addunisce i so spirioni à quelli à l’oliu santu di a sfera sulana. Ghjustu bastèvule per palisà da sottu l’ombra d’un avviò.
Infine ci eramu ghjunti ! Ma troppu tardu per u ghjornu moribondu.

A rifalata di u lindumane ver’di u B52 abbandunatu ci arrecò un paghju d’infurmazione nove. U Tango Bravo era inchjuvatu in una vanga tra duie cime di u Finjlôka. Ben ch’è ricupertu di neva, ùn era micca statu troppu dannighjatu da a so falata. Paria guasgi prontu à riparte, cum’è s’ellu s’era calatu per a cruna di l’acu in stu locu periculosu senza caghjunà u mìnimu praghjudiziu per i pilloti. Ma tandu, induve si ne serianu chjappati quessi quì ? Nimu ùn avia a risposta.
- Ùn face nunda. Avemu à cuntinuà e nostre ricerche. I ritruveremu. dichjarò Clastiniev cun certezza mentre ch’è no lasciavamu a cabina.

Cusì principiò u sunniacciu ch’ùn avia mancu pussutu anticipà. Accaniti, Clastiniev è Minehall decisenu d’ùn rinuncià micca prima d’avè spizzicatu tuttu l’Arokaimà da sottu à sopra è da cima à fondu ! Ùn si trattava più solu di salvà a vita di dui omi. Quessa pò nò. Era u so onore chì cumandava, a so fiertà di vince una lotta chì tutt’ognunu dicia persa. Quale pò sapè ? A sfida era per elli, ma a suffrenza, ella, ci toccava à noi tutti.

Avemu passatu ùn sò quanti ghjorni à passà u tarritoriu à u stacciu. In vanu, ben’intesu. L’ùnica vistica ch’è no pudemu rivendicà, a ci l’hà datu stu sciamanu mezu spugliatu è scemu compiu ch’è avemu scuntratu per furtuna a settimana scorsa. Senza ch’omu ùn li dica nunda, hà pichjatu trè volte in terra incù u so bastone è hà dichjaratu :
- I dui omi ch’è vo circate ùn sò più in st’universu. Face un pezzu avà ch’elli anu passatu a porta di Ghercebbà. Fora di a vostra realità.
Clastiniev ùn hà micca vulsutu tene contu di l’elucubrazione di quellu pazzu, ma eiu, per ùn avè mai vulsutu disprezzà a saviezza di i sciamani, mi pongu a questione. È s’ella era vera ?

Oghje simu entrati in un paesolu arruvinatu di l’altru latu di a vanga. Sette casuccie di petra senza più nisun tettu. Un locu ideale per arripusà si una cria prima di riparte.
- Cumu si chjama stu paese, o caru Iurì ?
- Umboh… Quessa ùn a ti possu dì chì ùn sapia mancu ch’ellu esistia, o Agulaià. ellu mi rispond, ancu più surpresu ch’è mè.
Ma cum’è sempre, hè a vucione di Clastiniev chì ci taglia.
- Andate piuttostu à circà ci di ch’è manghjà chì site voi cacciatori !
Chì sega stu tippu ! Sentu chì mi colla a santissima zerga. Hè ora di fà la finita cun tuttu stu tralalà.
Senza riflette una seconda, ci lampemu, Iurì è eiu, nant’à Clastiniev. Surpresu, ùn cerca mancu di difende si. Solu cuntinueghja à mughjà ci i so òrdine, cum’è à u sòlitu. Fra tutti i suldati adduniti in a stanza, ùn ci n’hè manc’unu per intervene à prò di u so cumandante. Simu noi i maestri avà.
Vintu, in terra, Igor Vissarionovich Clastiniev s’hè piantatu di cunvòglie. Più allegri ch’è mai à discàpitu di l’incertezze à vene, ci guardemu in l’ochji, Iurì è eiu. L’Indianu è u Siberianu anu avutu a suprana nant’à u putere. Eccu un bon principiu.
Forse seria l’ora, è u locu, per stabilisce infine a nostra Repùblica di i Salvàtichi !

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  U Palatinu le 24/02/18, 08:45 am

L'aghju messa dinù nant'à Anima Cappiata sott'à u titulu di A Repùblica di i Salvàtichi.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8142
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Francesco le 26/02/18, 08:25 am

Bellu scrittu.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6645
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Mimorie d’Agulayan Atsidi

Message  Contenu sponsorisé


Contenu sponsorisé


Revenir en haut Aller en bas

Page 1 sur 2 1, 2  Suivant

Revenir en haut


 
Permission de ce forum:
Vous ne pouvez pas répondre aux sujets dans ce forum