Prosa [raccolta]

Page 1 sur 3 1, 2, 3  Suivant

Voir le sujet précédent Voir le sujet suivant Aller en bas

Prosa [raccolta]

Message  Cappellurossu le Mer Sep 01, 2010 9:14 am

U Ritornu d'Orsu Dumenicu Solechjari
Cuntatu da ellu stessu, incù ditaglii
Maghju 2009








Primu capitulu



Qualche settimane fà, era eiu, Orsu Dumenicu Solechjari, u più gran dettettivu privatu di Corsica, occupatu à travaglià nant’à un inquiesta chì mi paria tandu à bastanza impurtante : a ricerca di Ghjacumu-Francescu Ferletti.
Era un abitante di u paese di Nivrasi, chì era smaritu dopu à avè tombu un certu Pulsametti chì avia qualche ore nanzu, furzatu a so surella. Un affare classica, mi paria.

U cliente chì m’avia sullicitata mi paria appena scemu è cumpletamente spaventatu da a smarrita di u so cugnatu, è dinù da a so scontra incù cio chì mi paria d’esse un tipu stortu chì li avia muntatu a sega. Per mè, à u cuntrariu, ùn ci era nunda d’inabituale : u dettu Ferletti era statu obligatu, dopu à l’assassinamentu di u so nemicu, di piglià a machja per ùn fàssi chjappà da a pulizza francesa. Un affare classica cume ne cunniscia tante è più.

Puru, e cose si svelonu esse moltu più cumplicate ch’o l’avia credutu prima. Tutte l’infurmazione ch’o riguarava nant’à stu smarrimentu a mi dimustravanu. I qualchi mesi ch’o passaiu à interrugà tutti i testimonii pussibili m’amparonu chì Ferletti, piattendussi in Aghjacciu, avia scuntratu un certu Lernazg. A mio pista mi cunducì in Roma, duve Lernazg si ne era andatu incù Ferletti pigliendu lu so aereu privatu, partutu da Puretta.

E mio infurmazione si piantavanu cusì. Senza più nisun nutizie, ne di Ferletti, ne di Lernazg. Ancu e mio ricerche nant’à Lernazg ùn pudinu micca schjarisce di più sta tenebrosa sparizione chì sta casata ùn esistia mancu in nisun basa di dati ch’o cunniscia. Forse ùn era micca u so veru nome, è a cosa era più ch’è probabile, ma face chì la mio inchiesta ne era incruccata.


Puru, la mio inchiesta ne devia firmà bluccata à stu livellu, chì cose monda più urgente si passonu, à tal puntu chì fui obligatu di rimette la mio inchiesta à una data ulteriore.
In fatti, qualchi ghjorni dopu ch’o fussi ghjuntu à u termine di le mio ultime certitutine nant’à st’inchiesta, amparaiu una matina chì Michela Aiò-Maria, una vechja nemica meia, venia in Corsica per fà i so affari. Cuniscia troppu bè à sta storta per sapè ch’ella ùn venia sicuramente micca in Corsica per nunda. Era ella chì, dece anni nanzu, allora ch’ella era à u capu di u SPSA (Serviziu Propiu Speziale d’Azzione), avia vulsutu fàmmi tumbà. Mi ne ricurdava sempre di quell’avvintura, ch’ùn l’avia francatu ch’è di pocu. Ne avia temutu un gattivu ricordu, è per quessa devia fà qualcosa per contràlla. Prima di tuttu, devia fughje di lu mio uffiziu curtinesu, troppu cunisciutu, per andà à piattàmmi in un locu sicretu duve si trovava dighjà tuttu lu mio materiale speziale chì mi ghjuveria à organisà una riposta. Tandu era quella a mio strategia : parte per rivene ancu più forte. Ùn era micca una scappera, ma propiu una strategia d’assaltu.

Fù cusì chì, dopu à parechji ghjorni di viaghju à pedi, passendu per a furesta per ùn fàmmi micca vede, ghjunghjiu in u paese di Zenetaccia, un paese abbandunatu frà i più chjuchi è i più persi di Corsica, à tal puntu chì eranu belli pochi à cunnoscene l’esistenza.

A Corsica conta disgraziamente une pochi di paesi abbandunati da tutti, cume Fiuminale, Oggi o ancu puru Muntinchi ; qualchi nomi chì eranu sempre assuciati à un sintimu di malincunia quand’ellu si pensava à sti sforzi umani di custruzzione antiche annientite da u latru tempu. Forse seria u tristu destinu finale di tutti i nostri paesi cari quandu tutti li so paesani si ne serianu andatu in terra, o spatriati in cità o in u stranieru.

U paese di Zenetaccia paria abbandunatu dapoi parechji seculi chì, malgratu u statu rilativamente bonu di a maiorità di e case, ùn ci firmava nimu in tuttu lu rughjone, mancu li più vechji, à ramintàssi d’un epica, ancu puru luntana, duve u paese era sempre allughjatu.

Senza più nisun strata per cunducecci, stu paese era propiu tagliatu di u restu di u mondu, à tal puntu ch’elle bisognavanu parechje ore di viaghju da u paese u più prossimu per ghjunghje fin’à stu locu persu in pienu mezu à la machja corsa.

Ùn si sapia micca dapoi quandu u paese, fattu d’una vintina di case è micca di più, era statu abbandunatu da l’umanu chì, ancu si nimu ùn si n’arricurdava, tutte e case tenianu sempre arritte, avendu ancu quasi tutte tenutu u so tettu. Era propiu un locu ideale per piattàssi è per custituisce una basa sicreta. U locu ideale per mè, dunque.

Stu paese era ellu solu un veru misteru s’o avia bisognu di què per riflette, chì, incù li mio pinseri di tandu, avia dighjà di chè occupà la mio mente.

In giru à u paese, bella era la furesta. L’arburi chì a cumponia eranu cusì grandi ch’o aviu a certitutina ch’elli ùn avianu mai brusgiatu dapoi un eternità. Eccu cio chì era per mè una prova di più ch’è i fochi maladetti eranu più spessu arrecati da l’omu ch’è da a natura. Una furesta cusì bella è cusì densa ùn pudia ch’è custituisce una piattatella sunniate quante u paese stessu.

È puru, ci era qualcosa d’indistintu mi dispiacia.

Ùn sò cosa era, ùn sò d’induve venia, forse di lu mio stintu naturale di deduzzione, o di qualchi indizii filigranati chì per ùn esse micca stati visti da u mio spiritu, ùn si serianu micca piattati da lu mio incuscente, ma ci era qualcosa ch’ùn mi cunvenia micca.
Ancu per ùn esse micca un vigliacciu o un paurone, tutti li mio sensi eranu in alerta è risentia ch’ellu ci era qualcosa d’anurmale in stu locu chì puru cunniscia cusì bè. Qualcosa chì m’avertia d’un periculu imminente, d’un periculu subitaniu.

A seguita di l’accadamenti devia pruvà ch’o aviu avutu a raghjone.


Menu di 24 ore dopu à la mio stallazione in una casa diserta di u paese di Zenetaccia, ch’avia sceltu tanti anni nanzu perchè tenia sempre tutti li so muri è un bellu tettu, è allora ch’o mi n’era andatu in furesta per una girata di ricunniscenza, vedìu un cignale.

Era un cignale maghjore, chì mi paria propiu arrabiatu, è chì mi venia nantu cume s’ellu vulia tumbàmmi cun a sola forza di e so difese.
Ùn sapia cosa fà. Certe paura di i cignale, ùn avia micca – ancu di grazia ch’o era ancu un bellu cacciadore – ma senza fucile, ùn vedia micca cosa pudia fà contr’à stu cignale chì tandu mi paria almenu duie o trè volte più grossu ch’è a maghjorità di li cignali nurmali.

Cosa pudia fà, solu è senze arme, contr’à un cignalone arrabiatu chì mi venia nantu ?

Tutti l’omi chì si serianu truvati in la mio situazione serianu sicuramente stati tetanizati di paura, ma micca eiu. À u cuntrariu, cunsirvendu sempre lu mio spiritu prammaticu, è postu ch’è una fughjera mi firmava impussibile in stu terrenu cusì pocu favurevule, decidiu d’azzuffà u primu, ancu puru senza fucile ne cultellu.
Pigliendu una petra in terra, a lampaiu contr’à u cignale, appuntendu u so capu. Ma senza effettu. Ne pigliaiu un altru. A lampaiu. Senza effettu.
Nunda ùn riescia à fàllu piantà. Era eiu, senza nisun difesa, contr’à stu cignale sempre più vicinu.

Qualche seconde dopu, u cignale m’inticciò, fendummi cascà in l’incuscenza.


Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:15 am

Secondu capitulu



Quandu sò rivenutu à mè, era chjosu in una carciula scura, mani è pedi intravati. Una cosa propiu inimaginabile per u brigliante dettettivu ch’o era. Tamanta inghjulia !
A stanza era à bastanza grande, è i muri, impersunali, eranu di cimentu nudu. U locu, ch’ùn pudia esse più anonimu, era cumpiutamente viotu à l’eccezzione d’una porta – chjosa, naturalmente – in u so fondu.
In un locu simile, a mio sola certitutina era d’esse prighjuneru, ma probabilmente micca in u paese di Zenetaccia, chì u locu in u quale mi truvava era troppu mudarnu per l’anticu paese abbandunatu.
Ma, aldilà di ste qualche cunsiderazione, u più chì mi premia era di cunosce a raghjone di a mio presenza in un locu simile. Da veru, cio chì m’impurtava u più era dunque di sapè cosa s’era passatu esattamente quandu era incuscente, è sopra tuttu di sapè cumu fà per fughje è per ritruvà a mio libertà.

A prima pinsata chì m’hè venuta in mente hè chì era statu trovu da Michela Aiò-Maria o unu di li so sbiri, cuniscendu lu so accanimentu pruverbiale. Ùn mi scurdava micca ch’ella ùn era micca ghjunta in Corsica per nunda.
Puru, st’ipotesa ùn riescia micca à suddisfàmmi perchè ùn spiegava micca tuttu. Prima, ùn capiscia micca cume ella averia fattu per truvàmmi, ancu aiutata da u so tenebrosu sbiru Ortafocu, chì lu mio piattatoghju era cusì sicuru. D’altronde, ancu prisupponendu ch’elli cunoscessinu stu locu, lu mio ultimu ricordu era propiu chjaru postu ch’o m’arricurdava bè d’essemmi fattu minà da un cignale ; cosa moltu inghjuliante, sopra tuttu per un tarcanu cume mè. À u mio svegliu, era chjosu è prighjunatu in sta cantina. Mi firmava dunque solu à capì cosa s’era passatu fratempu !
Ch’è qualchissia m’ebbi trovu, era sicuru. Ch’è stu qualchissia m’ebbi purtatu quì, dinù. U restu era più turbatu, ma ùn facia nunda, chì, ùn essendu micca dettettivu per nunda, truveria prestu e risposte à e mio questione.
Prima pudia dì ch’o era sicuramente firmatu incuscente assai. U locu in u quale mi trovava ùn pudia esse in Zenetaccia, è ùn pudia micca dinù esse vicinu di Zenetaccia, o in lu so rughjone, cusì pocu carcu di custruzzione muderne. Era dinù quasi sicuru ch’e quelli chì m’avianu fattu prighjuneru eranu i mio nemichi, osinnò, ùn m’averianu mai intravatu mani è pedi.
Ùn facianu ch’è qualche minute ch’o avia ripigliatu cuscenza, è dighjà, lu mio strasurdinariu spiritu di deduzzione s’era rimessu à funziunà ! Ùn era micca u più gran dettettivu corsu di u mondu per nunda !

Puru, ancu la mio autosuddisfazione furzata ùn riescia micca à fàmmi dimenticà u fattu chì u più impurtante ùn era micca ch’o capiscessi cumu era ghjuntu quì, ma piuttostu ch’o capiscessi cumu fughje di quì.
Ùn si vidia ch’una sola porta, in u fondu, è i muri, tuttu in astracu, mi parianu umanamente indistruttibile. Eiu, era ligatu è intravatu, ma ùn era micca un prublemu per mè, chì facianu anni è anni ch’o sapia cosa ci vulia fà per infranghje i mio ligami.

Dunque per ricapitulà, a mio principale sperenza di fughjera di stu locu passava per a porta in fondu.
Primu, devia rompe e fune chì m’intravavanu incù un cultellu ch’o piattavu sott’à la mio camisgia – un cultellu chjucu specialmente cuncipitu per assumigliàssi à un bottulu di camisgia. È pò, dopu liberatu, seria andatu fin’à a porta per studiàlla, è riflette à una manera di sbundàlla. In u casu duve st’operazione si sveleria troppu difficiule, avia sempre a suluzione di fà saltà a porta incù a piccula carica d’esplusivu ch’o piattava in a sola di u mio scarpu di manca.
Ùn avia nunda di previstu per a seguita di l’operazione, ma sapia ch’o pudia fà usu di a mio pistola, di 9 mm, ch’o piattava in altrò.

Principiava solu à pruvà di staccàmmi quandu sentìu, daretu à a porta, duie voce chì parlavanu. Ùn riescia micca à capì una sola parola, ma era quantunque sicuru chì mi paria di cunosce dighjà almenu una di ste duie voce.

Ùn ebbi mancu lu tempu d’apprufundì sta riflessione chì a porta s’aprì, è chì e duie persone entronu piantendussi ghjustu davanti à mè.


Eranu dui. Unu era un omu grande, magru, u pellaghju lividu, è purtava un custume neru classicu chì paria di qualità, assurtitu à i so spechjetti neri chì piattavanu i so ochji. Solu a so camisgia era bianca.
L’altru, di maiurezza media, più anonimu, purtava un elmu di motò per piattà la so faccia, è u risultatu era tale ch’ùn si sapia mancu s’ellu era un omu o una donna ! A so vistura ampia ùn permettia micca un identificazione precisa di a so statura, è a so voce era tutta sfurmata da l’elmu di motò.
Avia previstu tuttu per ùn esse micci ricunisciutu. Ùn sapia micca troppu cume interpretà stu fattu. S’ellu ùn vulia micca ch’o u ricuniscessi, era forse perchè vulia lasciàmmi in vita à termine. Almenu ch’ellu fussi per ùn esse micca ricunisciutu da l’altru. Ùn a pudia dì, ma era sicuru ch’e s’ellu m’avia fattu chjappà senza tumbàmmi fin’à avà, era perchè mi vulia vivu, ancu solu per un mumentu.

Tandu, tagliendu prestu e mio riflessione, u primu di i dui banditi, quellu incustumatu è incù i spechjetti neri, si girò versu l’altru, è dumandò :
« Era ellu ch’ellu ci vulia chjappà ? Ùn mi sò micca sbagliatu, almenu ? »
A so voce, propiu dispiaciatante, s’assumigliava tuttu à un fiscu di sarpu, cusì freta è impersunale ch’è l’omu à a quale appartenia.
« Nò o Lernazg. Hè ellu. » Rispose l’altru, a so voce tutta sfurmata da lu so elmu, è propiu inidentifichevule.

Si chjamava dunque Lernazg. Una casata chì li stava à bastanza bè. Una casata ch’o mi paria d’avè dighjà intesa in altrò. Forse in la mio inchiesta nant’à a smarrita di Ferletti. Iè ; più ci pensava, è più ne era sicuru. Forse ci era un ligame, ma per avà, mi paria sempre scuru.
M’averianu fattu prighjuneru per impediscemmi di perseguità le mio inchieste ? Ùn a pudia dì, ma a cosa era pussibile. Puru, ùn ci credia micca troppu, chì Lernazg, à sentelli era solu statu l’esecutore, è micca u cumandatariu, chì mi paria d’esse l’altru. Decidiu d’aspettà la seguita di lu cuntrastu, chì venì prestu, quandu Lernazg dumandò :
« È cosa n’avemu da fà, d’ellu, o sgiò Vituperi ? »
Interessante ! L’altru, quellu chì mi paria d’esse u sceffu, in più di piattà a so faccia, piattava dinù a so casata, ch’ùn era sicuramente micca Vituperi. Si pudia dì ch’ellu facia tuttu per ùn esse micca ricunisciutu di mè o di l’altru. Tandu rispose :
« L’aghju fattu prighjuneru per fà piacè à lu mio associu. Dice chì stu tipu li deve ghjuvà à qualcosa. Hè a so ricumpensa à lu so participamentu à lu mio prughjettu. Ma dopu, ùn averemu più bisognu d’ellu, è pò d’altronde, ne saperà troppu. »
« È dunque ? Cosa n’avemu da fà ? » Dumandò un altra volta Lernazg.
A risposta di quellu chì si facia chjamà Vituperi fù macerba è chjampida :
« U manteneremu prighjuneru fin’à a Fiera di San Golfachinu, in u paese d’Ostraghja, è pò dopu… »
Ùn compiì mai a so frasa. Solu una risa gattiva, succedendu à la so dichjarazione, mi lasciava augurà ch’ellu ùn avia sicuramente micca per finalità di tenemmi in vita.

Feci mentalmente u calculu. A Fiera di San Golfachinu si passa ogni 24 di lugliu in u paese d’Ostraghja. Sapiendu ch’è eramu probabilmente in u principiu di u mese di ghjunghju, ancu s’o ùn ne era sicuru, essendu incapace di dì quantu tempu era firmatu incuscente, vulia dì ch’o avia più d’un mese, quasi dui, per truvà una manera di fughje. D’altronde, ùn avia micca a scelta, chì mi vulianu sicuramente tumbà s’o fiascava.
Mi dumandava dinù perchè li mio rapidori vulianu aspettà a Fiera di San Golfachinu. Forse avianu un pianu precisu d’un culpacciu à fàcci, ma tandu tuttu mi paria scuru.
Dopu à una piantata di qualche seconde, Lernazg ripigliò a parola, dumandendu :
« Aghju capitu. Firmerà quì fin’à a Fiera… Ma avà, cosa ne femu ? »
U mistiriosu Vituperi ebbi torna una risa gattiva, nanzu di risponde :
« Avà, eiu, ùn aghju micca bisognu d’ellu. Solu u mio associu ne hà bisognu. Tandu, fin’à l’ultimu, serà lu mio associu chì si n’occuperà. Hè cusì simplice. »
« Per noi, serà simplice, ma micca per ellu… » Aghjustò Lernazg.
È tandu, i dui banditi schjattonu un altra volta di risa.

Pò, girendussi in la mio direzzione, Lernazg s’adirizzò à mè per a prima volta, annunciendummi :
« Da quì à qualche ore, ti feraghju arrecà un pane è una buttiglia d’acqua. Per avà, devi fermà in vita. »

Vituperi è Lernazg sì n’andonu pocu dopu. Lasciatu solu incù le mio pinsate, mi veninu in mente parechje questione. Mi dumandava quale era stu misteriosu associu di Vituperi chì avia bisognu di mè. Mi dumandava dinù perchè m’avianu cavatu, è perchè vulianu mantenemmi prighjuneru fin’à a Fiera di San Golfachinu. Ben intesu, vulia dinù sapè cosa aspettavanu tutti di mè.
È più ch’è tuttu, mi dumandava quale era quellu chì si piattava sott’à u cugnome è sott’à a mascara di Vituperi.
Ma era almenu sicuru d’una cosa, è chì era chì più ch’è mai, devia scappà, è prestu !

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:16 am

Dopu a partenza di i dui banditi, firmaiu solu, ben’decisu à fughje di quì. Ma prima, vuliu sopra tuttu piglià u tempu di una riflezzione chjara è linda, per fà u puntu nant’à tuttu cio ch’aviu amparatu in pocu tempu, per infine, truvà un’oppurtunità per fughje di quì.
Ma in fattu, ùn ebbe avutu u tempu di riflette, chì mancu vinti minute dopu, a porta di u fondu s’aprì un’altra volta, per fà entre un’terzu "visitore" chì s’assumigliava monda à una spezia di marinaru di a vechja ghjenerazione (ancu s’ell’ùn era micca tantu vechju) chì sì piantò davant’à mè, fieru fieru, è m’interpellò cù ste parolle :
"Orsu Dumenicu Solechjari ! Infine ti tengu in u me puteri !"
U tipu mi paria assai più periculosu chè stu tontu di Lernazg. Podasse forse era ancu più periculosu ch’è u sgiò Vituperi, ma per avà, ùn ne eru sicuru. Ancu a so manera di piantàssi davant’à mè era una manera di sfidàmmi. Di colpu, eiu, per struncata, rispose :
"Ùn prisumi di nunda !"
L’altru si misse à ride è pò aghjunsì :
"È cosa poi fà avà ? Sì intravatu è prighjuneru ?"
Senza lacàmmi impaurì, li dumandò :
"Quale sì, tù ?"
L’altru mi rispose :
"Sò u Capitanu Ghjuvan’Filici. Aghju qualchi interessi nant’à a to smariscione. Per quessa, m’aghju da occupà di tè fin’à u 24 di lugliu..."
"Iè, a socu dighjà. Serà a Fiera di San’Golfachinu..." Interrompìllu.
U fattu di tagliàlli a parolla era, per mè, una manera di pudè stabiliscellu, forse d’annerbàllu, è cusì di fàlli dì più ch’ellu ne vulia dì. In fattu, ùn viaghjò, è l’altru, senza annarbassi, mi spiegò :
"Cio chì t’accaderà dop’à u 24 di lugliu ùn m’interessa micca. U più impurtante hè di sapè chì oghje, è fin’à u 24 di lugliu, seraghju eiu chì ti surveglieraghju. Capisci ?"
Ùn rispundìu nunda. U Capitanu ripigliò a parolla :
"M’intaressu dinù à un’amicu toiu. Un’certu Antonu."
Audendu stu nome, frizzinaiu. Antonu era u nome di u mio maestru. Quellu chì m’avia amparatu u mistieru di dettettivu. Quellu chì avia disciuplicatu tant’inchieste, è chì avia cumpiitu a so carriera maritendussi incù a bella Diana Dilalba. Cumminciavu à teme per ellu. Ghjuvan’Filici cuntinuò :
"Sapii chì Antonu tene in a so pussezzione monda ducumenti nant’à mè. Ellu, è dinù u so amicu Matteu Mattei. Aghju pruvatu di neutralizàlli grazi’à un’certu Mister Palu, ma ùn aghju più avutu nutizie. Per quessa, aghju pruffittatu di u fattu chì un’certu Sgiò Vituperi abbia vulsutu sbarrazzàssi di tè per pudè interrugàtti cuncernendu Antonu. Sapii dinù ch’ùn sò micca eiu chì vogliu a to morte ; hè u Sgiò Vituperi. Eiu, vuleriu solu sapè induve si trova Antonu ?"
Una volta di più, sceglì d’un risponde nunda. Prima per ùn passà micca per un’vigliacciu, è dopu perch’ùn aviu manc’una sol’idea di u locu induve si pudiu truvà Antonu. Mancu s’o abbia sappiutu ùn averebbe dettu nunda, chì eiu... acqua in bocca.
Ghjuvan’Filici dichjarò :
"Mi ne dubbitavu. Tù ùn sì micca di quelli chì zigulanu. D’una certa manera, sì un’omu d’onore, è mi face piacè. Ma... avemu i mezzi per fàtti parlà."
Sì piantò una cria di parlà, cume per appughjà u colpu, è cuntinuò :
"Aghj’à chjamà qualch’amichi mei, è si viderà s’è tù’n’ti metti micca à cantà."
È tantu si pigliò una risa gattiva gattiva.

U Capitanu minò allora e so mane, è entronu in a pezza trè persunnaghji. U primu era, per ripiglià una definizione ch’ùn hè micca veramente di mè, un persunaghju un pocu stranu, cù una pirrucca di u XVIIIu ; i dui altri parianu più nurmali. U Capitanu li prisentì :
"Eccu u Cavaglieru Diotaiutu di Mirvella, accumpagnatu da u Duttore Tagliacappu è di Mister Palu. Ste ghjente quì sanu cumu fà per fà parlà a ghjente. È poi ringrazià à Diu ch’ùn abbia avutu u tempu di cuntattà à u Boia o u Castratore ! Sti dui quì, veneranu dopu ! È podasse chì averemu dinù à Lernazg..."
À stu mumentu precisu, u Duttore Tagliacappu li tagliò a parolla, ridendu :
"Stu scemu chì si piglia per satanassu ?! È chì n’avemu à fà, d’un tontu cusì ?"
"Hè sicuramente un’scemu irricuperevule, ma per fà parlà a ghjente, hè un’tarcanu anc’ellu." Rispose u Capitanu.
"Bon. Chì femu, avà ?" Dumandò Mister Palu.
"Avà, abbalutichemulu, per pudèllu traspurtà faciulmente in a mio nichjula. Per avà, ùn vole parlà. Ma attenti chì da quì à pocu, quand’ell’averà fattu cunniscenza incù e nostre metode per fà parlà a ghjente, vidarete ch’ellu serà prontu à cuntàvvi n’importa chè." Spiegò u Capitanu.
Tandu sì lamponu tutti nant’à mè, per intravàmmi più ch’eru dighjà intravatu. Solu u Cavaglieru firmava luntanu, viutendu u cuntegnu d’un batrettu nant’à u so mandile. Pò, s’avvicinò di mè incù u so mandile chì sintia l’ether ancu da luntanu è u mi misse sott’à u nasu.
Dopu... dopu, aghju naturalmente persu cunniscenza.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:17 am

Quandu mi sò svegliatu eru, sempre intravatu mani è pedi, prighjuneru in u cofanu d’una vittura chì viaghjava. Sentiu almenu quatru o cinque voce sfarente, chì venianu sicuramente di a vittura stessa chì discutavanu inseme. Aviu a mente in mille pezzi ! S’o mi ricurdavu bè l’ultimi abbenimenti, u Capitanu Ghjuvan’Filici è i so sbirri, dopu à avemmi neutralizatu, mi purtavanu in un’altru locu per pudè turturàmmi. Perspettive ralegrante !
Ne eru sicuru, era propiu u mumentu per scappà !
Aviu tuttu nant’à mè per pudè urganizà una scappera : u mio cultellu-bottulu, i splusivi piattati in i mio scarpi, è ancu a mio pistola piattata in altrò. Ma in fatti, a mio riflessione per scappa era appinucia paralisata da un’prufondu sintimu di vergogna d’essemi fattu surprende cusì faciulmente. Certe, eranu quatru, è eru solu contr’à quatru, ma ùn sò Orsu Dumenicu Solechjari ! Ùn sò u più brigliante (u più bellu dinù, ma què, hè un’altr’affare) dettettivu di tutta a Corsica ? Un so quellu chi ha riesciutu à fughje di e prighjone francese (essendu, vera, un’pocu più ghjovannu a quell’epica) ? Un so quellu chì hà passatu assai mesi di a mio vita in a machja ? Ma cumu averia fattu per cascà in una trappula simile ?
Infine, rializaiu ch’ùn ghjuvava à nunda di lagnàssi. Aviu un’cultellu, aviu qualchi splusivi, aviu una pistola : pudiu fughje.

Un abbenimentu interrompì e mio riflessione : a vittura piantò ; eranu ghjunti a destinazione. In stessu tempu, e voce s’eranu tese è poc’à pocu, tutti escianu di a vittura. Pocu dopu, aprinu u cofanu di a vittura permittendummi, di colpu, di ritruvà appena d’aria novu è di spaziu, ma micca tantu di lume, chì lume, ùn ci ne era tantu. Eramu di notte. U prim’affare ch’o vedii quand’u cofanu fù apertu, fù sette personne chì mi fighjonu parendu vulemmi male. D’altronde, ùn era micca falsu : ci eranu tutti. Ci era u Capitanu Ghjuvan’Filici, u Cavaglieru di Mirvella, u Duttore Tagliacappu, Mister Palu, dui altri ch’o suppunii esse u Castratore è u Boia, eppò Lernazg.
U solu chì mancava era u mistiriosu Sgiò Vituperi ; quellu ch’o pinsavu esse u cerbellu di tutta st’affare. Quellu ch’ùn vulia micca esse ricunisciutu.

Si missenu à trè per fàmmi esce di u cofanu (vi ramentu ch’eru intravatu, mani è pedi, è chì, di colpu, ùn pudiu esce solu solu) per ponemmi in terra.

In fattu eramu sempre in piena furesta. Certe, una furesta traversata da una strada catranata, ma una furesta quantunque, è nisun’casa ùn si vidia à a vicinanza. Un’capiscia micca troppu a situazione, ma ùn m’impurtava più ch’una sol’affare, chì era di pudè riesce à fughje di quì.
Fù à stu mumentu precisu chì Ghjuvan’Filici annunciò :
"Andemu. A strada hè sempre longa. Sì tù chì u cuttighji o Lernazg. Riveneremu, noi altri, da quì à una mez’ora incù tutti i strumenti per un’bonu interrugatoriu."
Lernazg sghignazzò :
"Eiu, ùn aghju mai avutu bisognu di strumenti. E mio mane bastanu."
È Ghjuvan’Filici rispose :
"Hè per quessa ch’è tù ti starai quì incù ellu fin’à u nostru ritornu. È ci aspetti, per cummincià."
È, di colpu, tutti sì n’entronu in a furesta bughja (ancu più bughja di notte), lacchendummi solu incù Lernazg.

A situazione era inesperata. Un aviu più ch’un’solu guardianu. U tipu mi paria cumpletamente baulu, è eiu, aviu sempre cultellu, pistolla è splusivi. In cundizione simile, ùn pudiu ch’è riesce.



Facianu dighjà cinque minute chì tutti l’altri eranu partutiti laccandummi solu incù un’solu guardianu. Avia dettu, u Capitanu ch’elli avianu da rivene da quì à menu d’una mez’ora. Vulia dunque dì chì e cundizzione eranu più ch’e favurebile per mè.
Fighjavu un’pocu quellu ch’ell’avianu laccatu per cuttighjàmmi. Paria veramente un’lonzu. È ancu di notte, purtava sempre i so spechjetti neri ! Mi dumandavu da vera cosa pudia vede incù spechjetti simile ! Mi dumandavu perchè ch’ùn avianu laccatu ch’una sola personna per cuttighjàmmi. È sopra tuttu, perchè avianu laccatu un’baulu cusì !
Eiu, eru in terra, intravatu mani è pedi, un’bavagliu nant’à a bocca. Pariu tuttu un’ficatellu (scusate madamicelle di prisentàvvi un’imagina di mè pocu sensuale, ma rassicuratevvi ; ùn hà da dura ; ùn aghj’à stà tantu in sta situazione). Lernazg, in quant’à ellu, era arrittu, bè drittu, è mi fighjava, u visu impersunale, senza dì nunda. Eiu, cumminciavu à priparà, in u mio ciarbellu, a mio scappera, chì avà, era imminente. Prima staccàmmi e mane incù u mio cultellu bottulu (u più difficiule) ; dopu staccàmmi i pedi incù e mio mane (micca troppu difficiule) ; dopu piglià a mio pistola per minaccià à Lernazg, è neutralizàllu ; è infine, scappà incù a vittura.
U più difficiule era d’aspettà una seconda, o ancu frazzione di seconda d’inattenzione di Lernazg, è sopra tuttu d’andà in furia.
Ma, tuttu ghjunghje sempre quand’omu aspetta. In fattu, à un’mumentu datu, Lernazg calò l’ochji per pigliàssi una sigaretta (di marca indeterminata ; precisu bè, per ùn fà micca publicità gratuita nant’à u foru !) in a so curetta. Era u mumentu, per mè.
Tuttu andò in furia vera. Passaiu e mio mane davant’à la mio camisgia in u locu precisu duve si truvava u mio cultellu bottulu. Una seconda è trè decimi. Pò, m’addirrizzaiu, è cù e mio mane disintravate, pruvaiu à staccà i ligami ch’intravanu i mio pedi. Ma Lernazg dighjà, avia riagitu è rizzava a so pistolla (9 mm) nanz’à è ! Si truvava à menu d’un metru di mè.
In una frazzione di seconda, è senza troppu riflettà, li daiu un’colpu di pedi u più forte pussibulu (vi ramentu chì e mio dui anche eranu sempre ligate inseme è ch’eru in terra) in e talorche. Lernazg mughjò di dulore è pò si ne cascò in terra. Prufittaiu di sta situazione per infine disfà i ligami chì m’intravavanu anche è pedi per, infine, mettemi arrittu.
Lernazg era firmatu in terra, chì era probabilmente menu rapidu ch’e mè, è podasse menu addestratu. Caschendu, avia ancu cappiatu a so pistolla. Ne pruffitaiu, una volta di più, per racoglie l’arma (fendu in sorte d’avèllu sott’à l’ochji, chì ùn sò micca scemu, eiu ; cosa cridite voi ?) è minacciàllu. Certe, aviu sempre a meia, a pistola, ma almenu, ùn aviu bisognu di pigliàlla, chì era troppu bè piattata ! Avà, e cose eranu sfarente, è eru eiu chì minacciavu à Lernazg, chì era in terra, arrabiatu d’essessi fattu piglià cusì, chì m’insultava è spudava. Pudiu ancu tumballu, chì a so pistolla era incarcata, ma u fattu hè ch’ùn aghju mai tombu à nimu è ch’ùn aghj’à micca cummincià oghje. Di colpu scelgìi di neutralizàlu minendulu in capu incù a so pistolla, fendu in furia per ùn fàmmi ripiglià l’arma.
A u primu colpu, Lernazg cascò incuscentu.

A mio situazione era, dapoi menu d’una minuta, assai migliurata, ma ùn eru salvu quantunque. L’altri pudianu rivene subitu subitu, è s’o aviu riesciutu à triumfà d’un’baulu cume Lernazg, eru menu sicuru di pudè triumfà in u stessu tempu, è di Ghjuvan’Filici, è di Mirvella, è di Tagliacappu, è di Mister Palu, è di u Boia, è è di u Castratore ! Ancu per mè, era un’pocu troppu. Di colpu, è senza piantà, cuntinuaiu u mio pianu.

Mi n’andaiu à a vittura chì ci avia purtati tutti quì. Era une bella vittura nera, di lussu (di marca indeterminata ; precisu bè, per ùn fà micca publicità gratuita nant’à u foru !). Una vittura di mac. Una vittura chì mi cunvenia perfettamente !
Di sicuru, ùn avianu laccatu e chjave nantu. Un era scemu Ghjuvan’Filici ! Era podasse ancu troppu intelligente. Pudiu andà à vede s’e Lernazg ùn avia e chjave di a vittura nant’à ellu, ma m’averia mondu stunatu ch’è Ghjuvan’Filici ebbe avutu assai cunfianza in ellu per dàlli e chjave. D’altronde, ci era una manera più simplice : i filli sott’à u tavulone di bordu (cumu ? ùn si dice micca cusì ? bon, allora ditemmi cum’ellu ci vol’à dì postu ch’è vo sapete tutti, voi).
Trenta seconde dopu, eru partutu incù a vittura. U più difficiule era fattu. U più difficiule, ma micca u più longu, chì avà, ancu s’o’n’eru più prighjuneru, ùn sapiu mancu induve eru (nant’à una strada ingirata dà una furesta, cume Vizzavona, o Valdu-Niellu, o Aitone...) è ùn sapiu micca di chì manera i mio nemichi mi perseguitaranu (ancu s’o aviu arrubatu a sola vittura ch’ell’avianu). Dunque pigliaiu a decisione di cuntinuà a strada fin’à u primu paese. Dopu, mi sbruglieraghju per arripusàmmi appena, è dopu, riparteghju à attaccà tutti quelli chì mi volenu u male, è sopra tuttu u mistiriosu Sgiò Vituperi !

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:18 am

Caminavu dapoi un’quartu d’ora (è senza ancu sorte di a furesta), quandu vedìi, in pien’mez’à a strada, una femina !
Di colpu, piantaiu a vittura, è ne escìi per andà scuntràlla. Una donna, sola, in un’locu simile, in pien’mezz’à a strada... ecc’un’affare pocu urdinariu !
Podasse chì era una trappula, ma u mio stintu di dettettivu mi dicia ch’ùn era u casu. A donna paria inafantata è spavintata, è in più di què mi facia gran’segni ! Eru ubligatu di piantà a vittura.

Escìi di vittura andendu vers’ella. A donna avia, da veru a paura. Ma micca di mè, chì à u cuntrariu, curria versu mè. Quand’ella fù à bastanza vicina, cumminciò a cunversazione cusì :
"Site bè Orsu Dumenicu Solechjari ? U dettettivu ?"
U fattu ch’ella mi cunnoscessi mi stumacò appena, ma dop’à una serata simile, poc’affare pudia ancu stumacàmmi.
Li rispundii :
"Iè, sò eiu. Perchè ?"
A donna trimava è suvava, ma in fattu, era da veru una bella donna. Dichjarò :
"Grazi’a Diu, site salvu !"
Aghjunsi :
"O sgiò dettettivu, devu cullà cun’voi in a vittura. Devimu parlà. Cuncerna u Sgiò Vituperi, u terribile."
Stu nome ebbi nant’à mè un’effettu ben’peghju ch’è d’amparà ch’ella mi cunniscia. Per u mumentu, ùn capisciu nunda, ma postu chì u mio stintu mi dicia chì trappula ùn ci ne era, è ch’ell’era sincera, decidaiu :
"Cullemu in vittura. Mi spiegherai caminendu."
Cusì, culliamu tutt’i dui in a vittura ch’o feccii smarrà prestu prestu.
Era veramente una bella zitella. In più di què, paria impaurita di qualcosa, è sapia qualcosa nant’à mè, è nant’à Vituperi. Ma nanzu di cummincià sta parte di a discussione, li dumandaiu, per apre a cunversazione :
"Cumu ti chjami ?"

"Mi chjamu Sumenta." Rispose l’inaspettata femina.
"Sumenta ? Eccu un’bellu nome ch’è quessu. U porti bè." Li dichjaraiu incù enfasi.
"Grazie, dettettivu." Rispose Sumenta.
Sumenta era dighjà menu nerbosa. Si truvava in una situazione più rassicurante. Esse moltu bravu cun ella ùn pudia esse ch’è un’piacè per mè. Cuntinuaiu :
"D’altronde, pensu cun’sincerità ch’una cusì bella zitella ùn pò avè ch’è un’nome di i più belli."
"Grazie." Rispose Sumenta, podasse un’pocu disturbata da e mio parolle.
Decidendu d’ùn fàlla micca paura, ne firmaiu quì, per u mumentu, urientaiu a discussione d’un’altru latu :
"A notte hè troppu bughja per una cusi dolce è cusì belle ghjuvanotta. Cumu hè ch’è ti fussi quì à meza strada, tutta impaurita, à a mio ricerca."
Sumenta, chì dighjà un’trimava più, mi spiegò :
"Ancu senz’avèvvi mai vistu, eru inchieta nant’à voi. Sapiu chì quellu chì si piatta sott’à u cugnome di Sgiò Vituperi vi vole u male... ma podasse seria megliu ch’o vi cuntessi tutta a storia dapoi u principiu..."
"Fà cum’ella ti pare." Incuragiilla.
Di colpu, Sumenta cumminciò à cuntàmmi :
"Mi chjamu Sumenta, è sò uriginaria di a pieva di Lota. L’altru ghjornu, era fallata in paese d’Ostraghja per andà à vede un’amicu meiu, chì si chjama Blaccu Bloccu, è chì si ne stà qualchi ghjorni in stu paese."
Sì piantò una criuccia di parlà, ma ripigliò prestu prestu :
"Ci eramu datu appuntamentu à u caffè di l’alivi fiuriti, accant’à a piazza... Ma eru in avanza, eiu. Di colpu, m’era stallata à un’tavulinu nentru, per aspittàlu, chì facia troppu caldu per firmà fora. Eru a sola cliente. Fù cusì ch’aghju vistu affàccàssi à u cafè cinque o sei omi chì parianu assai stranii. Unu, paria un’marinaru di i tempi fà, un’altru paria un’nobile di u XVIIIesimu,... vidite ?"
Per parlà francu, sti persunnaghji mi ramintavanu qualcusella. Un’ricordu cunfusu di qualche ore fà. Li dichjaraiu :
"Iè. L’aghju dighjà scuntrati."
Di colpu, cuntinuò a so storia :
"Quand’elli sì sò stallati, u patrone di u caffè m’hà dumandatu, di sorte, di manera propiu scurtesa. Ma cume era solu è ch’ell’eranu parechji, eru ubligata di sorte per stallàmmi nant’à i tavulini di fora. À stu mumentu precisu, vedìi entre un’altru tipu, chì piattava a so faccia sott’à un’elmu di motò. Cumminciavu à dìmmi ch’ellu si priparava qualcosa d’inabituale, è pocu dopu, ebbe avutu cunfirmazione, chì quandu l’omu incù l’elmu hè entratu, u patrone di u caffè s’hè spicciatu di chjode tutte e finestre è ancu a porta, ma i muri era à bastanza fini, è aghju intesu tuttu u cuntrastu chì a seguitatu."
"È cosa ai intesu, car’acella ?"
"Ùn v’aghj’a micca fà un’contu resu precisu di e discussione, ma anu parlatu più d’una mez’ora, è aghju capitu chì l’omu chì sì piattava sott’à l’elmu si facia chjamà Sgiò Vituperi, ch’ell’hè un’banditu, è ch’ell’hà chjamatu tutti l’altri per priparà l’arrubatura di u più grande diamente di u mondu."
"Iè !" M’esclamaiu.
Infine cumminciu à vede un’pocu più chjaru. Pensendu à i prezzi di e petre, era chjaru per mè chì u più grande diamente di u mondu costava caru caru. Ma Sumenta ùn avia compiu a so narrazione, è cuntinuò :
"U più grande diamente di u mondu, l’aghju amparatu stendulli à sente, si chjama u Diamente Vergine, pesa dui chilò è mezu, è hè statu compru, parechji mesi fà, dà un’certu Ghjuvan’Federiccu, di Bunifaziu. Cuscente di u valore di sta petra, u tene chjosu in una casciaforte, è i banditi a sanu. Ma sanu dinù chì per u 24 di lugliu, per a Fiera di San Golfachinu, in paese d’Ostraghja, ghjust’à puntu, u dettu Ghjuvan’Federiccu, chì serà prisente per u cuncorsu di chjam’è rispondi, u purterà nant’à ellu, podasse per offrellu à una donna. Ne volenu prufità per arrubàllu."
Avà, era bellu chjara a situazione ; capisciu megliu perchè Vituperi avia parlatu di a Fiera di San Golfachinu, di u paese d’Ostraghja, è di u 24 di lugliu. Mi paria chì Sumenta avia finitu, ma in fattu, ùn era u casu, chì cuntinuò :
"...è Vituperi hà dinù parlatu di voi. Hà dettu chì site un’dettettivu brigliante chì pudia cumprumette tutta l’uperazione, è chì per quessa, hà parlatu di tumbàvvi à u più prestu. À stu mumentu precisu, quellu chì s’assumigliava à un’marinaru l’hà cuntratu, dicendu ch’ellu vulia mantevvi in vita per pruvà à fàvvi parlà d’un’certu Antonu è d’un’certu Matteu Mattei, dui omi chì, d’apress’à elli, cunniscite, per compie, cum’ell’hà dettu, un’affare cume "a guerra di u foru" o simile parolle. Vituperi, scuntentu d’esse cuntradettu, hà quantunque accitatu, è l’aghju intesu priparà una trappula incù un’falsu cignale. Eccu tuttu cio ch’aghju intesu."
Allora chì Sumenta ripigliava u so fiatu, a mio mente travagliava dighjà. A pensate principale chì occupava u mio cerbellu era u gran’meritu di sta ghjovanetta. Senza esse dettettiva prufessiunale, era stata testimonia d’un’cuntrastu d’impurtanza maiò trà banditi, è non’solu avia capitu tuttu, ma ùn s’era sminticata di nunda, è avà, era ella chì mi salvava, spieghendummi tuttu. Ancu venendu solu di fà a so cunniscenza, eru moltu fieru d’ella. Li sprimaiu :
"Umbeh ! Ùn sì micca solu bella, sì dinù intelligente è scatavolta."
Ma Sumente ùn avia tantu laziu di riceve cumplimenti, chì ùn avia micca finitu di parlà. Dopu à avè marcatu un’rifiatu, ripigliò :
"Dopu, sò tutti esciuti, i banditi. U Sgiò Vituperi u primu, u patrone di u caffè, chì, l’aghju amparatu durante a cunversazione, si chjama Mister Palu, l’ultimu. Tantu mi sò piattatu, è pò dopu, sò andat’à vede à Blaccu Bloccu. Li aghju cuntatu tuttu, è inseme, avemu pigliatu una decisione."
Eru più ch’è interessatu. Ma per un’pare micca tagliàlli a parolla, avà chì era lampata, ùn aghjunsii nunda, aspettendu a seguita, ch’ùn tardò micca :
"Postu ch’ùn sì pudia chjamà a pullizza postu ch’è vo site sempre ricircatu, avemu decidatu di purtàvvi succorsu noi. In u caffè, Vituperi hà precisatu moltu ditagli cuncernendu u locu duve seriate imprighjunatu, è tutte e mosse ch’elli ferianu d’un’locu à l’altru. Sapiu dunque in chì locu seria statu pussibile di liberàvvi. Blaccu Bloccu s’hè procuratu duie pistole, una per mè, l’altra per ellu, è sta sera, eramu fora per andà à liberàvvi. Ci simu chitati per increscì e scenze di ritruvàvvi. Blaccu Bloccu hè andatu à u Stazzu di a Pecura Briagga, induve devianu purtàvvi, è chì si trova sopr’à u Monte Bughju, è eiu aghju seguitatu a strada."
Eiu chì cridiu avè avutu à bastanza surprese per un’solu ghjornu, ùn ne riveniu micca. Quantu curraghju. Attacàssi sola, o quasi, ancu armata, à una mansa di banditi ! Eru, da veru, moltu impressiunatu ! In dece minute, aviu avutu moltu più infurmazione ch’o bramavu. Sumenta cumpiò :
"U prublemu hè chì a mio vittura hè cascata in panna allora ch’o cullavu. Di colpu, aghju persu assai tempu, è aghju cuntinuatu à pedi, ma eru pocu uttimista. Aviu ancu a paura. Grazi’à Diu, v’aghju trovu, è in salute. Aghju mandatu un’SMS à BB è avà, hè in traccia di rivene. Eccu ! Avà v’aghju dettu tuttu, à voi di spiegàmmi."
Chì curraghju ! In più di què, mi piacia a so manera di cumandà. Senza fàmmi pregà, li cuntaiu tuttu, senza scurdammi di nunda, dapoi u principiu. Quandu ebbe finitu, decidiimu, dopu à avè ricuparatu à Blaccu Bloccu, d’andà arripusàssi appena, inde ella, per esse in forma u lindumane.
U lindumane, era privistu ch’o cuntatessu à Eiustessu, u mio infurmatore principale, ch’ella cuntatessi à Elvira, un’amica soia, è ch’inseme, pudessimu riflette à una manera per impedisce l’arrubezza di u Diamente Vergine di Ghjuvan’Federiccu, è in u stessu colpu, amparà infine, a vera identità di u Sgiò Vituperi.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:19 am

Dopu à una notte passata in paese d’Ostraghja ospitatu da Sumenta è Blaccu Bloccu (chì era rivenutu senza prublemi di u Stazzu di a Pecura Briagga), aviu decidatu di firmà quì almenu dui o trè ghjorni, chì mi paria esse troppu risicatu ch’è di riturnà ind’è mè, per u mumentu. Fù cusì chì, u lindumane à dece ore, in sta casa imprestata da Sumenta è Blaccu Bloccu, aviu decisu una riunione strasurdinaria per priparà infine a mio risposta. Fora di Sumenta, di Blaccu Bloccu, è di mè (ben’intesu), ci eranu dinù Elvira è Eiustessu (u mio infurmatore principale ; un’tipu assai straniu in u quale ùn aghju tantu cunfidanza, ma postu ch’ell’hè sempre statu un’bon’infurmatore...). Per pudè impedisce l’arrubezza di u Diamente Vergine, pruprietà di Ghjuvan’Federiccu da Vituperi è i soi durante a Fiera di San Golfachinu.
Fù per quessa chì, qualche ore dopu, principiaiu una piccula inchiesta nant’à stu Ghjuvan’Federiccu. Fù cusì ch’amparaiu chì era bunifazincu, pastore, ch’ellu travagliava certe volte in Savaghju, è ch’ell’aviu compru, pocu nanzu, u più gran diamente di u mondu : u Diamente Vergine. Un era tantu riccu, Ghjuvan’Federiccu ; micca à bastanza per cumprà un’ghjuvellu cusì, è mi paria chì ci eranu sempre assai bughji in sta storia, ma per avà, u sol’affare ch’ellu ci vuria esse d’avertellu.
Trè ghjorni dopu, a mio inchiesta finita, decidaiu infine d’andà à vede à stu Ghjuvan’Federiccu in u so travagliu in Savaghju per parlà un’pocu cun ellu. Quandu ghjunghjìi quassù, i patroni m’amparianu chì Ghjuvan’Federiccu era dighjà ripartutu in Bunifaziu.
Fù cusì ch’o ripartìi versu Bunifaziu à scuntrà infine stu mistiriosu citadeddaiu ch’era Ghjuvan’Federiccu.

Ghjuntu ind’è ellu (chì eiu, quandu cercu à qualchissia, u trovu sempre), mi prisentaiu à ellu, è li cuntaiu tuttu, è sopra tuttu u periculu per ellu d’andà solu è senza prutezzione in a Fiera di San Golfachinu.

Ellu, à contu soiu, mi spiegò chì stu Diamente, ùn l’avia micca compru, chi soldi ùn ne avia tantu, ma ch’ellu l’avia trovu interratu in a rena di a piaghja di Cala Longa (dopu à u passaghju d’un certu Jacques S. in stu locu) è ch’ellu avia l’intenzione di rigalàllu à a so imprumissa durante a Fiera di San Golfachinu.
Li dumandaiu s'ellu ne avia parlatu a monda ghjente, è ellu mi rispose chi no, ch'e sole tre o quattru personne a sapianu.

Ghjuvan’Federiccu, essendu un’omu intelligente, pigliò a decizione d’aspettà appena nanzu di fà un’rigalu tamantu incù minaccie cusì serie.

Eramu sempre discuttendu inseme chì a porta di a so casa fù sbundata. Ghjuvan’Federiccu è eiu ùn ebbimu ch’è u tempu di rializà ch’ellu si passava qualcosa chì era dighjà troppu tardi.

Sgiò Vituperi, accumpagnatu di Ghjuvan’Filici è di tutti l’altri eranu quì.
Eranu tutti armati, eranu sei (Vituperi, Ghjuvan’Filici, Mirvella, Tagliacappu, Mister Palu è Lernazg), è noi ùn eramu ch’è dui è eru u solu à esse armatu.
Eramu in una trappula
TA TA TA TAM ! [picculu rutulamentu di tamburu per materializà u suspens]

Eramnu intrappulati ! Vituperi è i so sbiri eranu quì ! Eranu daret’à noi. Eranu armati.
E prime seconde, ùn aghju sapiutu cosa fà... certe, ùn era a prima volta ch’o mi truvavu in una situazione simila, ma, pudete credemmi, he sempre a listess’affare : in i primi tempi, ùn sì sà cosa fà. Dopu, mi vene naturalmente, e cose à fà per salvàssi è cumbatte i mio nemichi, ma in i primi tempi, aghju sempre bisognu di riflette.
Fù Vituperi chì mi escì di e mio riflessione quant’à una scappera, dichjarendu, triunfante, è incù una vera voce di gattivu :
"Quessa à sapiu ! A sapiu propiu chì Solechjari veneria quì per parlà cun Ghjuvan’Federiccu ! A sapiu chì Solechjari, libaru, ampareria a verità prestu prestu nant’à u mio scopu."
Eiu, senza palisà a mio indecizione quant’à u caminu à aduprà per vincelli tutti, dumandaiu, sfidendulu :
"Cosa mi parli di u to scopu ? Si talmente strampalatu ch’ùn ai bisognu di mè per piantàtti ! D’altronde, avà, u ghjuvellu hè in securità."
Vituperi, senza parè palisà nisun’emuzione, mi rispose, arrugante :
"Ch’è tu credi ! Podasse chì, per colpa toia, ùn averaghju micca l’uccazione d’arrubà u Diamente Vergine à a Fiera di San Golfachinu, ma ùn face nunda, chì l’aghj’à arrubà oghje."
Cuntinuendu di sfidàllu, rispose :
"Ùn arrubarete nunda oghje, chì u Diamente Vergine si trova bè piattatu. Si leccu Vituperi !"
"Piant’appena e to cunnerie, chì sò esatammente induve hè piattatu u Diamente Vergine. Si trova in una casciaforte in cantina di sta casa. Ci hè un’codeci di centu sciffri per aprella, ma incù a mio squadra, ti possu dì ch’è no avemu i medii di fàvvi parlà." Rispose Vituperi parudiandu un’vechju filmu.
Sentendu què, mi venì l’inchietutina. Micca per mè, chì eiu, ùn temu a turtura, chì sò ghjà statu turturatu, ma per Ghjuvan’Federiccu, dumandendummi s’ellu puderia resiste à a turtura. Quessa era ancu più veru chì seria sicuramente ellu chì seria turturatu, chì eiu, manc’ùn lu cunnisciu, u codici di a casciaforte.
Ma ùn ebbe tantu u tempu di riflette di più, chì Ghjuvan’Filici pigliò a parolla :
"Pensu ch’ùn averemu micca bisognu di fà usu di a turtura, o Vituperi, chì u mio amicu Tagliacappu hè un’espertu in codici quant’è in chirurgia."
"Videremu." Rispose Vituperi, senza parè ralegràssi di st’infurmazione, parlendu da veru cume s’e sta suluzione li dispiacia.
"È d’elli chì ne femu ?" Dumandò u Cavaglieru di Mirvella, mustrenducci di u dittu, à Ghjuvan’Federiccu è à mè.
"Quandu seraghju in pussessione di u Diamente Vergine, i tumberemu." Rispose, crudellu, Vituperi.
"O Sgiò Vituperi ; s’è vo a permettite, mi piaceria monda di pudè, un’altra volta, interrugà à Solechjari per sapè s’ellu sà qualcosa nant’à Antonu o Matteu Mattei." Dichjarò Ghjuvan’Filici.
Ma a risposta di Vituperi fù senza ambiguutà :
"Innò ! I tumberemu è basta !"

Fù à stu mumentu precisu chì Sumenta entrò in a casa...
Tutti funi surpresi da st’entrata propiu inaspettata. Eiu dinù, mi dumandavu cosa facia quì, chì l’aviu fattu prumette di firmà in paese, luntana di u periculu.
Ma, una volta di più, l’ebbenimenti sì passonu troppu prestu, chì Sumenta ùn ebbi mancu u tempu di fà qualcosa per aiutàcci, Ghjuvan’Federiccu è eiu, chì i sbirri di Vituperi l’avianu dighjà neutralisata è messa accant’à noi, sott’à a minaccia di e so arme, cume noi.
Vituperi, senza lacàssi impressiunà, dichjarò, a voce piena di velenu è d’irunia :
"Vecu chì l’amica di u nostru dettettivu ùn hà pussutu resiste à a tentazione di vene à u succorsu di u so eroe. Ùn face nunda... Ferà una personna di più à tumbà dopu à avè trovu u Diamente Vergine."
Veramente, stu persunnaghju era infamu. Ùn capisciu micca cumu hè chì un’persunnaghju cusì bruttu è cusì caricaturale in a bruttezza ebbi pussutu esse un’nemicu cusì tenace per mè.
Fù à stu mumentu precisu chì Mister Palu dumandò :
"Sò d’accunsentu per tumbàlli quand’averemu truvatu u Diamente Vergine, ma per avà, chì ne femu, d’elli ?"
"Appicatelli tutti incù a funa, è purtatelli tutt’i trè in u granaghju. Averaghju bisognu di voi altri. Dopu, quand’e no averemu truvatu u Diamente Vergine, podasse chì ti laccheraghju ghjucà incù elli."
A voce di Vituperi ùn laca piazza, ne à a cuntestazione, ne à a disubbidienza, è cusì, prestu prestu, fumi intravati mani è pedi è purtati in u granaghju senza pudè truvà l’uccasione di fughje o ancu di sbattessi, chì Mirvella ci avia chluruformatu tutt’i trè !


Quandu mi svegliaiu, eru effettivamente in u granaghju di a casa di Ghjuvan’Federiccu, appicatu incù funa, mani è pedi ! Accant’à mè, si truvavanu Sumenta è Ghjuvan’Federiccu, in u stessu statu ch’è mè, salvu ch’ell’ùn avianu ancu ripigliatu cunniscenza. A situazione era propiu critica. Vituperi avia da furzà a casciaforte da quì à pocu, è ghjustu dopu, avia l’intenzione di fàcci tumbà da Mister Palu. Ùn deviu micca piglià u tempu di riflette chì podasse ch’ùn l’averiu micca, stu tempu ! Deviu agisce, è prestu !
Di colpu, incù u mio bottulu-cultellu di a mio camisgia, mi staccaiu prestu e mani. Pò, dopu à avè liberatu e mio mani, staccaiu i mio pedi per liberàmmi cumplettamente (iè, à socu, aghju dighjà fattu cusì l’ultima volta... è allora ?), è po, m’alzaiu.
Dopu à avè liberatu dinù à Sumenta è a Ghjuvan’Federiccu, li svegliaiu dopu à parechji sforzi.
Ùn aviu micca pianu per a scappera, ma prima, vuliu avè una piccula cunversazione incù Sumenta. Prestu li dumandaiu :
"Cumu hè ch’è tù fussi quì ?"
"Ùn vuliu micca laccàtti solu in facci’à u periculu." Rispose Sumenta.
"Si venuta sola ?" Li dumandaiu un’altra volta.
"Innò. Ci sò Elvira è Blaccu Bloccu in a vittura. Mai ùn averiu fattu a tuntia di vene sola sola quì." Mi spiegò Sumanta.
Rifflettendu in furia à st’infurmazione, mi dumandaiu s’è Elvira è Blaccu Bloccu eranu stati dinù neutralisati da Vituperi, ma mi dì ch’ùn era sicuramente micca u casu, postu chì sinnò, serianu sicuramente prighjuneri cun’noi altri (ch’ùn pensu micca chì Vituperi ebbe fattu dui gruppi di prighjuneri). Dunque vulia dì chì aviamu un’attù ch’è i nostri nemichi ùn cunniscianu micca. Ci vulia prufitàne. Dopu à sta piccula riflezzione, annunciò, parlendu à Sumenta :
"Car’amica, averaghju bisognu ch’è tù fessi esatamente cio ch’o t’aghju dà dì prestu."
"Iè ?"
"Emu da sorte da quì. S’ell’ùn ci hè nimu, vogliu ch’è tù corsi, incù Ghjuvan’Federiccu, fin’à a vittura. Eiu firmu quì per un’mumentu. Vogliu smascherà à Vituperi, è salvà u Diamente Vergine."
Ma Sumenta ùn era d’accunsentu cun’mè :
"Innò ! Ùn possu fughje da quì lachendutti quì in pienu periculu."
Ben’intesu, capisciu u so parè. Ma di sicuru ùn pudiu micca accità un’tale sacrifiziu, è per quessa, li rispundì :
"Innò, dolce fiore... eiu sò abituatu à stu ghjennaru di situazione. Tù sì propia nucente in st’affare, è u peghju chì puderia accade seria ch’elli ti fessinu male. Tù poi fughje senza penseri. M’occupu di tuttu."
Sumenta ùn rispose nunda, cunvinta (o parendu cunvinta) da i mio argumenti. Di colpu m’avvicinaiu di a porte, è dumandaiu à Ghjuvan’Federiccu, scherzendu :
"Ùn ti dispiaceria micca troppu, s’o sò occupatu di sbundà a to porta per esceci di quì ?"
"Vai puru..." Mi rispose Ghjuvan’Federiccu di a stessa manera.
Di colpu, pigliaiu a mio fulata, è pò sbundaiu a porta chì schjattò fendu un’bellu rimore. Duie seconde dopu, Lernazg era quì. Dui colpi in lochi ben’scelti, è l’aviu neutralizatu è abbaluticatu. Pocu dopu, Mister Palu entrò in u granaghju. Incù Sumenta, u neutralisaiu di listessa manera, senza nisun’prublemu. Dopu, fù u duttore Tagliacappu chì fù abbaluticatu.

Dopu à avè appicatu i trè furdani d’una manera sicura incù l’aiuta di Sumenta è di Ghjuvan’Federiccu, pigliò è trè pistole di i furdani (una per furdanu, ben’intesu) è li spartì trà noi dopu à avè verificatu ch’ell’eranu incaricate. Un’ultima volta, annunciaiu :
"Site ben’armati per resiste à tutti quelli chì puderianu attacàssi à voi. Andate puru in a vittura, è sopra tuttu, ùn vi rigirate micca. Eiu aghj’à andà in cantina à vede a casciaforte."
Allora chì Sumenta è Ghjuvan’Federiccu si n’andavanu fora di a casa versu à a vittura, firmaiu qualchi tempi à fighjàlli, per assicuràmmi ch’ell’ùn risichianu nunda. Pò, dopu à avè acquistu a certitudina ch’elli eranu in securità, fallò cume previstu in cantina senza scuntrà à nimu."

Ghjuntu daret’à a porta di a cantina di a casa, firmaiu qualchi tempu à stà à sente cio chì sì passava daretu. Visibilmente, ùn eranu ch’è dui : Vituperi è Ghjuvan’Filici. Nisun’traccia di Mirvella.
"À mumenti pensu chì averemu u codeci per apre sta maladetta casciaforte." Annunciò Ghjuvan’Filici.
"Sarebbe ora." Rispose Vituperi.
"Ùn t’annerbi micca chì sinnò, mi scuncentri in a mio riflezzione." Rispose Ghjuvan’Filici.
Vituperi ùn rispose nunda, mà dichjarò, cume parlendu solu :
"Da quì à un’mumentu, u Diamente Vergine serà meiu ! U taglieraghju in pezzucci, ch’o puderiu rivende caru caru ! Cusì, averaghju almenu parechji millioni per cummincià u mio pianu infirnale... È CUSI PUDERAGHJU DIVINTÀ U MAESTRU DI U MONDU ! HA HA HA HA HA."
Tanta megalumania facia fretu in u spinu. Vituperi ùn era solu un’arrubatore, vulia dinù u putere assolutu. Era ancu più periculosu è più scemu ch’o cridiu. Era ora per mè, d’entrà in cantina, per luttà infine contr’à ellu.
D’un colpu, sbundaiu a porta di a cantina, a mio pistola davanti, ma Ghjuvan’Filici, più prestu ch’è mè, mi minaciava dighjà cù a so propia pistola. A situazione paria tuppata.
Vituperi, arrabiatu, cummandò :
"TOMBÀLLU !"
Ma in fattu, Ghjuvan’Filici girò u so bracciu, è puntò a so arma versu Vituperi, minacciendulu direttamente, è dicendu :
"S’o ne devu tumbà ch’è unu, serà tù. Avà, aghju capitu quale tù sì."

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:20 am

Firmaiu qualchi tempi stumacatu da un’rigiru tamantu, senza dì, ne fà nunda. Eccu una situazione propiu inaspettata. Dapoi prima, è fin’à pocu, mi paria chì Vituperi è Ghjuvan’Filici eranu allegati, u secondu travagliendu per u primu. Ma in fattu, tuttu stu caminu mentale mi paria oramai cumpletamente bughju, avà chì Ghjuvan’Filici avia giratu a so arma versu Vituperi.
Vituperi ellu stessu, paria ancu più stumacatu ch’è mè malgratu u so elmu. Puru, s’era calmatu, è era menu accanitu à vedemmi mortu. Ripigliendu a so superba, urdinò à Ghjuvan’Filici :
"Piant’appena a to macagna s’è tù’n’voli pagàlla !"
Ma Ghjuvan’Filici, micca prontu à lacàssi fà, rispose :
"Avà basta chì t’aghju induvinatu. Aghju capitu quale tù sì."
U tonu era aggressivu, è sì sintia propiu chì l’alleganza era propiu rota trà i dui persunnaghji. Cumminciavu à sentemmi di troppu in stu cuntrastu chì paria deve compiessi da u sangue.
Vituperi u minacciò :
"S’è tù cuntinueghji, t’aghju dà tumbà eiu, allora, cala sta pistola."
Vituperi fì cume per piglià a so propia pistola, ma rializò, spavintatu, ch’ùn ne avia micca, è chì Ghjuvan’Filici è eiu eramu i soli à esse armati in sta pezza.
Ghjuvan’Filici annunciò, in zerga :
"M’ai troppu ingannatu, o Vituperi d’i mio dui... M’ai ingasgiatu per fà, per tè, un’travagliacciu di merda, è serai tù chì piglierai tutti i benefici... In più di què, aghju capitu quale tù sì..."
"Ùn ai capitu nunda o ieddicfizbbì." Rispose Vituperi sempre cusì aggressivu.
"À u cuntrariu, aghju capitu tuttu, è sì leccu." Spiegò Ghjuvan’Filici.
Ghjuvan’Filici marcò un’rifiatu in a so spiegazione, pò, sulenne, annunciò :
"Aghju capitu ch’è tù sì Matteu Mattei."
TA TA TA TAM ! [picculu rutulamentu di tamburu per materializà u suspens]


Una volta di più, firmaiu stupidu qualche seconde per via di stu svelu. Dunque, d’apress’à Ghjuvan’Filici, sott’à l’elmu di Vituperi, si piatteria Matteu Mattei. Precisu bè “d’apress’à Ghjuvan’Filici”, chì eiu, eru sicuru sicuru chì Vituperi ùn era micca Matteu Mattei : per avè scuntratu à Matteu Mattei u veru, eru sicuru chì era più grande ch’è l’omu chì sì tenia mascatu in faccia à mè, è chì si facia chjamà Vituperi. Ma per avà, firmaiu zittu, aspettendu a seguita.
"Cappiammi, ch’ùn sò micca Mattei." Rispose Vituperi, più annerbatu ch’è spavintatu.
"Iè chì sì Matteu Mattei, o furdanu. Avà ne sò sicuru. Sì propiu u mio nemicu, quellu ch’ùn aghju mai pussutu tumbà durante a Guerra di u Foru."
"Ùn sò micca Matteu Mattei, o sega !!" Cappiò Vituperi, più arrabiatu ch’è mai.
"Poi dì cio ch’è tù voli, a mio cunvizzione hè fatta. Sò propiu sicuru ch’è tù sì Matteu Mattei. Ò sinò, ùn ti piatteria micca di mè cume tù faci."
"Avà, piantà è to cunneria, o testa di sgrenachja chì t’aghju da tumbà eiu !" Rispose Vituperi, sempre cusì gattivu.
Ma Ghjuvan’Filici ùn ebbi micca finitu a so dimustrazione, chì aghjunsì :
"È capiscu megliu cumu hè ch’è tù eri cusì arrabiatu per tumbà à Solechjari... Era perchè tù avii a paura ch’ellu svelì u to sicretu."
"GHJUVAN’FILICI !!! ÙN SÒ MICCA MATTEU MATTEI. ALLORA PIANTI E TO CUNNERIE, O TI FERAGHJU TUMBÀ !!!!" Mughjò Vituperi, più gattivu, è più arrabiatu ch’è mai, incù una voce à tuvunàcci i timpani.
"S’è tù mi voli calmà, nunda di più simplice. Cacci u to elmu, è cusì, averaghju a prova ch’è tù’n’sì Matteu Mattei." Li ordunò Ghjuvan’Filici, assai più calmu.

Per sola risposta, Vituperi lampò prestu prestu un’calciu à Ghjuvan’Filici, un’altru à mè, è nanzu ch’è no ebbimu u tempu di rializà, era dighjà fora.
U tempu, per Ghjuvan’Filici è per mè di rimettecci arritti, è stu furdanu di Vituperi s’era dighjà stallatu à u vulante di a so vittura.
U tempu per noi d’andà fora per impediscellu di fughje ch’ellu avia dighjà smarratu a vittura, lampendùlla à stronca chjavetta.
Noi dui, ùn puddiamu più ch’è custatà a nostra impudenza contr’à Vituperi. Ùn pudiimu ch’è fighjà sta vittura andàssine... in direzzione di u bordu di u teppale (simu in Bunifaziu, à vi ramentu), cume per lampàssi in mare. Vituperi mi paria avè persu a raghjò da veru.
Qualche seconde dopu, a vittura cascava di u teppale, lampendùssi in mare incù moltu rimore, è splodì !

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:21 am

Firmaiu qualche seconde mutu è indecisu, dopu à sta traghjedia propiu stumacante. Certe, Vituperi era un’banditu, un banditu scemu è crudellu, in più di què, ma chì brutta fine ! Chì fine orribile !
U primu subugliu passatu, Ghjuvan’Filici sì girò versu mè, dichjarendu :
"Hà preferitu tumbàssi piuttostu ch’è smascàssi !"
Ùn rispundì nunda. Ghjuvan’Filici aghjunsì :
"Almenu, quandu ritruveremu u cadaveru, saperemu infine quale era stu tippu."
"Ùn pensu micca ch’ellu fussu Matteu Mattei, o Ghjuvan’Filì." Precisàiu.
"Quessa, à videremu." Mi rispose Ghjuvan’Filici, andendunessi d’un’altra banda. U lasciaiu andà, chì per mè, ùn riprisentava più nisun periculu, ne per mè, ne per i mi’amichi, chì u veru nemicu era Vituperi.


Dopu à sta passata traghjica, decidaiu d’andà infine à a nostra vittura, per sapè, infine, s’è Sumenta è l’altri s’eranu sbrugliati bè è eranu in securità. Dopu à sta spezia d’epilogu, mi riveninu e mio inchietutine tenace cuncernendu a sorte di quelli ch’aviu infibbiatu cun’mè di trappule in periculi. Certe l’aviu vuluntariamente scartati di u periculu, mandenduli tutti in vittura, ma a mio inchietutina firmava quantunque. Currendu in a dirrezzione in a quale pensavu truvà a vittura d’Elvira, vittura piattata daret’un’arburu, fùbbi ben’surpressu di ritruvà una situazione propiu stumacante (una volta di più ; iè, hè sempre cusì in e mio avvinture) : Elvira, Blaccu Bloccu, Sumenta è Ghjuvan’Federricu tenianu in rispetti incù pistole qualchi banditi di a squadra di Vituperi : u Boia, u Castratore, u Cavaglieru di Mirvella, è dui altri ch’ùn cunnisciu micca.
M’avvicinendu di i mei, li dumandaiu :
"Sò propiu cuntentu di vedevvi in salute, mà... cosa s’hè passatu quì."
Fù Elvira chì mi cuntò :
"Cume Sumenta t’hà dighjà spiegatu, simu tutti venuti à u to aiutu, disubidiscendutti, ma preferendu esse vicini di tè à u casu. Cusì, simu ghjunti un’pocu dop’à sti furdani, è eramu tutti pronti à intervene, mà Sumenta hà vulsutu andà sola in ricuniscenza, fenducci tutt’i dui aspettà in a vittura, Blaccu Bloccu è eiu."
Blaccu Bloccu cuntinuò :
"Dunque, Sumenta hè entrata in a casa a prima, è noi, deviimu seguitàla prestu. Ma simu statu impediti, chì quandu simu esciuti di a vittura, ci eranu quattru banditi chì ci anu minacciatu incù e so arme : ci eranu u Boia, u Castratore, Marbeuf junior, è u Prossimufandoniugattivudistuforu. Ci anu assaltati, ma ci simu diffesi."
Elvira spiegò :
"Ci simu battuti qualche minute, ma in fattu, ancu à dui contr’à quattru, emu vintu."
Eru propiu impressiunatu da tantu curraghju. Vince à dui contr’à quattru, sopra tuttu quattru banditi sicuramente esperimentati era una riescita tremenda ! Eru fieru di i mio amichi ! Eccu una vittoria ch’è no puderemu fistighjà senza vergogna. Ma u racontu ùn era compiu, è Blaccu Bloccu aghjunsì :
"È dopu, sò ghjunti Sumenta è Ghjuvan’Federiccu, chì s’eranu battuti incù u Cavaglieru di Mirvella per infine neutralizàllu. Quand’elli sò ghjunti, ci anu aiutati à vince i quattru furdani."
Eru propiu fieru di tutti quelli chì m’ingiravanu !
Fù à stu mumentu precisu chì Sumenta mi dumandò :
"È Ghjuvan’Filici ? È Vituperi ?"
Li cuntaiu allora tuttu di a rivolta di Ghjuvan’Filici è di a smariscione di Vituperi. Quandu ebbe finitu, era l’ora di fà u puntu :
"Fora di Vituperi, emu trè banditi prighjiuneri in a casa : Lernazg, Tagliacappu, è Palu. Quì, emu Mirvella, u Boia, u Castratore, Marbeuf junior è l’altru cù u nome interminebulu. In più di què aghju lasciatu Ghjuvan’Filici libaru... chì femu, avà ?"
Fù à stu mumentu precisu chì Ghjuvan’Filici s'affaccò, senza ch'è no l'ebbimu vistu vene.


Resu nervosu da tutti l’ebbenimenti di a ghjurnatu, purtaiu a mio manu nant’à a mio pistola (11.43, ma ùn paliseraghju micca a marca), ma ùn ghjuvava à nunda, chì Ghjuvan’Filici dichjarò :
"Calmàtti, o Solechjari, chì sò venutu quì per discutà..."
M’istunava un’pocu, venendu d’ellu, ma da veru, paria stancu, è ùn paria manc’appena pront’à fà un’culpacciu. Per quessa, l’incuragìi :
"Ùn aghju nisun’cunfianza in tè, ma ti dò u beneficiu di u dubbitu."
È ellu, mi rispose :
"Vogliu fà a pace. Ricunoscu ch’aghju avutu tortu d’allegàmmi incù stu tontu di Vituperi. Per quessa ti dumandu di liberà i mio omi. In scambiu, ti prumettu ch’ùn vi assalteraghju mai più, ne à tè, ne à alcunu di voi quì, ne à l’apertu, ne à l’appiattu. Ti puderaghju ancu aiutà, s’è tù mi chjami. Ma s’è t’ùn li liberi micca subitu subitu, poi esse sicuru chì mi vindicaraghju di manera crudella nant’à tè."
Ancu vintu, firmava fieru, è fidu incù i so amichi. Ùn era micca un’vigliacciu, è era statu un’nemicu unurabile. Certe faciamu a pace, ma eru quasi pront’à dì chì era statu unu di i mio megliori nemichi. Li dumandaiu :
"Sò tutti i toi ?"
"Liberàlli tutti, chì sceglieraghju eiu i mei."
Di colpu, pigliaiu a decisione di liberà tutt’u mondu in barattu di a prumessa ch’ellu venia di fàmmi Ghjuvan’Filici.
Liberaiu tutti i prighjuneri chì eranu quì, è andaiu à liberà quelli chì eranu in casa.
Ghjuvan’Filici è a so squadra sì n’andonu d’una banda, i mio amichi è eiu d’un’altra banda.

Nanzu st’ultima separazione, ebbe incù Ghjuvan’Filici, una piccula discussione :
"Seria megliu ch’è tù ti sbarrazzi di Lernazg. Ùn mi pare micca degnu di cunfidenza, quellu." Li cunsigliaiu.
"Grazie, o Solechjari, ma l’aviu dighjà rimarcatu."
"È Vituperi, allora, quale era ?"
"Aviu pinsatu chì era Matteu Mattei, ma u Prossimufandoniugattivudistuforu m’hà dettu chì d’apress’à ellu, seria piuttostu Serra. D’altronde, à saperemu prestu, quandu ritruveremu u cadavere."

Serra ? Daret’à l’elmu di Vituperi sì sarebbe piattatu dunque u furistu Serra ? Mi paria pussibile, ma deviu fà un’inchiesta per cunfirmà o infirmà st’ipotesa. Seria dunque a mio prossima inchiesta, ma per u mumentu, vuliu arripusàmmi appinuccia, nanzu di pudè rivene à u mio ufficiu curtinesu, chì avà pudiu rivene, postu chì Michela Aiò Maria era ripartuta.


Qualche settimane dopu, e ricerche di u cadavere di Vituperi funu senza risultatu, ancu dopu à avè ripiscatu a vittura. Certe u cadavere averia pussutu esse stirpatu dà i currenti, ma u mio stintu di dettettivu mi dicia chì Vituperi ùn era micca mortu, chì a so smariscione era una messa in scena, è chì avia da rivene un’ghjornu per fàcci un’altru culpacciu, chì u tipu era troppu periculosu.


Ma per u mumentu, vuliu festighjà sta riesciuta tamanta (aviu riesciutu à salvàmmi di Vituperi, aviu salvatu u Diamente Vergine, è aviu impeditu Vituperi di ghjuvànessi per i so desideri di duminazione, nò ?) incù tutte quelle è tutti quelli chì eranu statu à u mio latu in st’avvintura, chì eranu divintati i m’amichi. Certe ùn hè micca abituale per mè di muntàmmi a sega, ma sta festa era dinù per ringraziàlli à tutti d’avemmi cusì aiutati è sustenuti, chì senza elli, mai’ùn seriu ghjuntu à nunda. D’altronde, mi feria prò d’arripusàmmi appena trà un’avvintura periculosa è un’altra ancu più periculosa. Fù una festa tamanta chì durò tutta a ghjurnata, è a sera, mi ritruvaiu solu incù Sumenta...



FINE

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:23 am

Viaghju in Corsica



Qualchi ghjorni fa eru in u miu uffiziu, in mezu à a nebbia (Dopu in mezu à a neve è avà in mezu à a pioggia…) quannu sentiu sunnà u mio telefonu purtabile. Eiu rispundiu “Si, chi è?” senza pinsà “Sò Vituperi…” Eiu firmai cumpletamente stunnatu , diceraghju incù u ghjelu nant’à u sangue, dopu rispundiu incù u miu corsu lucchesincu (Megliu, piemontesincu) “Innò, ùn hé pussibule, Vituperi , u persunaghju fittivu di e avvinture di Orsu Dumenicu Solechjari, u più grande detettivu di a Corsica? Comu ete fattu à avé u mio numero?” A vuce rispose, soffucata (Rammintai chì ellu si piattava sempre sottu à un elmu da motò, pensu dinù quannu pigliava un bagnu…) “Ah, ah, ah! Fittivu eiu? Sò veru eccome, almenu comu à Solechjari… è primu, e dumande e faciu eiu, sicondu à u stessu modu chì eiu aghju fattu pé truvà u vossu numaru possu truvà dinù à vo, si vo ùn m’ascultate…” Ancora stunnatu è stumacatu, ripigliai un pocu di forza “Cosa vulite infine!” “Si vo fate comu dicu avà, vo ùn ete nunda da temé, intesu?” “Ié, a vo ascoltu…” “Aghju intesu chì vo vulite venì prestu in Corsica… è vegu chì vo cunnisciete à Solechjari… (A sua vera foto hé esattamente quella di u so avatar) bé, so stancu di esse sconfittu da ellu è vogliu rende à ellu u serviziu… Ellu ùn cunosce à vò, site strangeru, u vossu compitu hé di raccoglie più infurmazzione pussibule circa Solechjari è à u Gruppu Epsilon senza favvi vedé e mandalle à me via mail à u miu situ secretu: ‘www.jeveuxgouvernerd’abordlemondeentieretaprèsl’universe.com’ è ghjà chì site quallà, pudete circà infurmazzioni dinù supra à Lirl l’errante di Carutia chì me ponnu esse utili pé u mio prughjettu di guvernà, dopu u mondu, u Universu interu! Ah, ah, ah….” Di novu quessa risa gattiva mi ghjelò u sangue! Avà eru sicuru di avé di fronte un folle, ma un folle perigliosu, diceraghju letale… Un vuliu avé un cuntrastu incù ellu: a solla pussibilità era di fà nice di accittà e sue cundizzioni… “Va bé, eiu feraghju comu vo vulite…ma…” “Ma?” “A mio fianzata vene incù me è…” “Perfettu! A presenza di a vostra fianzata serà ghjuvevule pè piattavvi megliu!” “Ma ùn possu piazzalla in mezzu!” “Avà basta! Quessi sò prublemi chjuchi, si ùn fate comu dumandu ne averete più grandi! Quannu sarete in Corsica riceverete e mie istruzzioni, u vostru novu nome in codice sarà Franazg! Badate ùn dite nunda à nimu!” E di colpu piantò u telefuno. ‘Và dé vea ’l cù! ’ pinsai… ma subitu firmai incù i miei penseri, addisperatu: stimavu à Solechjari (U più grande detettivu di a Corsica, sibbene un pocu monta sega) è à u gruppu Epsilon è disprezzavu à Vituperi e a sua mansa di furdani; aviu da fà u dopiu ghjocu, infurmà ugualmente à Solechjari di tuttu e aiutallu a catturà à Vituperi! Segue…

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:25 am

Seguita è fine

E risposte di Solechjari è di u Culonnellu Marzialu Cacciaguerra di Vinciguerra ghjunghjettero assai prestu (E pudete leghje-le qui supra) è devu dì chì eranu propriu come m’aspettavu. Quessu mi dette ancu un gran curaghju: avé da a parte mia Orsu Dumenicu Solechjari, u più brigliante dettettivu di a Corsica è u culonnellu Vinciguerra, omu assai valente è capu di l’Armata Corsa, era a cosa chì mi laccava in fine assai serenu è sicuru!
Solechjari, in fine, mi spiegò personalmente mustrandumi u so pianu pé catturà à Vituperi “Tandu, Francé, duvite sembrà d’accunsentu incù Vituperi fandu tuttu quellu ch’ellu dumanda ma e infurmazione saremu no chì e daremu!” “E’ comu?” “Duvite cumunicà a pusizione di a sede di a sucetà ‘Société Corse de Transport Frigorifique Routier’ à Aghjacciu” “Ma hé a vera sede di u quarteru ghjenerale di u Gruppu Epsilon!” “Ié ma, datu chì avimu ghjà avutu idea di scambialla, pudete dà à Vituperi l’indirizzu, a sede hé ghjà viota ma hé pena di trappule à gas soporiferu pé catturà à Vituperi e a sua mansa di furdani! Saremu quallà pé aspettalu” Ricunnisciu a forza di u più grande detettivu di a Corsica! Eramu in bone mani! “Avà aghju intesu, o Solechjari”.
Cusì faciu: scriviu prestu prestu à Vituperi à u so situ ch’ellu m’avia datu: www.jeveuxgouvernerd’abordle-mondeentieretaprèsl’universe.com scrivendu ch’eiu vuliu pressatamente parlà incù ellu è cusì, prontu, Vituperi mi chjamò “Bon travagliu, Franazg e vostre infurmazzione saranu preziose! Prestu sarà a fine di u Gruppu Epsilon! Ah. Ah, ah! Prestu puderemu guvernà u mondu!” “A vi 'ringrazziu' o sgiò Vituperi, avà ete da laccacci in pace, a mia prumessa è eiu! E’ ùn chjamàte-mi più Franazg!” “Va bé, site liberi ma solu dopu a fine di a nostra missione, a mai più!” “Un mumentu, o Vituperi, perché fate tuttu quessu?” “Perché? Aghju ghjà dettu: pé avé u pudere! Ma u nossu veru scopu hé un astru, o Franazg (Di novu!)…” Vituperi avia voglia di parlà ò, piuttostu, a so megalomania parlava… è eiu ùn vuliu micca arrestà-lu: vuliu vedè induve ellu vulia andà “A sapete, u veru scopu di u miu gruppu hé u PADDUC mundiale!” “U PADDUC??” “Ié u PADDUC! Ah, ah, un mudellu di sviluppu messu in piazza da l’altu chì s’impippa di u popolu, anzi innò… chì vede u popolu solu come consumadore: una mansa di pegure chì votanu pensando chì ci hé ancora sfarenza entru dritta è manca (Bé, quasgi…) ma chì ùn capisce chì a vera sfarenza hé tra libertà è schjavitù! U nossu prughjettu hé a bettunizzazione du u Mondu sanu dandu à travaglià solu à i nossi amichi è à i amichi di amichi! Sarkò, Berluscò, Poutine credenu di guvernà ma u guvernu veru di u mondu simu è saremu no clanisti pé sempre! Ah, ah, ah!” E’ piantò u telefono…
Di novu sentiu u ghjelu: u prughjettu era terribile! A sconfitta di Vituperi era u bene di a Corsica e di u mondu; chjamai à Solechjari pé avvisà-lu, a trappula era pronta! Ma eiu vuliu partecipà, in qualche modu, vuliu vedé a sconfitta di Vituperi! “Innò, o Francé…” Disse Solechjari “…Quessu hé un travagliu pè no professionali, firmate spiccatu luntanu, pè u vossu bé…” Accitaiu ma ùn resistiu à u desideriu di fidighjà: incù a mia prumessa pigliammu una camara in un’ottellu assai chjucu pressu a sede di a “Société Corse de Transport Frigorifique Routier” à Aghjacciu.
In fine u ghjornu venne è venne l'ora.
Da una finestra chì dava in u carrughju vidimu ghjunghje na vittura nera, una Citroenault DSX incù una strania nova placca francese: XX - 666 - XX (Ghjustu pè passà in incognitu) d’a quale ne fallonu tre omi assai cunnisciuti, Mefistò Frelazg, Belzebuth Lernazg è Diabolò Grenazg! Ma induve era Vituperi?
“E adéss se ch’a fòm? (E’ avà cosa famu?)” Dumandò a mia prumessa “Lassòm travajé ij Cors del Grop E chi a son dij gent ans ij quaj om peul fé confiansa (Laccamu travaglià i Corsi di u Gruppu E chì so ghjente supra à quale si pò fà cunfianza)” Rispundiu.
I tre omi vestuti di neru pigliaronu un ariete e sbundaruno a porta daretu a quale si sentiva niente menu chì a vuce registrata di u capu di u Gruppu E, Francesca Xuan! Prestu Solechjari è Vinciguerra si lamparonu contra a porta bloccandola incù una tavula di kevlar, legghjera ma assai forte, è dopu piazzarono una vittura contra.
I tre furdani in trappula spararono contra a tavula ma Solechjari incù unu telecomandu fece splode e bombe a gas soporiferu! L’effettu fu istantaniu i tre omi fubbinu addurmentati è dopu faciulmente arrestati ma ancu Solechjari è Vinciguerra videro chì ùn ghjera Vituperi.
Propriu in quel momentu ghjunghjette una motò; un omu incù un grande elmu la conducia ma a motò subbito piantò i freni è fughjette.
Ancora na volta l’istintu criminale di Vituperi (O po dasse chì era goffu è in ritardu?) l’avia salvatu da un periculo fandu-lo arrivà a ghjocu fattu!
A risa di Vituperi sunnò pé i carughij di u centru istoricu di Aghjacciu…Sanza i so collaburadori a Corsica è u mondu sanu per avà eranu ancora sicuri, ma incù Vituperi ancora liberu, finu à quannu?

Fine?

Vogliu ringrazzià à Solechjari e à Vinciguerra pé tuttu l'ajutu: grazie è elli u nossu viaghjiu avà si passerà d'incantu. Saluti.
P.S Aghju da scambià u numaro di telefuno purtabile...

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:28 am

Fola di Natale



Quessu, u Natale, fù veramente un Natale chì devia firmà in ogni mente di u picculu paese d’Ergastringa, è ancu di più per a famiglia Selviani. Tuttu principiò a vigilia, allora chì tuttu u mondu priparava a veghja, a Santa Veghja di Natale in ogni famiglia, pruvendu à resiste à u megliu, à e putenze di a mundialisazione chì avianu fattu di sta festa sacrata una festa di l’ultracunsumazione è di u liberalisimu. Cumminciò quandu tutte e cummunicazione telefuniche sì taglionu tutte d’un colpu, senza nisun spiegazione. L’ergastringhesi ùn ebbinu mancu u tempu di dumandàssi cosa accadia chì prestu, ancu l’elettricità sì tagliò. Fora, ci era u timpurale, è tutti si dicianu chì era probabilmente a raghjone di ste tagliatura chì accadianu à u peghju mumentu. Fù à stu mumentu precisu chì un grande rimore sì fecì sente. Tutti i paesani sì firmonu duie minute petrificati di tarrore, ma assai prestu quantunque, currinu fora di e so case, andendu versu a dirrezzione duve venia u rimore per vede s’e qualchissia avia bisognu d’aiuta.
U rimore venia di a casa di i Selviani, una casa custruita in e limite di stu paese, in un locu assai periculosu, chì non solu era in bor’di’precipiziu, ma dinù vicina di i scuglioni, è tutti si sentianu inchieti per a casa, ma sopra tuttu per a famiglia.
Ghjunti sopra i lochi, ùn pudianu ch’è custatà a disgrazia : per via di u timpurale, un bellu pezzu di scogliu s’era staccatu di a muntagna, inciacchendu cumpletamente a tinta casa. A vittura di a famiglia essendu quì, era quasi sicuru, in u spiritu di tutti i paesani, chì a tinta famiglia s’era sicuramente fatta tumbà, chì, incù un timpurale simile ùn erianu sicuramente micca esciti fora per fà una spassighjata.
Una traghjedia tamanta, ghjustu a sera di Natale, era largamente bastevule per strugge u core di n’importa quale, è in stu casu ben precisu, di ogni ergastringhesu. Ma tandu chì certi si spendianu in lamenti, qualcuni pruvoni à andà à vede da più vicinu per vede s’ellu ùn ci era micca un mediu di salvà almenu una vita.
Dui paesani i più curraghjosi, sott’à u sguardu inchietu di tutti l’altri, è sott’à una neve di e più pudente, sì n’entronu in a casa strutta, senza pare primuràssi troppu di u scuglione chì avia struttu a casa quasi sana. Funi seguitati per cinque altri paesani chì, videndu u so curraghju, sì vergugnonu di firmà fora à fighjà.
Face chì, dece minute dopu, escinu tutti i sette, ognunu purtentu una personna di a famiglia. Eranu tutti incuscente, ma, in fatti, eranu tutti sempre vivi, ancu s’è certi eranu feriti legeri.
L’alegria era rivenutu in u paese, dopu a custernazione. Una catastroffa ch’ùn avia fattu nisun vittime ! Era da veru un affare assai rara per signallàla ! Tutti eranu in una gioia indescribevule è a famiglia miraculata più ch’è l’altri, ancu s’elli eranu feriti leggeri è s’elli avianu persu assai.
A sulidarità paesanu si sprimò à u megliu, chì, prima è dopu a messa di Natale, funi tutti invitati à passà a serata ind’è l’uni o l’atri di li so paesani, dopu à esse stati esaminati da u medicu di u paese chì avia cunfirmatu ch’è e ferite eranu leggere, è face chì, infine, u lindumane, tutta a famiglia Selviani fù cundutta in a cità per fàssi esaminà à l’uspitale, è chì, in u paese, s’urganisava dighjà una culletta per pruvà à aiutà sta famiglia, chì certe, sì truvava in una gattiva situazione, ma grazi’à Diu, avia francatu a disgrazia è eranu tutti sempre in vita.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:38 am

A linea di u tempu




L’annu Domini 2010, u 4 d’aprili, Pasqua di Resurezzione di nossu Sgiò Ghjesù Christu, ore 21.00, lucaliszazzione: Corsica.
A strada Dipartimentale 69 frà Aullé versu Zicavu era diserta. U bughju era tumbatu, in quellu principiu di veranu, ghjà da dui ore è da e nuvole pene d’umidità tumbava una pioghja freta e sanza fine.
Una vittura cullava pianu pianu versu u colle: la vittura era alemanna, una Volksford 418, ma a placca era taliana cù, vicinu, una bandera rossa incù una cruce bianca.
A bordu duie persone, un omu è una donna, chì pariano perduti: i so nomi eranu Francesco è Giuliana o megliu, in a lingua di i so babbi, Fransèsch è Julian-a, una coppia.
“Ci simu perduti, ti dicu” Dicì à un trattu a donna “Innò, u navigadore ùn po’ mentì… spergu” “Ié ma u navigadore ci po’ fa andà pè strade chjuche chjuche induve una vittura pò ùn passà…” I fochi di a vittura schjarianu penibilmente u bughju è a nebbia furmata dà e nuvole basse. D’un colpu a vittura piantò, u mutore s’era arrestatu è i fochi ùn marciavano più! “Un hè pussibule, aghju fattu u penu d’essenza à Sarté…è avà ancu quessu bughju… ùn capiscu: simu dinù senza batteria!” A prumessa di Fransèsch dicì “Aghju paura…” Tandu, d’un colpu, un lume assai forte – cume quellu in un teatru- schjarì da l’altu a vittura.
E due persone terrurizzate fallaronu d’a vittura quannu un essere allucinante apparì nanzu à elli “Oh, Signeur, oh Dieu…” Dicì Julian-a “A l’é pa Dieu a l’à da essi ël diaul…” (Un hè Diu, deve esse u diabolu!) Rispose Fransèsch ma dopu elli vidinu chi u sguardu di l’essere era serenu, bonu, a so bucca suriante è ellu tenia so mani aperte nanzu in u gestu universale di pace, tandu parlò “Un aghjiti paura, amichi, vi pregu, u miu nome hè Lirl di Carutia è vengu in pace…” Fransèsch, chì avia ripigliatu un pocu di fiatu, rispose “Lirl? Lirl l’Errante di Carutia? Innò ùn hè pussibule…duveriaste esse vissutu in u XXIII esimu seculo…” “Innò, sò propriu eiu è vengu avà per una missione d’impurtanza vitale per a Corsica è u mondu sanu!” “Ma, cosa?” “Vinite cù me supra à a mia nave, vi pregu” Fransèsch è Julian-a si fideghjaronu in li ochji “Va bé, cusì sii” U tele-trasportu li feci cullare tutti tre in una pezza cumpletamente bianca induve Lirl cuminciò à spiegà.
“A sò chì hé difficiule à crede ma avà simu supra una NAVE TEMPURALE” Fransèsch pensò – Difficiule à crede? Simu quì chì parlamu incù un extraterestre in un’astrunave…- è rispose “Ma i Carutiani ùn ani e nave tempurale…” “Ié, hé vera, ma questa hé un donu di u Populu di i Scalpillinuti chì hà ghjà aiutatu no carutani à truvà a pace è l’unità e avà eiu socu quì per aiutà à i Corsi perché duvite sapé ch’o aghju un debitu d’onore cù elli chì m’anu accoltu quannu eru in esiliu è oghje socu quì per sdebitammi è rende à elli la libertà!” “A libertà? Ma cume?” “Avà vi dicu e sappiate chì aghju bisonniu di u vostru ajutu: vi voglju conduce cù quessa nave in un mumentu storicu chì hà scambiatu i destini di a Corsica è di l’Europa sana, u 9 MAGHJU 1769!” “….?” “Ié, u 9 maghju 1769, battaglia di Ponte Novu! E avà simu in u 1769!” “Ah, ma…?” “Un mumentu, avà ascultate…” Dopu circa mezza ora Lirl avia finitu di presentà u pianu dopu aghjunse “Avà capite, ùn possu prisentammi nanzu à un corsu di u seculo XVIII e spiegà li quessu pianu!” “Va bé, feraghju cume vo vulite ma aghju due richieste: Juliann-a hà da firmà qui finu à a fine di l’avvintura, sicondu s’o moru divite inviàlla a casa prestu prestu!”. Julian-a, suttu stress si mise à pienghje ma Fransèsch disse pigliandula fra e braccia “Un t’inchjetà, o mia prumessa, prestu saraghju torna qui!” Dopu pigliò un apparechju chjuco è smarì incù u teletrasportu.

U teletrasportu lu materializzò in mezu à una machja pocu luntanu da un paisolu chjucu chjucu chì pareva viotu.
Fransèsch si feci curaghju e batté à una porta: nunda! Pruvò torna à un astra: torna nunda! Induve era a ghjente? In fine vide un zitellu, di dece o dodece anni, venì e dumandàlli in zerga “Quale site? Cosa vulite?” “U miu nome hé Francescu è vengu in pace, aghju bisognu di parlà incù qualchissia di adultu!” U tonu decisu e le parole cunvinseru u zitellu “Venite, u miu nome hé Marzialu, di a Casata Vinciguerra, è vi vugliu conducì induve simu piattati” “Perché site piattati?” Marzialu lu fideghjò in malu modu “Site tumbatu da u celu? Ci hé a guerra! Piuttostu, parleti in modu straniu, site micca ghjenuvese?” “Innò, in Liguria ci vagu solu in vacanza…hè vera vengu da u cuntinente ma ùn ci hé tempu di spiegà” Marzialu pensò – Quessu dev’esse un pocu mattu ma i matti ùn sò periculosi…- Ghjumghjetteru, in fine, entru un cavernone, cù l’intrata ben piattata da a machja, Fransèsch domandò “Ma induve sò i adulti?” Una vechja rispose “E donne anu purtatu li animali in li pasculi alti, li omi so in guerra!” Ci eranu parechj zitelli è zitelle, frà l’astri unu incù u visu un pocu monta sega “Cume ti chjami?” “Orsu!” Unu cù un visu da studiosu “E tu?” “So cunnisciutu cume Cumpà” in fine una zitella assai bella “So Cocolitò” Fransèsch si fideghjò attornu addesperatu, ùn ci eranu da veru di adulti! U pianu riscava di fallì nanzu di cumincià, tandu disse “Avite arme?” Marzialu rispose “Ié, tante è tanta pulvere nera è palle…” “Ameti a vostra terra?” Tutti risposeru in coru “Iéééé!!” “Tandu, o figlioli, duvite andà a piglià le arme è dopu piazzavvi in altu supra a valle di u Golu, quandu vidarete i suldati francesi avvicinassi vò li tirerete contra ma circandu di ùn favvi vede è suprattutu piglià… ma suprattuttu circandu di ùn favvi tumbà… dopu andate à piattavvi in a machja, intesu?” Torna “Iéééé!!”.
U pianu era stabilitu, a trappola dinù, avà Fransèsch duvia raghjunghje cù u cavallu di i povari (A pedi) a culonna francese di rinforzu.
Finalmente, dopu circa una ora, vidisi avanzà parechji omi, a pedi è à cavallu, vestuti incù le uniformi culorate e decurate tipiche di u seculo XVIII. Quannu fu ghjuntu à qualchi decina di metri da elli un omu à cavallu chì paria unu ufficiale li vinisi contru e li dumandò in francese “Arrêtez vous, Msieu! Et déclarez votre identité!” Fransèsch, ingollò, impauritu – l’accentu di u suldatu sunnava assai straniu- ma si feci forza e rispose a tonu, anc’ellu in francese ma… mudernu “Mon nom est Francescu Pacificu Scansaguerra, fidèle sujet Corse de sa Majesté le Roi Louis XV, j’ai des renseignements importants pour votre commandant!” Fu portatu nanzu u culonnellu Vituperi (Avia in testa un grossu elmu metallicu cù e piume) chì lu fideghjò di traversu dopu dumandò “Alors, Msieu, qu’est ce que vous avez à me dire?!” “Que l’armée corse va vous faire un embuscade sur le trajet principale qui vous étés en train d’emprunter pour rejoindre le gros de vos troupes à Ponte Novu!” “Ah, les malins! Lieutenant Lernazg, prenez un peloton et allez en avant-garde, quant à vous Msieu, vous resterez en otage et si aucune résistance sera aperçue vous serez tout de suite fusillé ici: je n’ai pas de confiance dans vous, les Corses!” A quel puntu Fransèsch ùn si tenì più “Nous, les Corses, nous sommes des gens loyaux, si jamais le destin établira que nous devrons être français, nous le serons avec honnêté, mais notre cœur sera toujours fidèle d’abord à la Corse!” U drappellu rivenì circa una mezza ora dopu : parechji omi eranu feriti e ci era dinù un mortu! L’ufficiale feci rapportu “C’est tout vrai, mon Colonel à quelques miles d’ici nous avons rencontré une résistance acharnée mais, tant que nous cherchions d’avancer, les ennemis se cachaient dans le maquis ou dans des grottes, il parait qu’ils soient des centaines!” U culonnellu Vituperi fideghjò a Fransèsch, un pocu menu gattivu “Bon, Merci, Msieu, maintenant nous changerons notre chemin: de l’autre coté, à travers les montagnes; peut être nous arriverons plus tard mais intactes, mon commandant, le Comte de Vaux, a besoin de tous nous!” A culonna scambiò u caminu pigliandu un senteru chì cullava strettu e ripidu pé a montagna. Fransèsch attendette chì nimu lu videsse, tandu aduprò u telecumandu di u tele trasportu è smarì! Parechje ore dopu a culonna ghjunghjette a qualchi miglia di distanza da Ponte Nuvu incù quasgi mezza ghjurnata di ritardu di u previstu. Scuntraruno qualchi suldati francesi mal piazzati in fuga: tandu u culonnellu Vituperi li dumandò “Mais où allez vous mes enfan(t)s?” “M… nous venons de perdre la bataille! Où étiez vous, cochons, vous étés tous en retard!” Vituperi cumprese e… montò in zerga “Je veux tout de suite M. Scansaguerra devant moi! Et après devant un peloton d’exécution!!” U locutenente Lernazg balbettò “M..ais, m..ais, mon colonel, ce voyou a disparu…”

In quellu precisu mumentu Fransèsch era torna incù Lirl è Julian-a supra l’astrunave in orbita attornu à a Terra di u XVIII seculo. Lirl disse semplicemente “Grazie, amichi, avà vi vogliu fa vultà è casa vostra: a Diu, cume dite supra Terra!” Tandu Lirl azzionò un comandu e i dui umani persero a cunniscienza.
Quand’elli ripigliaronu cunniscienza si truvarono torna supra à so vittura è u mutore era torna in motu; nant’a testa di Fransèsch è Julian-a ci era tanta confusione, si tuccaruno vicendevulmente dumandandusi “Simu vivi, simu svegli?” “Ié, spergu…” Julian-a indicò a plancia di a vittura “Fideghja l’ora, sò esattamente e 21.00, cume nanzu!” “Tandu ùn hé arrivatu nunda!?” “Tandu cosa era, un sonniu? ” “Piuttostu un incubu!” Rispose Fransèsch e Julian-a dopu aghjunse “T’aviu dettu chì tu hà manghjatu troppi figatelli!” “E tu hà apprizzatu tandu a biera Pietra! Innò?” Dopu aghjunse “Ma avà basta, andamu à casa…u viaghju hè lungu….” Firmaronu quasgi in silenziu finu à u primu locu abitatu “Fideghja u nome di u Paese! ZICAVU!” Dicì Julian-a “E tandu? E’ nurmale chì ci sia u nome scrittu in corsu!” “Ié, ma quì ci hè solu u nome scrittu in corsu!” “Boh! Un vole dì nunda…” Pocu dopu, tandu ch’elli traversavanu u paese disertu, elli vidisini un bastimentu chì pareva una caserma “Nunda, dici e quessa, tandu?” Nant’à u bastimentu ci era scrittu chjaramente GHJENDARMERIA (Micca Gendarmerie) e la vittura stallata nanzu ùn era micca blu ma bianca incù una fascia verde e… a testa di moru pinta supra à u fiancu; pocu dopu in una piccula piazza vidisini unu simplice monumentu, ralentanu e leghjetteru a scritta “A i zitelli di u 1769” Fransèsch scrullò a testa “Simu stanchi, ùn vegu l’ora d’esse in l’otellu” Finalmente ghjunghjetteru in Aleria, u patrone vini incontr’à elli “In fine, eramu inchjeti pé u vossu ritardu” Fransèsch rispose “Grazie! Eh, ma voi parleti corsu!” L’omu li fideghjò, un pocu perplessu “Ma, è cume doverei parlà?” Andrarunu in la so pezza, si fideghjaronu in lo ochji è dissero, inseme “E si fussi tuttu veru?” “Videremu dumane mattina?” Fransèsch rispose “Un resistu finu à dumane! Ma aghju un idea!” Pigliò u porta munete, dentru ci eranu sfarenti pezzi da un eurò, supra di unu era ritratta a TESTA DI PASQUALE PAOLI cù scrittu “A u babbu di a Patria Corsa” ! “Era tuttu veru!” Tandu Julian-a pigliò un astru eurò “Miu Diu, fideghja questu!” Supra à l’eurò ci era a TESTA DI U CONTE DI CAVOUR – Cu scrittu sottu “Piémont!” “A scunfitta di a Francia à Ponte Novu deve avé provucatu un effetu dominu chì hà scambiatu i destini di l’Europa sana… Cosa ci attende dumane?” Si imbracciaronu “Aghju torna paura…” Disse Julian-a “L’impurtante hé chì simu inseme” E dopu pensò – Grazie, Lirl, grazie-.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:42 am

U Strangeru



Prima parte



Era u 259 nanzu Cristu (Ma nimu, tandu, u sapia…) Juhlena e a so surella più ghjovane Mihlena caminavanu longu a riva di u mare, pressu a cità Etrusca di Alaila, in Corsica.
A matina di veranu in fine era assai serena, dopu a tempesta di u ghjornu nanzu.
Cume signu ghjornu e due figliole cunducianu e pegure à u pascolu quannu, d’un colpu, elle vidisinu, induve a rena laccava piazza à u terenu, una strania massa senza forma in mezu à tanti brani di legnu.
Curiosa e ancu curaghjosa Julhena s’appressò pé fideghjà, dispiazzò qualchi alghe è… vide un omu chì paria mortu!
“Per li antennati!” Disse è dopu, indirizzandosi à a surella “Và subitu à chjamà u babbu, prestu!” A zitellina ùn si feci ripete a richiesta e si misi à corre versu u villaghju pruvvisoriu pocu luntanu.
Juhlena tuccò l’omu è li nettò u visu, à i so ochji ellu li paria assai bellu… tandu l’omu d’un colpu feci un colpu di tossa, era vivu! Ma subitu svinì torna…
Ghjunghjettero à cavallu u so babbu di nome Kurspallis e u so fratellu majò Korspuls “Purtamulu à casa!” Dicì Kurspallis.
In a so capanna, chì a famiglia aduprava solu quannu vinia pressu a costa fallandu da u sò villaghju i mezu à e muntagne, elli poseru lu strangeru supra à un lettu di paglia.
L’omu avia solu pochi brani di vistura ma à u collu tenia una torque di bronzu “Fideghja a torque babbu, dev’esse un Gallu!” Dici Korspuls “Hé vera, oh, in fine: avetti inviatu à studià à l’Università di Lutetia Pinzutorum hà servitu à qualchi cosa!” Per fallu rinvenì li lamparonu contra un sechju di acqua freta, l’omu aprì li ochji “Porc….” Dicì, dopu fideghjò u gruppu in silenziu “Korspuls!” dicì Kurspallis “Tu chì parli a lingua galla pinzuta, dumanda à ellu cume si chjama!” “Va bé babbu - O toi, Kummen t’appelli?” L’omu li fideghjò in modu straniu: paria capì quellu chi li dumandavanu ma micca troppu bé, rispundì “El me nom a l’é Francescorix dla tribù dij Gal Taurini!” Kurspallis dumandò “Cosa hà dettu?” “Ellu parla in mudu assai barbaru, babbu, ancu per un Gallu, ma credu ch’ellu hà dettu di chiamassi Francescorix!” Kurspallis scrollò a testa “Un pudimu cuntinuà cusì: Juhlena, impara à fa parlà quest’omu cume un omu civile!” “Incù gran piacé ò babbu! Ellu hé così bellu…” Kurspallis la fideghjò di traversu “Oh! E ùn fatti venì stranie idee figlia mia!” ....

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:43 am

Siconda parte



Juhlena pigliò paura è dicì “Innò, innò babbu ùn temé firmeraghju bona…”
Effettivamente Juhlena era una figliola bella, dolce, assai intellighjente ma ancu assai onesta: pigliò à core a soa missione d’apprende a lingua corsa à u strangeru chì, tutti l’averete capitu, li piacia assai d’istintu…
I ghjorni passaronu, u strangeru incù l’ajutu amurevule di Juhlena à pocu à pocu ripigliava forza è amparava a lingua mentre a simpatia frà i due ghjovani muntava ghjornu per ghjornu dinù.
Cusì un ghjornu Korspuls, omu assai forte, ma sempre un pocu in zerga pigliò da parte u strangeru è li dicì “Oh amicu, a regula quì hè chì si tu vo manghjà tu hà da travaglià invece di firmà sempre à dragà à a mia surella!” Tandu Francescorix li rispose “Avà socu bé, ò Korspuls è vi possu ringrazzià è rende a voi u debitu chì aghju per a mia salvezza!” “Oh, in fine vecu chì tu parli quasgi cume un omu civile, bene!” In quellu mumentu ghjunghjette u saggiu Kurspallis “Vinite tutti attornu à u focu! Tandu, Francescorix, avà tu pò racontà a to storia” Francescorix feci un respiru profondu dopu cuminciò à racontà “Eru supra a trireme Ligure-ghjenuvese di u Capitanu Kalvus –Ch’ellu possa esse avà in bucca à i pesci- quando ella hè stata sbundata da a tempesta! I Liguri ghjenuvesi so alliati di i Romani è eiu eru statu pigljatu prighjuneru durante una piccula battaglia frà i romani è a mia ghjente! Duvite sapé chì i romani anu pigliatu a venì sempre più frequentemente in a pianura di u fiume Padus induve noi vivimu in pace cultivandu a vite, u granu, è allivandu li animali” Francescorix fideghjò un puntu invisibile supra à a testa di i so novi amichi “I Romani ani una memoria tamanta: ùn ani dimenticatu chì i nossi antennati cù u capu Brenno quasgi 140 ani fa li ani scunfitti cunquistandu Roma!!” Kurspols dumandò “Voli dì micca Brennu, quellu di u ‘Vae Victis’?” “Ié, è oghje i Romani volenu piazzà u nasu indè noi e in l’Europa sana!” Kurspallis tandu disse “Ma i Romani incù i so emissari vengonu di offrìcci u so ajutu per liberacci da li Etruschi!” “E voi avite cunfianza in elli?” “U nemicu di u miu nemicu hè miu amicu!” “Po’ dasse, ò Kurspallis, ma firmate in guardia!” Dopu Francescorix aghjunse “Avà si vo permettete eiu firmeraghju quì finu à quando travagliando per voi ùn averaghju resu u miu debitu, site d’accunsentu?” Kurspallis è Kurspols rispudinu cù decisione “Ié!” Juhlena cù un sospiru “Ié…” “Grazie!” E tutti si serraronu a manu.
I ghjorni passavanu è dopu e settimane è i mesi…tutta a tribù avia presu à apprizzà u carattere è u travaghju di quell’omu ghjuntu da u mare chì avà per elli ùn era più ‘U strangeru’.
Tandu nimu firmò stunnatu quannu un ghjornu Francescorix dumandò à Kurspallis a manu di Juhlena ma l’omu, u babbu, u capu tribù rispundì, triste “Sò adduluratu ma ùn possu…” Francescorix montò in zerga “Ma cume, cosa aghju ancora à dimustrà?!” “Innò, a colpa ùn hè toia, a mia famiglia, a mia tribù hè sottu ricattu da parte di u perfidu Lucumone Etruscu di Alaila, u gattivissimu Vituperienna!” “Vituperienna? Quale hé quest’omu, perché nimu mi hà parlatu d’ellu?” Dopu Francescorix fideghjò à Kurspallis è aghjunghjette accoratu “O Kurspallis, cridiu chì noi eramu amichi: tu mi poi dì tuttu, perché tu ùn mi hà dettu nunda nanzu?” “Voli sapé? Perché ellu un annu fa hà messu li so ochji supra à a mia figliola Juhlena è hà fattu tumbà u so primu prumessu! Dopu hà dettu chì si ella ùn avisse cedutu à ellu avaria fattu tumbà ogni novu prumessu!”....

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:45 am

Terza parte



“Eiu puderia morì per Juhlena!” Dicì Francescorix incù cunvinzione “Quessu ti face onore ma ùn ghjovaria à nunda!” “Perché, è quessa situazione à cosa ghjova? Tandu fughjite tutti!” “Un Capu Corsu ùn fughje mai!” Rispose Kurspallis, fieru “Tandu, duvimu truvà una soluzione: tumbà à Vituperienna!” Esclamò Francescorix “E tu credi ch’o ùn ci aghju mai pinsatu? Ma ùn hè pussibule!” “Troppe difese? Dopu tuttu Vituperienna hè un omu cume tutti!” “Innò, invece, vuliu dì chì Vituperienna hè ancu u capu relighjosu di a sò ghjente! Si qualchissia lu tomba li Dei si ponnu scatinà è una maledizzione tumberà supra à u tumbadore, a soa famiglia e i so discindenti! Noi Corsi rispettemu li Dei!” Francescorix, da bon Gallu, temia chì u celu li tumbassi in testa è intendì assai bé “Ah! Va bé, in ogni casu ci hé bisoniu di un pianu: in primu voglju vedé à Vituperienna è u locu induv’ellu vive!” “Cusì sìi!”
U ghjornu dopu andaronu à visità a bellissima cità di Alaila, a più grande, a più ricca di a Corsica sana!
In u foru ci era tandu muvimentu, Francescorix è Kurspallis firmaronu in mezu à a folla di u mercatu fideghjandu à dritta è à manca analisandu ogni elementu chì pudia esse ghjuvevule.
Tandu da u bastimentu di u Lucumone surtì una prucessione tamanta: di sonadori di trombe è di tamburi aprianu u curteghju, dopu vinia un carru penu di offerte è in fine quatru omi à cavallu.
“Quell’omu à cavallu incù u grande elmu cù e piume, hè ellu?” Dumandò Francescorix “Ié, ellu hè quellu grandissimu furdanu di Vituperienna, capu di a cità di Alaila è di a Cosica sana!” “Puderia avé qualche puntu debole?” Kurspallis scrullò a testa “U vedi, ellu hè sempre circundato da i so tirapedi, Lernazgenna, Frezlagenna è Grenazgenna, omi assai periculosi!” “Induve vanu?” Dumandò Francescorix “In apparenza elli portanu le offerte à u tempiu, in rialtà a pensu sfarentemente: d’appress’à me elli volenu piattà u tesoru in qualche astru locu in piazza di u bastimentu reale, so brutti mumenti, oghjie per li Etruschi incù i Romani chì li circondanu!” “Aghju vistu à bastanza, vultamu à casa”.
A sera midesima Francescorix, Kurspallis è Kurspols attornu à u focu manghjavanu a cena priparata è servita da Juhlena, i tre omi parlavanu entr’elli “…ùn pudemu attaccalu in cità…” “…u pianu hè da veru difficiule…” “…è si lu pigliassimu mentr’ellu va à caccia di cignali?...” “…ci so sempre issi tre furdani…” “…rammenta: ùn si pò tumbalo…” Juhlena facia u sò travagliu firmando in silenziu, in rialtà ella ùn si perdia mancu una parolla dopu, d’un colpu, dicì “Circate u sò puntu debule? E bé, ci l’aveti nanzu! Eiu!” “Cosa voli dì?” Dumandò Kurspols, ma Francescorix avia capitu “Innò, hè troppu periculosu!” U babbu dicì “Spiega, o figlia mea…” Juhlena spiegò… è i tre omi firmaronu à bucca aperta!...

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mer Sep 01, 2010 9:46 am

Quarta parte



U matinu dopu Kurspallis surtì d’a soa cabanna è chjamò u sò populu à racolta “Siiti felici, o ghjente: a mia amata figliola Julhena, dumane andarà in sposa à Francescorix, miu prossimu novu figliu!” U populu firmò stunnatu: parechji sapianu di u ricattu di Vituperienna, quantunque tutti eranu da veru felici, tutti levaronu canti è grida di ghjoia… ma cume sempre, ancu i muri ani e arechje…
Cusì, tandu chì i priparativi avanzanu, Kurspallis andò personalmente, cume vulia a tradizzione, à invità à e nozze i capimachja di e tribù vicine, quannu, longu a strada, Kurspallis vidi tre omi chì parianu attendelu pressu un pozzu, li connuscì tutti: eranu i tirapedi di Vituperienna: Lernazgenna, Frezlagenna è Grenazgenna! Quandu ellu fu pressu à elli l’unu dicì “O Kurspallis, apre bé e to arechje: Vituperienna era statu chjaru, quessu matrimoniu ùn s’hà da fà (Cit. ), si tu vò continuà à vive tu è a toa famiglia, capitu?” “Un mumentu, ùn mi so micca dimenticatu ma dite à u vostru patrone ch’o vogliu fà un accomudamentu cù ellu!” “Accomudamentu? Parla!” “Innò, parleraghju solu incù ellu, da capu à capu!” “Ellu hè u Lucumone è tu quale sì? Rammenta ch’ellu hè sacru dinù!” “Ié, rammentu! Tandu, lu attendu da solu quessa sera, quì, và bé?” Li omi ùn li rispundinu ma lancianu i cavalli à galoppu smarendu.
***
Le ore passonu u bughju avanzaia, Kurspallis attendia ghjà da parechje ore quannu, d’a machja surtì un omu solu, Vituperienna! “Oh, u miu ‘vechju amicu’ Kurspallis, babbu di a bella Julhena, tandu, voli chì noi diventamu parenti?” Kurspallis si feci forza, stumacatu da e parolle chì duvia dì à u furdanu, tumbadore d’innocenti! “Sapimu tutti cosa tu voli, certe, micca a felicità d’a mo figliola… ma astru! Innò?” “Astru, dici, pensi à u sessu?” Kurspallis vulia vumità ma rispose “Ié, quessu ti offru: si tu voli tu saré ‘u primu’ cù Juhlena, in cambiu tu permitterà e nozze!” “Interessante, ma cosa pensa u nossu futuru sposu? U Gallu?” “Ellu ama à Juhlena e accitterà u sacrificiu per amore: tu lu pò chjamà ‘Jus primae noctis’ sì lu voli, tandu, sì tu d’accunsentu?” “Oh Kurspallis tu sì da veru un omu raghjunevule: acettu!” Kurspallis aghjunghette “Solu chì ti dumandu chì lu scontru fra te è Julhena sii dopu e nozze è in un locu assai luntanu da u villaghju, ùn vogliu chì qualchissia possa suspettà di quessu accomudamentu, per l’onore di a mia famiglia!” “Va bé!” Kurspallis si sentia mancà ma ùn lu feci vedé è dicì “Tandu, dumane sera, Vituperienna, à la cabanna di pesca supra à a rena!” Dopu pinsò - Dumane… apprizza quesse ore, ò Lucumone! -
***
A cirimonia fu assai simplice: Kurspallis avia dettu à tutti chì pe rispettà l’usu gallicu a vera festa saria stata u ghjornu dopu ma tandu l’unione frà Juhlena è Francescorix fù cunsacrata nanzu à li omi è à li Dei. Kurspallis, assai tuccatu imbracciò a soa figliola cù li ochji umidi “O figlia mia, so sicuru chì à tò mamma d’induv’ella hé t’ajuterà…”
I due ghjovani firmaronu inseme tuttu u ghjornu apprizzandu ogni ora è ogni momentu (sibbene firmandu più ‘muderati’ ch’elli vulianu supratuttu pè ùn fa perde troppa energhja à Francescorix…) è quasgi sperendu chì a sera ùn vinisse… ma a sera, cume signu ghjornu, vinì…

Vituperienna, bramosu, ghjunghjette comu previstu pressu à a cabanna di i pescadori sempre accumpagnatu da i sò tre furdani, ma d’un colpu, à parechje dicine di metri di distanza di a cabanna, dicì “Firmate qui, vagu solu!” In a soa testa avia a fiura di Juhlena, cusì bella, cù i capelli di u culore di u castagnu di Corsica è li ochji verdi cume u mare di u Golfu di Valincu, quannu la vidì à u lume di a Luna pena chì l’attindia nanzu à a porta di a cabanna, nuda, più bella di è statue di Venere surgente dall’acque chì avia vistu in li antichi templi di Alaila!
In preda à a brama laccò tumbà l’arme chì avia e curì versu Juhlena chì d’un colpu smarì in u bughju di a capanna.
Vituperienna intrò è vidì… Francescorix chì l’attindia, anc’ellu senz’arme! “Tradimentu!” Feci in tempu à gridà, ma quellu era dinù u signale per Kurspallis è una decina di i so omi più valenti chì si lamponu contra à i furdani di Vituperienna supraffacenduli dopu una lotta sanguinosa.
Tandu in a cabanna avia locu un lotta cume i primi tempi di l’umanità: omu senz’arme contra omu senz’arme per una donna!
Vituperienna prestu passatu di a brama à a zerga si lampò contra à Francescorix à testa bassa, questu si dispiazzò è li dette un colpu di pede tamantu in le rena fandulo tumbà ma Vituperienna era omu robustu è s’addirizzò prestu, li omi firmarono l’unu di fronte à l’altru un sicondu “Oh, bischero, Juhlena sarà miha!” Dicì Vituperienna “T’at sciap la fasa!” (Ti rompu a faccia!) Rispundì Francescorix anch’ellu in a soa antica lingua dopu si lampò à soa volta contr’à ellu.
Si pigliaronu per u collu: a lutta era pé a vita contru a morte ma Francescorix sapia ch'ellu ùn duvia tumbà u sò avversariu!
Francescorix in fine ebbi un idea, levò à Vituperienna u so famosu elmu è dupu lu feci tumbà supra à a so testa: Vituperienna mughjò di dulore “Aaaahhhh!” dopu svinì!
Francescorix tumbò assettatu, stancu e tesu, ma avia vintu per avà; Juhlena chì s'era vistuta è era firmata pressu a cabanna entrò è currette à abbraccià u sò spusu, in fine liberi! Vituperienna avia dimenticato una cosa fundamentale chì regula da tempu immemurabile l’esistenza di l’umanità supra questa Terra: un omu gattivu pò avé u corpu di una donna cù a viulenza ma u sò core MAI! Una donna invece, chì hà dunatu u sò core à un omu, pò mette in periculo à soa virtù per ellu!
Chjamaronu à Kurspallis chì ghjunghjette incù Korspuls “E avà cosa famu d'ellu?” Dumandò Juhlena indicandu à Vituperienna, tandu Francescorix spiegò à tutti l'idea chì li era vinuta “Ma hé cosa assai crudele…” “Po dasse, mia sposa, solu ramminta quellu chì quest'omu feci à u to primu prumessu!”
Piazzaronu Vituperienna, intravatu cume un figatellu supra una piccula barca di legnu cù a vela levata è un bucu chjuchellu d’induve l’acqua di u mare intrava pianu pianu, Francescorix li dette un calciu dicendu “Và, avà tu sì ancora vivu! Ma si li Dei ti voglienu salvà, ti salvaranu!” Nimu lu vidì più, ma nimu cunosce a vulintà di li Dei…
Vultaronu in fine à u so villaghju, u core in fine un pocu più lietu “E avà quale hè a vossa vulintà, tu è Juhlena” dumandò Kurspallis à Francescorix “In primu vogliu vultà à a mia terra pe prisintà Juhlena à a mia famiglia, dopu videraghju si firmà là o vultà torna quì: avà aghju due case!” Julhena dicì “A toa casa hé in u miu core…” “Ié, tandu aghju tre case…” rispundì Francescorix penu d’amore, dopu aghjunghjette, rivoltu torna à Kurspallis “Ma avà chì Vituperienna è i sò furdani so smariti ùn temi chì li Etruschi e i sò alliati ponnu vultà cù i rinforzi?” “Ah! O amicu ùn ti inchjetà: comu aghju dettu capunanzu pé liberacci di li Etruschi è di i Cartaghjnesi una volta per tutte avimu fattu un’allianza incù u Consule Romanu Joannis Tertius Zuccarellus, cullaboradore di Scipione, ellu è e sò truppe sbarcaranu dumane!” Rispose Kurspallis, Francescorix lu fideghjò perplessu “I Romani cù Zuccarellus cume capumachja?? Oh babbu lu dite ancu voi Corsi a frasa ‘tumbà da a palella à a brace’? Noi, Galli Cisalpini, li cunnuscimu assai bé i Romani, so da veru di arrubadori e di scrucconi tamanti!”

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:17 pm

A linea di u tempu II, u ritornu di Vituperi



Prima parte



Cume quasgi signu vennari sera, in u periodu di veranu avanzatu cum’era quellu, Francesco (ò Fransèsch) dopu avé chjusu u so uffiziu citatinu, conducia a so vechja vittura Volksford per e strade di u Monferratu (Monfrà).
U viaghju era à bastanza longu ma ellu vulia raghjughje a so prumessa Julian-a chì l’attendia ghjà in a casa di campagna ch’elli avianu inseme.
A strada frà Aich versu Casteu neuv cullaia è fallaia dulcemente di e culline pene di vigne è selve, Fransèsch vidì unu camper incù a placca francese chì viaghjaia pianu pianu nanzu à ellu, à manc’appena 30 km/ora.
Per unu straniu casu a placca era corsa: 2A e d’istintu li vinì in mente a parolla in corsu “pumataghji”. Fransèsch fideghjò dinù in u spechju, daretu ci era un astra vittura francese, torna incù a placca corsa 2B! - Feghja, quale casu!- Pensò.
D’un colpu u camper nanzu piantò è Fransèsch dinù feci a medesima cosa per ùn accidentà, tandu dui personne vestute di neru fallaronu di u camper e una terza di a vittura daretu è tutti tre si lamponu contr’à ellu! Fransèsch feci appena in tempu à riconosce i tre omi chì eranu nanzu à ellu: Mefistò Frelazg, Belzebuth Lernazg è Diabolò Grenazg, i furdani di Vituperi! D’un colpu u neru li cadì supra li ochji e ellu perdì a cunniscenza!

Assai (o pocu?) tempu dopu rivenì, u bughju più tutale lu circundaia, si resi contu d’esse intravatu è chì quachissia li avia piazzatu qualchi cosa supra a testa – Miu Diu, so prighjunieru in una pezza puzzicosa, dev'esse una carciula- pensò.
Ellu ùn era un omu d’azzione, cume Solechjiari ò Vinciguerra, ma circò di ùn fassi suprafface di à paura, di firmà lucidu.
-Quando Julian-a ùn mi viderà arrivà, chiamerà a pulizza! Ella sa ch’o socu assai precisu è chì ùn vacu in giru senza avvisà- Questi eranu i sò penseri in quelli mumenti ma si resi contu chì lu facia più pé fassi curaghju chì pè certitudine!
In quellu mumentu sentì unu rimore di cadene: a porta vinia aperta è qualchissia intraia!
“Oh, Francesco, in fine ci vidimu torna!” Fransèsch firmò senza respirà: cunuscia a vuce suffucata di l’omu chì avia parlatu, Vituperi!

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:19 pm

Seconda parte



Vituperi mughjò un ordine “Levate à ellu u cenciu nanzu à so bucca, ch’ellu possa risponde!”
“Grazie” Dicì Fransèsch, disdegnatu “Silenziu! Prestu vidarete quale hè u significatu di piazzassi in mezu à a mia strada! Vi aviu avvisatu ch’o v’averei truvatu, rammintate? Peghju per voi!” Fransèsch mughjò incù a rabbia di a disperazione “O Vituperi, ùn so statu eiu à avé vi chjamatu quellu ghjornu di fevraghju! Rammintate, site statu voi!” Vituperi rise “Ié, ma voi avite vulsutu implicà nanzu Solechjari, dopu Vinciguerra è u gruppu E! Ma questu saria statu u menu! U disastru l’ete fattu voi incù quellu extra-terestre, Lirl di Cariutia!” “Un u capiscu! Cosa dite?”
Vituperi ùn rispose ma tirò unu pugnu à Fransèsch, schjappanduli u labru “Un capite!? A Corsica hè indipendente dipoi quasgi trè seculi, l’Auropa è u mondu sanu s’assumiglianu à unu puzzle, l’Unione Auropea hà quasgi 50 Stati è u miu prughjettu di duminiu hè si pussibule ancu più difficiule!” Fransèsch ùn cridia à e so arechje: e parolle di Vituperi ùn avianu sensu per ellu “Cosa dite? L’Unione Auropea hà 27 naziò, a Corsica hè parte di a Francia…” Vituperi mughjò torna “Silenziu, ùn ridete di mè! Site statu voi, grazie à Lirl chì ete fattu perde i francesi à Ponte Novu u 9 maghju 1769! U miu antennatu, Culonnellu Vituperi ò Vitupery era u cumandante di i rinforzi francesi, sendu arrivatu tardi hè statu sgradatu à caporale è dichjaratu indegnu!” Lernazg aghjunghjette “E ancu u miu antennatu…” “Silenziu ancu tu!” Dicì Vituperi “Avà emu bisognu di fa vultà a storia in u so sensu ghjustu… è voi site u mezzu per fa tuttu què!” “Vi possu ghiurà, ùn rammentu nunda: per me a storia ùn si pò scambià… credu” “Firmate quì, a vossa memoria vultarà…” E li omi (Fransèsch ùn avia possutu vedè quanti eranu) surtironu di a pezza laccandolu intravatu.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:20 pm

Terza parte



Fransèsch firmò incù i so penseri… o sunniacciu: ùn sapia si era ellu à esse mattu ò u mattu era Vituperi… ma signu pussibilità li facia paura.

In quellu stessu mumentu, a circa quindece kilometri di distanza Julian-a era assai preucupata, a quella ora Fransèsch duveria dighjà esse quallà dipoi un pezzu è invece ellu ùn era ancora ghjuntu è supratuttu ùn rispundia à u telefuno!
Tandu pigliò u telefuno e feci dui chjamate, una à a famiglia di Fransèsch è à siconda a u migliore di i so amichi, nunda, nisun risultatu! Elli ùn sapianu nunda è cusì ella avia ancu circatu, fandu dumande vaghe, di ùn fa preoccupà troppu li altri… ma dentru si sentì splode d’ambascia.
Dopu due ore di ritardu decidì in fine chì era ghjuntu u mumentu di chjamà a pulizza, i soli chì, cridia, pudianu aiutalla!
Julian-a feci u solitu numero, u 112, e a risposta a laccò à bucca aperta “Allo, sy Poliss federal! Còs ch’a podom fej per vu?” (Qui pulizza federale! Cosa pudimu fà per voi?).
Julian-a ùn cridia à e so arechje: in tutta a so vita ella ùn avia mai sentitu parlà a pulizza in piemuntese! Ella u parlaia assai bè, ancu cù a so famiglia e li amichi, ma ùn s’attindia certu qué è laccò cadè u telefuno! – Cosa stà arrivandu!? U mondu hè divinutu mattu!?- Si dumandò cadendu pusata.
Dopu si feci curaghju, duvia fa qualcosa mentre u bughju era fallatu dipoi un pezzu! Ripigliò u telefuno è chiamò torna a pulizza à u 112, ella ùn avia scelta è si feci forza di risponde in piemuntese à e dumande chì u centralinu li facia.
Dece minute dopu vidì una scena da non crede: a vittura chì ghjunghjette à casa soa era à a più strania vittura di a pulizza ch’ella avia vistu finu à quellu mumentu ind’u locu induv’ella vivia dipoi quannu era nata!
O, megliu, a vittura ùn era strania pè sé, una Audimw, quantu u culore, biancu incù di rombi ghjalli è blù e a scritta supra u fiancu, POLISS!
I dui pulizzeri, un omu è una donna, fallonu è Julian-a andò versu elli, l’omu, fandu u salutu militare, dicì “Bonaseira, Madama, ch’am diga”.(Bonasera, Madama, dite…)
In un lampu Julian-a si rendì contu chì si ella averesse fattu tutte e domande chì li vinianu dentro, prestu sarebbi ghjunta dinù una ambulanza per conducela via cusì, fandusi forza, dumandò in piemuntese “U miu prumessu duvia esse quì quattro ore fa, ci so stati micca incidenti, à sapete induv’ellu hè?” I dui pulizzeri si feghjaronu “Pudimu intrà?” Dicì a donna “Ié, vinite, pusate quì” “Simu spiacenti, ùn sapimu induv’ellu hè ma ùn emu avutu nisuna segnalazzione di accidenti à vitture cume quella di u vostru prumessu, pudete dacci una sò foto?” “Ié, attendete” Julian-a andò in a pezza da lettu, circò ind’i mobili aprì armari e cartere quannu vidì unu straniu oggettu chì avia una forma mai vista, tandu u pigliò in manu, era matallicu, caldu e… rammintò tuttu! Era u tele-commando di u tele trasportu supra a nave tempurale di Lirl di Cariutia! E rammintò dinù, l’avvintura in u XVIII seculo! Così pigliò una fotò di Fransèsch è a cunsignò à i pulizzeri chì andaronu via dopu avè prumessu di fa tuttu u possibule per truvalu.
Firmata sola Julian-a precò cù in manu u telecumandu “Oh Lirl, avimu bisonniu di u tò aiutu, si tu pò, veni prestu!”
A centinaie di anni luce unu alarme sunnò, Lirl feghjò à u screnu di l’urdinatore e dicì “Oh nò! Hè arrivatu! Quellu chì li Scalpillinuti temianu hè arrivatu!”..

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:21 pm

Quatresima parte



Solu e… intravatu, Fransèsch capì ch’ellu duvia reagì à ogni costu! Avia capitu ch’ellu era nant’à una chjuca carciula cù u pavimentu di terra cusì fandu unu sforzu tamantu si misi in pedi e saltandu a dritta è à manca circò di truvà qualcosa di utile per liberassi e in fine u truvò: ci erano di e buttiglie impilate è incù unu calciu tamantu e lampò per tera. Monda buttiglie si rumpiuno fandu assai rumore – Oh nò, prestu saranu qui- pensò tenendo u respiru… ma nunda arrivò, tandu si lampò supra à i cocci muzzendu e corde chì l’intravaianu e mani (E dinù un pocu e mani…)! Dopu circa un quartu d’ora in fine fu liberu! Si levò e corde è i cenci da li ochji, nant’à carciula u bughju era quasgi tutale ma per una piccula finestra supra à a porta ghjunghjia u lume di a luna! – Ah! Avà aghju capitu- pensò: a carciula ùn era SOTTU una casa ma perfurata in l’anzilla in u fiancu di una cullina cume s’adupraia assai in Monferratu.

E parete di a carciula eranu di anzilla sunchè a parete chì daia à l’esteriore chì era di mattoni è bettone incù una porta di legnu -Socu ind’è me, ghjocu in casa è so di e cose chì voi ùn pudete sapé – Pensò Fransèsch. In u puntu induve a pareta di mattoni si conghjungaia incù l’anzilla si misi a cavunà un tuvu in l’anzilla aduprandu un pezzu di vetru rottu: dopu circa mezza ora u tuvu fù à bastanza grande pè permette à ellu di striscià fora di a carciula. Era libaru in fine! Circandu di ùn fa rumore curì versu a so vittura stallata à fiancu di u camper e di l’astra vittura. E chjave eranu dentro! – Sempre goffi Vituperi è cumpagni!- Pensò quandu à l’impruvvisu si sentì smarì…

Un eranu passati chì qualchi minuti da quando Julian-a avia precatu per l’arrivu di Lirl chì… Lirl apparì nanzu à ella cù u tele-trasportu! “Oh, Diu! Lirl, tu? So felice di vedetti ma, ti precu, ùn fa lu più! Intendu cumparì à l’impruvisu…” Dicendu queste parolle Julian-a imbracciò u cariutianu “Cume fai à esse dighjà quì, ùn hè pussibule!” Dumandò surpresa.
Lirl surrise, divertitu “Veramente aghju impiecatu quasgi trè mesi per ghjunghje quì è mille anni indietro in u tempu… ma ùn dimenticà ch’o conducu una Nave Tempurale: aghju solu regulatu u conta tempu per materializà mi quì, oghje, in questu mumentu precisu ! A machina hà fattu tuttu u travagliu per fà corrisponde u miu arrivu cù u mumentu di a to chjama”
“Ah, mi mulina ghjà a testa! Ma avà ti vogliu spiecà u mutivo di a mo chiama…” Julian-a, assai preocupata, dicì à Lirl tuttu quellu chì era arrivatu quellu ghjornu: u smarimentu di Fransèsch è u fattu ch’ella ùn riconuscia più a società sana!

Lirl avia ascultatu in silenziu u racontu, sendu divinutu assai seriu. Paria capì assai bè cosa era arrivatu tandu dicì “Avà asculta, ti precu… ancu eiu aghju à spiecatti monda cose: eccu in principiu… pensu di esse in parte respunsevule di tuttu què!” “Tu? Cosa, cum’è pussibule!?” “Rammenti quellu ghjornu d’aprili in Corsica?” “Iè è innò, aghju rammintatu qualche cosa solu quando aghju vistu u telecumandu di u teletrasportu chì Fransèsch avia dimenticatu supra sé stessu quel ghjornu, altru… ùn mi vene micca in mente, nebia!”
“Vedi, hè unu cuncettu assai difficiule à capì ch’eiu stessu aghju capitu solu assai tempu dopu quellu ghjornu! Sfarentemente à e mo convinzione a storia ùn si pò scambià, si pò solu creà! Quellu ghjornu di u 1769 fendu perde i francesi à Ponte Novu ùn avimu scambiatu a storia avimu solu indirizzatu u caminu di a storia versu un astru binariu sfarente, in una nova dimensione, laccando intattu u binariu urighjnale!” “Un capiscu…” Dici Julian-a chì quantunque cuminciaia à intuì avendu vistu e serie LOSTU è STAR TRECK… (ma incunsciamente ùn vulia accità e parolle di Lirl) "Hé un cuncettu di a fisica chì si chjama entropia: quandu arriva qualche cosa in a rialtà ellu hè per u sempre! Ti faciu un esempiu: si un omu vulta in u passatu e tumba per sbagliu u so antennatu cume hà fattu à fallu s’ellu dopu ùn nasce? Puru l’hà fattu! E bene, hè pussibile solu perché si creano dui rialtà, una induve ellu esiste è una induv’ellu ùn esiste più per u sempre!” “Tu dici chì ci hè una rialtà induve a Francia hà vintu à Ponte Novu è una induve a Francia hà persu e questu significheggia chì… oh Diu! Chì ci sò dui Fransèsch, dui… mè!” “E dinù dui Lirl… è dui Vituperi, dui Solechjari etc. Iè, hè esattamente cusì è due rialtà esistenu in u stessu tempu in u stessu locu ma in dui dimensione sfarenti chì ùn entranu in cuntattu in nisun modu trà elle o megliu… ùn duverianu entrà in contattu trà elle!” “Cosa volì di?” “Li Scalpillinuti m’avianu avvisatu chì quando u cuntinuum spaziu tempurale si rompe firma per u sempre una specie di cicatricia unduve hè stata a frattura e issa cicatricia hè instabile è si pò riaprì à l’impruvisu! E questu temu chì hè arrivatu oghje! E due rialtà so entrate in cuntattu!” “Ma quale hè a rilazione di tuttu què incù u smarimentu di Fransèsch?” “Devu fa una ricerca incù li apparechji di à mia nave, voli veni cù me?” Julian-a feci un respiru profondu “Per u bè di u miu prumessu, cusì sii!”
Vicinu à l’ordinatore Lirl feghjaia à u screnu “Aghju in memoria l’ADN di Fransèsch è possu truvà u so signale per monda di decine di Kilometri qui attornu! Eccu, in fine l’aghju truvatu, hè qui à bastanza vicinu, vivu è in bone condizioni ma vicinu ci hè dinù u segnale di Vituperi è i so trè furdani, Mefistò Frelazg, Belzebuth Lernazg è Diabolò Grenazg chì ùn so certe vinuti à fa visita d’amicizia!”
“Vituperi! Tandu Fransèsch hè statu sequistratu!” Dicì Julian-a “Evidentemente..." Rispose Lirl è aghjunghjette "Avà aghju capitu quellu ch’hè dev’esse arrivatu: quandu u Vituperi Corsu/Francese hè vinutu à circà u Fransèsch Piemuntese/Talianu per vendicassi ancu u Vituperi Corsu/Corsu vulia rapì u Fransèsch Piemuntese/Piemuntese è tu è Fransèsch site finiti in l’astra dimensione scambianduvi di postu cù elli è cusì avà u Fransèsch Piemuntese/Piemuntese hè prighjunieru di u Vituperi Corsu/Francese è viceversa!” Julian-a dicì “Mi splode a testa! Tandu duvimu fà qualcosa per salvà lu! Pardon, salvà à elli… dicu noi… oh nò!”
“Un t’inchjetà aghju un pianu...”

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:23 pm

Epilogu...



“Un pianu? Spieca, tandu” Dumandò Juliana, perplessa.
“Si eiu socu qui, in l’altra dimensiona ci dev’esse un altru…mè, dicu un altru Lirl! Questu Lirl dev’esse in questu precisu mumentu supra a soa nave tempurale atturnu à la pianetta Terra inseme à l’altra tè!”
“Oh, Diu, ùn fami ci pensà…” Dicì Julian-a.
Lirl circò di tranquliza-la “Innò, ti precu di avè cunfianza in mè, eiu devu recuperà à Fransèsch pigliandulo cu u tele-trasportu e u fandulo cullà qui supra: si eiu è l’altru Lirla u famu in lu midesimu istante possu fa in mudu di scambià u Fransèsch “nostru” cù u Fransèsch altru!”
“Ah!?” Avà Julian-a avia capitu ma dumandò “Cume poi comunicà incù l’altru tè?” Lirl feghjò u pavimentu di a nave: u pianu era assai riscosu “Qui hè a parte debule di u pianu: devu solu sperà chì à l’altru mè sii vinuta a medesima idea!”.
“Simu piazzati bè” Dicì Julian-a “Avà mettemu in pratica u pianu!”.
Incruciandu e dita Lirl tuccò unu comandu è… Fransèsch apparì nanzu à elli “Quale tu si?” Dumandaronu à ellu inseme, Lirl è Julian-a, “Site scemi? So Fransèsch! Eru prighjunieru di quel furdanu di Vituperi e invece di festeghjà chì socu qui, mi fate dumande senza sensu!” “Ti dumandu perdonu…” Rispundì Julian-a abbraciandu lo “…Ma chì hà vintu à Ponte Novu in u 1769?” “Hè questu u mumentu per parlà di a storia? I Corsi, naturalmente ani vintu à Ponte Novu. Ancu si Vituperi credia chì avianu vintu i Francesi: hè da veru goffu… Avà chì ci pensu questu hè assai straniu…” “Ci simu riusciti!” Dici Lirl “Ellu hè u Fransèsch di questa linea di u tempu!” Ma subitu Julian-a firmò triste “Ellu ùn hè u “miu” Fransèsch, avà so eiu à esse fori postu quì...” “Un capiscu…” dicì Fransèsch “Ti spiecheraghju dopu, ella hà ragiò, devu invià à Julian-a supra à a Terra, solu cusì ella raghjunghierà a soa linea tempurale!” Lirl azziunò un comandu è Julian-a smarì un un conu di lume mentre u so penseru fù – Spergu chì ùn facia troppu male esse spantiati in atomi è dopu ricomposti…-
Nanzu di rendesi contu ella si truvò torna dentro l’astrunave di Lirl e ci era dinù… Fransèsch! “Un temé, Julian-a, questa volta so eiu u toiu! In fine simu vultati inseme in a nostra linea di u tempu!” dicì Fransèsch, dopu aghjunghjette “Avà ti precu, Lirl, vulimu andà à casa nostra, so assai stancu” Lirl rispose “U faraghju prestu prestu ma nanzu vogliu fà una macagna à Vituperi è à i so trè furdani! Cù u teletrasportu li inviaraghju in l’altra dimensiona! U Vituperi Corsu/Corsu sarà Corsu/Francese è viceversa! Cusì nanzu di disturbà à voi torna ci penserà trè volte!” “Ié, bona idea! Quantu à noi chiameremo a Pulizza per fali arrestà!” rispose Fransèsch dopu aghjunghjette “Solu chì firma u riscu per noi di finì torna in u futuru dentro l’astra dimensiona senza vulé” Lirl rispose “Pensu di avè truvatu a soluzione: distrugge a nave tempurale quannu saraghju à casa meia, finu a quannu firma a causa chì l’hà provocata a frattura po’ riaprissi d’un colpu, si a causa smarisce u riscu finisce!” “Ma… questu significheggia chì noi ùn ci vidaremu più…o Lirl!” “Ié, per avà… ma avite fede, u futuru, à u cuntrariu di u passatu, ùn hè scrittu!”
“A Diu Lirl” “A Diu, amichi, cuntinueghiate à travaglià per u bé vostru è di u vostra Nazione, chì tutti noi pudimu contribuisce, una vulintà communa po move quellu chì pare immovibule!”


Fine?.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:29 pm

A battaglia


Parte prima



Jean De la Vigne dettu Jeannot piantò qualche stonda di caminà pé piglià fiatu “Alors, mon ami, qu’est ce que tu fais? Bouge ton cul, si non le capitaine Vitupery * te battra” A parlà era statu u so amicu Pierre, Jean feci unu signu cù a testa è ripigliò à caminà. Elli venianu di u midesimu paisolu di a Champagne: Serzy-et-Prins, è si sentianu quasgi cume frateddi.
Ma Jean era da veru stancu, cume tutti i suldati di quidda spedicione, eranu mossi da Briançon dipoi u mattinu à l’alba di u 16 lugliu 1747 traversandu a bucca di u Montgenèvre.
U ghjornu 17, dopu esse cullati finu à u Sestrière duvianu procede longu a valle di u fiume Chisone spantiati in trè culonne per circà di ghjunghje nanzu a sera di u 18 à u colle di l’Assietta induve sapianu chì i Piemontesi li aspittaianu.
U pianu era di evità u pudente forte di Exilles chì si truvaia in a parallela valle di Susa e dopu avè francatu a bucca di l’Assietta, piombà da l’altu supra a cità di Susa.
Ma tuttu era andatu male finu da u principiu: mentr’elli avanzaianu passu passu eranu stati disturbati per l’altitudine ma suprattuttu per u continuo attacchi fatti da i Valdesi (Vaudois).
Issi furdani tiraianu contr’à elli cù i fucili da luntanu poi, quando i francesi cicaianu di piglialli, smarianu prestu prestu, omu ùn sa induve.
E tuttu què pè dui ghjorni sanni di seguita marciandu carichi di tuttu u sò equipaggiamentu per a campagna militare, datu ch’elli ùn avianu carri e assai pochi sumeri pè u trasportu.
U peghju era chì elli ùn avianu possutu portà nisun canone...
Quannu in fine e culonne francesi ghjunghjetteru ind’è l’Assietta, u matinu di u 19, una amara supresa li aspittaia.
Pierre tuccò u bracciu di Jean “M… Les ennemis ont bâti des remparts gigantesques!” Nanzu à elli, à qualchi diecine di tese di distanza ci eranu mura e bastioni alti circa 15/18 pedi francesi (5/6 metri) fatti di petre à seccu è fassine.
U ghjenerale De Belle-Isle, surpresu di l'affare, chiamò i so alti ufficiali, D’Arnault è Mally, per studià u pianu d’attaccu e dopu pocu tempu i porta ordini trasmisero e decisione a tutti li ufficiali di l’armata.
In quellu stessu mumentu millaie di ochji preoccupati feghjaianu à u magnificu spiegamentu di l’armata francese, frà elli unu suldatu di u 19° Battaglione Guardie “Casale” “Feghja…” dicì Fransèsch* Dal Brich “Elli so almenu trè volte noi!” U so camerata rispundì “Ié, questa sera manghjeremu in Paradisu…” “Aghj fede, amicu, venderemu cara a pelle”
I suldati francesi, cume vulia l’arte militare di quellu tempu, si piazzaronu in file serrate cume suldatini di piombu poi, d’un colpu, dicine di tamburi si misero à rulla, i pirulì à fischià e i francesi avanzaronu à passu lentu tenendu i fucili cù i bainetti nanzu “On nous envoie à pieds contre un bastion” Murmurò trà sé Jean.
Fransèsch è l’altri suldati piemuntesi pigliaronu a mira e quando feghjaronu u biancu di li ochji di i nemichi, spararonu…



*Vitupery, divinutu culonnellu, ci era dinù à Ponte Novu in u 1769!
* Ancu issu Fransèsch ùn mi hè novu...

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:31 pm

Siconda Parte



Li ufficiali pemuntesi daianu li ordini in francese “Chargez! Visez ! Tirez!”
Una prima scarica! E una siconda … è poi torna una terza: frà mezu e file francesi, multi suldati fallonu, assai morti, d’astri feriti, tamanti vioti si aprironu in mezu à l’armata chì cuntinueghjaia à avanzà cu disciplina è curaghju longu unu fronte largu quasgi mezu kilometru…
Prestu u fumu neru di a polvere da sparu, l’udore di zolfu e di sangue, i mughji di dolore invaseru u campu di battaglia mentre i francesi in fine ghjunghjetteru sottu à u bastione è à e mura.
Da l’altu i suldati piemuntesi cuntinueghiaianu à sparà tinendu i fucili paralleli à u muru.
“Oh, mam…” Jean vultò a testa, era statu Pierre à parlà e avà… era mortu! U zitellu cù u quale ellu avia ghjucatu finu à micca troppi anni nanzu, avà era distesu cu u fucile ancora strettu in e mani, u so cerbellu culaia da sottu u tricornu.
Jean mughjò di rabia e di dulore, una lagrima sulcaia u so visu… Per quale cosa cumbatte unu suldatu durante una battaglia? A Patria? A Gloria? Forse, pò dasse… E se, in rialtà, ellu cumbattesse pè sé stessu, pè a vita soa è di i so camerati? Tu copri mè, eiu copru tè è nunda di più!
Inseme à Pierre era mortu dinù unu pezzu di ellu stessu è Jean pensò “Tôt je viendrai te rejoindre, mon ami…”
U Gran maresciallu d’Arnault era mortu à pochi pedi di distancia, i francesi, aduprandu i corpi di i so camerati è e petre fallate per cullà ghjunghjetteru in fine à u parapettu di u bastione induve i piemontesi, pochi, feriti è stanchi, li attendianu cù e bainetti inestate.
Unu ufficiale piemuntese dumandò à u so comandante “Miu Commandante, ùn hè megliu chì noi ci ritiramu un pocu daretu a siconda linea di fortificazioni?” U ghjenerale, conte di S. Sebastianu u feghjò di traversu è rispose “Nü d’sy a bogiom nen!” (Noi di qui ùn ci muvimu!)
Fransèsch feghjò nanzu à ellu, avia paura è era in u stessu tempu ammirativu per u curaghju di i nemichi chì, malgratu e perdite, avanzaianu senza sosta! “Cosa ci faciu quì?” pensò “…Eiu difendu a mia terra, a mia casa in u Monferratu, a mia famiglia… senza tuttu què, quale so eiu?”
Vidinu unu ufficiale francese chì avia pigliatu a bandera cù i gigli di u re di Francia è avanzaia chjamandu i so suldati “Avançon! On les aura!” Unu suldatu piemontese sparò è u ghjenerale De Belle-Isle fu mortu!
Daretu à ellu un suldatu francese avanzaia, Fransèsch vultò versu à ellu u fucile “Il va me tuer…” Pensò Jean, Fransèsch sparò e… u mancò, si tuvaruno di fronte, bainetta contr’à bainetta, nisunu d’elli avia u tempu di ricaricà…

Pò apparì straniu ma in quellu mumentu Fransèsch e Jean si sentiruno cumplettamente soli, cume se u chaos di a battaglia fusse luntanu miglia è miglia, pronti à tumbassi l’unu l’altru pè sopravvive… Jean feci unu affondu ma Fransèsch parò u colpu piazzando u so fucile di traversu è dispiazzandulo versu l’altu, fendu questu feci perde l’equilibru à Jean chì si scoprì, Fransèsch prufittò pè fa à soa volta unu affondu è quessa volta ùn sbagliò, a bainetta trapassò a bianca uniforme di Jean, a soa punta tuccò dui costole rumpendule e rimbalzendu, Jean mughò di dolore fallendo daretu.
Dicenu chì quando omu va per morire ellu vede à soa vita sana… E bè, Jean ùn u scuprì mai perché quandu Fransèsch fu supr’à ellu “Il va me finir…” Pensò- u suldatu nemicu murmurò, in a soa lingua “T’ei mach un cuntaden ‘me me, va a cà toa…” (Tu sé solu unu cuntadinu cume mè, và à casa toia…) è dopu si ritirò.
In quellu precisu mumentu u maresciallu De Villemur, firmatu u più altu di gradu di l’armata francese feci sunnà a ritirata per i so suldati chì eranu supravissuti.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Mar Sep 07, 2010 3:36 pm

Epilogu



A sera era ghjunta, De Villemur decidette di invià à u commandante nemicu, Conte di Bricherasio, unu messaghju chì chiedia una trêve d’armes pè raccoglie i morti è i feriti.
U commandante piemuntese fu d’accunsentu è fece rende dinù à i francesi u corpu di u ghjenerale De Belle-Isle chì era statu truvatu in u campu di battaglia.
U matinu dopu l’armata francese ripigliò a strada pè vultà in Francia passendu pè u villaghju di Sauze d’Oulx induve Belle-Isle fu in fine interratu.
Jean De La Vigne , dopu qualchi mesi, in fine podette guarì di a ferita chì ùn era cusì grave ma nant’à u so core firmava u ricordu di u so amicu Pierre chì era mortu ma ancu di quellu suldatu piemuntese chì ùn l’avia, pudendu, volsutu finì.
Cusì, dopu ch’è u 18 uttobre 1748, a pace frà i nimichi fu signata à Aachen, Jean, chì, quattresimu di quattru frateddi, avia 20 anni è unu spiritu avventurosu è un pocu ribelle, decidette, ghjuntu u veranu di u 1749 di partì pè u Piemonte pè raghjunghje a cità di Casale induve si truvaia u 19° Reggimentu Guardie.
“Ah, donc tu es l'un des membres de la Brigade française “Reine” qui a pris partie à la glorieuse, pour nous, bataille de l’Assietta, il y a deux ans?” Dicì u sottu ufficiale in a caserma “Oui, sergent, je voudrais savoir si vous avez entendu quelqu’un de vos soldats raconter d’avoir épargné un ennemi après l'avoir blessé: cet ennemi c’était moi!” “Oh, bien sûr, il s’appelle Fransèsch Dal Brich, mais il a pris congé et est allé chez lui puisque il n’était pas un soldat de profession, si tu veux le rencontrer je te donnerai les renseignements pour le rejoindre, bonne chance!”
Dopu avè cavalcatu pè a campagna qualche ora Jean ghjunghjette in fine à una casa, ne ricca ne povara, induve ci eranu dui ghjacari neri; una ghjovanna di circa 17 anni, semplice ma bella cù i so capelli biondi, sortì di a casa “Chi t’ses, cos ca vori?” (Quale sé, cosa voli?) “Parlez vous français? Je cherche Fransèsch, est ce que vous le connaissez ?” “C’est mon frère aîné, qu’est ce que vous voulez de lui?” “ Seulement le remercier, si ma mère a encore un de ses fils, c’est seulement grâce à lui…” “Je vais le chercher, attendez ici” Tandu ch’ella s’alluntanava a zitella dedi un colpu d’occhju assai significativu à u ghjovannu strangeru e pocu dopu ghjunghjette Fransèsch, un omu un pocu più vechju ch’è ellu, è forte chì li parlò in un bonu francese chì, in quellu tempu quasgi tutti parlaianu, in Piemonte “Alors c’est toi le jeune français que j’ai épargné, ce jour là?” “Oui, c’est moi, qu’est ce que je peux faire pour vous remercier?” Fransèsch u feghjò assai attentivamente “Mon père est mort et ici je suis le seul homme pour maintenir une femme, deux enfants, une sœur et une vielle mère… tu es bon avec les vignes?” “Bien sûr! Je m’appelle Jean De La Vigne et je viens de la Champagne!” Dicì Jean, orgogliosu. Fransèsch rispose “Bohf, je connais le Champagne: c’est du vin un peu léger, ici nous bouvons le Barbera! Mais… bon, si tu veux, tu pourras rester ici quelques semaines pour m’aider à émonder les vignes; tu mangeras avec nous mais tu dormiras dans le grenier, d’accord?”.
Cusì fecinu, ma mesi passonu, è unu annu dinù, è… un ghjornu di veranu di u 1750 Jean pigliò in moglia Valeria, a sorella di Fransèsch! A a fine di a festa, imbracciandu, felice è un pocu briacu, u so novu cugnatu (beau frère) Fransèsch disse pè macagna “Oh, je me recommande avec toi, cherche à ne me faire repentir de t’avoir épargné, ce jour là!” Jean rispose, in piemuntese "No, sagrenti pa, ma adèss ch'am son marià co to surela a t'peu dì che te serà siu d'sy a men d'neuv meis..." (Innò, ùn t'inchjetà, ma avà chì mi sò maritatu cù à to surella ti possu dì chì tu sarà ziu frà menu di nove mesi... )



FINE

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 8:15 am

Ricordi di Sternà



Oghje, malgratu ch’o fussi dapoi parechji seculi in pussessione di a mio libertà a più sanna, mi vene sempre l’amarezza quandu ripensu à i centu cinquant’ottu anni passati nant’à Sternà. Sternà ? Una bella pianetta di u sistema nosclurianu, duve l’aria hè assai usigenatu, duve correnu i fiumi d’un acqua linda, è duve si ponu truvà tamante mine d’oru è di diamente, ma per mè, sta pianetta fù sinonima d’infernu.
Dopu à esse partutu di Gherccebà per andà fin’à Saturna duve deviu ritruvà à tutti i mio amichi, m’anu chjappatu i Lumakuti, dopu à una corsa-perseguita infrebbata, à a fine di a quale, à rombu di tirà nant’à u mio vascellu, m’anu ubligatu à ponemmi nant’à una luna di Saturna duve m’anu pigliatu.
Prestu prestu, un Cummandante-Guvernore Lumakutu, sott’à l’ordine di l’Imperatore Supranu Immurtale, m’hà cundannatu à u bagnu à vita in a mina di diamente di Cernao, nant’à Sternà. Eru cundannatu à zappà tutta a mio vita quallà per truvà diamenti per l’usu di i Lumakuti, per a più grande gloria di Darnsfunt. Eru cundannatu, eru dannatu.

Ghjuntu nant’à Sternà, u vascellu carcerale sì ponì à a vicinanza di a mina di Cernao. Trè milla prighjuneri, cume mè, di a barbaria funi lampati fora à calci. I nostri guardiani eranu infami, è crudelli. Ci lamponu prestu in a mina à zappà e petre. Eramu tutti, eiu è i mio fratelli è surelle di sfurtuna, incatinati mani è pedi durante a corte notte di Sternà, è u ghjornu, eramu staccati per pudè zappà. Nurritura, ùn ci ne era ch’è poca è micca, solu un infama missura d’acqua brutta incù una spezia di succaru disghjeneratu chì dispiaceria ancu à i porchi, ma à a quale avemu devutu abituàssi fin’à cunsideràlla cume una robba di e più squisite. Passavamu tutte e ghjurnate à zappà, à zappà, è à zappà sempre di più per truvà diamenti ch’è no mettiamu in i nostri tinti sacchi incù una spezia di dispressu chì s’assumigliava à quellu di e ghjente richessime ch’ùn anu ch’è troppu petre preciose per fàne casu, ma u nostru, u disprezzu, s’addirrizzava piuttostu à u valore illusoriu di ste qualche petre, à l’orighjine di a nostra schjavitù. D’altronde, quandu venia a sera, ci era sempre un contramaestru lumakutu chì venia è s’impatruniscia di i nostri diamenti per mandàlli nant’à a so pianetta. Eccu u solu fruttu di i nostri sforzi, à noi miserevuli schjavi,chì ci era arrubatu, cum’elli avianu arrubatu a nostra libertà, a nostra vita, ma micca a nostra dignità, chì digni, fieri è dritti firmavamu, micca fieri d’esse in a schjavitù, ma fieri d’avè tenuti a nostra mente sempre libera. E catene vere ùn sò ch’è quelle chì impediscenu di pensà è d’esse noi, è noi, ben’ch’è intravati à l’ultimu gradu, è privi di a libertà d’agìsce, teniamu sempre, per certi di noi, a libertà di pinsà.

Ma mai ùn perdìu spiranza durante tutti st’anni. Puru eru podasse u solu à tene sempre in u mio corre a sperenza d’ùn morre micca quì. Ogni ghjorni ci cacciava sempre un paghju di fratelli di castigu, è malgratu tuttu u tempu passatu quallà, vi possu dì ch’ùn aghju mai avutu u tempu di fàmmi veramente un solu amicu, chì ùn si vidia micca a stessa ghjente più d’un mese à a seguita, chì eramu sempre traspurtati d’un locu à un altru di l’immensu bagnu di Cernao, precisamente per impedisceci di fraternizà trà di noi. Ma s’era quantunque stallata tra di noi una sorta di pinsata cumuna, di stintu di gruppu, di sulidarità implicita chì ci impediscia, malgratu a nostra trista sorte, di diventà trà di noi luppi accaniti, à l’eccezzione di quelli chì perdianu ancu a libertà di pinsà.

Quantu ne aghju ricordi di st’anni bughji è neri, parechji ricordi d’una faccia, d’un sunrisu, di qualche parolle prununciate à l’appiattu quandu a sperenza ùn firma più ch’è l’unica richezza chì stà in la mente. Quandu i fiumi di sperenza sì perdenu in a rena di un disertu d’addisperu.

È puru, hè infine ghjuntu lu ghjornu duve u mio fiume di speranza hà infine vistu lu mare. Hè accadutu dopu à centu cinquanta ottu anni dopu à a mio ghjunta quì, in stu locu maladettu di sudore, di sangue è di suffrenza infinita. Stu ghjornu quì, ghjornu ch’ùn dimenticheraghju mai fin’à a mio morte, eranu ghjunti in Cernao una centina d’avventurieri lumakuti, venuti quì per arrubbàcci diamenti. Assaltonu a mina incù fucile è materie splusive, allora chì i contramaestri si ghjuvavanu di noi schjavi cume paracolpi vivi. In u periculu ancu più grande ch’è d’abitutine, eramu parechji à aspettà a morte cume una liberazione. Per mè dinù, chì era quì dapoi più d’un seculu, a morte seria statu più ch’è una liberazione è a fine d’un sunniacciu, ma teniu sempre in mente un palmu di sperenza. A morte, ss’amanta maladetta chì mai ùn m’avia chjappatu durante tutti st’anni di schjavitù, di sevizii è altre torture, ne eru sicuru, ùn pudia più nunda contr’à mè, è aviu decisu chì malgratu tutti l’anni pasati quallà, ùn compieriu mai a mio vita in a schjavitù à Cernaò. L’aviu decisu prima, è sta decisione era stata a mio maestra principale durante tutti st’anni.
Frà u fume, frà u focu, frà i pienti, è frà a disulazione di stu ghjornu, mi sentiu rinvivì d’una vita nova. Ùn mi primurava mancu più di nunda, ne di u fiscu di e pale, ne di u frombu di i canoni, ne di u tonu di e splusione, ne mancu di tutti l’ordine di i contramaestri. Ùn vidiu ch’è stu picculu vascellu abbandunatu, à l’appiattu ma da u quale, nimu ùn paria primuràssi, cume eiu d’altronde, eiu chì, senza ne corre ne mancu piattàmmi, prufittendu di a cunfuzione ghjenerale, m’impatrunìu di sta sola manera per mè di piantà quì è oghje u mio sunniacciu per rivene à u lume è à u ghjornu.

In fattu fughjìu senza troppu prublemu u bagnu di Cernao, u spaventu di Cernao, chì l’altri eranu troppu occupati per occupàssi di mè, incù u solu rigrettu di lascià quì tutti l’altri prighjuneri di i Lumakuti, fratelli è surelle in a lotta per firmà arrittu malgratu tanti danni.

I rigretti sò cume una bestia infama, dolce è crudella chì manghja pianu pianu l’anima, campendu nant’à i ricordi, è invelenendu a mente. Quantu ci aghju pinsatu à tutti i disgraziati chì, cume mè, eranu prighjuneri quallà. Ci pensu sempre oghje, tant anni dopu à ste crudelle stonde, è malgratu u fattu, accadutu parechji ghjorni dopu, chì Cernao fù assaltatu una volta di più, ma per l’armata cariutiana chì per impatruniscessi di i diamenti di Sternà, ne avia pruffittatu per liberà tutti i schjavi chì riescinu infine à rientrà in i so lochi, compiendu infine anc’elli un longu spaventu.

A prima disfatta di l’armata lumakuta.
A prima disfatta di Darnsfunt.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 8:17 am

U Spechju



Eccu mi quì, avali socu quasgi ghjuntu à u miu destinu.
E pinsà chì tuttu era cuminciatu per casu, u ghjornu in u quale unu di i nossi radiuastronumi era riuscitu a sentì di signali chì vinianu di u spaziu prufondu chì ùn pudianu esse naturali.
Un avia capitu nunda, naturamente, i signali eranu assai debuli, ma tuttu què era bastatu pè provucà una meza rivoluzione.
A nutizia si era prupagata in un lampu: ci eranu stati cuntrasti, cunferenze, unu shock culturale senza precedenti: ùn eramu più li unichi essari intelligenti nant’à l’Universu, a nossa sulitudine era finita.
Quelli chì eranu firmati i più scunvolti eranu stati i filosufi: hè ghjunta a fine di a nossa unicità, di a nossa patrunanza di l’Universo –elli dicianu- dopu avé affirmatu quessa teuria pè seculi.
Dopu, passatu quesso mumento, li omi di scienza decidetteru chì ci era bisognu di andà à vede in u locu di urighine di quelli segnali, una intrapresa mai pruvata nanzu: un viaghju quasgi à l’altru capu di a Galassia.
Un si pinsò à a spesa, per quessa intrapresa fu messa in piazza a più tamanta, veloce astrunave di tutti i tempi.
Micca unu satellite automaticu ma una vera nave spaziale incù unu solu membru d’equipaggiu laccatu addurmentatu pè i longhi mesi di u viaghju e risvegliato pocu nanzu à l’arrivu.
Mi rammentu ancora quannu eiu fui sceltu, u mio istruttore a l’academia aeronautica, chì era statu quasgi unu sicondu babbu pè me: mi chiamò; ellu dicì: “Avimu bisognu di te Han, tu sé u nossu megliu astrunauta, u to dovere hè di entrà nant’a storia”.
Firmai zittu, ùn aviu micca tandu à di, aviu solu à ubbidisce.
I mesi di entrenamentu funu longhi, a nave fu pruvata è in fine si ghjunghjette à u mumentu di a partenza.
Rivecu cume s’ellu fusse eri u salutu di a mio moglia Lila, a soa è a mia emuzione, u nossu longu imbracciassi, noi sapiamu ch’eiu pudiu ùn vultà più, chì pudiu firmà pè sempre perdutu in u spaziu…
Ma avà basta cù quessi penseri! Ci simu!
U risvegliu hè statu duru, ma avà mi sentu bè: devu finì a mia missione, devu scuprì a verità.
Eccu a pianetta: a parte illuminata per u so sole a rende simile à una falce di luce chì riluce in mezu à u bughju di u spaziu.
M’appresseraghju ancora, tandu elli ùn riusciranu a scuprimmi, a nave hè perfettamente piattata per unu screnu: serà pussibule volà supr’à a pianetta assai bassu ma elli ùn mi videranu.
Pigliaraghju assai ritratti, registreraghju di filmi, di soni, pigliaraghju campioni è dopu vultaraghju indetru, luntanu di quì, finu à a mia pianetta, a casa.
Eccu! Socu in l’atmusfera, vegu a superficia…ma cume saranu li abitanti?
Un hè micca veru chì a relighjone hà sempre spiecatu ch’è Diu ci hà criati a soa immagine e sumiglianza?.
E li omi di scienza, d’altru cantu, ùn ani dettu chì e leggi di a chimica, di a fisica è di a biolughia sò valievuli in tuttu l’Universu?.
Innò, elli ùn ponu esse troppu sfarenti ch’è noi: sicuramente elli nasconu, vivenu, amanu, odiano e morono cum’è noi.
Avà socu assai vicinu à a superficia: vecu mari, pianure…issa dev’esse una cità…quali forme stranie, u sò ordine ùn u capiscu perché ùn aghju mai vistu nunda di simile a quessi bastimenti …
E quidda cos’hè?...Oh no! Un po’ esse veru…Devu resiste à a brama di vumità, hè per ellu ch’o socu quì… ellu hè un essare intelligente cume u socu eiu, ùn devu mai dimenticalu… innò, ùn hè pussibule… incù quellu corpu cilindricu incù solu duie bracci chì partonu di u troncu, dui ghjambe chì si pieganu in u mezu e quiddu capu tondu chì face cusì ride…



Fine?

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:09 am

Tumbà n'hè micca more


Orsu Dumenicu Solechjari a écrit:

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:11 am

Prima parte



Facianu più di duie ore ch’o cunducìu a mio vittura, ma m’avvicinaiu di u mio scopu. Infine, entraiu in Aghjacciu duve eru aspettatu. U mio scopu si truvava in un carrughju puzzicosu abitualmente pocu frequentatu da i turisti, un’locu assai piattatu.

Scansaiu a mio vittura, ne escìu, per andà, à pedi, à u sede di a sucetà « Société Corse de Transport Frigorifique Routier » ; una sucetà pocu cunnisciuta, prupietaria d’una decina di camioni.
Ghjuntu davanti a porta di u casamentu, pichjaiu trè volte, pò un’altra volta, è pò duie altre volte, è senza aspettà a risposta, entraiu.
U locu era propiu indegnu d’un’intrapresa cusì ricca : era una spezia di lucale d’una vintina di metri quatrati, incù u sulaghju propiu bruttu, i muri nudi, è un’bulacu tamantu ch’ùn sì pudianu mancu cuntà i cartarii chì trascinavanu in terra.
In stu lucale, un’solu mobile : un’scagnu di legnu, chì era, anc’ellu, à bastanza bruttu. Daret’à stu scagnu, sì truvava un’omu, chì mi dumandò :
« Quale site ? »
U tonu era assai aggressivu. L’omu paria prontu à lampàmmi fora. Ancu s’o m’aspettavu à un’affare simile, mai ùn averebbe pinsatu avè un’accolta cusì dura. Incù u stessu tonu, rispundìu :
« Orsu Dumenicu Solechjari. Sò aspettatu. »
L’altru, senz’apparisce affettatu da a mio risposta, mi dumandò :
« Quand’è tù colli in paese per vede a to casa, cosa hè a prim’affare ch’è tù faci ? »
Cunnisciu sta questione. Era un’codice speziale per elli, d’esse sicuru di a mio identità. Sapiu esattamente cosa risponde, è li dìì :
« Pigliu una zappa per andà in muntagna à circà u mele piattatu sopr’à l’arechje di e truite ceche in un fiume senza petre, senza nuli, è senza acqua. »
Ben’intesu, ùn vulia dì nunda cio ch’o veniu di dìllu. Era ancu senza nisun’sensu. Ma era què u codice per fàmmi accittà di manera sicura, è face chì u tipu mi rispose :
« Site accittatu. »
Detta sta cosa, sì alzò di a so carrega, è sì misse à spiazzà u so scagnu, chì in fattu, piattava una caterazza chjuca chjuca, ma quantunque assai grande per mè. L’aprì è mi spiegò :
« Hè quì ch’ellu ci vole andà, o sgiò Solechjari. A Maestra v’aspetta. »
« Grazie mille. » Rispundìu ingulfandummi in st’apertura.
A caterazza era l’apertura d’un’tuvone prufondu è scuru, in u quale sì truvava, ancu di grazie, un’scalinu per mè. Ùn ci era manc’un’lume è quandu l’omu chì m’avia ricevutu insù chjudì a caterazza, cacciendu cusì l’ultima lume, sentìu nasce in mè un’prufondu sintimu di claustrofobia, cio ch’ùn m’impedì micca di cuntinuà à falà a scala, in pienu bughju.

Una vintina di metri dopu, era a fine di u tuvone è di a scala. Avà, u pozzu lacava piazza à un’curridore un’pocu schjaritu, d’una cinquantina di metri di longu, in fondu di u quale sì truvava una porta è un’guardianu, torn’un’altru. Ancu senza cunnosce di manera precisa u caminu, pudiu esse sicuru chì era quì ch’o deviu andà.
Pigliendu u curridore, assai più sicuru ch’è a scala in u bughju, ne prufitaiu per riflette nant’à u dispusitivu di prutezzione chì ingirava u Gruppu Epsilon.
U mistiriosu Gruppu Epsilon hè un’gruppu sicretu prisente in u mondu sanu. Custitueghja un’urganisazione sicreta chì lotta contr’à ogni forma di guerra, di tirannia, è di duminazione in u mondu. Un’urganisazione per u bè di l’Umanità. Un’urganisazione per a quale sò fieru di travaglià !
A « Société Corse de Transport Frigorifique Routier » ùn hè ch’è una sucetà screnu per piattà u quartieru ghjenerale di u Gruppu Epsilon, in Corsica. Tuttu, da u lucale puzzicosu à u carrughju chjuchettu era fattu per prutege l’offiziu di a capimachja suprana di u Gruppu Epsilon, stallatu quì.
Ghjuntu davanti à l’ultima porta, u guardiu, minacciendummi da u so fucile, mi dumandò :
« Quale site ? »
È torna Vignale, pinsaiu. Rispundì :
« Orsu-Dumenicu Solechjari. Sò aspettatu. »
Ma torn’una vola, ùn bastava micca. Per quessa, mi dumandò :
« Cosa faci quand’è tù t’arrizzi a matina ? »
Torn’un’altru codice. Ancu di grazia ch’o i cunnisciu tutti. Cume privistu, rispundì :
« Appiccu a mio camisgia sopr’à u rusulaghju per tumbàlla, lampu una chjama à u mio pesciu, è facciu dui salti è mezu accant’à u mio riloghju di terza bisaccia. »
Quant’elli sò conni sti codici ! Mi dumandavu, da veru quale hè chì invitava cose cusì. Mi dumandavu quale era u stortu chì avia imaginatu frase cusì assurde. D’un’altra banda, eranu sicuru chì nim’ùn pudia induvinà affare cusì, è eranu bè prutegidi.
D’altronde, ùn ebbe micca u tempu di pinsà à st’affare quì, chì u guardiu, suddisfattu da a mio risposta, bassò u so fucile, è invitòmmi à entre :
« Site accittatu. »
È di colpu, aprì a porte per fàmmi entre.

Ghjuntu in sta stanza nova, mi paria d’esse ghjuntu in’un universu cumpletamente sfarente. Quì, tuttu era pulitu. Quì, ci era u lume. Quì tuttu era grande.
Mi truvavu in un’uffiziu propiu elegante, quellu di a capimachja di u Gruppu Epsilon : Francesca Xuan.
« Bonghjornu, Orsu Dumenicu. V’aspettavu. Pusatevvi quì per piacè. V’aghj’à spiegà perchè v’aghju fattu vene. »

Malgratu a mio sperienza di a vita, mi sentiu un’pocu intimiditu davanti sta donna chì diregia a più pudente urganisazione sicreta di u mondu à u serviziu di l’Umanità sana, è micca solu d’una nazione o d’un gruppu cummirciale. Impressiunatu, ùn ebbe ch’è a forza di risponde :
« Bonghjornu ò Madama. »
Ma Francesca, in donna intelligente, sì spicciò d’aiutàmmi à francà stu disandiettu passaghjeru, cumminciendu prestu :
« Pusate quì, per piacè… S’o v’aghju fattu vene, hè perchè aghju bisognu di voi. Perchè u Gruppu Epsilon hà bisognu di voi. »
Ùn mi pariu micca necessità tamanta primura. Da veru, ùn capisciu micca perchè un’urganisazione cusì impurtante ch’è u Gruppu Epsilon pudesse avè bisognu di mè.
Sta crisa di mudestia sì n’andò prestu prestu. Ùn eru u più grande, u più brigliante dettettivu di Corsica ? In cundizione simile, seria propiu nurmale ch’elli ebbinu bisognu di mè.
Ma per u mumentu, cuntinuaiu à dumandàmmi per cosa pudianu avè bisognu di mè. Ma ùn ebbe micca à aspettà troppu per sapèllu, chì dighjà Francesca mi spiegò :
« U Gruppu Epsilon hà bisognu di voi per lottà contr’à un’nemicu particulariamente viziosu è gattivu. Qualchissia ch’è vo cunniscite bè. Un’omu chì sì face chjamà Sgiò Vituperi, è chì piatta sempre a so faccia sott’à un’elmu di motò. »
Audendu stu discorsu, ùn pudìu ch’è trasaltà. Eru, da veru chjuzzicu di sente torn’una volta parlà di stu furdanu ch’aviu vistu, da i mio ochji, smarisce lampendùssi in mare, seria sempre vivu. Certe, ùn aviamu mai ritruvatu u so cadavere, ma dopu à un’cadimentu tamantu in u mare, paria propiu impussibile di sopravive. È pò, mi ramentaiu chì, da u principiu, eru statu suspettosu nant’à sta morte chì s’assumigliava troppu, second’à mè, à una messa in scena per scappà.
D’altronde, Francesca m’annunciò :
« Ancu s’e monda testimonii, frà i quali vi truvate voi, l’anu vistu cascà in mare incù a so vittura, avemu oghje a prova chì stu periculosu megalomanu paranoicu hè sempre vivu… è ch’ell’hà cunservatu a so capacità à noce. »
Francesca sì piantò di parlà qualche seconde, per apre una cantera di u so scagnu, piglienducci una mansa di ritratti per cuntinuà a so spiegazione :
« Trè ghjorni fà, un’trenu hè statu assaltatu. I malfattori, moltu viulente incù a ghjente di u trenu, anu arrubatu u so cuntegnu : dui centu millioni d’euro distinati à l’aiutu internaziunale à i paesi povari. »
Amparendu sta nutizia, a mio menta sì scandalisò. Sti paesi, dighjà sfurtunati è mantenuti in a puvertà da una mansa di manghjoni chì campanu di a puvertà di l’altri, ùn anu sicuramente micca bisognu d’esse arrubati. Di sicuru, eru à u latu di u Gruppu Epsilon per ritruvà i dui millioni è rendelli à i povari.
Francesca mustròmmi qualchi ritratti di l’assalta di u trenu. Si vidia un’trenu chjinatu in terra, sì vidianu parechji feriti. Pò, mi mustrò un’altru ritrattu, cummentendullu :
« Quì sì vedenu bè i malfattori. Hè u solu ritrattu ch’è no avemu d’elli. Pensu ch’e vo li ricunniscite. »
Precisamente, i ricunnisciu troppu bè. Ci eranu Vituperi è Lernazg ! Eru sicuru d’ùn sbagliàmmi. Eranu elli, ùn pudianu esse ch’è elli. Ancu malgratu u so elmu, ricunnisciu bè Vituperi, à a so siluetta, a so manera di tenessi… è u so elmu. D’altronde, a presenza di Lernazg (ch’o eru sicuru dinù di ricunnosce) à u so latu cunfirmava a mio impressione. Iè, Vituperi era sempre vivu… È era sempre periculosu. È stu scemu di Lernazg era sempre à u so latu.

Firmaiu mutu qualchi tempi, tantu per fighjà i ritratti ch’è per riflette à tuttu què, pò Francesca mi dichjarò :
« Pensemu chì Vituperi hà urganisatu st’assaltu per un’prughjettu ben’precisu. Pensemu dinù, cunniscendulu, chì stu prughjettu seria moltu periculosu per u mondu è per l’umanità. Per quessa, Orsu Dumenicu, v’avemu chjamatu. »
Un pocu cunfusu da tanta primura, dumandaiu :
« Cosa possu fà, à u vostru serviziu ? »
Tandu Francesca mi rispose :
« Sò sicura ch’è site u solu à pudè arreghje Vituperi, à scopre i so disegni, à impediscellu di rializà i so peghji prughjetti di duminazione du mondu, è à rende i soldi à i paesi povari. Avà tocc’à voi. »
A missione mi paria tamanta ! Certe, eru u più gran’dettettivu di Corsica, ma per u colpu, u scopu mi paria troppu altu, ancu per mè solu. U più chì m’impauria, era ch’ùn sapiu micca cumu duviu cummincià.
Per schjarisce stu misteriu (a mio casata, ùn hè Solechjari ? Ùn mi chjamu micca Solechjari per nunda), dumandaiu :
« Cosa aspettate di mè, precisamente, per cummincià ? »
« A vostra missione s’avvicina di quelle dette impussibile. Sì pò dinù sfinisce cume una missione risicata è moltu periculosa. »
Francesca piantò, torn’una volta, u so discorsu, aprì un’altra volta a cantera di u so scagnu per allucà I ritratti, chjudì a cantera, è cuntinuò :
« A vostra missione cumminciera in Republica Bolduvaca. A Bolduvachia hè una nazione nova, divintata indipendente l’annu scorsu. Avemu avutu a prova chì Vituperi è Lernazg sì piattanu quallà. »
È torna un’paese chì divente indipendente ! È noi, allora ? Avemu da aspettà torn’assai, pinsaiu audendu sta spiegazione.
Puru, Francesca ùn avia finitu, è compiò cusì :
« Site aspettatu à u Centru Culturale Naziunale di Bolduvachia, in a cità di Sprodj, da un’aghjente di u Gruppu, chì si face chjamà Balaninu. Vi fiderà l’altri ducumenti ch’è no avemu in a nostra pussessione cuncernendu Vituperi. L’appuntamentu si ferà da quì à trè ghjorni, à dece ore di mane. D’altre instruzzione seguiteranu. »
È pò, Francesca mi riaccumpagnò à a porta di u so uffiziu. L’intrattenimentu era compiu. A missione cumminciava !

Fù cusì chì, dui ghjorni dopu, ghjunghjìu in Republica Bolduvaca, in a cità di Sprodj.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:14 am

Seconda parte



Da a terrazza di la mio camera d’ottellu, usservaiu cù interessu è attenzione u spettaculu di a cità di Sprodj chì sì prisentava à i mio ochji. Sprodj, per esse a siconda cità a più grande di stu paese, era una granda cità di cinque centu millaie d’abitanti. L’architettura sì pudia sfiniscessi cume misticciata : certe custruzzione, e più vechje, eranu midievale, d’altre emanavanu di u classissisimu slavu. U restu datava di a perioda cummunista o post-cummunista, è paria più funziunale ch’è bellu.

Facianu dighjà quattru ore ch’eru ghjuntu in Bolduvachia, incù u ligame aereu Poretta-Sprodj, è solu aviu avutu u tempu di truvà un’ottellu cunvinevule, è di piglià cunniscenza di l’ultimi rinsegnamenti cuncernendu a ghjurnata di u lindumane.
Aviu ricevutu un’ritrattu di l’aghjente di u Gruppu Epsilon chì mi devia dà infurmazione, era un’certu Balaninu, cume à sapiu dighjà. Era Corsu, (l’avianu sceltu à postu), è ditenia in a so pussessione l’inseme di tutte l’inchieste rialisate da u Gruppu Epsilon nant’à Vituperi, sperendu chì seriu capace, eiu, u più gran dettettivu di Corsica, di sapè cosa fà per contrà è smascherà Vituperi.

U lindumane, mi discitaiu à bon’ora per u mio appuntamentu. A cità era grande, è per quellu chì ci ghjunghjia per a prima volta, truvà u so caminu era propiu impussibile senza carta ne rinsegnamenti. Ancu di grazia ch’ùn sò micca n’importa quale, ma u più gran’dettettivu di Corsica, è chì dunque, aghju certi dazii per u sensu di l’urientazione, cosa chì m’è moltu ghjuvevule in u mio mistieru.

Face chì, un’ora dopu à esse esciutu di u mio ottellu, ghjunghjiu davanti à u locu di l’appuntamentu incù l’aghjente di u Gruppu Epsilon : u Centru Culturale Naziunale di Bolduvachia.
Anzianu palazu di u guvernore di u rughjone, à l’epica duve ci eranu sempre i rè in Bolduvachia, u munimentu era divintatu u sede di a pulizza sicreta di u statu à l’epica cummunista. Pò, dopu à u trafalententu di u cummunisimu, u bastimente era statu inuccupatu, minacciendu ancu di cascà in ruvina. Quandu a Bolduvachia divintò indipendente, u Presidente di a Republica Bolduvaca, Trànsnep Ciniewvizsvik, decidò a riabilitazione di stu vechju bastimentu, chì era un’ghjuvellu storicu di a cità di Sprodj, per fànne u Centru Culturale Naziunale di Bolduvachia.

È era dunque davanti à stu bellu palazzu di petre è di marmeru ch’aviu u mio appuntamentu incù l’aghjente di u Gruppu Epsilon cugnumatu Balaninu.
Aspettendulu, ùn pudiu impediscemmi d’usservà u locu. U carrughju era moltu friquintatu da una mansa eteruclita di ghjente. Certi, assai pochi, parianu ricchi. D’altri, assai più numarosi, parianu povari, o parianu appartene à a classa mediana. Ci ne eranu chì eranu vestuti à l’uccidentale, è d’altri, avianu cunservati una vistitura più tradiziunale.
Certe, u locu era friquintatu, ma era per mè, u mediu u più sicuru di firmà inscorgidu, tantu per mè ch’è per l’aghjente ch’o deviu scuntrà. M’era stallatu à a terrazza di u caffè in faccia à l’entrata principale di u locu, cume previstu, è aspettavu a ghjunta di Balaninu, chì sapia esatamente induve truvàmmi.
Ma facianu più d’un quartu d’ora ch’eru stallatu, è Balaninu ùn venia mancu. D’altronde, ùn m’imbisistia mancu. Eru in avanzu di duie ore ! Pensu chì i capimachji di u Gruppu E. (iè ; à partessi d’avà, scriveraghju Gruppu E., chì hè sempre troppu longu di scrive sempre Gruppu Epsilon ; d’altronde, chì nome straniu ; quale serà chì l’averia sceltu ?) avianu sottu-stimatu u mio sensu di l’urientazione per sta missione. Ùn facia nunda, eru prontu à aspettà, chì u locu era propiu cunfurtevule.

Ùn ebbe tantu à aspettà, chì menu di dece minute dopu, vedì ghjunghje qualchissia. U tipu, ùn s’assumigliava micca troppu à Balaninu, ma piuttostu à Lernazg. Certe, ùn avia micca a listessa faccia, ma avia esatamente a listessa apparenza fisica. U stessu look, s’è vo priferite. È pò venia versu mè. È pò paria scuntentu. È pò paria prontu à tumbà à qualchissia. È pò mettia a so mane in a so stacca. È pò ne escia una pistolla. È pò puntò a so pistolla versu mè.
Ùn ebbe ch’è u tempu di lampàmmi in terra chì l’omu, dighjà, mi tirò nantu.
A situazione era propiu pessima. Eru attavulatu à a terrazza di un’caffè-bar, è mi faciu tirà nantu, essendu in pusizione incunfurtevule per rintuzzà, senza scurdàssi ch’ùn aviu micca a mio pistola in a manu, eiu. Gravissimu sbagliu. D’altronde, fàmmi tirà nantu da un’sosia di Lernazg era propiu inghjuliante. Senza parlà di u periculu.
Ma e cose sì passonu prestu : à u mumentu precisu duve stu tipu escia a so pistola, mi lampaiu in terra prestu prestu, assai prestu per impediscellu d’appuntà cù precisione, tirendu dunque u so colpu in u muru chì era daret’à mè.
In u stessu tempu, incù una vitezza eccezziunale, esciu a mio pistola propia di a mio stacca, l’armaiu, per infine, tiràlli nantu, senza puntà e so funzione vitale, chì ancu in circustanze simile, mi dispiacia monda di tumbà à qualchissia. Per mè, a vita umane custitueghja una cosa sacrata, ancu s’e quì, era un’casu di leghjitima difesa, d’altronda, a mio vita dinù era sacrata.
Una di e mio palle l’intaccò à u so bracciu, innacquandu di sangue a so curetta nera cume quella di Lernazg. U dulore feci ch’ellu cappiò a so pistola in terra è ch’ellu scappò u più prestu pussibile incù una vittura nera scansata à a vicinanza, senza ch’o ebbe u tempu di perseguitàllu, chì eru sempre senza vittura.
Sta missione à u serviziu di u Gruppu E. cumminciava male. Certe, ùn eru feritu, mà m’eru fattu surprende di manera moltu stupida, è ùn aviu mancu riesciutu à chjappà quellu chì avia pruvatu à tiràmmi nantu, è chì, in più di què, era statu feritu ! Ma cosa era stu gattivu passu ! Mi paria esse divintatu cumpletamente spenseratu per avè fattu sbaglii tamanti. Ùn eru eiu chì, quandu eru statu arrestatu da a pulizza francese, aviu riesciutu à fughje, ancu essendu in situazione d’inferiorità numerica ! Ste qualche cunnerie di stu ghjornu ùn eranu degne di mè. Deviu ripiglià u fiatu per diventà, torn’una volta, u maestru di a situazione, è riempie a missione à u serviziu di u Gruppu E.
U prim’affare ch’o decidaiu fù d’ùn rigirà micca à u mio ottellu, chì eru sicuru ch’elli pudianu aspettàmmi quallà, mà piuttostu d’andà in altrò, in un’locu podasse menu piumosu ma più discretu.
A mio seconda decisione fù di parte di quì à u più prestu, senza aspettà l’aghjente di u Gruppu E. ch’o deviu scuntrà. Avà, in e circustanze prisente, eru sicuru ch’ell’ùn veneria più, è chì seria à eiu di ritruvàllu per dumandàllu i ducumenti.
Ma in fattu, ci ne era unu ch’o deviu ritruvà à u più prestu : quellu chì avia pruvatu à tiràmmi nantu, ch’aviu feritu à u bracciu, è chì s’assumigliava monda à Lernazg senza esse Lernazg. È quessa, era monda faciule.
U fattu era simplice : l’omu era statu feritu. Per quessa, era obligatu d’andà fàssi curà à l’uspidale, o in una clinica, o ancu simpliciamente in un’duttore per fàssi caccià a palla. Deviu dunque chjamà tutti i centri di salute di u rughjone. Sapiu chì s’o mi faciu passà per un’pulizzeru, anderia d’incantu.

Per quessa, è una volta ste dicisione pigliate, mi n’andaiu di stu locu è di i carrughji ricchi per un cyber-caffè di i carrughji più povari. Quallà, dopu à avè piratatu i ducumenti di i servizii sicreti di parechje di e nazione e più pudente di u mondu, amparaiu chì u banditu ch’o aviu vistu pruvà à tumbàmmi sì chjamava Mefistò Frelazg, ch’ellu facia parte di l’amichi di Lernazg, è chì a so testa era messa à prezzu in un’mondu sanu per 250.000 €.
È pò, stu puntu schjaritu, feci a seconda parte di u mio pianu : chjamò tutti l’uspidali, tutte e cliniche è tutti i medici di u circondu, fendumi passà, senza nisun’difficultà, per un’tenante di a pulizza bolduvaca.
Fù cusì, chì, un’ore è mezu dopu, amparaiu chì stu banditu si truvava in una clinica, carrughju Principe di Lominov, in a vechja villa.
Veniu di richjappà l’errori di a matina. Eru prontu à andà à « visità » Mefistò Frelazg.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:16 am

Terza parte



Una mez’ora dopu, ghjunghjiu infine davanti à a clinica duve era uspidalisatu Mefistò Frelazg. Era una piccula clinica, assai discreta, di a vechja villa, carrughju Principe di Lominov, unu di i fundadori di a Bolduvachia muderna à u diciotessimu seculu. A strada era stretta, è pocu cuncipita per e vittura, ella chì datava di l’epica di e calescie. Per què, ci andaiu à pedi, purtendu quantunque à a cinta una pistola, è ne piattendu un’altra in a mio stacca. D’altronde, aviu sempre u mio cultellu piattatu in a mio camisgia, qualche cariche splusive piattate in i mio scarpi, trenta metri di funa piattati in a mio stacca, è sopra tuttu u mio ghjileccu para-palla. Eru dunque prontu à andà visità stu banditu, è ancu prontu s’o deviu cascà in una trappula !
Cuntrariamente à cio ch’o cridiu, u bastimentu era assai suffisticatu per una clinica moltu chjuca, è ùn sì pudia micca rientre dapertuttu senza autorisazione. Incù una falsa placca ch’o teniu sempre in u mio portafogliu, mi feci passà per un’aghjente d’Interpol per avè u drittu d’andà a vede à Mefistò Frelazg senza esse di a famiglia.

A ricezzionista ùn opponì nisun’resistenza à u mio drittu (in qualità d’aghjente d’Interpol !) d’andà à vede à stu straniu feritu, chì era venutu solu senza fàssi accumpagnà, ch’ùn avia micca vulsutu spiegà l’origine di a so ferita è chì avia parlatu di parte à u più prestu. À stu mumentu precisu, un duttore venì à noi, è mi spiegò chì d’apress’à ellu, seria sicuramente un’banditu pigliatu in una fucilata di banditi, ma chì tutte st’affare quì eranu senza impurtenza, chì ellu, avia fattu u ghjuramentu d’Hippocrate, è chì era u mio travagliu à mè (in qualità di forza di l’ordine !) d’inchiestà nant’à l’attività di stu straniu feritu.
Incù forze persuasione, riescì à cunviche u duttore di cunducemmi solu in a camera di stu banditu, da u quale avianu dighjà cacciatu a palla di u so bracciu, chì era dighjà bindatu. Vulia dunque dì ch’ellu era quasi prontu à esce, forse podasse per ritruvà i so cumplici Vituperi, Lernazg, è parechj’altri. Per quessa mi paria chì u periculu d’una scappera di Frelazg era imminente, è ch’o deviu esse più oculatu ch’è mai.
Mi paria chì i mio prisentimenti devianu esse verificati chì, ghjuntu à a camera di u banditu, scuprìu ch’ell’era cumpletamente viota. L’acellu si ne era andatu !

A mio prima riazzione fù di capulàmmi à l’interiore di a so camera à a ricerca d’indizii eventuali ch’ellu averia pussutu lascià daret’à ellu. Di circà affaruccie chì averianu pussutu scappà à l’oculanza di a ghjente nurmale, ma micca à l’ochju di u dettettivu cunfirmatu ch’o sò eiu.
Fighjentu da a finestra, u primu affare ch’o vedìu fù a vittura nera di Mefistò Frelazg, quella ch’aviu vistu a matina, smarrà.
Lasciandu a ricercà d’indizii, mi n’andaiu, à corri corri, à perseguità sta vittura.
Falandu e scale à una vitezza tale chì risichiu di lampàmmi à ogni mumenti, mi ritruvaiu prestu prestu in u parking di l’uspedale. Quì, m’arrubaiu una vittura ch’o smarraiu prestu prestu, per acchjiccàllu.

U principiu di a strada essendu senza incrociu ne imbrancamentu, ritruvaiu prestamente a vittura nera in u mio campu di visione, à pocu pressu cinque centru metri di mè. Ma ancu cusì, per via di a cunfigurazione di u locu, era impussibile per mè, d’avvicinàmmi di più di u veiculu di i banditi. Almenu, da quì vidiu bè chì eranu dui in a vittura, è chì ùn era micca u feritu chì cunducia (cio chì hè quantunque assai logicu !). L’altru dinù s’assumigliava assai à Lernazg senza esse Lernazg. Parianu avè rialisatu ch’o eru daret’à elli, ma ùn pruvonu micca à tiràmmi nantu, chì parianu piuttostu primuràssi di scappà à u più prestu. Ùn ci era manera per mè d’andà più prestu, ma per ellu dinù, à tal’puntu chì a distanza trà e nostre duie vitture firmava sempre listessa.
Dopu à un’ora, esciimu infine di a cità di Sprodj per a so periferia, incù case più sparte. Una decina di chilometri più tardi è eramu in a campagna. Quì, a strada era larga è dritta, senza troppu girate (una cosa chì mi scambia moltu di a Corsica !), cio chì mi permettia d’andà più prestu, ma senza pudè sminuì a luntananza incù l’altra vittura, chì anc’ella, andava più prestu.
A strada avia avà l’andatura d’un’autostrada, a circulazione in menu, e u paesaghju in giru à sta strada era essenzialmente cumpostu di pianure è di campi cultivati. À u luntanu sì vidianu l’alte muntagne chì s’avvicinavanu.
Certe, averiu pussutu arrestàlli, tirendu in direzzione di e rotule di a vittura, ma u mio scopu ùn era micca d’arrestà quessi quì ch’è di sapè induve andavanu, per pudè chjappà dinù i so maestri, Vituperi è Lernazg, chì quessi, ùn eranu ch’è subalterni. D’altronde, pensavu dinù à a mio missione di ritruvà tutti i soldi per i paesi povari.

Fù cusì chì, duie ore dopu, ci avvicinaimu di i cuntraforti di e muntagne, senza ch’o ebbe pussutu riduce a luntananza trà e duie vitture.
A stu mumentu precisu, i dui banditi piantonu a vittura è ne fallonu, in u locu scugliosu di u principiu di e muntagne. Per mè, u termine di u viaghju era vicinu. Infine cunnisciu u scopu di i dui malfatori. Cuntinuaiu a mio strada pensendu chjappàlli senza difficultà.
Ma, una volta ghjuntu à l’altra vittura, ùn pudiu ch’è custatà a mio mancanza : i dui banditi avianu cumpletamente smariti, cume per incantu !
TA TA TA TAM !

Firmendu mutu di stupore, mi mettì à esaminà u locu, circhendu una traccia di u passaghju di i dui sbiri di Vituperi, ma ùn ne truvaiu. Era cume se avianu smaritu in a rocca. Ci era sicuramente un’passaghju sicretu, o un’affare simile, ma eru impudente à truvà nisun’traccia.
Eru sempre à circà un’eventuale traccia di traccia, quandu vedìu, à u luntanu, una vittura avvicinàssi.
In un’locu cusì persu, ùn pudia micca esse una cuincidenza. Podasse eranu altri banditi. D’altronde, ùn mi scurdavu micca chì aviu arrubatu una vittura. Per tuttu què, mi teniu prontu, escendu e mio duie pistole di i so stuccii, priparendùmmi à u peghju.

A vittura sì piantò à dui metri di mè. Cuincidenza ùn era micca, avà ne eru sicuru, è ne escinu un’omu è una donna, incù l’intenzione manifesta di parlàmmi. Mi priparavu à riagì à ogni eventualità.
S’avvicinonu di mè, è a donna mi dumandò :
« Site bè Orsu Dumenicu Solechjari ? »
Avà, ne pudiimu esse propiu sicuru, ùn era micca una cuincidenza. Cunniscianu u mio nome è a mio casate. Quessi quì, eranu quì à posta per mè. Ma mi firmava à induvinà cosa mi vulianu. Per quessa firmaiu prontu à ogni eventualità.
E mio riflezzione ùn m’impedinu micca di risponde à a questione :
« Iè. Sò Orsu Dumenicu Solechjari. Perchè ? »
È a donna mi spiegò :
« Simu dui aghjenti di u Gruppu Epsilon è simu stati mandati quì per aiutàvvi. Sò l’aghjente PAD, è eccu l’aghjente Zifranu. »
PAD piantò, è Zifranu cuntinuò :
« Vi seguitemu dapoi Sprodj. Pensemu tutti chì sti banditi sì piattanu in ste muntagne. L’aghjente Balaninu devia dàvvi moltu infurmazione cuncernendu stu scemu di Vituperi, ma ùn hè quì oghje, è e so infurmazione dinù ! »
PAD ripigliò a parolla :
« Pensu ch’è vo cunniscite dighjà l’identità di unu di i dui banditi, Mefistò Frelazg, dettu Serra. E nostre infurmazione ci dicenu chì l’altru si chjama Diabolò Grenazg. Sò i dui tenante di Lernazg, chì hè ellu stessu, à u serviziu di Vituperi, chì ci pripara un’culpacciu per diventà u maestru di u mondu. »
Zifranu mi spiegò :
« È per u colpu, incù tutti i soldi ch’ellu hà arrubatu, ne hà largamente à bastanza per i so prughjetti i più scemi. »
Infine PAD cuncludì :
« Pinsemu chì tutti sti banditi sì piattanu in a muntagna, micca troppu luntanu da quì. Ma per oghje, ùn simu micca assai in forza per azardà un’affrontu in forza. Avà, u megliu seria di rientre in Sprodj per priparà a seguita. »
Rassicuratu da sta scontra propiu inaspettata è propiu rallegrante, mi ne rientraiu in Sprodj, seguitendu i dui aghjenti di u Gruppu E., novi allegati in a mio guerra contr’à Vituperi, per infine quale hè stu scemu.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:17 am

Quatresima parte



Dopu à sta scontra tutalmente inaspettata ma prudigiusamente inesperata, ci ne rientrimu tutti i trè in Sprodj per a sera. Caminendu, PAD è Zifranu mi spiegonu chì m’aspettavanu effettivamente rimpiazzendu Balaninu, è ch’elli m’avianu seguitatu dapoi u principiu, da luntanu. Mi sentiu ùn pocu inghjuliatu d’esse statu seguitatu senza ch’o l’avessu rialisatu, ma mi cunsulaiu dicendummi ch’elli eran aghjenti speziali di u Gruppu E. moltu addestrati è abituati à stu ghjennaru d’eserciziu, è, sopra tuttu, da u mio latu.
Mi spiegonu dinù chì eranu stabiliti dapoi qualchi ghjorni, dapoi u principiu di a missione, in fattu, in un’locu discretu in pienu carrughju pupulare di a cità. Certe, u locu era mal’friquintatu è moltu bruttu, ma almenu, era più difficiule di ritruvàcci quì.
Mi spiegonu dinù chì m’avian priparatu una camera per a notte, per pudè arripusàmmi senza primuràmmi di a mio securità, ma chì u lindumane, dopu à una bona notte di riposu, anderiamu, tutt’i trè, per una spedizione in forza in u locu duve aviamu persu i nostri banditi. Cusì, eriamu sicuru di truvà qualcosa. Certe, u risicu era grande di cascà in una trappula, sopra tuttu chì sapianu sicuramente tuttu di a nostra visita di a veghja, ma pudiamu assumà sti risichi, è vincelli quantunque. D’altronde, era u nostru mistieru, è sò eiu u più gran, u più brigliante dettettivu di Corsica !
Speriamu dinù, à l’uccazione, chjappà à Vituperi, ma eramu realisti : e liccie di truvàllu sempre quì eranu debule. Podasse riesceriamu à chjappà qualchi omi di Vituperi, ma Vituperi ellu stessu, pensiamu ch’è nò.

A sera sì passò à fà cunniscenza, ma sopra tuttu à priparà a spediione di u lindumane. Vedìu chì u locu era effettivamente un’bastimente puzzicosu di un’carrughju pupulare, è aviamu trè camere è una spezia di salla di riunione incù un’grande tavulinu. D’altronde, sta salla era propiu sprudata per noi, chì, ùn essendu ch’è trè, ùn aviamu tantu bisognu di grande riunione.



Per sta sera, u sole affare da a quale aviamu veramente bisognu, aldilà di i letti (puzzicosi cume u locu) per arripusàssi, era una cunnessione Internet, per pudè travaglià : avà chì cunnisciamu, à pocu pressu, u locu (o unu di i lochi) duve si piattavanu tutti, deviamu, piratendu e fiure satellitale di i sistemi di i servizii sicreti americani, russi è chinesi (i più brigliante di u mondu) per truvà cio chì puderia assumigliàssi à un’entrata sicreta. In fattu, facianu sei mesi chì u Gruppu E. raccoltava cutidianmente moltu infurmazione nantu à Vituperi, piratendu i servizii sicreti di u mondu.
Fù cusì chì, duie ore dopu, localisiamu, à dui centi metri di u locu precisu duve m’eru piantatu, cio chì puderia assumigliàssi à una porta trà mezu à i scogli. Ne eramu sicuru, aviamu trovu !
Dopu à què, ci chjinaviamu. A ghjurnata di u lindumane seria longa è dura !

U lindumane, ci discitaiamu à cinque ore di mane. Era propiu di bon’ora, ma era necessariu per ghjunghje quallà à u più prestu, sperendu surprendelli (sperendu dinù ch’ell’ùn ci serianu micca ghjà partuti, cio ch’ùn era manc’appena impussibile !). Ci priparaiamu à tavuletta, à tal’puntu chì, à cinque ore vinti, eramu ghjà in vittura, pronta à parte ! U viaghju cumminciava !

Laccaiamu a cità sempre moltu addurmintata, ghjunghjiimu prestu prestu in i sò circondi menu custruiti, è quandu vediimu discitàssi u sole, eriamu dighjà assai luntani di l’ultime abitazione di a cità, è si vidianu dighjà, à u luntanu, certi paesucci di a Bolduvachia rurale. A strada, ch’ùn era micca ingirata di lampadarii, firmò propiu nera nera fin’à l’alba, è solu u lume di i nostri fochi la schjaria à pena.
In a vittura, ùn parliamu ch’è pocu. A missione era d’impurtanza capitale, è per quessa, a nostra cuncentrazione era massimale. Ùn aviamu paura, ma eramu più ch’è cuscenti di i risichi ch’è no pigliiamu. Eramu tutti i trè ben’armati (innò ; Ben Armati ùn hè micca u nome di un persunnaghju arabu di sta storia, vole sempre dì chì eramu armati propiu bè) è ben’priparati. D’altronde eranu, i mio dui cumpagni, aghjenti speziali di u Gruppu E. abituati à stu ghjennaru di manuvra, è eru eiu, avà, à saperete pensu, u più gran dettettivu di Corsica. U periculu ci era, ma ùn ci pudia micca accade qualcosa.
Quandu ghjunghjimu in u stessu locu ch’è a veghja, piantaiamu a nostra vittura, è ne esciimu. U locu era propiu disertu, almenu in apperenza, esatamente cume a veghja. I nostri cori ribumbavanu assai più forte, è sentiu l’eccitazione cullàmmi in capu, cume ogni volte ch’o pigliu risichi, è chì u scopu hè moltu impurtante.
Esciimu dunque di a vittura, è dopu à avè verificatu un’ultima volta ch’è no erimu ben’armati, chjodiimu a vittura, è ci n’andaiamu in i scogli, in u locu ch’è no aviamu lucalizatu a veghja cume essendu probabilmente l’entrata sicreta di a basa di Vituperi.

U caminu ùn era troppu difficiule à praticà. Certe ci eranu i scogli, ma ùn ci era spaziu infranchebule nant’à sti scogli, è d’altronde, u locu suppunitu di l’entrata ùn era tantu luntanu di noi. Avanziamu incù moltu cautella, tutti i sensi agguattendu ogni segnu d’una prisenza nemica, o d’una trappula.
Ma in fattu, sta situazione ùn duraiu micca troppu, chì menu di cinque minute dopu à avè laccatu a vittura, truviamu l’entrata.

Era una simplice porta in u scogliu. Era cuncipita per passà inscurghjita, ancu da l’aviò, ma eramu quì è l’aviamu trovu. A porta era di u stessu culore ch’è a petra in giru, è paria chjosa è ben’chjosa. In giru, nisun’traccia d’alarma o di trappula contr’à noi. Tirò una volta in a serratura, è a porta s’aprì, svelendu un scalinu bughju è scuru, moltu strettu, chì fallavu ancu più prufondu, in u scogliu.
Mi paria chì u locu era statu fattu diretamente in u scogliu.
Videndu tuttu què, pensavu naturalmente chì a cuncezzione d’un tal’locu era sicuramente statu un’travagliu tamantu, sopra tuttu chì tuttu sì fecii à l’appiattu. In cunsequenza, travaglii tamanti ùn pudianu ch’è sottusente un’scopu d’impurtanza capitale per l’urganisazione senza nome da a quale Vituperi era u capimachja. Riflettendu sempre è rimentichendummi chì Vituperi avia parlatu di a so vulintà di diventà u maestru di u mondu, rializò cunscenzosamente chì stu locu moltu caru devia avè un’impurtanza esageremente cunsiderevule in i pianu naturalmente malefichi di u sputritu Vituperi, è chì cunsequemente, deviamu viaghjà moltu prudemmente (cumu ? cosa sentu ? Parlu troppu incù avverbii ? È cosa vi pò fà ?).

Era venuta l’ora d’entre, di passà per a porta ch’è no veniimu d’apre, per scopre stu locu tale ch’ellu era à l’internu. Passaiu u primu, accettendu naturalmente… scusate… accenttendu di manera naturale di piglià i risichi i più grandi, è fussu seguitatu da PAD è Zifranu, i dui aghjenti speziali di u Gruppu E.

Nentru, u picculu scalinu feci un’giru è pò ci cunducì davant’à una porta. Incù moltu prudenza, l’apriamu, per svelà una cantina immensa. In terra, era una lastra d’astracu. I muri è u suffittu eranu grsigi. U locu era sicuramente sulcatu in a petra, cio chì era sicuramente statu un’travagliu tamantu, è significava dunque un’imbusca moltu impurtante per Vituperi. U locu paria, da veru, un’magazinu. Un’magazinu d’arme !
U locu si custituia di parastaghji messi uni dopu à l’altri, è quessa in ogni direzzione ch’è no fighjiamu. Nant’à sti parastaghji, si vidianu assai fucile, assai munizione, è ancu missili è lampa-missili, stampati di u segnu nucleariu ! Vituperi era ancu più periculosu ch’o cridiu prima. Era propiu ora di chjappàllu per lampà à bassu tutte e so machinazione. Era propiu ora !
Noi trè ci spartiamu per esaminà cuscenziosamente l’inseme di tuttu cio chì sì truvava in a salla, prima per fàssi un’upinione quant’à a pudenza è a pertinenza di l’armamente, è dopu per vede s’ell’ùn ci era nimu piattatu in qualchi locu. In fondu di u magazinu, si vidia una porta assai chjuca chì pudia esse quella di un’picculu uffiziu. Postu ch’ùn ci era nisun’altra porta è chì nim’ùn pudia micca piattàssi in altrò, fù di stu puntu precisu ch’è no decidiamu di fà u nostru ughjettivu finale.
Cumminciiamu a nostra « inspezzione » di u locu, incù moltu attenzione, è ancu un’pocu d’apprensione. In fattu, eramu veramente in un’locu chì appartenia à u nostru nemicu, è di stu locu, ùn cunnisciamu nunda nunda. Ne l’esistenza di trappule, ne una cunniscenza di l’effettivu di u nemicu… nunda nunda… Ancu di grazia ch’è no aviamu u nostru curraghju, chì era veramente u sole affare ch’è no aviamu !
Ma in fattu, nunda di particulare sì passò. Ùn scuntraiamu nimu nimu, è cusì ebbimu propiu u tempu d’esaminà cume si devia tuttu l’arsanale di Vituperi. L’arme eranu cio chì sì facia di megliu in l’armamente ughjincu. I splusivi eranu arme di guerra, è i missili nuclearii eranu assai pudente per strugge una cità cume Sprodj ! Da veru, Vituperi ùn era micca un’maccagnò è era propiu prontu à diventà, sinò maestru di u mondu, cum’ellu dicia, almenu in misura di fà un’golpe di statu in un’picculu paese.
Parliamu pocu pocu trà di noi. A cuncentrazione era moltu impurante, è eramu pronti à ogni eventualità. Ma in fattu, u tempu passò assai prestu chì, nanzu ch’è no ebbimu u tempu di rializàllu, eramu dighjà ghjunti di l’altru latu di u magazinu, in faccia à a porta. L’eccitazione era à u so parussisimu.

Prima di passà a porta, ci riunimu un’ultima volta per discutà di l’usu à aduprà. Ci seria sicuramente qualchissia daretu à sta porta, è no’n’deviimu micca fàssi piglià. Verifichiamu un’ultima volta e nostre arme. Eiu, aviu un’fucile è una pistola, PAD avia duie pistole, è in quant’à Zifranu, avia sceltu, in più di a so pistola, una spada ! (ùn inventu nunda, s’hè veramente passatu cusì). Eramu pronti à entre.
Prima, è piuttostu ch’è di sbundà a porta, decidaiu di fà d’una manera assai più uriginale : dopu à avè esaminatu a serratura di a porta, chjosa, ci mettiu un’splusivu nentru, è cusì speria pudè ghjucà incù a surpresa di quelli chì si piattavanu daretu. Dopu à avè incesu a mescia, ci alluntanonu à pinuccia ma prestu prestu di u locu.
Quandu a serratura spludì, ci capuliamu assai prestu in a salla ch’è no veniimu d’apre, è chì era, cume l’aviu pinsatu, un’picculu uffiziu, in u quale ci era un’scagnu, nant’à quale si vidianu qualchi fogli, è daretu à u quale ci eranu dui omi ben’cunnisciuti : Mefistò Frelazg, è Diabolo Grenazg.
I dui banditi parianu, da veru, surpresi di vedecci quì, à tal’puntu ch’elli tardonu à riagì. D’altronde, ùn eranu micca armatu. Postu chì eru copertu da i dui aghjenti di u Gruppu E., ne prufitaiu per entre in l’uffiziu per impatruniscemmi di i ducumenti posti nant’à u scagnu, chì, d’apress’à un’intuizione di u mumentu, devianu sicuramente esse moltu impurtanti.
Ma dighjà e cose avianu scambiatu. U tempu per mè d’entre in pussezzione di i ducumenti, è Frelazg avia dighjà pigliatu a so pistola, senza ch’o ebbi a pussibilità di neutralisàllu. Daretu à mè, PAD, chì aviu anticipatu u periculu, tirò in dirrezzione di u malasciame, ma senza tuccàllu. In u stessu tempu, Grenazg avia, anc’ellu, ricuperatu una mitraglietta. Cuscentu di l’impussibilità per mè di pruvà un’altra manovra, mi ripiegò incù a mio presa. PAD è Zifranu aspettonu ch’o mi sia alluntanatu per apre u focu nant’à i dui malfattori, micca per tumbàlli, ne mancu per ferìlli, mà piuttostu per disturbàlli.
In veru, mettiamu un’puntu d’onore à ùn tumbà à nimu, è quessa per parechje raghjone. Prima, u Gruppu E. travagliava per u bè di l’Umanità sana, è si facia un’onore d’ùn tumbà à nimu, ancu i peghji sughjetti, chì facianu quantunque parte di l’Umanità. Ma ci era dinù a nostra etica persunale chì cunsiderava ogni vita cume sacrata. Per tuttu quessu, aviamu, da u principiu, decidatu di pruvà à ùn tumbà à nimu.
U solu prublemu era chì i nostri nemichi ùn avianu micca st’intenzione cusì pure, è eranu, elli, ben’decisi à tumbàcci, è per quessa, in a nostra fuga versu a surtita, deviimu dinù fà in sorte di parà e palle.
À u mumentu datu, fummi ubligatu d’aggrundàcci daretu à un’parastaghju chì Grenazg s’era messu à tirà in vintera, rendentu impussibile una fuga à l’apertu. Aviu sempre i ducumenti, è cuntinuiamu di tirà per fà piantàlli, per pudè truvà u mezu per fughje infine di stu locu. A tensione era massima, ma ùn aviamu mancu u tempu d’avè a paura, è cuntinuiamu di tirà in a so direzzione, pigliendu assai risichi, chì eramu, à vi ramentu, in un’magazinu di splusivi (ma tuttu què, ne pensiamu ch’è assai dopu).
À un mumentu datu, i dui furdani sì piantonu di tirà. Cridiu d’avèlli feriti d’una certa manera, è, videndu l’evoluzione di a situazione, pinsaiu fàcci ripiglià a nostra fughjita. Ma sta treva s’assumigliava troppu à una trappula per mè ! Podasse chì s’eranu piantatu per pudè tumbàcci megliu quand’è no ci metteriamu à scupertu. Per quessa, decidaiu di piglià tutti i risichi, è fù u primu à sorte di u mio aggrottu, andendu versu a surtita, ma quantunque i sensi in posta. Ma ùn sì passò nunda. Di colpu, invitaiu PAD è Zifranu à righjunghjemmi, chì a surtita ùn era tantu luntana.
Fù à stu mumentu precisu chì qualcosa spludì in a salla, incù un’rimore tamantu, fendu sfundàssi i muri è u tettu, nant’à noi, è ci interrò quasi.

Eramu insepelliti ! Eramu bè insepelliti ! Tuttu si ne era falatu nant’à noi ! A situazione era moltu pessima !
A prima surpresa passata, cumminciò à riflette. Eiu, ùn aviu pena indocu ; in cunsequenza, si pudia dunque dì chì feritu ùn eru sicuramente micca. Certe, eru cascatu in terra, ma almenu, ùn eru sicuramente micca feritu. È ancu s’e chjonzuli d’ogni sorte eranu cascati in pienu caminu, cumplichendu a nostra fughjita, eru sicuru di pudè sbrugliàmmi.
A mio seconda pinsata andò à i mio amichi è cumpagni venuti incù mè : PAD è Zifranu. Fighjendu in giru à mè, i truvò à qualchi metri di mè, paremmente senza ferite dinù. Eramu, d’una certa manera, assai furtunati !

Fighjendu in giru à mè, vedì chì a surtita di u locu, a porta per a quale eramu rientrati, ùn era intravatu da nunda, è chì, per quessa, pudiamu fughje senza prublemi di quì.
Lampendu un’ultima occhjata, vedì chì Frelazg è Grenazg avianu smariti cumpletamente di a mio visione ; forse podasse avianu avutu u tempu di fughje, ma almenu ùn eranu più quì. Tantu peghju. Aviu pigliatu qualchi ducumenti, è speravu ghjuvàmine per scopre u scopu di i nostri cari nemichi.

Mi pisaiu, aiutaiu PAD, è Zifranu à mettessi arritti, è inseme ci n’andiamu, è incù moltu cautella di stu locu moltu periculosu, pigliendu u stessu caminu ch’è venendu.

Una volta fora, ritruviamu a vittura incù moltu felicità. Ùn pensavamu mancu più à ricircà à i nostri dui banditi, chì si ne eranu sicuramente fughjiti incù un’passaghju ch’è no’n’cunnisciamu micca. Aviamu i ducumenti ; era piuttostu à noi di fughje.
Fù cusì chì, assai prestu, riveniamu in a cità.

Qualche ore dopu, ci ritruviamu, in u stessu lucale di a notte scorsa per pudè studià i ducumenti à u calmu. Dopu d’avecci assicurati ch’è no’n’eramu seguitati da i nostri nemichi, ci ritruviamu tutt’i trè in sta salla moltu bughja chì ci ghjuvava pruvisoriamente di carrughju ghjenerale. Quallà, dopu à avè verificatu incù attenzione ch’è i nostri nemichi ùn avianu micca prufittati di a nostra assenza per investisce u locu, o ancu per piattà monda micrò in u locu, ci stalliamu tranquilamente à i nostri tavuloni di travagliu per studià appena.
I ducumenti, ben’intesi, ùn eranu micca scritti in una lingua faciulmente capisciatoghja. S’assumigliavanu piuttostu à una seguita di lettere, di sciffri è di segni cabalistichi senza nisun’sensu vedebule.
È puru, sti pochi fogli avianu sicuramente un’sensu, è u simplice fattu d’ùn vedellu increscia sempre di più u mio addisperu : non’solu a mio intelligenza naturale ùn bastava micca per discodice sti ducumenti sicuramente moltu impurtante, segnu ch’ùn eru podasse micca cusì intelligente ch’o u cridiu, ma sopra tuttu di pinsà à tutti i piani machiavelichi di Vituperi chì, per colpa meia, mi firmavanu, per u mumentu, scunnisciuti, à mè chì eru quasi u solu à pudè impediscelli. In fattu era propiu quessu u prublemu : Vituperi ci priparava un’culpacciu, ne eramu sicuri, un’culpacciu per a securità di u mondu, eru unu di i soli à pudè impediscellu, ma firmavu intravatu da sti ducumenti ch’ùn riesciu à leghje ! Eramu maladetti !
In fattu, l’affare durò parechji ghjorni. Parechji ghjorni ch’è no sintiamu passà, sempre chjosi in stu locu bughju ch’era a nostra cantina, à fà sempre u stessu travagliu ininiteressante, senza scurdàssi chì u tempu s’era moltu rinfrescatu frà tempu.
Assicuramente, u codici impiegatu da Vituperi è i so sbiri, trà i quali u sinistru Lernazg, era propiu elaburatu per scurasgisce ogni tintativa. Eramu forti, noi altri di u Gruppu E., ma Vituperi era, per u mumentu, ancu più forte ch’è noi !

Ancu di grazia (ùn vi scurdate micca chì sta storia hè propiu murale, è chì, à a fine, u bè deve vince, è u male esse disfattu), incù un’travagliu moltu assiduu, à trè, senza cuntà l’urdinatoriu, è dopu à avè elaburatu un’algoritimu differenziale di cundivisu preferenziale di l’infurmazione frazziunata, chì ci permisse di trasfurmà una seguita senza sensu di caratteri diversi in un’testu intelligibile.
À stu stadu quì, ne pruffitiamu per fàcci una piccula piantata chì u più duru era fattu. Disgraziamente, s’è u più duru era compiu, u più longu firmava à fà, chì ancu s’è no aviamu riesciuti à truvà u codici, i ducumenti custituianu sempre una massa moltu impurtante d’infurmazione ch’ellu ci vulia leghje sane sane. Una massa d’infurmazione degna d’un’dizziunariu tale ch’è u Muntese (versione cumpleta !)

Per ristringhje a nostra lettura, fubbimu ubligati di cunceve, una volta di più, un’altru algoritimu differenziale chì sibulava certe parole precise cunsiderate cume chjave. Fù cusì chì, dopu à trè altri ghjorni di travagliu, riesciimu à estrae tutte l’infurmazione impurtante di i ducumenti, è di fattu, à cunnosce infine i più negri disegni di Vituperi chì ci appariscia avà più machiavelicu ch’è tontu.

In sti ducumenti, parlava di un’pianu in parechje parte chì cumminciava per l’assaltu di un’trenu di l’aiutu internaziunale à i paesi povari, cio chì li avia permessu d’arrubàssi duie centu millione d’euro chì era privisti per parte per pudè cumprà qualche arme nucleare à un’trafficante bolduvaccu d’arme chjamatu Transnep Ciniewvszvik, chì era divintatu u Presidente di a Republica Bolduvaca dopu à esse statu culunellu in l’armata russa, postu chì li avia permessu d’arrubbà una grande quantità d’arme russe fabbricate durante a Guerra Freta.
Sapiamu chì Vituperi avia cumpratu st’arme pochi ghjorni nanzu, è ch’ellu vulia ghjuvàssi per impone a so vulintà à un’picculu paese di u Stremu Uriente chjamatu u Gonong (anzianmente chjamatu a Lornamia, à u tempu duve u Gonong era una culunia uccidentale). Quallà, Vituperi avia per prughjettu di fà un’colpu di statu per divintà dittatore di u Gonong. Incù qualche arme nucleare, Vituperi avia largamente i medii di fà cascà u guvernu di u Gonong. Da quallà, u sò prughjettu seria di dichjarà à tutti i paesi in giru una guerra d’espansione ch’ell’ùn pudia ch’è vince, postu chì alcunu di sti paesi ùn avianu armate moltu equipagiate, è sopra tuttu, ùn avianu micca l’arme nucleare.

U scopu di Vituperi, infine schjaritu, ci appariscia à noi trè cume moltu terrificcante ! Ùn ci era più ch’è noi, è u Gruppu E. per cuntrà sti prughjetti machiavelichi di duminazione !
A salvezza di u mondu era trà i nostri mani !

Cunfruntati à una minaccia tale, ùn pudiamu agisce soli, aviamu bisognu d’aiutu ! Per quessa, a mio prima azzione fù di chjamà à Francesca, a capimachja di u Gruppu E. per cuntàlli tuttu.
Amparaiu assai pochi tempi dopu ch’ella si spicciò di chjamà à l’ONU per infurmàlli d’una minaccia seria di colpu di statu in u Gonong. U guvernu di u Gonong sì spicciò d’infurmà a so armata.

Fù cusì chì, dui ghjorni dopu, allora ch’è no ghjunghjiimu in Ukpank, capitale di u Gonong, truviamu un’paese in statu d’alerta massimale. A seconda parte di a missione cumminciava quì.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:20 am

Cinquesima parte



Un sole di madreperla illuminava i vechji bastimenti addurmintati di u centru storicu di a cità d’Ukpank, duve veniamu di ghjunghje, dopu à un viaghju di 96 ore fenducci passà per parechje tappe, chì da Sprodj l’aviò ci mandò à Praga, è pò da Praga à Roma, da Roma à Madrid, da Madrid à New York, da New York à Los Angeles, da Los Angeles à Tokyo, da Tokyo à Beijing, da Beijing à Hanoi, è, infine, da Hanoi à Ukpank ! Ghjunghjimu tutti i trè quallà stanchi morti !
Fubbimu accolti quallà à l’escita di l’ultimu aviò, da un omu barbutu ìn custuma militare, appenuccia più vechju ch’è mè, di larga andatura, è chì s’assumigliava assai più à un cazzutatore ch’è à un militare. Prestu sì prisintò, di manera moltu uffiziale :
« Culunellu Marzialu Cacciaguerra di Vinciguerra. Cummandante di a terza sezzione di l’armata sicreta dedicata à l’azzione speziale di u Gruppu Epsilon. Sò statu mandatu quì per assicurà a vostra securità è per purtàvvi assistenza. »
Lasciò una piccula pausa, è, cume s’ellu si parlava à ellu stessu, cuncludì :
« Riposu ! »
Per parlàvvi francu, m’aspettavu à tuttu, ma micca à què. Una spezia di militare atipicu mandatu da u Gruppu E. per purtàcci aiutu ! Ma ancu stancu mortu cume eru, aviu sempre a forza di replicà :
« Salute o Culunellu è grazie per a vostra primura, ma pensu chì puderemu quantunque assicurà a nostra securità noi stessi. »
U Culunellu, senza parè disturbatu da a mio rimarca, rispose cun autorità :
« Basta ! Quì u patrone sò eiu ! Quì, sò eiu chì dò l’ordine ! »
Un pocu prunzigatu da a so risposta, li dumandaiu, nant’à u stessu tonu :
« È avà ? Cosa sò, l’ordine ? »
« Seguitatemmi. In un albergu. Dui ghjorni di riposu per voi. » Rispose u Culunellu senza rillevà a mio ironia. È, fendu un mezu giru tipicamente militaru, si n’andò versu a surtita, cunducenducci à a so vittura.
Tuttu paria dettu, u seguitiamu.

A so vittura, una Mercerolls di 1987, ùn paria micca in accordu incù u ghjennaru di persunnaghju, troppu sufisticata per ellu. Ci devia spiegà dopu chì era a vittura ch’ellu li avia imprestatu u Gruppu per a missione, chì a so vittura persunnale s’assumigliava piuttostu à un picculu tank. Dopu, ci devia amparà chì, ben ch’è anzianu militaru, facianu più di dece anni ch’ellu ùn era più in nisun armata, essendu diventatu mercenariu.

Nant’à caminu frà l’aerodromu è noi, ne pruffitimu, tutt’i trè, per fighjulà appena u locu, o piuttostu i lochi. Antica cità custruita in u Medievu à un epica duve l’imperatori chinesi è indiani si taruscavanu u paese, u Gonong era divintatu indipendente in u 1712 quandu a rivolta di i paesani sbuccò nant’à a messa in piazza di u rè Gorgyin I chì riescì à tene a pace è a prusperità senza mai andà contr’à a vulintà di u so populu. Disgraziamente per u paese, l’indipendenza ùn durò micca, chì, in u 1796, sott’à u regnu di Gorgyin III, l’India invadì u paese incù moltu viulenza. Quandu l’India ridivintò indipendente dopu à a seconda guerra mundiale, u Gonong ne pruffitò per richjamà a so indipendenza, è l’ottenì chì l’Inglitarra ùn vulia più annoii. Dapoi, u paese, trà demucrazia è dittature, s’assumigliava à tutti i paesi di u Stremu Uriente. Ultimamente s’era stallatu un guvernu demucraticu, lampendu fora u dittatore Gong Mi Tia Zorgù, chì incù i so partigiani, si ne era fughjitu in a giungla, è incù i soldi di a vendita di a droga, aspettava d’avène assai per pudè pruvà à ripiglià u putere.
Paese essenzialmente rurale, u Gonong era dinù assai povaru. Puru, grazi’à Diu, ùn ci esistianu quasi nisun malatia emblematiche di stu ghjennaru di paese, chì a priurità di i primi guverni chì assicuronu a ghjestione di u paese dopu à l’indipendenza spendinù milliardi di dollars in medicine, custruzzione d’uspitali, furmazione di medichi, à tal puntu chì u livellu sanitariu era quasi u stessu ch’è quellu d’un paese uccidentale. Ma ùn impediscia micca chì a puvertà sia grande, chì a richezza sia sempre mal spartuta è ch’elli ci firmavanu sempre gran travaglii à fà per esce di u sottu sviluppu. Almenu, è dapoi pocu, u paese era una dimucrazia, è i novi capistati facianu u so pudè per scambià e cose nate di più di vint’anni di dittatura.

Dopu à trè quarti d’ora di strada in cità, ghjunghjiimu infine in un locu duve u Culunellu piantò a so vittura. A nostra alberga da a quale ci avia parlatu era vicina. Eramu in un carrughju pupulare, ma paradussalmente pocu pupulatu. Era un locu bellu tranquillu, chì si puderia describe cume una strada stretta stretta ingirata da vechji bastimenti di u tempu di a culunisazione auropeana (a prova era chì sti bastimenti eranu di stilu mezanu : mezu asiaticu, mezu auropeanu di quell’epica). Si pudianu vede marcanti ambulanti chì vendia i so frutti à i passenti, d’altri chì vendianu piuttostu i so pesci, ma tutti incù una spezia d’intusiasmu chì facia piacè à vede.
Puru, u Culunellu ùn paria micca primuràssi di tuttu què. Andava davanti, seguitendu una strada ch’ellu era solu à cunosce, fin’à cunducecci à una piccula osteria chì facia dinù ostellu. Ghjuntu davant’à stu locu, u Culunellu ci dichjarò :
« Hè quì. Pudete entre. Fate cunniscenza incù u patrone, Zing. Hè un cuntattu di u gruppu. Eiu, mi ne vò per priparà e ghjurnate à vene. »
Un pocu disturbati da e manere secche di u Culunellu, entrimu in l’alberga, sperendu truvà altre spiegazione quì. U dettu Zing era, in fatti un Chinese, micca un Gonongaiu. L’ochji spampillente, un nasu greccu (straniu per un Chinese !) è vestutu d’un costar biancu, si mustrò moltu affabile, simpaticu, è interessatu. Dopu à esseci assicuratu ch’e e nostre camere eranu pronte, ci feci passà à u tavulinu, è fù cusì ch’è no vidimu ch’è cio ch’è u Culunellu ci avia prisentatu cume un osteria era simpliciamente una casa, postu chì, non solu clienti ùn ci eranu, ma in più di què, s’hè vistu ch’è, ne Zing, ne nimu d’altru ùn sapia cucinà in stu locu, chì Zing fù obligatu, per fàcci manghjà à cummandà qualche pizze ! Eiu chì pinsavu, quand’aghju vistu u Chinese, ch’è no averiamu manghjatu chinese, mi sò cumpletamente sbagliatu ! D’altronde, sò perfettamente chì u ghjornu duve conteraghju chì sò andatu à u Gonong, per esse ricevutu da un Chinese, chì ci hà fattu manghjà pizze, pensu chì nimu ùn mi crederà ! Infine… Un pocu surpresi da a girata pigliata da l’avvenimenti, manghjiimu e nostre pizze, aspettendu a seguita.
A sera, dopu à avè aspettatu ch’è no abbiamu manghjatu, Zing venì à ritruvà per parlà cun noi. Cusì ci spiegò, cume no l’aviamu dighjà capitu, chì stu locu ùn era manc’appena un osteria, ma solu l’uffiziu lucale è sicretu di u Gruppu E. Ci spiegò dinù chì dapoi l’annunciu di e nostre scuperte in Bolduvachia cuncernendu a pussibilità d’un colpu di statu, l’aghjenti lucali di u Gruppu E. avianu fattu a so inchiesta è avianu amparatu chì u peghju nemicu di u paese, l’anzianu dittatore Gong Min Tia Zorgù, sempre piattatu in a giungla di u norde este di u paese, venia di riceve da l’Auropa un impurtante quantità d’arme e più minacciante ! Grazie à i sveli di parechji aghjenti di u Gruppu E. infiltrati ind’è i partigiani di l’anzianu dittatore diventatu trafficante di droga, sapianu chì Zorgù era avà in misura di ripigliàssi u putere. Face chì capimu subitu subitu è senza bisognà spiegazione supplementarie chì Vituperi avia l’intenzione d’utilisà à Zorgù per piglià u putere in stu paese senza troppu piglià risichi nant’à ellu. Zing ci cunfirmò sta deduzzione è cuncludì u cuntrastu invitenducci à andà chjinàssi, chì eramu tutti i trè stanchi morti, è chì u Gruppu avia decisu di lacàcci arripusà dui ghjorni chì dopu, un longu viaghju in a giungla salvatica ci aspettava.

Durante i dui ghjorni di riposu chì seguitonu per noi, ne pruffitiamu in i primi tempi per arripusàssi monda, chì stanchi eramu da veru, dopu à tamantu viaghju in aviò. Per quessa, durmimu più di dodeci ore dopu à a nostra prima ghjunta in a casa di Zing. Ci sentiamu in securità cume mai ùn era accadutu dapoi u principiu di a nostra missione.
Quandu ci svegliamu, dopu à 12 ore di sonniu, era per vede chì Zing, o unu di i so impiegati, era passatu in e nostre camere per purtàcci qualcosa per manghjà. Dopu à avè manghjatu, simu esciuti tutti i trè di e nostre camere, è ci simu scuntrati. Pò fallendu per salutà à Zing, ci hà prupostu di fàcci visità a cità, aspettendu l’ordine di u Culunellu per andà in a giungla è cuntinuà a missione ; una missione, chì, per avà, eru ben incapace di visualizà, ma podasse chì era solu perchè ùn cunnisciu micca tutte l’infurmazione necessarie per avà.

A visita di a cità, chì ci pigliò tutta a ghjurnata, ci mustrò u Palazzu Reale di l’epica di a prima indipendenza di u paese, u Palazzu Guvernamentale attuale, a Camera Senaturiale, u Museu Etnugraficu, u Museu di l’Arti, u Mimoriale Salgàn-Solzyù (eroe di a seconda guerra mundiale è primu presidente di u paese dopu à l’indipendenza), è infine, a Piazza di a Libertà, in u centru di a quale si vidia a Fiamma di a Spiranza, scultura gigante di 15 metri di altu, riprisentendu un acellu purtendu in u so bizzicu un bastonne infiaratu, alleguria di a sperenza.

L’impressione ch’ellu mi lacò sta cità fù quella, cume l’aviu dighjà risentitu, d’una cità moltu povara, capitale d’un paese sottu sviluppatu, ma quantunque riccu di sperenze è di pussibilità. E putenzialità esistianu, è a stallazione, moltu ghjovanna, di a demucrazia, à u capu di u paese, pudia augurà un avvene megliore.
In tutti i casi, eranu quesse e mio brame per stu paese. D’altronde, ùn era micca ch’è un sonniu scemu, chì, dopu à a stallazione di u guvernu attuale, u so primu attu fù di cudrà è di cunfiscà i conti in banca di l’anzianu dittatore Zorgù è di i so principali cumplici per distribuìscellu di manera ghjusta à i più povari di u paese.
Puru, l’ombra malfenda di Zorgù spianava sempre nant’à u paese, è a pussibilità di u so ritornu ùn era micca assurda, à tal puntu chì l’armata era è firmava sempre in un statu d’alerta massimalu, è ancu di più avà chì avianu scupertu, un pocu grazi’à noi, a minaccia seria d’un risicu di colpu di statu.
Tante miserie, tante sperenze, tante minaccie. Cusì era u cutidianu di i Gonongaii !

Rentrimu in « l’alberga » di Zing moltu stanchi da a nostra visita di a ghjurnata, ma quantunque felici d’avè inricchiti cusì bè a nostra cunniscenza di u paese. Zing s’era svelatu un guida mirabile, moltu paziente, è sempre bramosu di fàcci piacè tale un veru ghjuvellu di bravezza, à tal puntu chì, ghjunti ind’è ellu, paria ellu ancu più stancu ch’è noi, è ch’ellu sì chjinò prestu prestu, nanz’à noi.

U lindumanu, u Culunellu venì à circàcci in un quattru quattru fattu per andà in a giungla. U nostru riposu era compiu, è a missione cumminciava da veru. Duie ore dopu, eramu à l’entrata di a giungla. À l’entrata di l’infernu.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:22 am

Seiesima parte



Trè ghjorni !
Facianu dighjà trè ghjorni ch’è no eramu entrati in sta giungla assuffucante di Xanoian, a più grande furesta salvatica di u paese. Quandu u Culunellu era venutu à circàcci in u so quattru quattru, aviamu primu lasciatu a cità d’Ukpank, per ghjunghje assai prestu, à e campagne rurale è e risaie. Quì a vita citatina lasciava a piazza à una vita paesana più vicina di a terra, sembiante à quelli acquarelli chinesi o giappunesi tradiziunali. I pochi ghjenti ch’o intravidiu da u vetru di u vitturone chì andava u più prestu chì a strada li permettia mi fecì vede una sucetà campagnola, moltu povara, ma quantunque ricca di speranza. Certi forse, sunnieghjerianu à una vita megliore chì puderia esse in cità, duve d’altri eranu dighjà partuti, ma a piuparte sapianu chì a vita in cità ùn era tantu sfarente è chì i guai eranu i listessi ch’è in i campi. Quand’è no ghjunghjimu à l’entrata di a giungla, fubbimu assai surpresi di vede chì cumminciava d’un colpu, è chì e risaie è altre piantazione laccavanu senza nisun transizione a piazza à a furesta trupicale di u Gonong, a più grande furesta di u paese : a furesta di Xanoian ! Cusì bella, è cusì tarribile !
Locu assai pocu toccu da a disfurestazione chì minacciava tutte e fureste simile nentru a cinta intertrupicale, a furesta di Xanoian era cumposta d’arburi maestiosi di trenta o quaranta metri di altu. A timperatura intaccava quasi quaranta gradi, è solu l’umidità di u locu ci impedia d’assufucà. U terrenu ch’è no percorriamu s’assumigliava assai à una spezia di vechja pista di broccia abbandunnata dapoi parechji anni, ma firmendu quantunque pratichevule. D’ogni latu di a pista, a furesta si prisintava, densa, suffucante, impenetrabile. Ci eranu l’arburi, arburoni tamanti da i quali eru incapace di ricunosce a spezia, è ancu arburuccii più chjuchi chì crescianu à ogni tuvone chì lasciava passà un pocu di lume. È ogni spaziu lasciatu da arburoni è arburi era occupatu da qualchi arbusti, à tal puntu chì u ghjornu ùn era ch’è appinuccia più chjaru ch’è a notte per noi chì passavamu.
A piccula spedizione era cumposta d’una vintina di personna : u Culunellu, chì a cummandava, noi trè, è l’altri eranu qualchi suldati « imprestati » à u Culunellu da l’armata gonongaia per un operazione di mantenimentu di a securità naziunale. Cumminciavu à dumandàmmi s’è una missione ch’è era chjamata « operazione di mantenimenu di securità naziunale » era veramente una missione contr’à un anzianu dittatore diventatu banditu, o s’ell’era simpliciamente una manera di fà tace qualchi ribelli. Ne parlaiu à u Culunellu chì m’assicurò ch’o mi faticavu u capu per nunda, è chì eranu l’ordine di u Gruppu.

Frà e zinzale, grande cume filangrocche chì ci azzingavanu, i topi grossi cume un misgiu chì venianu per pruvà à arrubà a nostra robba, e scimie chì sì battianu contr’à i topi per arrubàcci dinù d’altre affare, è i rughji di tigri chì sì sentianu à u luntanu, cumminciavamu, dopu à sti trè ghjorni di viaghju à pedi in piena giungla, à essene techji techji. Mai ùn diceraghju, parlendu di sta spedizione chì era un infernu, chì aghju cunnisciutu affare ben peghje in a mio vita, senza scurdàssi chì aviamu almenu u piacè di prufittà di a vista d’una di e più belle fureste vergine di u sottu cuntinente indianu, ma si pudia quantunque parlà di stonde difficiule è penevule.
Viaghjavamu di ghjorni, quasi senza piantà, nant’à a vechja pista frà a giungla, è quasi senza parlà chì devimu tene qualche sforze per u sforzu. Quandu venia a sera, ci piantiamu e nostre tente in pienu mezu à u caminu, accendiamu un focu per manghjà caldu (cume s’ell’ùn facia micca à bastanza caldu !) è ci chjinavamu stanchi morti, ma appiandu quantunque sfinitu un giru di guardia, in casu di periculu.
In una situazione simile, u nostru murale à tutti, ùn pudia micca cresce, è mancu a perspettiva di una barruffa contr’à i nostri nemichi, chì seria statu a fine di u castigu, ùn paria più rallegràcci. Eramu in zerga contr’à u Culunellu chì cunducia l’operazione, ma ancu di più contr’à i caponi di u Gruppu chì ci facianu fà què firmendu in i so lochi, ben tranquili.
Fù cusì, chì a matina di u terzu ghjornu, ghjustu dopu à avè piegatu e tente è riprincipiatu à viaghjà, dumandaiu à u Culunellu :
« Ò sgiò Culunè, quantu ci ferma à fà ? »
U Culunellu sì girò versu mè. Paria appena annerbatu. Incù i so ochji gattivi, mi rispose :
« Perchè !? Ùn ai micca a forza di cuntinuà !? Ci vulia à pinsà capunanzu ! Mansa di strampalati ! Avà viaghjemu ! »
Ma ùn m’avia manc’appena impressiunatu. Cosa cridia ellu ? Ch’o eru un mezz’omu ? Innò ; ùn era u casu. Ma cumminciavu quantunque d’avène una techja, è per quessa, replicaiu :
« Aghju sempre più forza ch’è tè ! »
Sentendu què, l’ochji di u Culunellu lamponu qualche luce gattive d’ira, è cridiu ch’ellu s’appruntava à amazzà mi. In fatti, ùn sì passò nunda, è u Culunellu rispose :
« Què, ùn hà saperemu ch’è à a fine. Per u restu, ci firma sempre un ghjornu o dui. Basta ! Avà zittu, è cuntinuemu ! »
Ma ùn era micca sudisfatu. Per quessa ripustaiu :
« Un ghjornu o dui ? Ùn ne sì mancu sicuru !? Dìlla piuttostu ch’è tù ùn hà sai micca ? »
Avà, u Culunellu principiava da veru, à inzergàssi. Mughjendu quasi, mi rispose :
« Solu, u facciu in una meza ghjurnata ! Ma incù voi tutti appiccicati à i mio passi, averaghju ancu bisognu di trè o quattru ghjorni, allora piantate ! »
À stu mumentu precisu, PAD, chì dapoi u principiu di u mio cuntrastu incù u Culunellu, era firmata zitta, dichjarò :
« Orsu Dumenicu hà raghjone, o sgiò Culunè. Sta spedizione ùn ne finisce più è ùn site micca capace di dìcci quandu è cume ella si cumpierà. »
Tandu u Culunellu, in zerga nera, schjattò :
« Basta !! U cummandante di sta spedizione bambula, sò eiu !! Sò eiu chì dò l’ordine quì ! Allora zittu tutti ! Viaghjeremu senza piantà fin’à sta sera ! È vogliu sente i rimori di a giungla, allora firmate zitti fin’à sta sera ! »
Eccu cumu eramu dopu à sti ghjorni di viaghju senza fine in piena giungla di Xanoian. Zifranu, PAD è eiu, eramu cumpletamente smuralisati, è ancu s’elli ùn parlavanu micca cun noi, induvinava chì i qualchi suldati di l’armata gonongaia chì ci accumpagnavanu eranu anc’elli più ch’è techji di l’andatura pigliata da l’accadamenti. Eramu ghjunti quì per chjappà à Vituperi, è ci ritruvavamu à ghjocà à Indiana Jones in piena furesta trupicale gonongaia per assaltà un anzianu dittattore diventatu banditu chì avia sicuramente assai più forze armate ch’è noi, senza mancu assicurà a loghjistica di a spedizione. Ùn era micca tantu u periculu chì mi facia paura – ossinò, ùn averia mai sceltu di fà stu mistieru – ma piuttostu u fattu di lampàcci cusì, quasi cechi, in un periculu senza mancu cunnoscellu. U Culunellu Marzialu Cacciaguerra di Vinciguerra era sicuramente un bon suldatu, ma per avà, mi dava u parè d’esse un incuscente. D’altronde, pensavu dinù à tutti quelli chì eranu cun mè, PAD è Zifranu in particulare, ch’ùn vuliu micca espone à un periculu troppu grande. U più chì mi cuntrariava ùn era micca u caldu, ne l’umidità, ne u bughju, ne e zinzale, ne i topi, ne e scimie, ne i tigri, ne mancu i nostri i nemichi. Innò. U più chì mi cuntrariava era l’incuscenza incù a quale sta spediziona paria cundutta, à a ceca, cumu dicia tandu. À a ceca.
Fora di u Culunellu ben intesu, mi paria chì tutti spartianu dinù u stessu parè ch’è mè. Quellu d’una presa di risichi incuscenta senza mancu riflette.

U Culunellu caminava in capu, incù un assicuranza chì tenia quasi di l’orgogliu. Era un gran suldatu, abituatu à stu ghjennaru d’operazione, è ùn suppurtava micca chì i so ordine sianu cuntrati. Paria animatu d’un idea fissa, cume s’ella era a sola affare chì esistia. Per ellu, ci vulia cuntinuà, u restu ùn importava micca. Puru u Culunellu ùn mi dava micca u parè d’esse un abruttitu, ma solu un omu feritu da a vita chì sentia più vivu s’ellu marchjava ch’è s’ellu piantava. Un omu talmente abituatu à u periculu ch’ellu ùn pudia più passà e so stonde senza mai piglià risichi. Un omu chì piattava i so sentimi è e so pinsate darettu à un mascu d’autorità. Eccu cum’ellu mi paria u Culunellu.

L’ore passavanu, in u silenziu u più sannu, ch’ùn era populatu ch’è da i rimori nurmale di a giungla, rimore di u ventulellu in l’arburoni, arburi è arbusti, stridi d’animali o ancu qualchi canti d’acelli o d’un fiumicellu chì passava accantu ancu s’ùn lu vidiamu micca. Ùn si sitia nisun rimore d’una qualunqua attività umana, chì viaghjamu senza parlà, è fendu attenti à ùn fà nisun rimore. S’elli facianu cusì attenti ch’è noi, i nostri nemichi scunnisciuti pudianu ancu esse in gira à noi senza essessi fatti rimarcà. Malgratu u bughju di a giungla, è a pioce chì cascò durante parechje ore, cuntribuiendu dinù à smuralisàcci appinuccia di più, u caldu si facia sempre più pisante. L’aria ch’è no respiriamu paria assai più tesu, cume s’è qualcosa si priparava. Tutti eramu narvosi, è micca solu per via di u cuntrastu di a matina o di a lassitutina d’una spedizione ch’ùn si ne compiava più, ma perchè sentiamu tutti chi qualcosa s’appruntava. Puru mai ùn piantiamu. Viaghjavamu cù circunspezzione, sempre l’arechja tesa à ochji rimore chì puderia indicàcci una presenza umana. Ùn piantiamu mancu per manghjà à meziornu, chì u caminu firmava sempre longu. Cumminciavu à dìmmi ch’ùn valia micca a pena di ghjunghje quallà troppu stanchi per cumbatte, chì què, per u colpu, ùn ghjuvava à nunda. Vulia fàllu rimarcà à u Culunellu, è vulia ancu dumandàllu s’ellu avia un pianu precisu per l’urganisazione di i nostri muvimenti per quandu seriamu ghjunti quallà, ma u Culunellu ùn paria micca vulè parlà, è eru ancu sicuru ch’ellu ùn mi rispunderia micca s’o punia a questione.
Dopu à meziornu, a pioce sì fecì più dolce è avanziamu più prestu. Qualche ore dopu, ùn piuvia mancu più à tal puntu chì un suldatu prupunì di piantàcci una cria per asciuvàssi è mette vestiti secchi, ma u Culunellu riccusò, chì ùn aviamu più tempu à perde. Fù e sole parolle dette in stu longu viaghju.
U dopu meziornu fù un pocu menu penebule ch’è a matina, à partesi di u mumentu duve ùn piuvia più. Puru eramu stanchi da veru, più ch’è a matina, è aspettiamu tutti a notte incù impacienza per pudè infine manghjà qualcosa, è sopra tuttu arripusàssi, sapiendu quantunque ch’è stu riposu ùn ci basteria micca, cum’ell’ùn ci avia micca bastatu i ghjorni scorsi.
Ghjunta a sera, u Culunellu cummandò ch’è no ci piantiamu, sempre nant’à a strada, per stallà e tente è manghjàcci una cria, ma sempre senza fà focu, per ùn fàssi micca rimarcà da una fumaccia. Per noi altri chì eramu croscii tinti, è chì risichiamu d’incataricci si, ùn ci firmava ch’è à scambià – infine – di vestiti.
Dapoi parechji ghjorni, u pane ch’è no aviamu purtatu cun noi avia pigliatu un gustu disagradebile, per u pocu chì ci firmava. L’acqua cumminciava à fà difettu, u risu era diventatu amaru, è i qualchi frutti cumminciavanu à sfragigàssi. Puru, per à ùn avè manghjatu nunda dapoi u matina, ci paria veramente un pranzu, durante u quale ùn parliamu ch’è pocu, troppu stanchi, ma quantunque troppu pressati di manghjà. E qualche parolle ch’è no scambiimu trà di noi fubbinu per scambià qualchi punti di visti nant’à a spedizione, è per noi tutti, u parè era u stessu. U Culunellu, firmatu più luntanu, fù u solu à ùn apre micca a bocca, ellu chì paria fattu ch’è per dà ordine. Più u vidiu, più u cunnisciu, è più mi dava l’impressione d’un omu feritu da a vita, chì s’era disumanisatu per fàssi ne una cuppula di prutezzione. S’assumigliava à un suldatu in e so manere, ma ùn era micca a disciplina militare chì li rendia cusì fretu. Avia sicuramente campatu una vita difficiule chì l’avia indurcitu, ma ci era, ne eru sicuru, qualcosa di più, cume un colpu sicretu in pienu core.

Eramu u terzu ghjornu. Eramu stanchi. Eramu techji !
A ghjurnata ci paria compia.
È puru…

Puru, quand’è no andimu à chjinàcci in e tente, dopu chì u Culunellu ebbi sceltu un suldatu per assicurà u primu giru di a guardia, chì tuttu sì passò.
Cumminciò da un rimore tamantu. Rimore di passi à mezu à l’arbusti. Un fraiu tamantu ! Un fraiu chì s’avvicinava di noi. Un fraiu chì s’avvicinava di noi ! Sempre di più ! Eppò, fubbini mughji d’omi arrabiati. Mughji chì s’avvicinavanu sempre di più di noi. Pò, sì sentì i primi rimori di mitraglietta. In a nostra direzzione. Avà, più nisun dubbitu. Eramu assaltati !
Tandu sentiu u Culunellu mughjà qualchi ordine di diffesa à i suldati, ma ancu à noi. In pocu tempu, fubbimu tutti in giru, tutti armati, à tirà nant’à i nostri nemichi chì ci venianu nantu. Ci era almenu una trentina d’omi, in tenuta militare, chì ci venianu dapertuttu. S’eranu urganisati per cascàcci à dossu da ogni latu à tal puntu chì ùn aviamu nisun pussibilità di fughje. Eramu lecchi.
Puru, ben’chè lecchi, ci diffendiamu bè. I nostri tiri permettianu d’impedisce i nemichi d’avvicinàsssi di più. Era una vera battaglia. I colpi di mitraglietta struggianu l’armunia di a giungla è i qualchi acelli di notte chì campavanu in giru à noi fughjianu avà u più prestu ch’elli pudianu, elli chì pudianu fughje.
Per noi, a situazione paria persa. I nemichi venianu, sempre più numarosi. Assai più numarosi ch’è noi. Puru ùn si risichianu micca à tirà troppu in a nostra direzzione, cume s’elli eranu decisi à pigliàcci vivi, per ùn sò ch’è. Malgratu sta cundizione, ùn pudiamu fà nunda per impediscelli d’avanzà versu noi. U Culunellu avia piantatu di briunà i so ordine, ma firmava sempre arrittu à fà u passu è vene da l’unu à l’altru di noi per dàcci qualche indicazione.
È pò, quandu d’un colpu, ùn ebbinu più munizione, i nostri assaltori sì lamponu nant’à noi è ci pigliimu tutti senza periculu per elli.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:23 am

Settesima parte



A battaglia fù corta è disiguale. In pochi tempi, fubbimu tutti disarmati è intravati. I nostri nemichi s’affariscianu in gira à noi per verificà i nostri affari. Grazi’à u lume prudicatu da e so lampe, si vidia ch’elli eranu, à u menu, una cinquantina, ma sicuramente di più. Eranu tutti gonongaii, è tutti vestuti à a militare. Eranu elli l’ultimi partigiani di Gong Min Tia Zorgù. Eranu omi di guerra, ch’ùn bramavanu ch’è di ripiglià u putere ch’elli avianu persu.
Quellu chì frà elli, paria u sceffu, un omu à bastanza ghjovanu incù una baretta militare d’un altra epica, cummandò à i so omi di verificà ch’ùn aviamu micca nant’à noi qualche arme piattate ; verificazione propiu disagradevule per ognunu di noi, ma almenu ebbi a sudisfazzione di custatà ch’ùn truvonu micca u mio allestimentu speziale sicretu. Grazie à Diu, una scappera firmava sempre pussibile !
Puru, ùn era micca per u subitu. Dopu à essessi assicurati di a nostra impudenza, i partigiani di Zorgù – i zorghisti – intraprendinu di cunducecci à u so campu. Puntendu i so fucili contr’à noi, ùn ebbimu ch’è a scelta di seguitàlli per ùn fàssi micca tumbà.
L’amarezza in a mente, obediscìu à l’ordine. A situazione era à bastanza inghjuliante, è per mè, è per l’altri, ch’è di ritruvàssi incatinati cume bestie, è cundutti di forza in un locu contr’à a nostra vulintà. Certe, a nostra sorte firmava quantunque onorabile, chì eramu stati vinti in l’onore, contr’à più fortu ch’è noi, è chì ùn aviamu mancatu di curaghju in a nostra diffesa, ma eramu vinti listessi. E zinzale zotiche ci giravanu intornu senza mai piantà, è malgratu u fretu di a notte, sudavamu tutti cume boii ; è prighjuneri è zorghisti.
U caminu fin’à u so campu ùn paria micca sfarente di u restu di u caminu ch’è no aviamu percorritu fin’tandu, ma si vidia quantunque ch’è, à misura ch’è no avanzavamu, s’allargava, cume per via d’un pedinamente più intensu. Puru u campu firmava invedevule, sempre piattatu da a vegetazione esuberante di u locu. Senza parlà di u fattu ch’è eramu di notte è ch’è a debule lumera purtata da i nostri nemichi ùn bastava sicuramente micca per schjarisce cunvenabilmente u caminu.
Infine, dopu à parechje ore di viaghju senza piantà, è allora chì l’alba principiava à pisàssi, franchendu l’assuffucantu muru di vegetazione, u vidimu ; u campu !
Dapoi u principiu di a nostra spedizione in furesta, ùn m’era ch’è pocu prioccupatu di sapè à cosa si pudia assumiglià quellu locu. In a mio mente, aviu imaginatu cume un inseme di tente, abitazione di furtuna, à mezu à l’arburi. Eru sicuru di vede una piccula stallazione, à bastanza chjuca per ùn fàssi micca vede dà l’aviatori di u guvernu gonongaiu ufficiale. In fattu, invece di piccula stallazione sott’à l’arburi, era quasi un paese, fattu di case in prefabricatu, ma à bastanze grande per custituisce un veru campu capace di tene in scunfitta l’armata gonongaia. Incù una stallazione simile, pudiamu esse sicuri chì i zorghisti era ghjente organisati è determinati.
Ma per u mumentu, aviamu altre preoccupazione chì, allora chì ci eramu ghjunti, ci firmava à sapè cosa vulianu fà di noi. A questione di u nostru duvintà era, ben intesu, quella chì ci occupava u più a mente. Ùn ci eranu ch’è poche certitudine, ma solu sapiamu ch’è ùn deviamu sicuramente micca esse tumbati, ch’ossinò l’averianu pussutu fà ancu prima. L’altra certitudine ch’è no aviamu hè chì, à vinti contr’à una centina, è podasse ancu di più, un azzione in forza paria impussibile. Puru, è grazi’à Diu, ùn avianu micca truvatu u mio materiale speziale, face chì, un azzione à l’appiattu firmava sempre pussibile. Era d’altronde a nostra sola pussibilità.
Unu per unu, fubbimu cundutti, sempre intravati, in i lochi previsti per a nostra ditenzione. Eranu case, cume l’altre, à bastanze chjuche, un pocu ritirate di l’inseme di u paese, senza nisun finestre. I nostri nemichi ci lamponu nentru incù moltu viulenza à tal puntu chì, aghjustata à a fatica accumulata di i ghjorni scorsi, ne perdiu cuniscenza.

Quandu ripigliaiu i mio spiriti, vedìu ch’o eru effettivamente chjosu in una pezzuccia quasi senza lume. Mani è pedi ligati cusì strinti ch’ellu era impussibile per mè di mettemmi arrittu. Accant’à mè, si truvava u Culunellu, in a stessa pustura. Ùn ci era nimu d’altru.
Ùn sapia micca quantu tempu aviu da firmà cusì ne cosa avianu l’intenzione di fà di noi, ma a mio perdita di cuniscenza avia avutu almenu què di pusitivu ch’o mi sentiu un pocu più arripusatu ch’è prima. Certe micca cumpletamente in piena pussezione di a mio vitalità massimale, ma quantunque in statu di riflette è sopra tuttu, di pinsà à una scappera.
Ùn si vidianu nisun guardii. I muri mi parianu à bastanza larghi per pinsà ch’ell’ùn si sintia nunda da fora. Per quessa, mi permittiu di parlà incù u Culunellu senza paura d’esse intesu :
« Cumu site, voi ? »
In l’oscurità di u locu, l’induvinava più ch’è u vidiu. Ma era quantunque sicuru ch’ellu era sempre cuscente, è dunque in misura di rispondemmi. Ùn mi sbagliaiu micca, quandu sentiu a so risposta :
« Aghju cunisciutu peghju. Ma grazie di primuràvvi di mè. »
Era dighjà un principiu. Ma s’è no vuliamu mette in ballu un pianu d’evazione, ci vulia perseguità u cuntrastu, è cusì, li dumandaiu :
« D’apress’à voi, chì volenu fà di noi ? »
« Sicuramente pruvà à fàcci parlà di u scopu di a nostra spedizione. Ci anu da torturà tutti fin’chè qualchissia parlessi. È tandu, quand’elli saperanu tuttu, ci tumberanu tutti, almenu ch’elli speressinu scambiàcci contr’à soldi. » Mi rispose u Culunellu.
Era, à pocu pressu, a mio analisa dinù. Ùn eranu micca certitudine, ma eranu quasi sicure quantunque, à u vistu di l’ultimi accadamenti. Più ch’è mai, era ora di primuràssi di a nostra scappera. Ùn cuniscia nunda di l’organisazione di u campu nemicu, è per quessa, eramu in l’impussibilità d’imaginà un pianu precisu di scappera, ma almenu, utilizandu u mio allestimentu speziale, aviu quantunque a pussibilità di disfà i nostri ligame.
Ben’chè mani liati, ghjunghjìu, incù a mio bocca, à mursicàmmi u bracciu di manca. Cusì, ci strappò un filu di a mio vesta, d’andatura nucente, ma capace di fà rompe a funa a più dura. Dopu à qualchi sforzi è qualchi scambiamenti di pusizione, riescìu à tuccà i mio pedi, sempre liati, incù e mio mani, sempre liate dinù. Incù u filu, tale una seretta, è malgratu u pocu di libertà di muvimenti chì era à a mio disponizione, riesciu à fà strappà a funa chì ligava inseme i mio dui pedi. Tandu, ma micca senza dulore, mi rimettiu arrittu. Incù un chjodu piantatu in u muru ch’ùn vidìu ch’è per furtuna, è sempre u stessu filu, riesciu à fà saltà a funa chì mi ligava e mani. D’una certa manera, era liberu. Mi firmava solu à truvà un mediu per fà saltà a porta, à fughje di u campu zorghistu senza fàmmi vede, è à ritruvà, à mezu à sta furesta salvatica, u caminu di a securità. Poc’affare, dunque !
Ma sopra tuttu, mi ci vulia, prima di tuttu, à liberà u Culunellu, sempre intravatu. Cosa chì mi paria moltu più faciule ch’è prima, avà ch’o eru scatinatu. M’aghjinochjìu accant’à ellu, è, allora ch’o aviu principiatu di staccàlli i mani, mi dichjarò, d’un colpu, senza nisun spiegazione :
« Ùn perdi micca u to tempu. Laca mi quì ! »
Moltu strampalatu, mi schjamò :
« Cumu ? Cosa dite o sgiò Culunè ? Perchè vulete esse lasciatu quì ? »
« Perchè ai più furtuna di scappà solu solu, ch’è à dui. Parti, è solu. Hè un ordine ! »
U tonu di u Culunellu mi stumacava quasi quant’è i so detti. Ùn pudia più esse un malintesu. U Culunellu paria, da veru, vulè ch’o l’abandunessi custì. Pienu di sulicitazione, insistiu :
« Innò, chì pudemu scappà ancu à dui ! D’altronde, incù a vostra sperienza di stu ghjennaru di situazione, ùn pudemu ch’è riesce ! »
Malgratu u bughju, sentia propiu chì u Culunellu facia un sunrisu d’addisperu. U sunrisu di quellu chì hà persu tutte e so sperenze, è ch’ùn si prioccupa più di cio chì li pò accade. Mi spiegò :
« Ùn ai capitu nunda, tù. Di chì sperienza parli ? Hè colpa meia s’è no ci simu fatti piglià. Era dinù colpa meia, a strage di Ogulkà, dece anni fà. Ùn ne ai mai intesu parlà ? »
Certe u mumentu paria mal’sceltu per parlà di u passatu, ma per cunvinche u Culunellu di vene incù mè, a mio sola forza ùn basteria sicuramente micca, è ch’aviu bisognu di sente cio ch’ellu avia à dìmmi per riesce, à u megliu, à cunvinchellu di seguitàmmi. Certe, si perdia u tempu, ma ùn ci era manera di fà d’un altra manera.
« A strage di Ogulkà ? Innò ; mai intesu parlà. »
Tandu, cume incuragitu, u Culunellu mi cuntò :
« Dece anni fà, ùn travagliavu micca per u Gruppu Epsilon, ma à u serviziu di l’ONU. U mio scopu era, cume millaie d’altri suldati, d’assicurà a pace in ogni locu di u mondu duve a nostra prisenza era necessaria. Un ghjornu, per colpa meia, è sola colpa meia, a truppa ch’o cummandavu cascò in una trappula. Troppu pressatu d’assaltà e forze ribelle, ci eramu troppu avanzati, è fubbimu prestu surpresi da nemichi superiori in numaru. A lotta fù breva è intensa. Ci pensu sempre ancu oghje, chì sò sulcate in a mio memoria per u sempre ogni seconde di stu ghjornu terribulu. Fubbimu quasi tutti amazzati da una putenza di focu superiora. Di a cinquantina d’omi prisenti, ùn fubbimu ch’è cinque à firmà in vita : Jeff Oltzener, Carlos Laguinda, Boris Norelev, et Zing Tianouh – iè, u stessu Zing chì vi hà ricevutu à Ukpank – è eiu, chì era tandu u cummandante. Riescimu quantunque à fughje, ma, incù st’errore tamanta, era eiu chì aviu tombu tutti i mio suldati, stu ghjornu quì. Pocu dopu, demissionaiu di l’armata di l’ONU, è fù u Gruppu E. chì mi cuntattò per sapè s’o era interessatu per travaglià cun elli. Fubbinu i quattru suldati sopravivanti chì entrati frà tempu à u serviziu di u Gruppu, mi cunvichinu d’accità. Hè cusì chì u mio travagliu à u serviziu di u Gruppu principiò. »
Tandu, mi paria chì, per a prima volta dapoi ch’o u cuniscia, u capiscia. U Culunellu Marziale Cacciaguerra di Vinciguerra era, da veru, un omu rotu, sempre turmintatu da l’accadamenti di dece anni nanzu. In dece anni, ùn avia sicuramente mai piantatu di pinsà à u so errore chì li avia pigliatu un pocu di a so mente. Daretu à u parè d’un omu duru, più prestu à cummandà ch’à riflette, era, in i fatti, un omu feritu.
Puru ùn era micca venutu u mumentu di fà parlà i sintimi. Era piuttostu ora di scappà, è ancu prestu. Per quessa, deviu truvà i boni argumenti per fàllu rivene nant’à a so decizione è per fàllu vene incù mè. Certe, pudiu ancu scappà solu – ùn era micca què u prublemu – ma mi dispiacia d’abandunnàllu quì, cosa chì a mio muralità righjittava propiu.
Ritardendu dunque a mio spartera, à u risicu di fàmmi sorprende, insistaiu :
« Innò ch’ùn hè micca culpa vostra cio chì hè accadutu. »
« Cosa ne sai tù ? Ùn ci eri mancu ! Aiò, scappi puru è salverai a to vita. Lasciammi quì ! »
« Ùn vi lasceraghju mai crepà quì, o Culunè. Pinsate appena ch’è s’è u Gruppu E. v’hà fattu chjamà, era sicuramente perchè avianu a fede in voi. È eiu chì aghju a fede in u ghjudicamente di u Gruppu E. chì sò ghjente di gran valore. »
« U Gruppu E. hè sicuramente custituitu di ghjente di gran’valore, ma eiu ti dicu chì per u colpu, sì sò sbagliati. Vai puru chì ùn sò mai statu un gran’suldatu, è chì portu sempre in mè u pesu di u sangue versatu. Scappi puru ! Vai ti ne ! »
« Avemu tutti bisognu di voi, o sgiò Culunè. Site u solu, trà noi tutti, à cunosce cusì bè a furesta intratropicale, è senza noi, simu tutti persi. Aiò, venite ! » Insistìu.
« Ti sbroglierai ancu megliu senza mè. Vai ! » Mi rispose u Culunellu senza mancu sfiatàssi.
Un mumentu, principiaiu à scurragiàmmi. U Culunellu ùn vulia sente nunda è a forza mi mancava per fàllu rivene à a raghjone. Eramu ghjunti à un mumentu di e mio avvinture duve, per una volta, u mentale pigliava a suprana nant’à u fisicu è ùn ghjunghjia micca à vince sta prova. A situazione diventava critica. Sapiu propiu ch’è i nostri guardiani pudianu rivene d’un mumentu à l’altru è u risicu diventava troppu impurtante. Puru ùn pensava manc’appena à sta pussibilità, è ripartìu à l’attacca :
« Senza voi simu tutti persi. Aiò, venite ! Serà ancu per voi una manera di richjappà cio ch’è vo avete fattu dece anni fà s’è vo riescite ! »
Dicendu ste poche parolle, sentiu subitu ch’è u Culunellu paria indecisu. Veniu infine di tuccà un puntu sensibile. Ancu s’ellu facia tuttu per piattàllu, u Culunellu principiava podasse à scambià d’avisu. Puru a lotta ùn era ancu compia, è mi rispose, in zerga per piattà u so dubbitu :
« Avà basta ! Parti, è lasciàmmi quì. A messa hè detta ! »
Cun spuntaneità, rispundiu :
« Mai ch’ella sia, o sgiò Culunè ! O fughjimu inseme, o muremu inseme ! »

Tandu sentìu ch’aviu pichjatu ghjustu, chì u Culunellu ùn rispondì. À u cuntrariu, s’arrizzò, rumpendu i so ultimi ligame cù a so sola forza, cosa chì m’impressiunò monda è svegliò in mè una feda più grande in e nostre scenze di salvàcci, è m’annunciò, più fieru ch’è mai :
« Allora fughjimu ! »
A lotta chì seguitò, trà i nostri nemichi, ùn fù micca faciule cume un ghjocu di sgaiuffi, ma a più grande battaglia di st’avvintura gonongaia sì passò – da veru – contr’à u Culunellu per cunvinchellu d’ùn abandunnàssi micca.
È veniu di vincella !

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:26 am

Ottesima parte



Infine, dopu à una lotta tamanta conttr’à ellu stessu, u Culunellu venia di ripiglià fede in a so valore è s’era liberatu di i so ligame, ancu più prestu ch’è mè. Mi paria d’avè, in faccia à mè un omu più forte, quasi un omu novu, capace di tene capu à tutti i zorghisti di u mondu. U so sguardu ùn era mancu più u listessu è si vidia bè in i so ochji una brama di cumbatte per a so salvezza, per a nostra salvezza. In solu qualche seconde, a nostra situazione paria tutta scambiata, è l’uttimisimu rivenì.
Puru, ci firmava sempre monda imbatti nanzu di pudè cunsiderà cun leghjitimità a nostra situazione cun un veru ottimisimu. E u primu d’ellu era ben intesu a porta di a casuccia chì ci ghjuvava di prighjone, ch’è, d’una manera o d’un altra, ci vurria à fà saltà.
Una prima ochjata attenta m’amparò di manera sicura ch’è sta porta era veramente troppu salda è spessa per sperà sbundàlla incù i nostri soli musculi. È allora ch’o riflettiu à a megliore manera di francà sta porta, u Culunellu, arrittu accant’à mè, si misse à stamburizà à a porta cume un scemu. Ùn ebbi mancu u tempu di dumandàmmi perchè facia tantu rimore, a manera a più simplice d’alarmà i nostri nemichi, chì a porta s’aprì per lascià entre quattru suldati nemichi, ben’decisi à capì cosa si passava.
A seguita si passò in furia, à bastanza più prestu ch’è u tempu di dìlla.
U Culunellu sì lampò nant’à u primu, è d’un solu colpu, u lampò nant’à u muru, duve s’acciaccò, u capu contr’à u cimentu. Tandu pigliò u secondu per u so colu, è li mandò dui cazzotti in a so faccia, cusì forti ch’ellu perdì cuniscenza anc’ellu. U terzu escì a so pistola è sì misse in pusizione di tirà, ma ùn ne ebbi mai u tempu, chì u Culunellu li avia dighjà pigliatu a so arma, da a quale sì ghjovì per pichjallu daretu à u capu qualchi colpi secchi è viulenti chì li fecìnu cascà in terra, tramurtitu. U quatresimu, spavintatu, preferiscì fughje senza aspettà, ma fù, anc’ellu, intravatu in a so vulintà chì u Culunellu, trapudente, u pigliò per i so dui bracci è u scuzzulò appena fin’ch’ellu sia in u stessu statu ch’è i trè altri.
Eiu, era firmatu senza move, propiu stumacatu, a bocca sbalancata ! Di vede u Culunellu, solu contr’à quattru, vince quantunque, è sbarrazzàssi cusì prestu di i so quattru aversarii, senza ch’o ùn ebbi mancu u tempu di purtàlli succorsu, avia incesu una volta di più u mio curraghju è cumminciavu à crede ch’è, in circunstanze simile, eramu invincibili. Eru dinù un pocu vergugnosu d’esse firmatu inattivu, chì l’affari sì passònu troppu prestu, è temiu chì u Culunellu, disguastatu di mè, mi lascessi quì. Puru, ùn era micca u casu, è allora ch’o era sempre stumacatu, ellu, s’era inghjinuchjatu nant’à i nostri quattru nemichi, è l’avianu ligati strinti strinti è pigliatu tutte e so arme. Tandu u Culunellu sì girò versu mè è dichjarò :
« Avà, hè fattu. Incù i nodi chì vengu di fà, ùn risicheghjanu micca di liberàssi, quessi quì. »
U Culunellu sì rimisse arrittu, mi passò dui fucili è una mitraglietta, pigliate nant’à i nostri nemichi oramai incuscenti, è mi dì :
« Tè ! Ne averai bisognu. »
Infine ebbi a forza di ripiglià a parolla :
« È avà, cosa femu, o sgiò Culunè ? »
U Culunellu firmò pensivu duie seconda, chì à ellu, ùn li basta micca di più, è mi rispose :
« Avà escimu di a nostra "prighjone". Andemu tutti i dui di u nostru latu. Eiu, aghj’à andà à circà tutti l’altri prighjuneri per liberàlli, è tù, ti mandu per circà à spià i capi di i nostri nemichi. Vogliu ch’è tù truvessi à Zorgù è à Vituperi, s’ellu hè quì. Ti precu bona furtuna, ch’è serà sicuramente à bastanza più difficiule ch’è cio ch’e no venimu di fà. »
Subitu dopu à avè finitu di parlà, u Culunellu esci di a casuccia per a porta, firmata aperta, pigliendu u caminu chì andava à a diritta, lascendummi solu incù i quattri guardi incuscenti.
Firmò un picculu mumentu immobile in pienu mezu à a pezza, à riflette à un pianu precisu per l’assalta. Era ora, per mè, di sapè cio ch’o deviu fà. U Culunellu. In terra eranu i quattru guardi abbaluticati è ligati. Intravati cum’elli eranu, ancu s’elli ripigliavanu cuniscenza, ùn eranu micca in misura d’andà à circà succorsi. In fondu, a porta, aperta, lasciava entre u lume prudicatu da u sole chì frà tempu s’era discitatu cumplettamente.
Circunspettu, escìu di cio chì era a mio prighjone per scopre, in ogni direzzione ch’o lampavu un ochjata, casuccie cume quella ch’o veniu di lascià. Cume l’aviu induvinatu in l’oscurità di a nostra ghjunta, era una vera agglumerazione in piena giungla. U Culunellu essendu partutu à a diritta, pigliaiu u caminu chì andava à a manca.
Quì, cume nanzu, ci eranu casuccie di cimentu, à bastanza sumigliante l’une à l’altre, ma furtunamente, ùn si vidia à nimu.
Viaghjavu à l’appiatu, senza fà nisun rimore, andendu pianu per lasciàmmi u tempu d’usservà, percorrì, in un quartu d’ora, una distanza chì mi parì à bastanza longa ma chì, incù a tensione chì era meia, pudia ancu esse bella corta. D’altronde, incù un campu cusì vastu, pudiu ancu esse in un carrughju disertu senza ch’è u campu sia disertu.
Ma ci vulia ch’o pensessu dinù à a mio missione. À quella missione ch’ellu m’avia datu u Culunellu, di circà a casa duve si puderianu piattà Zorgù, è podasse ancu Vituperi. U prublemu era ch’ùn m’avia micca dettu cio ch’o deviu fà dopu à avèlli trovi, ma què, era un altra affare ; era impruvisazione, è per quessa, deviu cuntà nant’à u mio solu talentu di più grande dettettivu corsu di u mondu !
Tandu, allora ch’o viaghjavu, à l’appiattu, dapoi parechje minute, in un campu quasi disertu senza crucià à nimu d’altru ch’è qualche sintinelle viste à u luntanu, senza ch’elle ebbinu u tempu di vedemmi, chì andavu prestu, vedì, à u centru di u campu, una casa chì paria à bastanza più alta ch’è l’altra, parendu esse cum’una casa capitanata. U core pienu di sperenza, partìu versu sta casa, sempre pruttegitu da u mio talentu tremendu per squisà e sintinelle.
Quandu ghjunghjìu à a vicinanza di a casa, vidiu propiu ch’elli ci eranu dui suldati davanti per curgà a so entrata, ghjustu davanti à mè, chì ghjunghjiu per daretu. Di sicuru sta casa era impurtante, è ancu di più ch’ellu era, per mè, impussibile di rientrecci à l’appiattu senza esse vistu. Deviu fà mostra d’intelligenza è di forza per passà.
Per quessa, pigliò una petra in terra, è a lampò versu i dui guardi. Unu a si pigliò in bracciu è cappiò u so fucile senza troppu rimore. Tandu mi lampaiu in avanti per pigliàllu nanzu ch’ellu ebbi u tempu di fàllu. U secondu guardu intraprì di tirà a so pistolla di u so stucciu, ma eiu, u teniu ghjà in rispettu incù e mio duie arme ; quella ch’ellu m’avia datu u Culunellu, è quella ch’o veniu di piglià.
I dui guardi alzonu i mani, propiu ubidiscente, è firmonu immobile, senza fà nisun rimore allora ch’o li ligavu i mani è intravavu a bocca. Tuttu s’era passatu in u silenziu u più totale è grazi’à què, pudiu ancu passà a porta senza esse vistu ne intesu.
A prima pezza di sta casa era custituia d’un picculu magazinu d’arme frà e quale ritruvò una parte di l’arme ch’o aviu vistu in Bolduvacchia. In fondu, si truvava una porta. Quella porta era ben chjusa, ma ùn m’impidiscia micca di sente chì, di l’altra banda, si parlava. Deviu esse ancu più prudente.
Pianu pianu, m’avvicinaiu di sta porta per sente à u megliu cio ch’ellu si dicia, ma senza esse vistu o sentitu. Mi parianu ch’elle ci eranu trè voce sfarente ; duie voce cunisciute, è una ch’ùn aviu mai intesu nanzu, chì avia un accentu un pocu asiaticu, cosa ch’ùn era anurmale, in stu paese, d’altronde.
D’un colpu, a terza voce, quella ch’ùn cuniscia micca, sì misse à mughjà :
« Nò, nò, nò è nò ! Ùn accettu micca e vostre cundizione !! »
« Puru, deveriate propiu accittàlle, in u vostru intaressu. » Rispose un altra voce, moltu più calma.
« Eiu solu decidu di u mio intaressu ! Hè capita ! È cacciate propiu u vostru elmu, ch’o pudessi vede a vostra faccia ! » Aghjustò a prima voce, sempre arrabiata.
« U mio elmu ùn sì caccia micca. Micca di più ch’è u vostru capu da sopra à e vostre spalle. »
« Hè una minaccia ?!! »
« Innò, manc’appena… vi dicu solu ch’è vo deveriate accittà tutte l’arme ch’o vi mandu, chì vi permetteranu di divintà, una volta di più, u maestru di u Gonong. Ma assuciatemmi dinù à u vostru prughjettu. »
« Mai ch’ella sia. Mi mandate arme. Eiu, pagu. A nostra cullaborazione si pianta quì, o testa di stronzu di granochja ! »
« Ùn face nunda s’è vo site annerbatu. A possu capì, chì avete avutu qualche stonde difficiule. Ma vi lacu tuttu u tempu ch’è vo vulete per riflette. »
« Ùn vogliu sapè nunda ! Andate à fàvvi leghje, o malasciamè ! Ossinò, vi tirgu nantu ! »
Per a prima volta di u cuntrastu, a seconda voce, quella chì era firmata calma, s’annerbò appenuccia :
« Fighjate chì ùn possu micca accittà tuttu di voi. Noi, simu dui, è voi site solu. Allora calmatevvi appena, ossinò, simu noi chì vi calmeremu ! »
« Sì tù chì mi parli cusì, o spezia di mezz’omu ? A sai à quale parli, almenu ? À u gran maestru à vene di u Gonong ! Dumane, e milizie zorghiste pioveranu anant’à u tronu di sta sterpa maladetta chì m’hà pigliatu u putere. È li feraghju passà, incù a forza di e palle è di u farru, l’invidia d’esse contr’à mè ! È seranu tutti cundannati à a morte ! È mi supplicheranu di tumbàlli prestu, ma in vanu ! È u mondu sannu, spavintatu, fideghjerà, impudente, a mio bandera alzàssi anant’à u Gonong per u sempre ! È incù a forza di l’arma atomica, e mio leggione cunquisteranu tutti i paesi in giru ! »

Un scemu. Un veru scemu ! Avà, ne eru sicuru. L’omu chì parlava cusì ùn pudia esse ch’è l’anzianu dittattore Zorgù. Un omu tantu azzezzu chì ancu Vituperi – chì, ne eru sicuru, era ellu chì cuntrastava cun ellu – paria calmu. Un dittattore scemu, un veru, chì s’era impatrunitu u putere parechji anni fà è chì avia tantu fattu strazià u so populu ch’ellu s’era rivultatu, lampendullu in a giungla. U nemicu numaru unu di u paese di u Gonong !

Senza aspettà l’eventuale risposta di u so interlocutore, sbundò a piccula porta è mi ritruvò in un offiziu un pocu puzzicosu, cosa ch’ùn era mancu stunnante, in pienu mezu à sta giungla salvatica, è nentru à u quale si truvavanu trè personne ch’o identificò subitu. Ci era ben’intesu Vituperi, è accant’à ellu, si tenia Lernazg, è micca Grenazg o Frelazg cume l’aviu credutu prima. U terzu persunnaghju era un gonongaiu d’una cinquantina d’annate, avvicinendu di i so sessant’anni, grande, largu senza esse grossu, una faccia piuttostu longa, è un sguardu chì sprimava in u stessu tempu l’invidia, a gattivezza è a megalumania. Era u famosu Gong Min Tia Zorgù, è u ricuniscìu subitu subitu, per avène vistu parechji ritratti nanzu di parte. Ùn purtava più a so bella tenuta ufficiale d’oru è negru, incù mille medaglie appiccate à u so pettu, è a so baretta stampata di l’Accula Imperiale è di u Sarpu Reale, simbolu ch’ellu s’era sceltu per bandera, ma era ellu.

Zorgù sì truvava à a mio diritta, Vituperi à a mio manca, è Lernazg à mezu, ghjustu davanti à mè. I trè persunnaghji tenianu una pistola in manu, cume s’elli s’appruntava à tiràssi nantu, cosa ch’ùn era manc’appena stunnante, à u vistu di l’andatura pigliata da u cuntrastu.
I trè omi parinu sorpresi di a mio presenza, ma disgraziamente micca à bastanza, chì prestu abbandunonu e so lite per puntà, tutt’i trè, e so arme, nant’à mè.
Solu contr’à trè.
Eru leccu !

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:29 am

Novesima parte



Eru leccu !
Eranu trè, Vituperi, Lernazg è Zorgù, è eiu, era solu. Cume Oraziu contr’à i trè Curiazii. Puntavanu tutti i trè e so arme nant’à mè, à una distanza tale ch’ellu era impussibile per elli di mancàmmi. U sole affare ch’ùn sapia ancu era u quale tirerà u primu ; cosa da a quale m’impippavu cumplettamente.
Puru, ùn firmaiu micca senza fà nunda. Ùn aviu micca u tempu di riflette. Sopra tuttu à cosa senza intaressu. Ste riflezzione ch’è vo leghjite sopra, cume tutte quelle ch’è vo pudete leghje sottu, ùn mi venimu ch’è dopu, quandu u periculu era passatu, chì tandu, ùn ci era manera di riflette à ste cunsiderazione etiche di pocu impurtanza. In fattu, firmaiu prammaticu.
Eranu trè, certe. Eranu armati, certe. Puntavanu e so arme nant’à mè, certe. Ma anc’eiu eru armatu. Teniu un arma in ogni manu. Ùn eru micca senza nunda. Deviu fà prestu.
Prestu tiraiu. Tiraiu u primu. Incù e mio duie pistole. Tiraiu dui colpi. Incù l’arme ch’o teniu in a mio manu diritta, tiraiu nant’à quellu chì sì trovava à a mio diritta. Tiraiu nant’à Zorgù. Incù quella ch’o teniu in l’altra manu, tiraiu nant’à quellu chì sì truvava à a mio manca ; Vituperi.
Prestu Zorgù cascò in terra ; feritu. Vituperi, ellu, firmava arrittu, cume insensibile. Tiraiu una seconda volta, ma sempre Vituperi paria sempre insensibile. Da u so latu, Lernazg cappiò a so pistola, senza ch’o ne capisciu u perchè, è affibiandu Vituperi cun ellu, sì ne fughjì di u bastimentu troppu prestu per ch’o ne pudessi impediscellu.
Vituperi è Lernazg smarinu prestu di u mio campu di visione. U calmu era. In terra, Zorgù era feritu pessimu. Si viotava di u so sangue senza mancu un lagnu.
In poche seconde, sì morì Gong Min Tia Zorgù, dittattore decadutu di u Gonong. Quellu chì avia sfragellatu u so populu fin’à cagiunà a rivuluzione chì l’avia fattu fughje. Quellu chì s’era piattatu in a giungla, perseguitendu i so affari, diventendu u più gran trafficante di droga di sta parte di l’Asia, cuntinuendu cusì à fà u mercante di morte. Quellu ch’ùn avia mai persu a so sperenza di rivene à u putere è di riprincipià à fà corre u sangue, cume prima.
Gong Min Tia Zorgù era mortu. È eru eiu chì l’aviu tombu.
U fattu d’avè tombu à Zorgù ùn suscitò in mè nisun sintimu particulare. Ne di cunsternazione d’avè tombu un omu, ne di gioia d’avè sbarrazzatu l’umanità d’un mostru cusì sanguinariu. Era cume s’o eru indifferente à a morte di Zorgù. D’altronde, pudia ancu esse u casu.
Ma ùn era tantu u mumentu di filosufà. A situazione, ben ch’è divintata un pocu più accettabile per mè, firmava quantunque periculosa. Vituperi è Lernazg venianu di scappà, ma forse pudianu rivene, o dà l’alarma. Dopu à u cuntrastu ch’aviu intesu trà Vituperi è Zorgù, ùn era tantu sicuru ch’è Vituperi o Lernazg ebbinu un intaressu particulare per annuncià a morte di Zorgù à tutti i zorghisti prisenti, ma senza cunnosce i prughjetti di Vituperi, ùn pudiu micca essene sicuru.
Ci firmava sempre u misteru di l’invulnerabilità di Vituperi à e mio palle. Certe era quasi sicuru chì nisun palle ùn avia toccu à Lernazg, ma aviu propiu tiratu parechje volte nant’à Vituperi, in linea diritta, senza ch’ellu ne pattessi. Ci era sicuramente una spiegazione raziunale à stu fenomenu, ma ùn aviu micca u tempu di riflettecci, chì eramu sempre luntani d’esse salvati. D’altronde, ùn capiscia micca perchè ùn avianu micca, ne l’unu ne l’altru, pruvatu di tirà in a mio direzzione quand’elli scapponu.
Puru, a mio situazione ùn era micca cusì gattiva. Mi trovava, certe, in paese nemicu, ingiratu di nemichi, ma eru solu in un bastimentu pienu d’arme è di munizione. In cundizione simile, è s’o mi sbrugliava bè, pudiu ancu tene un sediu, à cundizione ch’ellu ùn duressi micca troppu. Ma sopra tuttu, ùn devia micca scurdàmmi di u mio scopu principale chì era d’arrestà à Vituperi.
Allora ch’o era occupatu à riflette nant’à e mio pussibilità, sentìu l’alarma di u campu. Avà, ne era sicuru ; l’affare girava male per mè, almenu ch’è l’alarma sia stata per u Culunellu, ma in tutti i casi, e cose ùn andavanu micca bè. Ci vulia fà in furia.
Mi spiccaiu. Prestu andaiu à a porta di u bastimentu. Ne era a sola entrata pussibula. Prestu a chjodiu. Prestu a tuppaiu cun un armadiu di farru.
Rivenendu, esaminaiu e munizione. Incaricaiu parechji fucili, pistole è mitragliosa, ch’o purtaiu cun mè, in l’altra stanza, quella duve si trovava u cadavere di Zorgù. Tandu, mi stallaiu à a finestra, per fighjà.
Cusì, vedìu parechji suldati zorghisti, in tenuta di lotta è armati, avvicinàssi di a casa, senza vedemmi. Da induve eru, pudiu senza difficultà tumbàlli tutti di manera cusì presta ch’elli ùn averianu mancu u tempu di vedemmi.
Ma sapiu propiu ch’è sta situazione averia per cunsequenza subitania di fàmmi vede da quelli chì venerianu dopu. Per quessa, decidò d’ùn tirà ch’è in casu duve seriu statu vistu.

Per u mumentu, i suldati parianu limitàssi à vene per ingirà u bastimentu. Venianu numarosi, è frà elli si trovavanu u famosu trio Lernazg-Grenazg-Frelazg, chì parianu d’avènne pigliatu u capu. Vituperi, ellu, era ghjà smaritu, cume s’ellu s’era piattatu, ma di quessa, pocu m’impremia.
Eiu, ùn eru tantu inchietu, chì l’arme l’aviu, è e munizione, l’aviu. U sediu pudia ancu puru principià ; eru prontu. È ancu s’o deviu more quì, cusì, a mio morte seria gloriosa.
Mi teniu accant’à a finestra, ma micca troppu vicinu quantunque, di manera à vede senza fà una sibula ideale. À i mio pedi, una decina d’arme, tutte carche, per ghjuvàmmi une dopu à l’altre à misura ch’o ne viuteria i caricatori. Eiu, eru prontu. L’aspettavu.
E cose si passonu prestu. Un suldatu zorghistu mi vedì. Tirò. E so palle trunconu u vetru di a finestra per ficcàssi in u muru. Eiu, eru salvu. M’eru calatu à bastanza prestu. Subitu, m’alzaiu. Mitragliosa in manu. Tiraiu una raffica in a so direzzione.
Parechji di i mio nemichi casconu in terra, feriti. L’altri, chì avà m’avianu vistu, perseguitavanu à tiràmmi nantu.
Aviu l’avantaghju di truvàmmi in una casa da a quale i muri eranu à bastanza larghi per parà e palle ch’ùn passavanu micca per a finestra ; à u cuntrariu, elli, ùn avianu tantu agrottu per piattàssi per tirà. Aviu dinù l’avantaghju di a mio agilità è di lu mio ambiu à tirà. U mio incunveniente venia di u fattu ch’o era solu contr’à parechji è ch’o era chjosu, cume prighjuneru senza pussibilità di fughje fin ch’elli piantessinu l’assaltu o ch’elli sianu tutti in l’incapacità di cuntinuà u cumbattimentu. Ma firmava quantunque ottimistu.
D’altronde, u mio ritimu viaghjava propiu. Mi piattavu, m’arrizzavu, tiravu. Mi piattavu, m’arrizzavu, tiravu. E palle fiscavanu vicinu à mè, ma era sempre à l’agrottu quand’elli tiravanu. A furtuna era cun mè.
Aviu a paura, certe, ma era sopra tuttu u stintu di sopravvivenza chì duminava in mè è chì guidava i mio atti. Di riflette ùn aviu u tempu. Ci vulia solu esse rapidu. Rapidu, eru.
Ùn sapiu nunda di e munizione da e quale i mio nemichi disponianu. Ùn sapiu nunda di u so numaru esattu. Ma ùn era micca u mumentu di ponemmi ste questione. Deviu lottà. Deviu lottà per firmà in vita. Era u mio mistieru. Era u mio scopu. Era a mio missione.
Mi dispiacia sta situazione, duve eru, d’una certa manera, ubligatu di tumbà ghjente ch’ùn facianu ch’è di seguità u so ideale, ma ùn aviu tantu a scelta. Era elli o eiu. D’altronde, ùn eranu micca santi. Eranu l’ultimi partitente d’una dittattura sanguinosa chì avia fattu tante suffrenze. È ùn murianu micca tutti, chì a piuparte di quelli ch’o mettiu fora di cumbattu eranu simpliciamente feriti. Ùn tiravu micca per tumbà, tiravu per difendemmi.
Disgraziamente, à u ritimu à u quale tiravu, e munizione princiavanu à fàssi rare. Certe ci ne firmava sempre in l’altra stanza, ma andà quallà m’obligava à esse à scupertu, è sopra tuttu, à prisentà u mio spinu à i mio nemichi. A situazione divintava dilicata. Allora ch’o era calatu à cuntà e mio munizione, sentiu u rimore d’una machina ch’o fù, cuncentratu cume eru, incapace d’identificà. D’altronde, ùn era micca u mumentu.
Cuscentu di u pocu di palle chì mi firmavanu, lampaiu un ochjata da a finestra. Fora, i nemichi, un pocu menu numarosi ch’è prima, u firmavanu quantunque per un solu omu. Certi eranu in terra, d’altri pariscianu feriti. Grenazg è Frelazg eranu sempre quì, ma Lernazg era smaritu, cosa ch’ùn m’impremia ch’è pocu.
Fù allora ch’o m’eru decidatu à rallentà u ritimu di i mio tiri ch’o sentìu un gran rimore à bastanza luntanu. Paria cume un soffiu chì venia contr’à i nemichi. Si sentianu colpi di focu à u luntanu. Ci era un altra battaglia. Si passava di l’altru latu di u campu, ma era impurtante, à tal puntu chì ancu i suldati chì m’assedianu esitavanu è s’eranu cumplettamente piantatu di tirà. Aspettavanu. Cume mè.
Tandu facinu mezu giru, andendu à a scontra di stu rimore, senza lascià manc’una sintinella per curgàmmi.

Firmatu solu, à u calmu (rilativu), mi dumandavu appena cio chì si passava. Ne pruffitaiu quantunque per rigirà à piglià altre munizione, à u casu duve rivenerianu, cio chì sì passò prestu, ma micca di a manera ch’o averiu credutu.
Chì qualche minute dopu, vedì davanti à mè i suldati rivene. Micca à l’assaltu, cume decidati à compie una volta per u sempre u prublemu ch’o riprisentavu per elli, ma piuttostu in scunfitta, in fughjita. U perchè, ùn deviu capìllu ch’è qualche seconde dopu, quandu vedì, daret’à ellu, una piccula armata impruvisata chì li facia rinculà. À u so capu, si trovava u Culunellu, accumpagnatu di tutti l’altri membri di a spedizione ch’ellu avia urganisatu, è ch’ellu venia di liberà, PAD è Zifranu à u so latu, è incù elli, sì trovavanu dinù un gran’numaru d’omi è di donne, à bastanze annutichiti, a faccia palita di quelli firmati troppu longu senza vede u sole – deviu amparà un pocu dopu ch’elli eranu l’inseme di tutti i prighjuneri di u campu, chì eranu chjosi quì, per certi dapoi parechji mesi è anni – ma quantunque moltu arrabiati contr’à i mercenarii zorghisti rispunsevuli di e so disgrazie.
I zorghisti, ben ch’è in migliore cundizione fisica è assai più addestrati ch’è a maiorità di i so anziani prighjuneri, rinculavanu sott’à u numaru è sottu à a rabbia di i novi assalianti. U Culunellu, incù u so talentu militare, cummandava l’operazione senza mai sfiattàssi. Era ellu chì – deviu amparàllu dopu – avia liberatu tuttu u mondu dopu à avè neutralizatu di parechje manere sfarente, tutti i guardii è i suldati ch’ellu scuntrò nant’à u so caminu, è era dinù ellu chì, di a stessa manera, avia pigliatu pussezzione di u secondu dipositu di munizione di u campu per armàlli tutti. Una volta di più, allora ch’o perdiu u mio tempu à tene un sediu ch’ùn ghjuvava à nunda, s’era svelatu cume l’omu forte di a situazione, cunducendu l’anziani prighjuneri di Zorgù à u sole di a libertà, è pò à a lotta contr’à i so anziani carceraghji chì parianu da veru sbarsati da a situazione.
Quandu ebbi capitu cio chì sì passava, mi precipitaiu fora di u bastimentu per andà à aiutàlli. U piombu ùn piantava di fiscà d’un latu o d’un altru, è a baruffa ghjà si compiava.
Subitu fora, Grenazg, chì sì truvava daretu, sì lampò nant’à mè, dendummi un cazzottu. Frelazg, chì sì trovava à a vicinanza, venì à aiutàllu qualche seconde dopu. Solu contr’à dui, a situazione ùn m’era micca favurabile. Prestu capìu ch’elli avianu persu e so arme è ch’ellu era per quessa ch’elli ùn mi tiravanu micca nantu. Ma eiu, disarmatu ùn era. Certe ùn era micca murale di tirà nant’à nemichi disarmati, ma sapiu dinù ch’è una pistola ùn pudia micca solu ghjuvà à tirà palle. Per quessa, quandu ebbi infine l’uccasione di rimette a manu nant’à a mio pisante mitragliosa, pichjò à Frelazg nant’à u capu cun ella. Frelazg ne perdì cuniscenza subitu.
M’appruntavu à fà listessa per Grenazg quandu vedì ch’ellu venia di riceve una palle persa in pienu torace, è ch’ellu era dunque dighjà fora di cumbattu.
Frà tempu, a battaglia s’era quasi compia è i zorghisti eranu scunfitti.
U Culunellu era vincidore.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:31 am

Decesima parte



Dopu a battaglia, era venutu u tempu di u bilancciu. E minute chì seguitonu a redizione di i zorghisti fubbinu attempu più calme, è moltu carche in accadamenti impurtanti.
Più calme perchè più nimu ùn si battia, è carche in accadamenti impurtanti perchè ci vulia organisàssi.

U primu affare ch’è no fimu, u Culunellu è eiu, fù d’occupàssi di i feriti di i dui campi. Dui duttori militari prisenti incù noi, unu chì facia parte di a nostra piccula squadra, è l’altru chì era prighjuneru quì dipoi mesi è mesi, s’occuponu di tutti, ch’elli sianu zorghisti o micca.
Cusì, salvonu a vita di quasi tutti i feriti. In i fatti, morti ùn ci ne era ch’è pochi. I nostri, cuntendu dinù l’anziani prighjuneri, era à u numaru di 7 à avè persu a vita. I zorghisti morti eranu un pocu più numarosi. Ma u prublemu era sopra tuttu i feriti.
Strania sorte quantunque, ch’è di battessi durante parechje minute cun accanimentu, stirpenducci, per dopu ghjunghjenne à pruvà à salvà a vita di quelli ch’è no aviamu feriti, pocu tempu nanzu.

Dopu à esseci impatrunitu di u campu, vidimu ch’ellu ci era dinù una pista d’elicotteri, è quattru apparechji pronti à smarrà. U Culunellu, chì avia pigliatu u capu, à titulu pruvisoriu, di u campu, decidò d’utilizàlli in priorità per fà parte i feriti fin’à a cità a più vicina.
Cusì, in l’ora chì seguitò, tutti i feriti fubbinu mandati in l’ospitali di a cità di Sziaroon, à 50 chilometri di u locu duve ci teniamu noi. PAD ebbi per missione, cun dui suldati di a nostra squatra, di fà u giru di u campu per realizà l’invintariu di l’allestrimentu di i zorghisti. Zifranu è qualchi altri fubbinu affettati à a surveglianza di u circondu, à u casu duve d’altri zorghisti serianu sempre fora di u nostru cuntrolu.
Eiu, ch’ùn mi scurdavu micca di a mio vera missione, chì era quantunque d’arrestà à Vituperi, ne prufittaiu per interrugà appena i zorghisti ch’è no aviamu fattu prighjuneri, quant’è i mercenarii di Vituperi, Frelazg è Grenazg (per u quale a ferita, s’ella era pessima, ùn era micca murtale).

Da parechji suldati zorghisti, amparaiu chì Gong Min Tia Zorgù aspettava d’un trafficante d’arme furesteru, chì si piattava sempre a faccia – capìu prestu quale era – venia di ghjunghje per vende à Vituperi à bastanza d’arme per ripiglià u putere. Da un altru zorghistu, amparaiu dinù ch’è stu famosu trafficante d’arme si ne era fughjitu durante a battaglia incù un elicoterru è unu di l’omi chì l’accumpagnavanu – probabilmente Lernazg, ch’ùn ritrovava micca frà i prighjuneri.

Fù eiu chì li amparaiu a morte di Zorgù, pocu nanzu. St’infurmazione fù, da l’ultimi zorghisti, accolta di parechje manere sfarente. Certi parianu indifferente à a morte di quellu ch’elli avianu sustenutu fin’à tandu, mettendussi fora di legge. D’altri parianu addisperati di vede e so ambizione egemuniche lampate à caternu. Una piccula minorità ne parianu ancu cuntenti – ùn capiu mai perchè.
Ma nimu, frà i so anziani partigiani, ùn paria tristu di a morte di l’anzianu dittattore, ch’elli seguitianu più per intaressu persunnale ch’è per affezzione.

Da Frelazg, chì Grenazg era troppu debbule per esse interrugatu, amparaiu chì u prughjettu di Vituperi era di ghjuvàssi di l’ambizione sceme di Zorgù per fà a guerra à tutti i paesi in giru, cosa chì li permetteria, quandu u so mumentu veneria, di supranà à Zorgù per divintà, infine, u maestru d’un novu imperu asiaticu, ch’ùn seria ch’è a prima tappa per a creazione di u so imperu mundiale.

M’amparò dinù ch’è tutte l’arme ch’è Vituperi avia prumessu à Zorgù firmavanu sempre in Bolduvachia, per parte in l’arsanale sicrettu ch’è no aviamu scupertu (è ch’elli avianu ricuperati dopu à a distruzzione di u locu), ma chì devianu esse mandate prestu in i ghjorni chì devianu seguità. Ben intesu, a morte di Zorgù avia resu scaduttu quell’accordu.

Puru era eiu, propiu sicuru, chì Vituperi averia prestu trovu un idea per un novu culpacciu, è u fattu ch’ellu firmessi in libertà, è quellu ch’ellu ebbi sempre in a so pussessione tante arme di guerra, fecinu ch’o deviu prestu ripiglià a caccia à l’omu.

Ma, ùn paria micca ghjuntu per mè u mumentu di chjappà à Vituperi. Si ne era andatu dapoi un tempu troppu longu per ch’o speressi pudè richjappàllu senza cunosce u locu duve si ne era andatu. D’altronde, u mio rollu in stu locu ùn era compiu, chì u travaglia ùn mancava, è prima, ci vulia occupàssi di a sorte di tutti l’anziani prighjuneri fatti da i zorghisti.


Ponendu a questione à u Culunellu cuncernendu l’origine di tutti li prighjuneri fatti da i zorghisti, chì eranu quasi più numarosi ch’è elli, mi rispose ch’e une di l’attività principale di i zorghisti era di fà u più gran numaru di prighjuneri pussibile, ch’elli sianu militare o civili per ghjuvàssine d’ostagii per pruteggessi d’un eventuale attacca massiva di u campu da l’armata gonongaia regulare, chì d’altronde cuniscia perfettamente a lucalisazione di u campu.
Mi spiegò dunque ch’è a presenza di i prighjuneri in u campu era a sola raghjone per a quale u guvernu gonongaiu ùn avia micca, fin’à tandu, attaccatu u campu per struggellu. Dendummi sta risposta, u Culunellu rispose dinù à un altra questione ch’ùn avia micca avutu u tempu di ponellu, è chì cuncernava, ben intesu u fattu ch’ellu cunoscessi incù una tale esattittutina a pusizione geugrafica di u campu.

Certe a situazione s’era propiu megliurata in qualche ore, per noi tutti, ma ci firmavanu sempre monda incertitutine cuncernendu u nostru avvene vicinu è a seguita di l’operazione. Mi primurava particulariamente di cunosce l’ora di u nostru ritornu à u mondu dettu « civilisatu ».


In fatti, ùn ebbimu micca à aspettà troppu, chì trè ore dopu à a fine di a piccula battaglia è a morte di Zorgù, ghjunghjinu sopr’à noi una vintina d’elicotteri di l’armata regulare gonongaia, per ricuparàcci à tutti.
U Culunellu li avia mandatu, incù a nostra radiò, un missaghju per indicàlli a riescita di a nostra missione, pocu dopu à a fine di a battaglia. Tandu, una volta u focu compiu, s’affaccavanu a maghjorità di i militari. Ùn sapiu micca cosa pinsànne !


Prestu, allora chì qualchi suldati, frà i novi affaccanti, imbarcavanu i zorghisti fatti prighjuneri, una piccula delegazione composta d’alti officiali gonongaii, venia per scuntrà u Culunellu.

In faccia à l’officiali gonongaii, tutti puliti, be vistuti, è riposati, u Culunellu s’assumigliava quasgi à un machjaghjolu di parechji anni. Puru, allora ch’elli eranu tutti quì à salutà u so successu, elli ch’ùn ci avianu micca participatu, u Culunellu firmava mudestu, ribicchinandu sempre ch’ellu ùn avia fattu nunda di più ch’è u so duvere. Firmavu ammirativu davanti à sta vera forza di a natura, chì dopu à un operazione tale, ch’ellu avia compiu incù maestria, firmava sempre umile.
Da veru, u Culunellu era un gran suldatu. Ùn cuniscia micca l’officiali gonongaii chì eranu quì prisente, ma ùn mi parianu micca d’essessi battuti ultimamente. Era tuttu què a sfarenza.


L’elicotteri fecinu parechji viaghji per ricuperà tutti l’omi prisenti, è dopu, tuttu u materiale militarii. I suldati gonongaii chì ci avianu accumpagnatu in sta spedizione fubbinu tutti trattati cum’elli a meritavanu ; in eroi.
L’anziani ostagii di Zorgù fubbinu anc’elli trattati cun rispettu, è per quelli chì a cattività ùn avia ch’è troppu adebbuliti, mandati in ospitali per ch’elli guariscinu.



U lindumane, era festa pupulare à Ukpank, è ci era una grande ceremonia ufficiale per salutà a fine di a minaccia zorghista.
A Presidente di a Republica Gonongaia ella stessa, Loran Sil Gupan, purtò una balza di fiori à a statuta di a libertà, dopu à avè, in presenza di u generale Surù Miclinin, capimachja di l’armate gonongaie, decuratu i suldati chì avianu participatu incù noi à l’operazione.
Un ommagiu tremendu fù dinù resu à tutti quelli di i nostri chì avianu persu a vita dapoi u principiu di a dittattura di u pocu rigrettatu Gong Min Tia Zorgù. Infine, Loran Sil Gupan ebbi a sudisfazzione d’annuncià, avà chì a guerra civila era compia da veru, ch’è u statu d’alerta, in quale si trovava u paese dapoi tantu tempu, era suspenditu, è chì u paese era avà prontu à viaghjà nant’à a via di u prugressu.


Ùn ci fù ch’è noi quattru, u Culunellu, PAD, Zifranu, è eiu stessu, à ùn esse micca, ne prisenti, ne mancu evucati in sta bella festa, chì in a nostra qualità d’aghjenti di u Gruppu E., a nostra prisenza devia firmà sicretta.
D’altronde, a nostra missione ùn era manc’appena compia, chì, ancu s’è no aviamu annegatu a minaccia per un picculu paese asiaticu di ricascà in a dittattura, è resu tuttu un populu felice, ùn ci scurdiamu micca ch’è a vera raghjone di a nostra prisenza quì ùn ci avia micca datu sudisfazzione, chì Vituperi – sempre ellu – era sempre liberu ; è Lernazg dinù. Almenu, Frelazg è Grenazg eranu in prighjone, in u Gonong, ben ch’è u secondu sia sempre à l’ospitale di a prighjone, aspettendu chì a so cicatrisazione sia compia.


Ma ùn eramu micca senza indizii. Sapiamu avà chì Vituperi, per via di a morte di Zorgù, ùn avia nisun raghjone di firmà in u Gonong. À u cuntrariu, pruveria piuttostu di ricuparà tuttu u so arsanale, firmatu in Bolduvachia, da u quale si puderia ghjuvà à u so contu persunnale, almenu ch’ellu volessi, una volta di più, ghjuvàssine per manipulà un altru dittattore scemu o anzianu dittattore, cum’ellu avia fattu incù Zorgù.

Ma di tutte manere, era avà obligatu di passà prestu per a Bolduvachia, per ricuparà prestu tuttu u so arsanale militare ; chì, tandu ch’ellu sapia i so prughjetti smascherati, sapia dinù chì a lucalisazione di tuttu u so arsanale ùn ci piglieria ch’è pocu tempu, incù tuttu cio ch’elli ci avianu cuntatu Grenazg è Frelazg.


In fatti, è malgratu a nostra curiosità di vede l’evoluzione di u paese, ùn aviamu più nisun raghjone di firmà in u Gonong. A seguita di a mio missione si devia passà in Bolduvachia.


Fù per quessa chì, menu di trè ghjorni dopu, pigliiamu l’aviò tutti i quattru, lascendu a cità d’Ukpank. U nostru scopu firmava sempre Sprodj.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:33 am

Ondecesima parte



Ghjunghjimu in Sprodj 48 ore dopu, pigliendu un aviò direttu messu à a nostra disponizione da u generale Miclinin, capu di l’armata gonongaia, in ringraziamentu di « l’immensu serviziu resu à a patria gonongaia ».
Frà tempu, per ùn lascià micca à i nostri nemichi l’occasione di ripiglià pussezzione di li so arsanali sicretti, prufittendu di u nostru ritardu, u Culunellu mandò à i capimachji di u Gruppu E. tutte l’informazione ch’e no aviamu, ch’elle sianu e « vechje » infurmazione ch’è no raccoltiamu nanzu a spedizione in a furesta di Xanoian, quelle ch’è no aviamu ottenute fendu parlà i nostri prighjuneri dopu à a piccula battaglia, o ancu cio ch’elli ci avianu amparatu i servizii sicretti gonongaii dopu à a spedizione.
Cusì, è incù tuttu cio ch’elli avianu amparatu in a nostra assenza, l’aghjenti sicretti di u Gruppu E. firmati in Bolduvachia, aiutati da i servizii sicretti di Bolduvachia, avianu monda elementi per sperà ritrovà i novi arsanali sicretti di Vituperi, è forse impatruniscessi, è di l’arme, è di l’omu.
Da u mio latu, è ghjustu nanzu di parte di u Gonong, u Culunellu m’avia datu a missione di ritrova u caminu pigliatu da Vituperi. Travagliu moltu difficiule è cumplessu, ma micca impussibile.
Si sapia dighjà chì Vituperi è Lernazg si ne eranu fughjiti di u campu di i zorghisti in elicotteru. Cunniscendu l’autonomia limitata di a machina, induvinavu ch’elli ùn pudianu micca esse andati troppu luntanu. Fendu u giru di tutte e stallazione à bastanza vicine di a furesta di Xanoian duve averia pussutu calàssi un elicotteri in tranquilità, amparaiu chì l’elicotteru era statu ritruvatu nant’à un anzianu terrenu militare abandunatu, vicinu di a cità di Gornen, à l’este di u paese. Pocu dopu, amparaiu chì Vituperi è Lernazg eranu passatu per l’aeroportu internaziunale di Gornen, pigliendu un aviò in direzzione di Bombay. Da quallà, ne piglionu un altru per Tombuctù, è pò dopu, torna un altru per Alger, per infine ghjunghje in Prague, duv’elli piglionu u trenu in direzzione di a Bolduvachia.
Una strata à bastanza inabituale per andà in Bolduvachia, ma chì sicuramente ghjuvava à impediscecci di ritrovàllu. Una cautella ch’ùn li ghjuvonu micca, postu ch’o aviu riesciutu à cunnosce u so caminu senza ch’elli ne sianu cuscenti, è chì, in più di què, ritardava sempre di più a so ghjunta in Bolduvachia, permettendu à i nostri allegati di quallà, ch’elli sianu altri aghjenti di u Gruppu E. o aghjenti di u guvernu bolduvacu di piglià pussezzione di tutti l’arsanali di Vituperi.

Infine ghjunti in Sprodj, ampariamu da i nostri cuntatti lucali ch’è avà, ancu i servizii sicretti di u paese sapianu chì l’attuale capu di statu, Trànsnep Ciniewvisvik era implicatu in l’arrubecciu è u trafficu d’arme incù Vituperi, ma ch’elli aspettavanu per arrestàllu, per ùn fà micca scappà Vituperi. L’arrestazione è l’incarcerazione di Ciniewvisvik pudianu aspettà qualchi ghjorni, avà ch’ellu era curgatu senza ch’ellu ne sia cuscente. U paese era dunque, ancu s’ellu ùn a sapia micca, à l’alba d’una mossa nova chì faceria cascà u putere di tandu senza nisun dubbitu.
Ampariamu dinù chì i nostri amichi di u Gruppu E. venianu di ritrovà tutti l’arsanali sicretti ch’è Vituperi piattava in Bolduvachia. Ci ne era cinque, è eranu carchi d’à bastanze d’arme di tutte categurie, ancu nuclearie, per pudè piglià u puter in n’importa chì paese di u mondu ch’ùn averia micca un armata à bastanza pudente, à a sola cundiazione d’avè sott’à i so ordine, una cinquantina di mercenarii. U risichu era dunque reale, s’e Vituperi s’impatrunia di tuttu, di vedellu fà un colpu di statu in un picculu paese chì si puderia truvà in n’importa chì locu di u mondu.

U Culunellu, rallegratu da sta nutizia, decidò di fà curgà i quattru arsanali per pudè intrappulà Vituperi è Lernazg venendu ripiglià pussessione di i lochi. Tuttu si devia fà à l’appiattu per esse sicuri di a riesciuta di l’operazione. Tandu, allora chì una squatruccia perseguitava e so ricerche à u casu duve ci firmeria d’altri arsanali scunisciuti, u Culunellu fecì curgà à l’appiattu i cinque arsanali da parechji aghjenti di u Gruppu E., è firmò ellu, à curgà, cun mè, l’arsanale chì, secondu à ellu, era u più impurtante per Vituperi, è per quessa, risichi u più di riceve a so visita.


Qualchi ghjorni dopu à u nostru ritornu in Bolduvachia, eramu tutti i dui, u Culunellu è eiu, piattati in cio chì u Culunellu avia chjamatu l’arsanale principale. Quell’arsanale cunsistia in un vechju bastimentu abandunnatu, un pocu dopu à a surtita di a cità di Sorvana, pienu di fucili è di bombe classiche. Era dinù in stu bastimentu chì si trovavanu trè di e quattru bombe atomiche di Vituperi, ch’ellu avia ottenutu incù a cumplicità di l’attuale capu di statu di a Bolduvachia, Trànsnep Ciniewvisvik, ch’ùn sapia ancu chì u so tempu era finitu.
D’un altru latu, s’assumigliava, da fora, quasi à una ruvina senza intaressu, è senza più nunda à arrubà nentru. Puru, ùn era micca cusì faciule d’impatruniscessi di u locu, chì ci eranu duie porte, prutette da trè codici ch’è i nostri informatiziani ebbinu qualche difficultà à identificà per apre e porte. Era dunque, da veru, un locu strategicu per Vituperi ; sopra tuttu per e bombe atomiche.

Noi, eramu piattati daretu à a porta, in u bastimentu, ghjustu induv’ellu ci vulia per pudè chjappà tutti quelli chì entrerianu senza lasciàlli u tempu di vedecci o di difendessi. Eramu armati, pronti à ogni eventualità, è sopra tuttu silenciozi. Aspettiamu.

L’ore si seguitavanu, è eramu sempre quì. Ùn sapiamu micca quandu devianu passà Vituperi è Lernazg, ne mancu s’elli avianu l’intenzione di passà culà per u subitu. Forse ancu si serianu dubbitati di a trappula, è averianu decisu d’ùn passà ; cosa ch’ùn m’averia manc’appena stunnatu. Ma eramu quì tutti i dui, u Culunellu è eiu, à aspettà cume dui conni, un nemicu chì forse ùn veneria micca. Mi ramintava appena un libru d’un famosu scrittore francese di u vintesimu seculu, Julien Gracq, chjamatu « Le rivage des Syrthes », duve s’aspettava una guerra ch’ùn venia micca.
Di tutte manere, eramu pronti per firmà parechji ghjorni in u locu : s’è no eramu dui, ùn era micca per furtuna. S’era privistu ch’è no ùn durmessimu micca in u stessu tempu, è era listessa cosa per manghjà o per beie. U più duru era senza dubbitu di firmà arritti senza move, sempre pronti à u periculu, è in silenziu, è mi dumandavu da veru quantu tempu averiamu à firmà custì, à aspettà u nostru


Ma ùn aspettiamu micca longu, chì un ghjornu è diciottu ore dopu à a nostra stallazione in sti lochi, sentimu a prima movessi. Tandu u Culunellu aprì a bocca per a prima volta dapoi u principiu di a nostra surveglianza :
« Orsu-Dumè ! Svegliatti ! Hè ora ! »
« Ùn durmia micca. » Rispundiu.
« Approntatti. Sò quì. » Cuncludì u Culunellu.

Tandu alziamu i nostri fucili, pronti à fà focu in casu di necessità, in direzzione di a porta. Eramu un pocu stanchi d’avè tantu aspettatu, ma eramu pronti. L’epilogu s’avvicinava. A sapiamu.
Infine, a seconda porta fù aperta, svelendu à i nostri ochji Vituperi è Lernazg, ghjustu davanti à noi, sott’à a minaccia di i nostri fucili.

Infine, ci eramu.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 09, 2010 9:34 am

Dodecesima parte



Infine, ci eramu ! Vituperi è Lernazg eranu cascati in a nostra trappula. Ùn purtavanu micca arme nant’à elli è s’o ùn pudia micca vede a faccia di Vituperi sempre piattata da u so elmu, quella di Lernazg sprimava una sorpresa ch’ùn era micca finta. Noi dui, u Culunellu è eiu, eramu armati. In cundizione simile, Vituperi ùn ci pudia micca fughje. Ne eramu sicuri.
Puru, ùn hè micca cusì ch’ellu sì passò.
Allora chì u Culunellu, minacciendu Vituperi è Lernazg, à menu di dui metri di noi, li dumandò d’alzà i mani è di rendessi, Vituperi, incù un astuzia è una lestezza certe, si ghjuvò di u fucile di u Culunellu per abbaluticàllu d’un solu colpu, è nanzu ch’o ebbi u tempu di riagisce, si precipitò fora di u bastimentu, senza fà nisun casu di Lernazg o di mè, per stallàssi nant’à una motocicletta (forze a soia) staziunata à una decina di metri di i muri di l’arsanali, per fughje à stronca chjavetta, nant’à u stradone chì s’alluntanava di a cità.
Firmatu stupidu da sta riazzione propiu inaspettata, m’occuppaiu prima di fà ripiglià cuscenza à u Culunellu – cosa chì mi dumandò menu d’una minuta – nanzu di principià, solu, a perseguita di Vituperi, impatruniscendu mi d’un altra motò, chì era sicuramente quella di Lernazg, firmatu sott’à u cuntrollu di u Culunellu, chì infine pudia arrestàllu.
A strata nant’à a quale si passava a cacciamossa, in fatti un autostrata, era bella larga, è tuttu in linea diritta. A circulazione era impurtante, ma micca à bastanza densa per impediscemmi di passà tràe vitture incù a mio motò. U celu era senza nisun nulu, è ventu ùn ci ne era. E cundizione meteurulugiche sunniate per fàssi un giru in motò, è a fortiori, per una caccia à l’omu.
Vedìu à Vituperi à bastanza prestu, à u luntanu, davanti à mè, ma ùn u richjappaiu micca, chì a so motò era pudente quant’è a meia. A strata era diritta, senza nisun cruciamentu, è Vituperi, davanti, fughjia versu un locu ch’ellu solu cunniscia. Eiu, ùn pudiu ch’è achjiccallu.
Elmu eiu ùn ne avia, ch’ùn ci ne era micca nant’à a motò quandu a pigliaiu. Mi dispiacia, ma ùn si pudia micca fà d’un altra manera. À u luntanu, Vituperi, andava sempre dirittu, senza mai fighjà daretu à ellu. Puru, sapia sicuramente ch’o l’allippavu, u cuntrariu essendu impussibule.
Ci alluntanavanu sempre di più di a cità di Sorvana, ghjunghjendu ancu in campagna, è sempre Vituperi caminava. Eramu, tutti i dui, à distanza iguale, senza ch’ùn mi ne avvicinessi, o alluntanessi. L’essenza, ci era in u riservariu ; a perseguita pudia ancu durà longu.

Pocu à pocu, allora ch’è no ci avvicinavanu di i monti, un ventu si pisava chì infrisculia l’aria, allora chì fin’à tandu, ùn avia fattu ne troppu fretu, ne troppu caldu. À u luntanu nant’à i monti, vediu qualchi grossi nuli grisgi chì parianu vene in a nostra direzzione, cosa ch’ùn mi piacia tantu, ma chì ci lasciava quantunque un o duie ore di tranquilità.
In fatti, ùn ebbu micca à aspettà cusì longu, chì menu d’una mezza ora dopu, Vituperi lasciò l’autostrata per piglià u caminu d’una piccula cità, à bastanza più chjuca ch’è Sorvana, è ancu ch’è Bastia o Aghjacciu.
A cità si chjamava Szlüpek, è s’assumigliava à bastanza à un anziana stallazione industriale abbandunata da tutti, fora di quelli ch’ùn avianu à bastanza soldi per andà stallàssi in altrò. Deviu amparà dopu chì Szlüpek era una cità carbonaria in u dicenovesimu seculu, ch’ùn avia micca riesciutu à addattàssi à a mudernità di e nove tecnulugie, è chì per quessa, era stata disertata à u principiu di l’anni ottanta, à u cuntrariu di e grande cità di Boldovnik (a capitale di u paese), Sprodj, Sorvana o ancu Vlippgâs. Quì, a ghjente era povara, è campava cun difficultà. E case mi parianu tutte brutte, cume scuperte di polvare industriale. Fiori ùn ci ne eranu ch’è pochi, è ancu menu arburi. Un locu à bastanza diprimente in u quale ùn mi vedia micca campà.
Ma di tuttu què ùn mi primuria micca, tandu, chì solu Vituperi m’interessava.

Ellu, avia piantatu a so motò accant’à un bastimentu mezu falatu, di quattru o cinque piani, cumplettamente irrecuperevule, ma chì nimu ùn avia pigliatu u tempu di fà dimulì.
Ùn eramu micca in pienu core di a cità, ma Attempu felice di vede chì a fine di a perseguita s’avvicinava è curiosu di sapè cio ch’e Vituperi venia fà in stu locu persu, mi spicciò ancu di più di raghjunghje u locu, duve Vituperi, dopu à avè piantatu a so motò, venia di piattàssi.
Sempre più primurosu di sapè cosa Vituperi circava à mezu à sta ruvina, u seguitaiu, sicuru di pudè, infine, arrestàllu, è cunnosce a so vera identità.

Da fora, u casamente ùn era micca bellu, parendu ancu prontu à cascà, ma nentru, era ancu peghju. Suffitti cascati, rumenzule dapertuttu, in u bughju chì venia di e finestre tuppate. Si paria ch’ellu ci era statu una guerra, è chì solu u peghju era firmatu.
Ùn mi lasciendu micca impressiunà, circava Vituperi in tutti i lochi. A ricerca seria difficiule, chì u casamente in ruvina ùn era manc’appena chjucu, è chì Vituperi, chì u cunniscia sicuremente megliu ch’è mè per essessi arreghjatu, pudia esse piattatu in centu milla lochi sfarenti.


Puru, u truvaiu solu dopu à dece minute di ricerche, nant’à u quatresimu pianu, à appruntà u so fucile in una piccula stanza tuttu pienu di rumenzule è di pezzi di muri sfalati cume u restu di u locu.
Subitu si girò versu mè, è fecì focu in a mio direzzione. Ùn ebbi ch’è u tempu di rinculà daretu à u muru sbundatu per ùn esse micca toccu da e palle. Quand’ellu ebbi finitu di tirà, m’arrizzaiu per tirà nant’à ellu, ma senza tuccàllu. In stu locu caoticu tuttu pienu di rumenzule, è d’altre cose chì intralciavanu u tiru, era à bastanza difficiule, per ellu cume per mè, di riesce à tirà ghjustu.
È pò d’un colpu, Vituperi, senza più primuràmmi di mè, è cume indifferente a e mio palle, corrì in u fondu di a stanza per apre un armadiu di farru ch’ùn paria micca troppu sbundata à u sguardu di tuttu u restu di u locu.
Tandu capiu cosa Vituperi era venutu à circà quì.
In l’armadiu, ci era una bomba atomica !
Una vera. Ne era sicuru.

Vituperi pigliò una telecumanda posta nant’à a bomba, è, prufittendu di a mio stupefazzione, escì tranquillamente di u bastimentu. U tempu per mè di ritruvà l’usu di u mio cerbellu è u seguitaiu à corri corri.
Fora, Vituperi era firmatu immobile, dirittu dirittu, a telecumanda in a so manu, cume prontu à appoghjà nantu à u so unicu bottulu. M’aspettava, ne eru sicuru. M’aspettava.
Da sottu à u so elmu, una voce ch’ùn cunniscia ch’è troppu si fecì sente :
« Ai capitu tuttu Solechjari. Hè una bomba atomica. Ancu più pudenta ch’è quella d’Hiroshima. È què, hè a so telecumanda. Appoghju nant’à u bottulu rossu, è in trenta seconda, simu tutti in infernu. »
Ben ch’è impauritu da a minaccia, li lampaiu, sfidendullu :
« Parli per tè ! »
Vituperi, incù a so voce sempre cusì gattiva, perseguitò :
« Sta telecummanda pò funziunnà ancu à parechje decine di chilometri di luntanu. Appoghju quì, è tuttu smarisce. »
Facendu milli sforzi per firmà degnu, li dumandaiu :
« Cosa voli ? »
Vituperi, dopu à un picculu silenziu sicuramente fattu apposta, mi rispose :
« Vogliu pudè parte liberu di stu paese, è incù tutte l’arme ch’o aghju in tutti li mio arsanali. Ùn vogliu micca esse intravatu ne perseguitatu da nimu, ch’ella sia da tè, da u to amicu militare, o da n’importa chì conu. Vi dò à tutti dodeci ore per purtàmmi le quì. Aldilà di stu tempu, è s’è qualchissia prova à intravàmmi frà tempu, appoghju nant’à u bottulu. »

E so brame eranu propiu sceme è irrealisabile per noi. Lascià un arsanale simile trà i mani di Vituperi seria statu una scimizia vera per a sicurezza di u mondu sannu. D’un altru latu a minaccia ch’ella riprisentava l’espluzione di a bomba atomica era atroce è ùn si pudia piglià nisun risicu. A mio mente era infrebbata è mi dumandava cosa fà. Ci vulia fà prestu per a salvezza generale. A meia, è pò quella di u mondu sannu, probabilmente.
Deviu fà qualcosa.
Deviu fà qualcosa.
Deviu fà qualcosa. Prestu.

Subitu, cuscente ch’o teniu u destinu di u mondu trà i mio mani, è à bastanza prestu per ch’ellu ùn ebbi u tempu di riagisce, li tiraiu nantu. Incù u mio fucile, chì in fatti era una mitraglietta, li tiraiu nantu in poche seconde fin’à viutà cumplettamente u caricatore di la mio arma, tirendu ùn sò quantu palle, nant’à Vituperi chì firmava immobile.
Quandu infine ùn pudì più tirà, lasciaiu cascà a mio mitraglietta, divintata sprudata, in terra, davanti à un Vituperi firmatu senza riazzione. Ùn capiscia nunda ! Ùn capiscia più nunda. Venia di viotàlli nantu u mio caricatore sanu sanu, è ùn era mancu feritu ! Venia di tiràlli nantu una trentina di palle, à solu qualchi metri di mè, è era sempre arrittu, impassibile. Ùn capiscia micca stu misteru. Forse l’ultimu di a mio vita chì, in cundizione simile, più nunda ne nimu ùn pudia più salvàmmi. Eru leccu. Ne aviu cuscenza.

Tandu Vituperi schjattò di risa. A so famosa risa gattiva ch’o udiava tantu dapoi a prima volta ch’o l’aviu intesu. Allora ch’o eru cume ammurtulitu, Vituperi, a voce calma, mi dichjarò :
« Ai vulsutu vedemmi more ? Ai credutu pussutu tumbàmmi ? Povaru conu ! Ai cumplettamente fiascatu. »
Una volta di più, Vituperi schjattò di risa, è pò ripigliò :
« Ti pigli forse per un eroe cume Rambo, ma ùn sì nunda ! Ùn vali nunda ! Sò eiu più forte ch’è tè. Sò ancu più forte ch’è tù credi. Poi tumbà à quale tù voli, ma ùn mi poi micca fà more. Eiu, possu tumbà, ma more, ùn possu micca. Tumbà è more sò duie cose sfarente. Tumbà n’hè micca more, Solechjari. »
Ùn sentia mancu ste parolle, spartu trà l’incumprensione è l’addisperu. L’incumprensione davanti à l’invulnerabilità di Vituperi, è l’addisperu di vede chì eramu probabilmente tutti lechi. Ch’ellu appoghjessi o micca nant’à stu maladettu bottulu rossu, eru sicuru ch’ellu mi tumberia prestu.
È aldilà di a mio personna, sapia chì s’ellu appoghjia nant’à u bottulu, seria una catastrofa umana tamanta in stu paese, è s’ellu ùn appoghjia micca, si sbroglieria quantunque per ripiglià pussezzione di lu so maladettu arsanale, mettendu d’una manera sicuru, u mondu in periculu. In tutti i casi, eramu in una mala sorte.


Fù à stu mumentu precisu, allora chì Vituperi, chì venia di cumpià u so straniu discorsu, s’appruntava à appughjà nant’à u bottulu rossu, chì ghjunghjì Lernazg, à qualchi metri d’elli. A so ghjunta, propiu inaspettata, mi lasciò in u primu tempu indifferente. Ùn pinsaiu mancu à dumandàmmi d’induve venia, ne cum’ellu avia fattu per vene in stu mumentu precisu, ne cio ch’ellu avia fattu di u Culunellu, ne cio ch’ellu venia fà quì. Ùn pinsaiu più ch’è a u fattu ch’o era leccu, è chì parechje centinare di ghjente, ch’ùn a sapianu micca, avianu da more incù mè quandu Vituperi averia appoghjatu nant’à u bottulu.
Puru, a ghjunta di Lernazg ebbi per effectu chì Vituperi, probabilmente sorpresu, pisò u so ditu di u bottulu nant’à u quale s’appruntava à appoghjà, è girò u so capu versu u so cumplice.
Tandu Lernazg, senza prununcià mancu una parolla, alzò a so manu, nant’à a quale si vidia una pistola nera, longa è grossa. Una pistola pocu abituale. Un arma chì avia qualcosa d’eccezziunale, di misteriosu, cume s’elli avianu bisognu d’un arma speziale per tumbàmmi. Forze era u casu.

E seconde parianu divintà minute. U tempu paria d’essessi piantatu custì. Ùn aviu mancu più a forza d’avè a paura. Ch’è Lernazg mi tumbessi avà o ch’o fussi tombu da a bomba m’impurtava micca. Era per mè impussibile di firmà in vita. Ùn ci era d’altra sorte pussibile. Aviu da more prestu. Prestu infine, anderia à cunosce l’Unicu. Era finitu u mio tempu. È incù a doppia minaccia di Vituperi, u peghju s’appruntava per quelli chì firmavanu.


Lernazg, senza primuràssi una seconda di e mio corcie pinsate senza intaressu per ellu, alzò u so bracciu, è rizzò a so arma pisante.

A puntò nant’à Vituperi. Nant’à l’elmu di Vituperi.

Tandu tirò.

U capu di Vituperi esplusò litteralmente.

Allora chì cio chì firmava di lu so corpu, privu di cerbellu, si cascava in terra, a telecummanda, incù u soffiu di l’esplusione, fù lampata in l’aria, attempu à l’affuria è lintamente. À l’affuria in a realità di i fatti, è lintamente in u mio spiritu chì funziunava tandu, in ste stonde dramatiche, ancu più prestu ch’è a ballata di l’accadamenti. A minaccia chì a messa à focu di a bomba s’incendessi quandu a telecummanda incapperia l’asfalta empia cumplettamente a mio mente senza lascià a piazza à nisun altra pinsata.
Prestu, è senza mancu riflette, mi sbatichjaiu in avanti per richjappàlla nanzu ch’ella tuchessi u catramu. Cume s’è più nunda d’altru ùn esistia in stu mondu, ùn vidia più ch’è sta maladetta telecumanda è stu dannatu bottulu rossu chì sbattuleghjava in l’aria, cascandu à u rallentatu, in u mio spiritu. In qualche frazzione di seconde, a telecumanda sì calò in e mio duie manu, in dulcezza, senza uccasiunà nisun pressione nant’à u bottulu rossu. Aviu riesciutu. Aviu riesciutu !
Tandu, squilibratu da u mio saltu mal’assicuratu, per u quale ùn m’eru primuratu ch’è di a telecumanda è micca di mè, cascaiu pisamente in avanti nant’à u catramu, facendummi cusì parechje piccule ferituccie in tuttu u mio esse, ma sempre mantenendu a telecumanda pruteggita, in e mio mani.

Tandu, allora chì u periculu paria passatu, u mio spiritu riprincipiò à funziunà nurmalamente. Accant’à mè, si tenia Lernazg, ben dirittu, incù a so calambria sempre cusì freta, crudella, è impassibile ch’è d’abitutine, chì mi fighjava daretu à i so spichjetti neri. Un pocu più luntanu, u cadavere di Vituperi, privu per u sempre di u so capu, si viotava di u so sangue, sfundatu in terra cume una puppatula disarticulata. A telecumanda, ella, era avà in a mio pussezzione.
Malgratu a presenza di Lernazg, ùn risentia nisun periculu. Ùn avia micca paura, ma solu una sete strema di capisce, di sapè.
Per quessa, ancu senza pinsà à rialzàmmi, u primu affare ch’o feci fù di dumandàlli :
« Ma perchè… perchè tuttu què ? »
Lernazg, incù a so mascara d’indifferenza è di calmu, mi rispose :
« Forse capiscerai un ghjornu. »
Tandu Lernazg s’alluntanò di mè, è senza ch’o ebbi u tempu o a forza di fà qualcosa per arrestàllu, si pusò nant’à u sediu di a motò, ch’ellu fecì smarrà prestu, dicendummi :
« Ùn aghju micca altra scelta ch’è di parte. Ùn ai micca altra scelta ch’è di lasciàmmi parte. Ci ritruveremu, Solechjari. Tumbà n’hè micca more. »
Tandu a motò smarrò, è Lernazg smarì prestu in u luntanu.

Firmatu solu in cumpagnia di u cadavere di u mio più grande nemicu, ebbi infine u tempu di pinsà. U primu affare chì mi venì in mente fù a mio ira contr’à mè d’ùn avè micca pussutu impedisce Lernazg di fughje. Ma in fatti, rializaiu ch’ùn aviu micca a pussibilità di fà qualcosa. Lernazg avia avutu a raghjone. Eru disarmatu, è ellu era armatu ; avia ripigliatu a so motò, è eiu, ùn aviu nisun veiculu ; d’altronde, ancu s’o era troppu fieru per palisàmmi lu, eru statu un pocu sturdulitu da a mio capulata in avanti.
A mio seconda pinsata cuncernava Vituperi. Ellu ch’e u Gruppu E. m’avia incaricatu d’arrestà si trovava infine fora di statu di noce, mortu. Ùn m’aspettia micca à sta fine, ma u più impurtante era u risultatu. Mi dumandavu dinù s’ellu avia veramente avutu l’intenzione di fà saltà a bomba, ma di questa questione, sapiu dighjà ch’ùn averia mai a risposta. A morte di Vituperi mi lasciò un sintimu straniu, cume d’un travagliu incompiu. In fine, ùn era micca eiu chì avia anientitu a minaccia ch’ellu riprisentava per u mondu, ma quellu ch’è tutti cridiamu esse u so amicu, o almenu cumplice. Firmava sempre u misteru di a so insensibilità a e mio palle ch’ùn vidia micca cumu spiegà. Certe, pudia avè nant’à ellu una prutezzione parapalle, ma incù tuttu cio chì li avia tiratu nantu, averia devutu esse ne almenu feritu. U fattu chì u so capu ebbi spudatu cumplettamente senza ch’ellu ci ne firmessi nunda mi lasciava dinù cume un viotu. Forse ùn cunosceriamu mai a so faccia ch’ellu ci piattava dapoi u principiu. Forse, ùn saperiamu mai quale era da veru stu banditu chì ci facia chjamà Vituperi. A missione era compia, è tanti misteri firmavanu.
Dopu, pinsaiu à Lernazg. Mi dumandavu cum’ellu avia fattu per ghjunghje in stu locu, esattamente quand’ellu ci vuria, è sopra tuttu, senza mediu di locomuzione vedevule. L’arma ch’ellu avia utilizatu per tumbà à Vituperi m’intricava dinù, à u vistu di u so risultatu. Certe sapiu chì e pistole tirandu palle splusive esistianu (ben’chè rare), ma mai ùn pinsaiu ch’è u risultatu sia cusì spettaculare. S’o pudia imaginà ch’e, ùn avendu micca u laziu di more, s’era vultatu contr’à Vituperi, mi dumandavu cosa avia l’intenzione di fà, ellu chì firmava sempre in libertà è nocivu.
A mio ultima pensata fù per u Culunellu. Quellu chì era, in pocu tempu, divintatu u mio amicu, ancu s’ùn u capiscìu micca subitu, è chì, l’ultima volta ch’o l’aviu vistu, avia fattu prighjuneru à Lernazg. Mi primurava di sapè cosa li era accadutu, è cosa Lernazg li avia fattu. Cuscentu eru ch’è l’annunziu di a so morte, ancu tandu, averia fattu nasce in mè una granda tristezza.
Infine, cun stentera è straziera, chì aviu pene dapertuttu, mi rimettìu arrittu. Era solu, in un locu persu, senza veiculu, ne nunda. Era troppu stancu di corpu è di mente per vulè pruvà qualcosa. Aspettaiu.


Trè quatru d’ora dopu, ghjunghjì, incù a so vittura, u Culunellu, à a mio scontra, rendendummi moltu felice di vedellu sempre arrittu è sempre in vita, à tal puntu ch’ùn pinsaiu più à nunda d’altru.
Un pocu dopu, m’eru stallatu, pusatu in a so vittura, è mi cuntaiu chì menu d’una minuta dopu à a fughjita di Vituperi, Lernazg l’avia sturdulitu è ch’ellu si ne era fughjitu, senza ch’ellu ne pudessi vede cumu. Li cuntaiu anc’eiu cio chì m’era accadutu fra tempu, è u Culunellu ne fù sorpresu quant’è mè. A prima cosa ch’ellu fecì fù di chjamà una squatra spezialisata di u Gruppu E. per occuppàssi di a bomba. Per noi, a missione era compia. A minaccia ch’ellu riprisentava Vituperi era finita per u sempre, Zorgù ùn minacciava più u so paese, è quasi tutti i cumplici di Vituperi eranu stati incarcerati. Pudiu eiu rivultà in Corsica.



Parechji ghjorni dopu, rivenutu in casa meia, amparaiu in a stampa ch’un scandalu munumentale era accadutu in Bolduvachia, è chì Trànsnep Ciniewvisvik, u Presidente di a Republica Bolduvaca, era statu arrestatu da i servizii sicretti di u so paese per trafficu d’arme. Ch’ellu seria prestu ghjudicatu è ch’ellu risichia di passà e trente prossime annate in prighjone.
U cadavere di Vituperi, ricuperatu da u Gruppu E. ùn fù micca identificatu, è fù messu in terra in u campu santu d’Aghjacciu sott’à una falsa identità. L’aghjenti spezialisati di u Gruppu E. cunfirmonu chì a bomba di Vituperi, in Szlüpek, era veramente una vera bomba atomica, 25 volte più pudente ch’è quella d’Hiroshima ! Cunfirmonu dinù chì a telecumanda spavintosa chì m’avia tantu fattu sudà era bè quella chì ne cummandava a messa à focu. Ella, è tutte l’altre arme di Vituperi, una quantità astronomica, fubbinu pigliate da u Gruppu E. per a sicurezza di u mondu sanu. A missione era dunque riesciuta, malgratu a scappera di Lernazg.

Puru, sempre eru cuntrariatu da l’andatura pigliata da a so fine, è da tutti i misteri chì firmavanu. Certe, a morte di Vituperi era sicura, è ghjustu per què, si pudia dì chì a mio missione era un successu, ancu s’o averiu preferitu pigliàllu vivu, ma tutti l’accadamenti chì a cumponinu, è sopra tuttu l’ultime parolle di Vituperi è di Lernazg avianu bastatu à invelenàmmi a mente.

In cundizione simile, è malgratu a nostra riesciuta, ùn riescia micca à truvà a pace in a mio mente. Aviu bisognu di vacanze. Di vere vacanze.
Per quessa, è incù l’autorisazione di u Gruppu E., mi vultò per un mese in paese, senza più travaglià à nisun misteru, per viutàmmi a mente di tutte e mio pinsate scure.
U Gruppu Epsilon, è u mondu ùn avia micca bisognu di mè per girà. Almenu per un mese.



FINE

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  U Palatinu le Ven Sep 10, 2010 7:45 am

La fin de l'Empire Romain et de Quintus Giuvvanarum



Quelle amertume teintée de regrets que lorsque je repense à mon passé. Jadis fier sénateur romain, puis empereur de Rome, je ne suis plus aujourd’hui qu’un pauvre fantôme qui se demande ce qu’il fait encore là, mais qui pour rien au monde ne s’en irait de cette terre qui sent si délicieusement mauvais le vice, la décadence, la luxure, et la volupté. Ah, si je n’étais pas déjà mort, je sais que je serais encore en vie… pardon, je voulais dire, que je leur ferais encore envie, à toutes ces charmantes damoiselles.
Né à l’époque où Rome dominait le monde, j’eus la chance d’y naître, et c’était déjà un bon départ dans la vie. Départ d’autant plus grand que j’ai eu la chance de naître dans une famille riche, qui possédait déjà avant ma naissance, des biens en profusion, plusieurs résidences secondaires aux allures de palais, de nombreux champs exploités par des esclaves qui n’avaient d’autre choix que de nous obéir à la lettre ou de mourir de la façon qu’il nous plairait de choisir. Mon père avait été consul, et il aurait pu être tétrarque s’il n’avait pas changé d’avis au dernier moment…
Et puis, lorsque je suis arrivé à l’âge d’homme, j’ai comprit que Rome serait pour moi un magnifique terrain de jeu. Certes, nous étions décadents, mais la décadence de Rome avait plus de charme encore que sa puissance austère des siècles précédents, ou encore que la pieuse Rome des papes qui devait se mettre en place au cours des siècles suivants. C’était la Rome de tous les excès que j’avais pour moi. La Rome des orgies à n’en plus finir, la Rome du luxe inouï – pour les seules classes supérieures, bien entendu – la Rome des complots, des gouvernements fantoches, des amusements, des jeux les plus dangereux, et des femmes les plus belles du monde de l’époque, car Rome étant alors le centre du monde, toutes les plus belles femmes finissait toujours par y arriver. Il s’agissait d’un charme vénéneux, d’un charme qui à terme pouvait s’avérer mortel, mais cela nous était égal. Peu nous importait, à moi et à mes semblables, de mourir d’une maladie vénérienne, d’un coup de couteau, d’un verre de vin qui aurait été de trop, ou même de l’ingestion d’une salade de griffes de tapirs qui aurait été assaisonnée au cyanure par un domestique soudoyé par un ennemi. Notre seul soucis était de passer la meilleure vie qui soit, et peu importait si elle était courte, du moment qu’elle nous permettait de satisfaire tous nos caprices.
Peu nous importait également que, au dehors de nos palais plaqués or, le peuple meure de faim. Peu nous importait que ceux qui n’avaient plus rien à manger en fussent réduit à s’attaquer à ceux qui en avaient à peine plus, à partir du moment où ils ne s’en prenaient pas à nous. Peu nous importait que les peuples sensés être sous notre protection, que nous avions annexé par la force des armes, suaient nuits et jours, dans une misère la plus totale, pour produire tout ce qui était nécessaire à nos fêtes. La seule chose importante était que nous les eussions, nos fêtes. Et peu importait, également, que nos soldats, qui de toutes manières n’étaient que des fils de pauvres qui n’avaient pas eu assez d’argent pour monnayer leur non-conscription, se fassent allègrement massacrer à chaque bataille par nos ennemis, à partir du moment où ces batailles se déroulaient loin de Rome. Certes, nous ne restions pas inactifs, puisque dès lors que nous apprenions la perte d’une bataille, nous autres, sénateurs, rappelions immédiatement à Rome le général qui avait fauté, lequel rejetait la faute sur un centurion, lequel rejetait la faute sur un décurion, à tel point que c’était le plus souvent un sous-fifre que nous condamnions joyeusement à mort, en plein centre du Colysée.
Je me souviens également de la mort de l’empereur Cesarinien III. Ami personnel, il reçut précisément 68 coups de couteaux au sortir d’une fête, administré par sa garde prétorienne qui commençait à se lacer de son règne qui n’en finissait plus, puisque commencé plus d’un an auparavant ! C’était un très bon ami, mais je dois dire que sa mort ne m’a pas attristé, dans la mesure où après tout, ce n’était quand même pas moi qui étais mort.
Puis, les sénateurs ont décidé à la quasi unanimité, soit 13 voix sur 14 (tous les autres sénateurs étant absents) de me désigner à moi comme empereur et successeur du pauvre Cesarinien III. Je dois dire que j’ai été plutôt flatté, mais quand même, ça me gênait, parce que ça réduisait mon temps de libre pour tous les milles plaisirs qui naissaient dans mon esprit. Cela dit, je n’ai pas été gêné très longtemps, puisque je n’ai jamais rien fait de ma nouvelle fonction que je n’eus point déjà fait auparavant. L’empire tombait en déliquescence, et le peuple, affamé, n’en pouvait plus, mais cela m’était totalement égal, puisque nos palais, mes palais, étaient bien gardés.

Et puis, il est arrivé ce jour funeste où le peuple s’est littéralement révolté contre moi. Je m’interroge encore quant à la raison de cette révolte, car je n’avais rien fais de plus ou de moins que mes prédécesseurs. Le peuple réclamait entre autre une meilleure répartition des richesses entre tous. Bien évidemment, je ne pouvais guère céder à leurs revendications, car si j’avais donné aux pauvres les mêmes plaisirs que les riches, il n’y aurait plus eu aucun plaisir à être riche, vous me l’accorderez.
À peu près à la même époque, à quelques jours près, en fait, les barbares son entrés dans Rome. Attirés par les richesses de notre belle ville, eux qui n’en avaient pas plus que le plus minable des plébéiens, ils se sont largement servis. Si au moins ils s’étaient contentés de s’en prendre aux pauvres et aux un-peu-moins-pauvres, ça ne m’aurait guère plus ému que lorsque l’on fait condamner à mort un esclave, juste pour le plaisir. Malheureusement, il a fallut qu’ils attaquent aussi nos palais ! Les ordures ! Aucun respect ! Ils ont même osé violer ma femme du moment (pour le puttachju, une ancienne « chanteuse » de niaiseries, issue comme moi d’une grande famille, qui a toujours eu plus d’amants que de voix, mais fort mignonne, quoique son visage soit en grande partie artificiel) ; quoique, telle que je la connais, à cette lovia, elle est bien capable d’avoir aimé ça et d’en avoir redemandé.
Moi, j’ai dû m’enfuir, emportant avec moi tout mes trésors, marbreries, et autres bijoux de familles, pour finalement embarquer, un peu au hasard, jusqu’à ce que mes galères arrivassent, comme attirées par un quelconque sort, en Corse, où je devais tenter de me faire proclamer empereur. Cela ne marchât pas, car le peuple, sauvage hostile et rebelle, refusa catégoriquement de m’obéir aveuglément, et je mourût dans des circonstances profondément humiliantes pour un patricien comme moi, puisque tué, non pas par mes semblables, mais par des hommes du peuple.

Aujourd’hui, lorsque je repense à cette époque magnifique, d’excès en tous genres, où le sublime et le décadent ne faisaient qu’un ; où la richesse des uns était incommensurable tandis que les autres mourraient de faim, époque où tout était permit, pour les puissants (les autres n’avaient pour seul droit que de se la fermer et d’attendre que ça passe) ; je regrette infiniment que le temps n’en soit plus là, et qu’aujourd’hui vous, humains modernes, viviez dans un monde idyllique où la richesse est bien partagée, où les responsables politiques sont tous honnêtes, travailleurs et sans conteste, parfaitement droits, et où nul ne meurt de faim. Car dans le cas contraire, j’ai bien peur que votre civilisation ne finisse de la même manière que la notre.

_________________
U ghjurnale di u Palatinu (lingua corsa)
U ghjurnale di u Palatinu (lingua francesa)


Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta

U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji: 7683
Data d'iscrizzione: 29/11/2009
Lucalisazione: Casinca

Voir le profil de l'utilisateur http://cumpalliols-in-corsu.over-blog.com

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 7:56 am

Leggenda di Lirl l'Errante



Prima parte : Introduzzione



In u 2027, a Corsica, diventata indipendente sei anni nanzu, cunnisciò una vera epica di stabilità è di sviluppu. Ghjuvannu Filangrocca, Generale di a Nazione scuntrò Antònìn Kraputchnik, Presidente di a Republica Bolduvaca, per negucià un’alleanza. Dopu à sta scontra storica, i dui omi, capimachji di dui stati pochi ricchi, anu riesciuti à cunvice a Cummunità Internaziunale di mette in piazza un’agenza mundiale d’esplurazione di u spaziu, per piantà di sparghje tutti i sforzi : a Direzzione Terrestra di l’Uperazione di l’Accunciamenti di u Spaziu. Fù propiu st’agenza chì organizò, in u 2086, a custruzzione di a prima piccula cità nant’à a Luna : Lunis Primus. Dui cent’anni dopu, ci sò dighjà quindeci cità custruite nant’à a Luna. Mà ci vole torna quattru seculi per organizà e prime vere missione d’esplurazione nant’à Mars. È ci vole torn’aspettà trè seculi per vede e prime missione d’esplurazione cunsacrate à Venus.
Ste piccule missione d’esplurazione è d’accunciamentu di u circondu ristrettu di a Terra ùn pudia manc’appena permette di presagì chì l’Umanità fessi allora, per a prima volta di a so storia, a cunniscenza d’un’altra civilisazione intelligente : a Civilisazione Cariutiana.
Originarii di a pianetta Cariutia, pianetta ch’i nostri sapienti anu chjamati Gliesse C, postu ch’ella si trova in giru à a nanna russa Gliesse, à 20,4 annate lumi di noi, i Cariutiani, populu intelligente di sta pianetta, s’assumiglianu assai à noi, tantu à u livellu morfologicu ch’è fisiulogicu, o ancu psicologicu. Mà ci ferma quantunque qualche piccule sfarenze. Prima, ci vole à dì ch’elli sò più maiò ch’è noi, parvennendu cumunemente à dui metri di altu. Dopu, ci vole à dì ch’elli anu a pelle verde chjaru, è cuberta di scaglie cume i rettili ; d’altronde, u torace è l’adomenu sò staccati l’unu di l’altru, cume e furmicule. Soprapiù, ùn n’anu ne unghji, ne peli, ne capelli, ne nasu, ne mancu arechje. Inoltre, anu a testa allungata, piuttostu triangularia, incù un’mentu pinzutu sottu à u quale si trova una boccuccia minghjulella quasi invisìbile. Infine, i cariutiani anu dui ochjoni d’un giallu lividu, s’assumugliendu dà luntanu à ochji di gattu, mà in fattu ochji cumpunati, cume e mosche.
L’organisazione suciale è pulitica di i Cariutiana hè piuttostu simplice, s’assumigliendu assai à u sistema organisaziunale di e cità grecche di l’Antiquità : ogni cità cariutiana hè un’entità indipendente, o dipendente d’un’altra cità.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:00 am

Storia di i Cariutiani



A civilisaziò cariutiana si sviluppò ben’nanzu a civilisaziò umana. In u quindecesimu millenariu nanzu à Ghjesu Christu, i Cariutiani scubrianu a faccenda di u metallu. Trè millenarii dopu, inventavanu a scrittura… U cinquesimu millenariu nanzu à Ghjesu Christu fù quellu di a scuberta di l’electricità è di u principiu di l’Età Industriale. Fù dinù à quell’epica chì l’organisazione di i Cariutiani in cità si misse in piazza. Versu à l’annu 4000 nanz’à Ghjesu Christu, i Cariutiani eranu organisati in parechje cità pudente è affurtunate. Per i Cariutiani, era l’Età d’Oru.

Mà tantu felicità ùn pudia durà, è u stintu carnazzeru di certi dirigenti finì per intravà e brame di libertà è di pace di i Cariutiani… Dà u 3779 à u 3712, nanz’à Ghjesu Christu, i Cariutiani cunniscionu a peghja guerra di a so storia : una guerra mundiale duve tutte e cità fubbenu in guerra l’une contr’à l’astre. Sta terribule guerra cumminciò in u 3779 quandu e cità di Lagluv è d’Idosiol, avviate per un’oligarchia tutalitaria avide d’espansione territuriale, invadinu e cità di Zulna è d’Azomkil. Di colpu, e cità d’Orchalozg è di Fulzen, allegate di Zulna è d’Azomkil, entronu in guerra per difendelle. Postu, e cità di Wielzesao è di Nerziba, allegate di Lagluv, piglionu anch’elle, u caminu di a guerra contr’à a putenza di a cità d’Orchalozg. Infine, Fionvilg, allegata d’Orchalozg, rientrò dinù in u cunflittu, attaccandu Wielzesao… In fattu, di tutte e cità pudente chì campavanu allora nant’à Cariutia, solu e cità di Liozogzig, di Flimpkstatsk-Okronk, è d’Olkandai, ùn participonu à sta guerra scema.

Quandu infine ghjunghjì l’armistiziu, in u 3712, Cariutia era annientita : quasi tutte e cità chì avianu participatu à u cunflittu eranu in ruvina, è a pupulazione cariutiana s’era dividata per cinque. I sopravviventi, cuscenti di a so fragilità, decidinu, per u sempre, di piantà a guerra. D’altronde, più nimu ùn era assai pudente per dichjarà una qualunque guerra. Solu Liozogzig, ch’ùn avia participatu à un’cunflittu, cunniscia sempre l’opulenza, à tal’puntu ch’ell’era diventata a cità a più pudente di a pianeta.

Mà, malgratu u trattatu di pace, l’imbizione egemoniche di certi dirigenti ùn avianu smarite. È postu ch’è i populi avianu ghjuratu di piantà per u sempre e guerre d’espensione, anu decisu, per supplee a guerra à l’altre cità, d’andà à a cunquista di u spaziu per ingrandà e so zone d’influenza. Fù per quessa chì, menu d’un seculu dopu à sta terribula guerra, si svilupponu e prime stallazione nant’à l’astri di u circondu : nant’à a pianeta Anarulia (chjamata Gliese D, per i nostri sapienti), nant’à e lune di Zerenalia (Gliese B), è nant’à tutti l’asteroidi senza nome di abbalavanu in u sistema cariutianu. Dui seculi dopu, i migliuramenti tecnulogichi permettinu à i Cariutiani di francà u spaziu per andà à stallàssi in altri sistema stellarii ch’è u soiu.

U primu sistema ch’elli visitonu, è induve sì stallonu fù u sistema u più vicinu d’elli : u sistema stellariu di Zsenioris. Quallà, in giru à Zsenioris, una stella paracciola à u sole, sì sò stallati sopra tuttu nant’à una pianeta campatoghja, cun aria respirevule è acqua abbundante, chì li permittia di campà cum’elli campavanu prima ind’è elli, pianeta ch’ell’anu chjamatu Cariutera (seconda Cariutia), è sopra a quale anu custruitu a pruspera cità d’Alnaris. Nant’à sta pianeta, ùn anu micca avutu prublemi particulari, è di colpu, si sò sminticati di e so radiche, sì sò addurmintati nant’à a gloria d’Alnaris, è ùn anu più fattu nunda di novu, caschendu prugressivamente in a dicadenza.

In stu sistema, si sò stallati dinù nant’à l’altre pianete : Denzen, Sokzen, Soklab Ytras è Noscl. Eranu pianete senz’atmosfera, ne acqua, è dunque, senza vita. Per pudè campàcci, i Cariutianu funi ubligati di custruì cùpule di prutezzione tamante sott’à e qualle, stallavanu tuttu cio chì li era indispensevule per a so sopravivenza. Stu generu di stallazione, moltu cunsumatore in energia è in metallu, era naturalmente pocu prupizia à una stallaziona generalizata nant’à tutta a pianeta, è di fattu, a ghjente, ubligata di firmà chjosa sott’à e cùpule, ùn pudia prughjettà d’andà stallàssi nant’à tutte e terre vergine di ste cinque pianete, cundannati à una vita pocu agradevule, à tal’puntu chì, di passavanu e ghjenerazione è eranu sempre menu numerosi.

U secondu sistema ch’elli visitoni è induve si stallonu fù ben’intesu u secondu sistema u più vicinu di Cariutia : u sistema di Lerghenis, stella di tipu solare, in giru di a quale giravanu una decina di pianete, trà e quale, una sola campatoghja : Gherccebà. Cume Cariutia è Cariutera, Gherccebà era una pianeta cafiurnita in acqua è ossigena, è per quessa, quandu i Cariutiani ci sò ghjunti, ci anu trovu quallà una fauna è una flora bundante è ancu suffucante. A flora, moltu densa è invadente li impediali di stallàssi in i rughjoni i più salvatichi di a pianeta. A fauna ùn valia tantu megliu : assai più ostila è aggressiva ch’è nant’à Cariutia, s’attacava à elli ogni volte ch’ella pudia. I peghji eranu sicuramente i bizzichilonghi. Razza giganta d’essari mezi acelli mezi biciartuli, custituavanu sturbe temevule chì funu à l’origine di più d’un sfragellu di Cariutiani. Furbi è intelligenti, cun logiche di cacciadori, eranu i peghji nemichi di i Cariutiani nant’à i cuntinenti. Per quelli chì vulianu francà u mare, s’ell’ùn ci era micca bizzichilonghi, s’inticciavanu cun d’altri nemichi. L’ingurdoni, essari madurnali è crudeli chì parianu Draconi di l’Apocalisse, brullighjavanu talamente chì per i Cariutiani stallati nant’à Gherccebà, era quasi impussibule di francà u mare. Infine, u clima anc’ellu, ùn era tantu piacevule. Nant’à e coste, i cicloni si succedavanu senza mai scuntinuà, cumprumettendu irremediabilmente a pussibilità per i Cariutiani d’edificà cità è paesi. À l’internu di e terre, eranu i volcani, moltu numarosi nant’à sta pianeta, chì arruvinavanu e sperenze cariutiane di stallàssi in certi lochi. Ancu a pioce, ùn era frolla nant’à sta pianeta, postu ch’ell’inghjenerava quasi sempre inundazione è fiumare, chì, à u megliu, sfuriava e case, è à u peghju, ghjunghjia à distrugge parechje cità.

Cun tutti sti prublemi, e stallazione cariutiane, nant’à Gherccebà ùn eranu fioride, è tutte e cità, ancu e più maiò, e più pudente, custruite in u primu seculu di a stallazione cariutiana nant’à Gherccebà ùn eranu più ch’è ruvine menu di trè seculi dopu. I Cariutiani sopraviventi, cuscenti chì u salutu era di stallàssi in pienu disertu animale è vegetale, è u più luntanu pussibule di e coste, di i vulcani, è di i rughjoni sottumessi à e forte pioce, si sò ramintati tutti in un’solu locu, un’disertu caldu di renna, duve era custruita una sola cità : a citadella d’Izuzzò, piazza forte tamanta, chjosa è bischjosa, in a quale si so stallati quasi tutti i Cariutiani di Gherccebà.

I Cariutiani ch’ùn si so stallati, nè in giru à a so stella, nè in u sistema di Zsenioris, nè nant’à Gherccebà sò andatu ancu più luntanu, è si so persi in u spaziu, smariti per u sempre, senza mai sviluppà nisun’stallazione.

Fù cusì chì u Populu Cariutianu divintò, in qualchi seculi, un’populu mezu sparitu, mezu mortu. Subitu dopu à u carneghju di a maior’parte di i Cariutiani durante a Guerra, i sopravivventi, in vece di ricustruì paesi è populi, fustinu troppu numerosi à lascià a so pianeta per fà un sforzu d’andàssine à fundà nove culunie in u spaziu, spalluzzandu ancu di più una razza dighjà prufundamente corcia dà u destinu.
In ogni lochi duve si eranu stallati, i Cariutiani eranu miserevuli. Troppu spalluzzati è pocu numerosi, ùn puddianu più fà mantene a so civilisaziò, è ancu menu fà crescela.
U peghju era per quelli chì eranu firmati nant’à Cariutia. Quallà, tutte e cità eranu in ruvine, è sola quella di Liozogzig firmava sempre arritta è pudente. À u capu di sta cità, una casta d’essenza dittatoriale impunia a so legge è a so schjavitù à a pianeta sana, privendu u populu di a Libertà.

Cusì era a situazione, più di sei mille anni dopu à u principiu di a splurazione spaziale, quasi sette mille anni dopu à u principiu di a Guerra, versu à l’annu 3000 dopu à Ghjesu Christu. I Cariutiani smariscianu. In difficultà strema nant’à Gherccebà, in dicadenza nant’à Cariutera, pochi numerosi nant’à l’altre pianete di u sistema di Zsenioris, scuntravanu dinù prublemi serii nant’à Anarulia, è sopra tuttu, per quelli chì eranu firmati ind’è elli, sottumessi à una terribule dittatura nant’à Cariutia. Dà veru, u Populu Cariutianu si murria... Mà era nanzu à a ghjunta di Lirl l’Errante.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:02 am

Ghjuventù di Lirl




I Cariutiani sì stallonu in diversi lochi di u spaziu ; in u sistema noscliurianu (in Alnaris), nant’à Gherccebà (Izuzzò) è in gira à a so propia pianeta (nant’à Anarulia). Ma s’è larghe pupulazione seguitonu stu schemà, qualchi gruppi più marginali ebbenu un’destinu assai sfarente, stallandussi for’di e strade cummune. Tal fù u casu di un picculu gruppu di Cariutiani chì fù ubligatu di stabiliscessi in u sistema sulare ; u gruppu da u quale fù esciutu u nostr’eroe, Lirl.

Sta piccula cumunità chì campava inizialmente in a cità d’Izuzzò, fù esiliata in u 2804 nant’à un picculu asteruidu vicinu di Nettuna per avè pruvatu à fà cascà u guvernu. Ghjunti stanchi morti in u 2934, ùn eranu più ch’è 156 sopravivanti. Puru, malgratu a strettezza di stu gruppu, ghjunghjinu quantunque à custruì una piccula cità nant’à l’asteruidu, à campàcci, è ancu à crescecci.
Ma, in u 2956, un’fucone tamantu è subitaniu distrughjì tutte e stallazione cariutiane di u locu, annientendu di colpu, tutta a cummunità cariutiana, o quasi, chì nant’à e 237 anime di stu gruppu, 236 perdinu a vita. U sopravivantu, o piuttostu a sopravivanta, sì chjamava Tranella, una ghjovana cariutiana chì aspettava un’ciucciu. Tranella, senza pudè fà nunda per aiutà i so cumpagni, ùn ebbi ch’è u tempu di piglià l’ultimu vascellu è di fughje per u sempre a cità strutta, andendu versu a pianetta campatoghja a più vicina, à u vistu di u pocu d’autonumia di u so vascellu : a Terra.

Nant’à a pianetta Terra dapoi à fine di u secondu millenariu, a vita umana s’era moltu amegliurata. A guerra avia cumpletamente smarita è i populi campavanu in armunia durabile, senza più strugge a natura.
In Corsica, sempre indipendante dapoi u 2021, parechji seculi di ghjestione intelligente avianu fattu nasce una sucietà antica è muderna attempu. A pulitica di riacquistu era stata propiu benefica per a Corsica, à tal’puntu chì lingua è cultura ùn eranu sminticati, è chi l’antichi paesi di petre firmavanu à l’anticu, senza custruzzione muderna à vicinanza.

Dopu à a mille sforzi, Tranelli ghjunghjì, accaliata, in Terra, riescendu dinù l’altra prudessa d’ùn fàssi vede da nimu. Ponendussi à a vicinanza di u picculu paese d’Ostraghja, in pieva di Rusaliu, Tranella riescì à piattàssi in una spilunca, incù u so vascellu, è pochi ghjorni dopu, nascì u cicinu ch’ella avia in pettu. Era un mascu, è Tranellu u chjamò "Lirl", chì si puderia traduce per "Sperenza", cio chì, à u vistu di a so situazione, ùn era ch’è un segnu d’una brama d’ùn piantà mai di sperà è di sunnià. Fù cusì chì piattatu da u sguardu di tutti, u bambinu, allivatu da a so cara mamma, ingrandò.

Tranella, chì era un idealista, allivò u so figliolu in u rispettu di a tradizione cariutiana, amparendullu tuttu a so storia. Cusì, li parlò di i so antennati i più luntani, campendu in a cità cariutiana di Fulzen, li parlò di a Guerra, di quelli chì si ne eranu andati à campà in altrò, nant’à Anarulia, nant’à Cariutera, o nant’à Gherccebà. Insistì particulariamente nant’à u so esiliu di Gherccebà è u perchè di a so situazione. U figliolu stavà sempre à sente ste fole incù un’intaressu tremendu, è dighjà chjucu, ghjucava, solu, à l’urganisazione di u ritornu di tutti nant’à Cariutia, a pianeta mamma.

Parechji anni dopu, Lirl, diventatu maiò, diventatu un bellu cariutianu sfacciatu, forte, è intelligente, pensava sempre chì u so duvere era di rivene nant’à Cariutia, o almenu di pruvàllu. Era ancu a so ambizione suprana, ancu s’è a so mamma u pinsava impussibile.

Ma a brama di ritornu era più forte ch’è l’amore maternale, chì pochi ghjorni dopu l’entrata di Lirl à l’età adultu cariutianu, pigliò una decizione impurtantissima chì devia mudificà u so destinu : prufittendu di l’assenza di a so mamma, decidò, pigliendu u so vechju vascellu, di riparte, solu in u spaziu, sperendu truvà una suluzione per rivene nant’à Cariutia.

Senza pensà à e cunsequenze, à i risichi, o à u spaventu di a so mamma di vedellu partutu, Lirl fecì smarrà u vascellu incù moltu sgalabatezza, per ritruvàssi, assai prestu in u spaziu. Assai prestu, ne risentì un sintimu straniu, ch’ellu ùn avia mai avutu nanzu, un sintimu di viotu, d’immensità, è di sulitudine, capiscendu d’un colpu perchè i primi Cariutiani à esse andati in u spaziu avianu risentiti un’bisognu di visità tuttu, di stallàssi dapertuttu, è chì, in fatti, sì sò spapersi cusì faciulmente.

Ghjuntu à u livellu di a Luna, vedì un’vascellu immensu di più di centi chilometri di longu chì u stumacò monda, è u spavintò assai. Certe Lirl sapia propiu chì ci eranu stallazione umane nant’à a Luna, ma era propiu cuscentu chì a tecnulugia umana ùn seria mai stata capace di custruì un mostru cusì grande.
Ben ch’è impauritu, s’avvicinò quantunque di u « mostru ». À stu mumentu precisu, sentì un missaghju radiò invitendullu à rientre in u vascellu per un apertura chì sì truvava in u so campu di visione. A voce li paria straniera, ma er auna voce aggradevule, è per quessa, fù subitamente messu in cunfianza. Senza mancu piglià u tempu di a riflezzione, s’avvicinò è ci entrò.

Nentru, vedì un’rimpianu chì paria fattu apposta per pone u so vascellu. À stu mumentu precisu, u vascellone sì chjudì è Lirl ebbi l’impressione d’esse statu fattu prighjuneru. Ma ùn ebbi mancu u tempu di spavintàssi chì un altru missaghju radiò li annunciò ch’ellu pudia esce di u so propiu vascellu, chì eranu in un spaziu duve l’aria era rispirevule, è ch’elli avianu à parlàllu. Ben ch’è spavintatu, Lirl ubidì.
Escendu di u so picculu vascellu calladu in un vascellone sottumessu à una spezia di gravità artificiale, fù prestu righjuntu da quattru essari veramente stranii, duie volte più chjuchi ch’è ellu, nè umani, nè cariutiani. Cumplettamente spaintatu, Lirl decidò di fughje à u so vascellu piglià arme per ubligàlli à lasciàllu esce, cummincendu à maldice a so imprudenza, ma i quattru essari, chì parianu piuttostu pacifichi, l’inspiravanu cunfianza. In fatti, ùn ebbi micca à aspettà troppu longu, chì, assai prestu, unu di st’essari sì misse à parlàllu :
« Ùn ti spaventi micca, o Lirl. Male ùn ti vulemu. Simu quì per aiutàtti ! »
Lirl, stumacatu, è un pocu rassicuratu, ùn rispose nunda, è l’altru cuntinuò :
« Sapemu tuttu cio chì ci hè à sapè di tè, è simu decisu à aiutàtti. Stu vascellu hè u Vededelà. Hè un veru ghjuvellu di tecnulugia. U ti rigalemu. »
Lirl, chì cumminciia solu à ritruvà a forza di parlà, dumandò :
« Vi ringraziu… vi ringraziu, o signori… ma perchè… perchè fàmmi un rigalu tamantu ? »
È u so interlocutore li spiegò, incù a so voce rassicurante :
« Ti cunniscimu megliu ch’è tù u pensi. Sapemu tuttu di e to brame di ritornu nant’à Cariutia. Sapemu dinù ch’è tù vogli circà tutti i Cariutiani chì firmanu spapersi in u spaziu per mandalli fin’à Cariuti : quelli di Gherccebà, quelli di Cariutera, quelli di tuttu u sistema noscliurianu, quelli d’Anarulia, è ancu quelli ch’è tù ùn cunnosci mancu per avà. Simu d’accunsentu cun tè, è simu à u to latu. U poi fà. Poi rializà e to brame, sopra tuttu cù un tale vascellu ; ùn ne truverai mai più grandi. Poi fà cio ch’è tù voli. »
Lirl, monda cummossu, rispose cun’gran’pena :
« Vi… vi ringraziu… Mà cum’aghj’à fà per fàllu viaghjà, quessu, u vascellu ? »
Quellu chì li parlava dapoi u principiu li rispose :
« Unu di noi u t’amparerà, chì ti susteneremu fin’à a fine… D’altronde, pensu chì hè venuta l’ora di fà e prisentazione. Eiu, mi chjamu Lughjarcu, è accant’à mè, ci sò Tiart, Denrag, è Ruklinò. »
Lirl, ch’ùn sapia più cosa risponde, chì l’emuzione era troppu forte, rispose solu :
« Vi ringraziu, o Lughjarcu… Ma avà, chì facciu, eiu ? Cosa emu da fà ? »
« Avà, ai da rientrà nant’à a Terra per ritruvà à a to mamma. Ci vole ch’è tù li spieghessi tuttu è ch’è tù a pigliessi cun te, ch’è tù pigliessi e to affare per vene incù noi in stu vascellu. Cusì, averemu u tempu di fà cunniscenza è d’amparàtti tuttu cio ch’è tù ai à sapè per riempie a to missione. Dopu, averai à urganizà a pianificazione di u viaghju. Viderai chì u vascellu hè quasi assai grande per stallàcci tutti i Cariutiani di a diasporà, per mandàlli fin’à Cariutia. »
« Per cunclude u discorsu di Lughjarcu, diceraghju dinù chì noi quattru, t’accumpagnemu per aiutàtti à u megliu. A nostra civilisazione hè assai più vechja ch’è a toia, simu assai in avanza, è puderemu dunque aiutàtti è cunsigliàtti à u megliu. »

Lirl, ch’ùn sapia più s’ellu debbia rallegrassi o micca, decidò, cun moltu appreenzione, di visità u vascellu di i Facciuti Verdi. Nentru tutt’era grande è bellu, è dinù lussuosu, cio chì li paria strasurdinariu, quand’ellu pinsava à u so vechju vascellu, grande cume un vitturone. Ci eranu centina di millaie di cabine, in e quale, Lirl ci pensava dighjà, puderia campà i Cariutiani scuntrati, aspettendu u ritornu nant’à a so pianetta. Lirl sì stallò per pilotà u vascellu, è sott’à u cunsigliu di li so amichi novi, è, cù u picculu vascellu di a so mamma, rivultò nant’à a Terra senza fàssi rimarcà da l’umani.

Una volta di ritornu in a spilunca accant’à Ostraghja, si facì bruntulà dà a so mamma, mà u nostr’eroe riescì quantunque à tene u colpu è à spiegàllu tuttu. A mamma, ben ch’è chjuzzica à un puntu chì francava u cumprendimentu, sì rallegò à u parè di u so figliolu, dopu à un cuntrastu di quasi un ora. Stu puntu assicuratu, qualchi ghjorni dopu, Tranella è Lirl si n’andonu, per u sempre, di a Terra, pigliendu u so vechju vascellu.

Fù cusì chì, righjunghjinu u Vededelà, duve Tranella fì a cunniscenza di i quattru Facciuti Verdi, è chì parechji mesi dopu, mesi durante i quali i quattru Facciuti Verdi s’occuponu di l’educazione di Lirl per a so missione, u vascellu pigliò a direzzione di u spaziu infinitu.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:07 am

Gherccebà



A missione assegnata à Lirl da Lughjarcu s’assumigliava monda à un’sonniu inaccessibile, à un travagliu chì seria più ch’è difficiule à fà, ma veramente impussibile. Utilizandu u Vededelà, vascellu spaziale gigante messu à a so dispusizione da i Facciuti Verdi, devia percorre tutte e culunie passate o prisente di a so sterpa, cosa chì riprisentava dighjà un’travaglione impurtante, ritruvà tutti i Cariutiani, riesce à cunvincelli di seguitàllu per rigirà nant’à a so pianeta natale, è cusì, rinvivisce u populu cariutianu murendu. Li paria bè d’ùn avè micca à bastanza d’una vita per compie una missione simile, è l’ombra di u scuraggime l’avia invaditu.
Puru, tantu per cumbatte e so paura ch’è per cummincià à u più forte, Lirl avia decisu di principià per u più difficiule : a pianeta Gherccebà, è sopra tuttu a citadella d’Izuzzò. Sta missione si prisentava cume essendu a più difficiule à u sguardu di tutte e culunie di Cariutia, chì Gherccebà era una pianeta moltu strania, insottumessa, incù e so regule climatiche propie. D’altronde, aldilà di e cundizione fisiche, a pianeta era pupulata da moltu bestie salvatiche, fra e quale e più cunniscite eranu l’ingurdoni è i bizzichilonghi. Infine, l’Izuzzoninchi, induriti da una pianeta tale, avianu una mentalità moltu particulare, s’assumigliendu quasi à una mentalità di salvatichi, è ùn accetterianu micca u cambiamentu ch’ellu avia da prupone Lirl, chì d’altronde, tenia sempre in a so mente u ricordu di u pruscrimentu di i so antennati.

Inoltre, Lirl ùn avia micca sceltu di rivene nant’à Gherccebà senza riflette : avia dighjà elaburatu un pianu. Cuscentu di u risicu per ellu è per quelli chì l’accumpagnavanu, di pone u Vededelà in i lochi i più salvatichi di a pianeta, decidaiu di lacàllu in orbite in giru à Gherccebà, è di piglià un vascellu più chjucu, è dunque più manighjatoghju, per rendessi à u locu u più vicinu pussibile di a citadella d’Izuzzò, à solu qualchi chilometri di i muraglioni di a misteriosa citadella.
Fù cusì chì, parechje ore dopu à esse ghjunti à prussimità di a pianeta, Lirl appruntò un’vascellucciu, prisente in u pagliolu di u Vededelà, è, incù Lughjarcu chì avia tantu insistatu per accumpagnàllu, fecì u viaghju spaziale chì i cunducì nant’à u pianu di Gherccebà.
Si poninu, cume previstu, in un’locu disertu, custituitu di rena fin’à l’orizonte. U locu era da veru un disertu aridu custituitu di poghji di rena chì si seguitavanu à un’ritimu difetrosu. U celu, uniformamente turchinu, s’assumigliava monda à u celu terrestru d’estate. U locu era propiu brusgente è ùn ci era mancu un soffiu di ventu per rinfrescàllu appena.
Fù in stu locu assuffucante chì Lirl, accumpagnatu da Lughjarcu sbarcò. I so primi passi fubbini moltu difficiule, micca per via di u caldu o di a to fatica, ma solu perchè l’emuzione li tagliava l’energhjia. Per a prima volta di a so vita, Lirl viaghjava nant’à una di e pianete e più impurtante di a diasporà cariutiana : Gherccebà a terribule, Gherccebà a salvatica, Gherccebà a malefica, l’Infernu !
Era nantu à sta pianeta chì i so antennati avianu sbarcati un’ghjornu, bramosi d’un avvene megliore per u so populu, è ch’elli avianu scuntratu un’infernu ostile. Era quì chì per via di un bestiame cusì stuzzicachjolu è d’una flora cusì assuffucante, ch’elli ùn avianu micca avutu d’altre scelte ch’è di stallàssi in pienu disertu per pudè campà, malgratu u caldu è tutte e difficultà di u locu.
Oltrepassendu e so emuzione naturale, Lirl ripigliò qualche forze à misura ch’ellu viaghjava. U caldu si facia sente, incù una timperatura di quasi cinquanta gradi. Lirl firmava silenziosu, pensendu à u curaghju di li so antennati d’essessi stallati in un rughjone cusì ostile. Lughjarcu firmava silenziosu anc’ellu, cume pensendu à un affare piattatu.
In ogni direzzione, ùn ci era ch’è rena, custituita in poghji più o menu regulare, più o menu grandi. Puru, a munutunia era truncata, à u luntanu, da a siluetta di a citadella d’Izuzzò, sempre più vicina d’elli à misura ch’elli si n’avvicinavanu. Citadella di petra è di rocca à mezu à a rena di u disertu. Testimonia d’una prisenza à mezu à tant’assenza.

U silenziu è u calmu di u locu fù spezzatu prestu prestu quandu, menu d’una mez’ora dopu à u sbarcamente di Lirl è di Lughjarcu, un’bizzichilongu spuntò d’un colpu da daretu à elli, senza ch’elli avissinu u tempu, ne di fà qualcosa, ne mancu di sentellu ghjunghje, per pigliàssi u tintu Lughjarcu cù u so bizzicu nanzu di riparte in l’aria. U curciarellu di Lughjarcu sì missi instantanemente à mughjà di paura è di dulore. Ma allora chì l’animale s’appruntava à riparte in u celu, Lirl, ch’ùn era micca firmatu inattivu, pigliò a so pistola, è tumbò a bestia d’una fucilita in pienu core.
In a so agunia, u mostru cappiò infine u tintu Lughjarcu, più cumossu ch’è feritu. Senza più primuràssi di u bizzichilongu chì si muria, Lirl si precipitò prontamente vers’à u so amicu per aiutàllu :
« Ò Lughjà ! Cumu sì ? Và bè ? Ti senti bè ? »
« Iè, và bè o amicu… Aah ! Ti ringraziu d’avè salvatu a mio vita… Senza tè, sarebbe statu mortu, scagnulatu da… da sta creatura. » Li rispundò Lughjarcu, a voce intratagliata da stridi di dulore sempre vivace.
« Ùn possu accità i to ringraziamenti o Lughjà… Senza mè, mai ùn sarii statu ubligatu di vene quì, in stu locu persu… » Riplicò Lirl, culpebilizante monda.
Lughjarcu firmò muttu durante un’picculu mumentu, cume persu in e so pinsate, pò pruponì :
« Era un’errore ch’è di callàssi cusì luntanu di a citadella d’Izuzzò… Troppu periculi… l’anziani, quelli chì avianu custruiti Izuzzò, hà sappianu chì a pianeta hè più ch’è periculosa… Hè per quessa chì sì sò datu talmente pena à custruì una citadella in piena rena… Ci vole ch’è no ci ripusimu qualchi ghjorni… u tempu per mè di cicatrizà… è pò dopu, anderemu direttamente à pichjà à e porte d’Izuzzò… serà megliu di fà cusì… »
Lirl riflettì duie seconde à e parolle di Lughjarcu, chì li parianu empiite di raghjone è di bon sensu. Per quessa, dopu à un ultima esitazione, rispose :
« Ai raghjò o Lughjà. Femu cusì. »
Dopu à st’ultima decizione, si ne rientrinu tramindui in u Vededelà.

Parechji ghjorni dopu, mentre chì e ferite di Lughjarcu eranu chjose è ch’ell’era quasi guaritu, i dui cumpari riturnonu per a seconda volta nant’à a pianeta Gherccebà, callendussi, per sta volta, à prussimità di a citadella. Quessa, à vidianu dà vicinu per a prima volta. E muraglie facianu più di sessanta o settanta metri di altu, è si sparghjia nant’à parechji chilometri quadrati. Dà luntanu, paria un’castellu di u medievu, mà dà vicinu, s’assumigliava di più à una furturessa militaria ch’è à un’locu di vita. Tutt’era chjosu, è ancu curazzatu. Si vidianu poche finestre, è ancu menu porte. Si vidia chì stu locu era statu custruitu per ùn esse pigliatu, per ùn esse invaditu per i nemichi, è micca per campà.
Lirl è Lughjarcu eranu sempre à guardà a furturezza tamanta, riflettendu à u mezu per entràcci, quandu d’un colpu, d’una porta ch’elli ùn avianu vistu, spuntò una trentina di cariutiani armati chì l’achjerchjoni prestamente nanzu ch’elli appienu avutu u tempu di fà qualcosa. Lirl è Lughjarcu, in inferiorità numerica, avianu un’pocu a paura. À un mumentu datu, unu chì paria u capimachja, postu ch’ùn era micca vestutu cum’e l’astri, s’avvicinò di Lirl è li dumandò, d’una voce forte :
« Quale sì, tù ? »
Lirl, senza lacàssi cummove, rispose :
« Sò cariutianu, cume tè… Mi chjamu Lirl, è i mio antenatti campavanu in a cità di Fulzen. »
È l’altru, senza parè fà casu di sta risposta, dumandò :
« È cosa hè st’estru ignobile accant’à tè… Site invaidori ? »
Lirl, pigliò subitu a difesa di u so amicu, mughjendu à u so tornu :
« Ellu si chjama Lughjarcu, è hè u mio amicu… Ùn hè micca un Cariutianu mà hè un’fratellu quantunque ! M’aiutu per fà a mio missione ! »
U capimachja di a guardia d’Izuzzò fighjulò disprezzamente Lughjarcu chì, senza lacàssi cummove, sustenia u sguardu, pò dumanda, suspiciozu :
« È… cosa hè a to missione ? Attaccaci ? »
Lirl, chì s’era veramente resu contu chì u so interlocutore era un’abbrutitu, rispundò quantunque :
« Nò, o sgiò ufficià… A mio missione hè di ramintà tutta a diasporà cariutiana fin’à Cariutia, chì u populu cariutianu si ne more. »
È tandu, l’ufficialu rispose :
« Cosa hè sta cunneria ! Emu vistu u to vascellu ghjunghje, è ci simu spuntati per pigliàvvi per piantà l’invazione… Noi, l’Izuzzoninchi, ùn emu mai fattu cunfianza à nimu, è hè per quessa chì simu sempre quì ! Andarete tutt’i dui à fà a cunniscenza di e nostre prighjone fin’ch’è voi abbiate palisatu a verità ! »
È, seguidendu l’ordine di u so capimachja, tutt’i guardii cariutiani puntonu subitu subitu e so arme vers’à Lirl è a Lughjarcu. I dui amichi, u cariutianu d’Oronimu natu in Calasima, è u facciutu verde, cusì minacciati, eranu ubligati di seguità l’izuzzoninchi chì li mandavanu fin’à a prighjò d’Izuzzò.
Prima, cundutti dà i suldati izuzzoninchi, Lirl è Lughjarcu anu francatu una piccula porta piattata in a muraglia, è dopu à un’cortu tunellu, si ritruvò per a prima volta nentru a citadella. Lirl è Lughjarcu fùni veramente stumacati di vede ch’ùn ci era nimu per guardàlli passà. Ùn ampareranu ch’è dopu chì eranu passatu per un’carrughju pocu populatu. Mà nentru, a citadella, ùn avia micca anima : era stata custruita per esse funziunale, è basta ! Ancu s’ell’era ben’fatta, ùn ci era nisun anima…
Dopu à un viaghju d’una mez’ora, Lirl è Lughjarcu funi ghjittati in prighjò, in una carcera bughja, chjuca è brutta.


Parechji ghjorni dopu, Lirl è Lughjarcu eranu sempre in prighjone. Dapoi u principiu di a so incarcerazione, ùn avianu scontru à nimu o quasi nimu. A carcera in a quale eranu stati chjosi, carcera ch’ùn avianu micca lasciata dapoi u principiu, era cumpletamente viota, è fora di e visite cutidiane di un guardianu mutu per purtàlli à manghjà, ùn avianu vistu à nimu.
Ùn sapianu micca quandu avianu à pudè esce di sta prighjone, è s’elli avianu à esse ghjudicati o micca, è principiavanu veramente à avè a paura di cio chì s’impruntava. Quelli d’Izuzzò parianu decidati di lacàlli more in prighjone. D’altronde, l’assenza prisunta di riazzione di quelli chì eranu firmatu in u vascellu per vene à liberàlli cuntribuia à dàlli u sintimu d’esse stati abbandunati.
Mà più ch’è a paura, si ponianu quistione, dumandendussi sopra tuttu quantu tempu firmerianu incarcerati in sta carcera bughja senza lume ne spiranza, quantu tempu avianu à firmà chjosi ind’una prighjone, nant’una terra straniera. Si dumandavanu dinù perchè i rispusevuli di a so incarcerazione li lacavanu cusì senza fà nunda, senza dumandàlli nunda, è senza mancu fàlli torturà per fàlli riccunosce qualcosa, cume u capitanu di i guardii l’avia detta. Era l’ultima volta ch’elli avianu vistu u lume di fora. L’ultima volta.
A matina di u quatresimu ghjornu, Lughjarcu, diventatu amaru dopu à tant’ore di ditenzione, dichjarò, cusì, à Lirl :
« Quessi quì, s’elli abbianu avutu una piccula idea di quale sò eiu, ùn m’averia mai trattatu cusì. À ti dicu eiu ! »
Lirl era un’pocu stumacatu di sente un’affare simile… Primu, perchè era a prima volta ch’ellu sentia à Lughjarcu parlà cun tanta sufficienza, ellu d’abitudine sempre mudestu, è dopu perchè venia di rendessi contu ch’ùn avia mai parlatu veramente cun ellu di u so passatu. S’è Lughjarcu cunniscia tutt’a vita di Lirl, Lirl, à contu soiu, ignuria tuttu di a vita passata di Lughjarcu. Solu sappia ch’ellu era ben’più vechju ch’è ellu, chì Lughjarcu li avia amparatu esse natu parechje millenarii nanzu.
Da u so latu, Lughjarcu, chì podasse avia induvinatu a pinsata di u so amicu, precisò :
« Eiu, sò unu di i guvernori di KL 16. »
Lirl, più curiosu ch’è stumacatu, si spicciò di dumandà :
« È cosa hè, KL 16 ? »
Lughjarcu, malgratu a so incarcerazione, era cuntentissimu di vede l’interessu di Lirl per a so personna. Inoltre, era a prima volta dapoi una stonda chì qualchissia li dumandava di parlà d’ellu. Per quessa, rispose incù moltu piacè :
« KL 16 hè una cità spaziale maiò maiò di parechje decine di chilometri di diametru ; iè, parlu di diametru postu ch’ell’hè tondula, sferica ; è simu, à pocu pressu, duie mille "Facciuti verdi" cume vo ci chjamemu, à campà quallà. È eiu, più di vint’anni fà, sò statu elettu guvernore di sta cità ; in fattu, unu di i dece guvernori di a cità. »
Lirl, veramente interessatu dà cio ch’ellu cuntava Lughjarcu, l’incuraggì :
« Ah iè ? È cumu si passanu l’affare, quallà ? »
Lughjarcu, parendu impenseritu, rispose :
« A vita quallà, ben’ch’è ùn siamu povari, è ben chè no abbiamu tuttu cio ch’ellu ci vole per vive, ùn hè micca veramente una vita… Ùn hè micca veramente una vita di firmà sempre chjosi cun quattru muri di metallu per cunfine, senz’un’altru pezzu di verdura ch’è i nostri giardini artificiali, è senza pudè campà in veru nant’una vera pianeta vera. »
« Perchè ? Pianeta, ùn n’avete ? » Dumandò Lirl incù moltu cumpassione.
Lughjarcu, chì paria più tristu, rispose cun’pena :
« Innò… Pianeta ùn ne avemu più… Tutt’u nostru populu, a nostra razza, hè raccolta in e quattru cità spaziale : KL 16, KL 22, KL 37, è KL 40. Tutte listesse, ancu sè KL 16, a meia, hè più chjuca ch’è l’altre. Ùn firma più ch’è 14 000 "Facciuti verdi" in tuttu l’universu… Simu ancu menu numarosi ch’è voi… Pianeta ùn ne avemu più… ùn avemu più, per campà, ch’è sse quattru cità artificiale. »
Dop’à avè dettu què, Lughjarcu firmò zittu, cume astracatu, anientitu. Lirl, ellu, era pensosu. Per a prima volta ch’ellu li parlava d’ellu è di u so populu, Lughjarcu discrivia un populu più disgraziatu ch’è u soiu : sè i Cariutiani eranu un populu mezu sparitu spapersu dà "mare" in là, u populu di i "Facciuti verdi" era veramente un’populu quasi sparitu ch’ùn avia più casa è poche sperenze.
Primurosu di fà qualcosa per aiutà quellu chì l’avia tant’aiutatu, Lirl, appena cummosu dà e rivelazione di u so amicu, li dichjarò :
« S’o possu fà qualcosa per aiutà u vostru populu, dimmilà, o Lughjà… è feraghju… »
Lughjarcu, senza parè avè riflettitu, li rispose :
« Iè poi fà qualcosa… S’è tù adempii a to missione cume no’avemu dettu prima, serà propiu bè. »
È dop’à avè dettu què, Lughjarcu si tacì. Lirl era più pensosu ch’è mai. Oramai, ùn capiscia micca perchè, u fattu di compie a so missione seria un’bè per i Facciuti verdi. Mà fora di stu sintimu d’incumprienzione, li rivenia a rabbia, è a vuluntà di vince, d’ùn firmà micca quì chjosu in una prighjone izuzzoninca, duv’ùn avia nund’à fà, in veru…
Pinsava più ch’è mai à a so missione sacrata, di cuncoltà tutt’i cariutiani di a diasporà per fà chì u populu cariutianu sia infine ramintatu in terra soia sott’à una sola bandera, libari di u so destinu… E li venia a rabbia, a rabbia di esce, a rabbia di riesce…
Fù precisamente à stu mumentu quì chì u guardianu rientrò in a carcera per mandàlli, cume tutt’i ghjorni, affaraccie à manghjà. Lirl, ùn vidia mancu più u guardianu, ne tutti l’altri guardi di a citadella. Ùn vidia più ch’è a porta aperta, è u curridore daretu. Si ramintava di a so forza, è di tutt’u sangue versatu dà i so antennati per pudè campà in libertà…
Allora, si discitò, è senza chì u tintu guardianu abbia u tempu di capì cio chì si passava, li sciaccò parechji pattoni fin’chì u corciu sia cascatu in terra… Allora, Lirl li pigliò e chjave, è chjamò :
« Veni, o Lughjà ! Avà, escimu ! »
Lughjarcu, ben’ch’ellu fù un’pocu sorpressa dà cio chì venia d’accate, si discitò subitu subitu, cuntentu ch’ell’era, di pudè pruvà à ritruvà a libertà.
Hè cusì chì i dui amichi laccò infine a carcera bughja duv’ell’eranu, pigliendu a strada di a libertà…


Libari ! Lirl è Lughjarcu eranu infine libari ! Ùn eranu micca salvati, mà almenu, eranu libari, ùn eranu più chjosi. Puru, malgratu l’eufuria di a libertà, eranu belli cuscenti chì u più duru firmava smpre à fà. Lirl, ben’chè lietu d’esse fora, a sapia.
A so pinsata principale cuncernava di sicuru a so sorte subitania. Pinsava sopra tuttu ch’ellu ci vurria torna à circà a surtita di tutti sti curridori, chì per ellu ch’ùn era mai passatu per quì, s’assumigliavanu assai à un’veru labirintu, senza parlà di u risicu di truvà altri guardi.
Puru Lirl si sentia lione, pensendu sopra tuttu à a so missione, à a raghjò chì l’avia purtatu fin’à quì, à a salvezza di u so populu. Ùn avia micca prughjettu ben’precisu per esce dà quì è cunviche l’izuzzoninchi di rigirà nant’à Cariutia, mà si sentia lione.
Lirl viaghjava davanti. Viaghjavanu cun cautella. Dopu à avè lasciatu a carcera, è à avè chjosu a porta cù a chjava, per esse sicuru chì u guardu ammazzatu dà Lirl ùn andessi dà l’alerta, si sò ritruvati, per centu metri, in un’curridoru pocu largu, appena menu bughju ch’è a carcera induve elli eranu. Dopu, ci era una cruciata. Lirl firmò indecisu qualche seconde, pò dumandò à Lughjarcu :
« O Lughjà, d’apress’à tè, serà megliu d’andà à dritta o à manca ? »
Lughjarcu riflettì qualche seconde, pò rispose :
« Quì ? À a manca. »
Pigliendu à a manca, Lirl è Lughjarcu sbucconu à un’curridoru un pocu più largu, mà sempre cusì bughju. Stu curridoru, più cortu ch’è u precedente, sì cumpiò dà una porta chjosa.
Quandu Lirl, ghjuntu à a porta, facì per aprella, Lughjarcu, firmatu un’pocu daretu, li afferrò u bracciu, dicendu :
« Innò, o Lirl ! Dareta à sta porta, ci sò sicuramente guardiani ! Attenti ! »
È Lirl, parendu sicuru d’ellu stessu, li rispose :
« Ùn t’inquietà, o Lughjà. Aghju da fà saltà tuttu ! »
Lughjarcu, si dumandò cio chì vulia dì Lirl, mà ùn ebbe micca à aspettà longu per capì chì Lirl, chì avia rinculatu di parechji passi, si frumbò nant’à a porta, è di colpu à strappò, svilendu l’esteriore, l’aria libera. Lughjarcu ùn ebbi mancu u tempu di pinsà ch’ellu era tuntia chì Lirl si battia dighjà contr’à trè guardi chì si truvavanu daretu. I trè guardi eranu armati dà pistole, mà Lirl si servia di a porta per parrà i colpi, pò, per sturdulàlli.
In fattu, l’imbaruffata ùn avia micca duratu di più ch’una decina di seconde, è Lirl avia prufittatu di l’effettu di surpresa, per vince solu contr’à trè.

Dopu à avè sturdulatu i trè guardi, Lirl si pigliò e so pistole, per esse armatu, è per cuntinuà u caminu. Lughjarcu, chì era firmatu à a ritirata, richjappò à Lirl. Si truvavanu allora à l’aria libra, per a prima volta dapoi qualchi ghjorni, in una corte d’una quarantina di metri quadrati, à u pede d’unu di i muraglione chì delimitavanu Izuzzò. È fora di i trè guardi sturdulati, ùn si vidia veramente à nimu, malgratu chì Lirl è Lughjarcu abbinu fighjulatu attintamente i lochi.
È a sola surtita ch’elli vidianu era un’scalinu chì si truvava accant’à elli, chì paria cullà nantu à e muraglie. Lirl si dumandava s’ell’era veramente una bon’idea ch’è di pigliàllu, mà postu ch’ùn ci era ch’è què cume esciuta, ch’elli eranu scappaticcii, è chì devianu esse luntani nanzu ch’è i trè guardi si rialzini, ùn avianu micca a scelta : devianu piglià a scalina, chì d’altre pussibilità, ùn ne avianu.
Lirl, seguitatu dà Lughjarcu, pigliò dunque a scalina stretta stretta chì cullava nant’à e muraglie. Cullavanu currendu, cuscenti d’esse sempre in fughjita, cosa ancu più prublematica mentre chì i trè guardi, s’eranu rilevati, è avianu datu l’alerta.
U tintu Lughjarcu, duie volte più chjucu ch’è Lirl, ùn pudia micca seguitàllu cusì in furia, è firmava luntanu. Ghjuntu, affannatu, in cima, Lirl fù arrestatu dà dece guardi chì chjudavanu a strada senza parè primurassi di Lughjarcu, ch’ùn era mancu ghjuntu. Lirl si battì cume un’diavulu, mà eranu troppu numerosi. È in qualche corte siconde, i guardi s’eranu impatruniti da Lirl.
Un cummandante à u luntanu, s’avvicinò, è quand’ellu fù accant’à Lirl, annunciò, à i so guardi :
« Bravu ! Quessu, ci vole à ripurtàllu in prighjone ! »
Mà Lirl riccusava a scunfita. È allora chì cinque di i so dece guardiani eranu fallati per impatruniscessi di Lughjarcu, Lirl, scumbattendessi cun’ardore, ghjunghjì à liberàssi di e so trave, è, pigliendu a pistola ch’ell’avia arrubatu à i trè guardi d’in ghjò, parvenì à spianà a so pistola contru a testa di u cummandante di i guardi, annunciò :
« Mi chjamu Lirl. Avà, ascultatemi, sinò, u tombu ! »
Unu di i guardi, pocu cummosu, rispose :
« S’hè tù u tombi, ti tumbemu… Ùn poi micca riesci… risignàtti ! Hè megliu cusì ! »
Mà Lirl, arrabiatu, dichjarò :
« Ùn temu micca di more… Vogliu solu ch’è vo mi sintite… Vogliu negucià… Allora statemi à sente ! »
U tintu cummandante minacciatu dà Lirl aprì per a prima volta a bocca :
« Fate cio ch’ellu dice ! Ùn vidite micca ch’ell’hè pronta à tumbàmmi ! »
I guardi firmonu indecisi durante un picculu mumentu. Lirl, ben’chè prighjunatu, minacciava u cummandante, parendu risulutu à tumbàllu s’è e cose ùn si passavanu micca cum’ellu vulia ellu. D’un’altru latu, tenianu l’altru fughjitoru, u straniu picculu estru verde, à a so misericordia, è pudianu ghjuvàssi d’ellu cum’una munetta di scambiu. Mà per furtuna per Lirl, ùn ci avianu mancu pensatu, è sceglinu a sorte di a neguciazione. Unu di i suldati, sì fendu u porta voce, lampò :
« Ti stemu à sente, Lirl ! Cosa sò e to cundizione ? »
« Prima, vogliu ch’è vo cappiiate u mio amicu Lughjarcu ! » Rispose Lirl incù un’autorità naturale.
I guardi terrurizati da Lirl, si spiccionu di liberà Lughjarcu di e so trave. Lirl, cuntinuendu a neguciazione, agghjunghjì :
« Dopu, vogliu scuntrà u vostru capizzone ! Quellu chì cummanda sta cità. »


I guardi eranu, per a seconda volta, indecisi, davanti à st’esigenza cusì scema, è di colpu, ùn sapianu mancu più cosa risponde.
D’un latu, Lirl tenia u cummandante cume ostaghju è risichia di tumbàllu s’elli ùn ubbidiscianu micca prestu. È d’un altru altu, ùn sappianu micca quale era stu furibondu ne mancu d’induve venia. Per quessa pinsavanu chì a so esigenza di vulè scuntrà u "capizzone" cum’ellu dicia, era solu mutivatu per una voglia d’assassinàllu.
Lughjarcu, da u so latu, ùn era tantu assicuratu da a manera di fà di Lirl, troppu ardita è troppu irriflettuta dapoi u principiu. In fattu, Lughjarcu avia veramente a paura chì a situazione ùn si cumpiessi ch’è male. Puru, a so inchietutina fù spezzata quandu, pigliendu a bona decisione, unu di i guardi rispose :
« Serai cunduttu fin’à l’uffiziu di u Cummandante Generale di l’Armata. Mà attenti ! Venimu cun tè, è s’è tù faci una sola ancisa suspetta, ti tumbemu ! »
Dopu à avè prununciatu ste parole, paria chì u silenziu assurdante s’era stallatu. A tensione era pisia, è ogni rimorucciu significativu. Tutti, cuscenti di l’impurtanza è di a serietà di u mumentu, ritenianu u so soffiu. È pò, dopu à qualche siconde chì parianu minute, Lirl rispose :
« Iè. Femu cusì. »
Fù cusì chì Lirl, ben’scurtatu, si n’andò à vede unu di i dirigenti di a citadella d’Izuzzò, minaccendu sempre u cummandante di i guardi, mà minacciatu da i guardi.


Dopu à più d’un quartu d’ora di marchja in a citadella, certe volte in i bastimenti, d’altre volte à celu apertu, Lirl sbuccò infine in u scagnu d’un’dirigente d’Izuzzò. A stanza era granda, adinarata, è lussuosa. Daretu à u tavulinu, si truvava un’cariutianu ben’vestutu, un’pocu surpresu di vede sta squadra straniissima chì venia di fà irruzzione in u so uffiziu. U più chì li surprendia, era a presenza di Lughjarcu, postu ch’ellu appartenia à una razza cumpletamente scunnisciuta per ellu.
Puru, ùn ebbe micca à aspettà troppu longu per capì a situazione, chì u tintu cummandante, sempre minacciatu per Lirl, annunciò :
« Onorabile Gliosk Ogra Friren di Gherccebà, Generale Cummandante di l’Armata d’Izuzzò, salutatu dà e mille cità di u Populu Cariutianu, Maestru di u Lume, Maestru di a Petra, vi salutu… »
Lughjarcu fù surpresu da veru dà un’salutu cusì longu, mà fù u solu à esselu. Ancu Lirl cunniscia stu modu di salutu di l’altissimi dignitari. L’Onorabile Gliosk Ogra Friren pigliò a parola :
« Vi salutu anc’à voi, Onorabile Cummandante di a Guardia di a cità d’Izuzzò. »
« Onorabile Generale Cummandante di l’Armata d’Izuzzò, Maestru di u Lume è di a Petra, sò venutu, fin’à a vostr’altissima personna, per mandà a vostre più ch’è bramata favore, perchè e circunstanza so eccezziunale. » Dichjarò u cummandante.
È u cummandante si spiegò. Gliosk Ogra Friren stavava à sente cun vera primura. Dopu à u racontu di u so disturbu, pigliò a parola, dumandandu, senza annarbassi, à Lirl :
« È avà ch’è vo site in faccia à mè, possu cunosce sapè a raghjone di tuttu què ? »
Tandu Lirl, chì per a prima volta ch’ellu era in Izuzzò avia u dirittu à a parolla, li cuntò tutta a so storia incù moltu passione. Gliosk Ogra Friren paria moltu interessatu da a so storia. Quandu Lirl ebbi compiu u so stalvatoghju, u dignitariu ordinà à Lirl di cappià u cummandante, è ordinà à tutti i guardi, cummandante dinù, di lasciàlli soli, per discutà.
Firmati soli, Gliosk Ogra Friren annunciò :
« Ùn t’inquietà o Lirl, ti poi cunsiderà à partesi d’avà cume liberatu. Ai a mio parolla. »
« Hè vera ? » Dumandò Lirl, u core cuntentu.
« Iè, più ch’è vera. » Li rispose u dignitariu, d’una voce assicurata.
Lirl si sitia legeru in veru, cume sbarrazzatu d’un pesu o d’una catena, cio ch’ùn era micca falsu… Mà ùn era finitu, è Gliosk Ogra Friren cuntinuò :
« È per parlà di a to "missione", cume tu dici… di e to brame di ritornu nant’à Cariutia, ti diceraghju chì eiu, à contu meiu, ùn possu esse ch’è d’accunsentu… A vita, nant’à Gherccebà hè dura, è simu assai numerosi quelli chì vuleriamu rigirà infine ind’e noi, dopu à tant’anni d’assenza è d’esiliu. A nostra patria natale ci manca, è sta pianeta hè cumpletamente scema è salvatica, cume maladetta. Quelli chì avianu custruiti sta citadella nanz’à noi hà sapianu sicuramente, mi pare. »
Lirl, di colpu, piantò d’ùn pensà ch’à ellu, è si ramintava a so missione. E circunstenze eranu infine favurebule. Mà ci era un’affare ch’ùn avia capitu bè, è per quessa, u dumandò :
« Cumu, quelli chì avianu custruiti sta citadella nanz’à voi ? »
Tandu, u dirigente si spiegò :
« Quandu i nostri, u nostru populu hè ghjuntu nant’à sta pianeta per a prima volta, sta citadella esistia dighjà. Micca esatamente in a so cunfigurazione oghjinca, mà vole dì ch’ùn so micca Cariutiani ch’avianu custruitu sta citadella, mà qualchissia d’altru, chì era nant’à sta pianeta nanz’à noi. Avemu fattu qualche ricerche, ma ùn avemu amparatu nunda di novu, è pensu ch’è no n’ampareremu mai quale eranu. »
Lirl era veramente surpresu da cio ch’ellu venia d’amparà, chì, dapoi u principiu, cridia chì a citadella d’Izuzzò era una custruzzione cariutiana. È avà ch’ellu sapia chì ci era podasse un misteriosu populu implicatu in st’affare, a so curiosità era azzizzata. Mà prestu, si ripigliò, ramintendussi, chì u più urghjente firmava sempre a so missione, è micca i misteri senza suluzione. Gliosk Ogra Friren cuntinuò a so spiegazione :
« U solu ostaculu à u nostru ritornu à tutti, era a distanza. Avemu messu parechji seculi per stallacci nant’à sta pianetaccia maladetta… Simu venuti cun’picculi vascelli pocu pudente, pocu veloci, è certi d’i nostri antenatti avianu passatu a vita sanna à fà u traghjettu. Oghje, i nostri vascelli, ùn so micca più pudente ch’eri, è s’è no vuliamu organisà u ritornu nant’à Cariutia, averia pigliatu decine d’anni… Mà postu ch’è vo mi dite ch’è vo avete un’vascellu trapudente è tamentu, mi pare ch’ùn si truvarà, in tutt’a citadella, manc’un cariutianu per ricusà di vene cun voi, per riturnà nant’à a nostra cara pianeta Cariutia, è infine lacà sta pianetaccia… »
Lirl sintia ch’ellu guadagnavu. Li paria chì tutta a citadella d’Izuzzò era accantu à ellu, à u so latu, dopu à parechji ghjorni d’incarcerazione inghjusta. Gliosk Ogra Friren cumpiò a discuzzione :
« Avà, aghju da urganizà parechje riunione ufficiale in a citadella, per fà chì tuttu u mondu possi amparà sta strasurdinaria nutizia… Ci campanu 250 000 anime, quì, senza parlà di quelli chì campanu fora di Izuzzò, in u disertu, induve ci serà, à u più 10 000 anime. Pinsu ch’è tutt’u mondu serà d’accunsentu per rientrà cun’voi cù u vostru vascellu tamantu. Per avà, pudete cunsideravvi cume invitati. »
Fù cusì chì Lirl è Lughjarcu, entrati cume prighjuneri, escinu cume eroi d’Izuzzò. Gliosk Ogra Friren attribuili alloghju per u pocu ghjorni ch’elli avianu à firmà quallà.

I ghjorni chì seguitonu, Gliosk Ogra Friren, sempre accumpagnatu dà Lirl percorrì a cità d’Izuzzò dà pertuttu, neguciandu cun tutt’u mondu, pruvendu a ghjustezza di e so idee : tutti eranu lieti à a perspettiva di rientrà infine nant’à a pianeta natale.
Torna qualchi tempi dopu, è s’organisonu spedizzione fora di e muraglie d’Izuzzò per andà à scuntrà tutti i cariutiani chì avianu scelti d’ùn campà in sta strania citadella custruita dà ùn so quale. Quessi quì, ch’ùn era micca cusì numerosi ch’è l’izuzzoninchi, campavanu sott’à tende, in pienu disertu, un’pocu cume giranduloni o numadi ; assai più povari ch’è l’izuzzoninchi, mà libari. Tutti quessi funi, cume l’izuzzoninchi, assai intusiasmati à l’idea di lacà Gherccebà per rientrà infine, dopu à parechji seculi d’assenza, nant’à Cariutera, per ricustituì un’populu unitu è fieru. U populu forte.


Face chì qualche settimane dopu, tutti i Cariutiani chì campavanu nant’à Gherccebà ch’elli campessinu in Izuzzò, o ancu fora, piglionu a deciziò di lacà, per u sempre, a pianeta salvatica è misteriosa.
Pò, dopu à avè riunitu tutte e so affare, si stallonu in l’innumerevule cabine di stu vascellu gigante ch’era u Vededelà, chì frà tempu s’era callatu nant’à a pianeta, à a prussimità di a citadella.
Lughjarcu, primurosu di sapè perchè i so cumpagni, l’altri Facciuti verdi firmati nentru, ùn eranu micca venuti à u so succorsu quandu n’avia bisogni, firmò stupidu quandu Ruklinò li ramintò chì era ellu stessu chì avia ordunatu, nanzu di parte, d’ùn circà à intervene. Lughjarcu, si ramintendu què, maladì st’idea scema ch’ùn venia ch’è d’ellu è chì li avia fattu perde assai tempu in prighjò.

U lindumane, u Vededelà lacò Gherccebà. À bordu, più d’un quartu di millione di Cariutiani, partendu per u sempre, di sta pianeta strania, incantati di rivene infine, nant’à a so pianeta natale. Puru eranu tutti cuscenti chì e scale per ghjunghjecci eranu sempre numerose, chì u Vededelà ùn si rientreria micca subitu in Cariutia, devendu, primu, andà à visità tutte e pianete duve s’eranu stallati i Cariutiani. È a prossima tappa era a stallazzione cariutiana di Cariutera.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:09 am

Cariutera



Infine, Lirl avia pussutu parte dà Gherccebà. Ghjuntu quallà in prighjuneru, ne ripartia eroe. Cun ellu, più d’un quartu di millione di Cariutiani di Gherccebà, abbandunendu per u sempre sta pianeta maladetta per un’ritornu tantu bramatu versu à a pianeta natale. Mà, ùn era micca per u subitu. Prima, ci vulia andà in u sistema noscliurianu per circà i Cariutiani chì campavanu sempre quallà. Dà Lughjarcu, Lirl avia qualch’infurmazione cuncernendu sti cariutiani quì. Lirl sapia chì nant’à Cariutera, a pianeta principale, eranu doceci millioni, mà chì eranu menu numerosi nant’à l’altre pianete.
Ghjuntu quallà, Lirl decidò di visità Cariutera in ultimu. Alnaris, era una cità maiò di parechji millioni d’anime, è Lirl si dicia chì l’alnarissianu, videndu chì Lirl avia riesciutu à cunviche prima tutti l’altri, serianu ancu di più à u so latu. È fù cusì chì u Vededelà si calò, primu, nant’à a pianeta Soksen di u sistema noscliurianu.
Soksen era una pianeta senz’atmosfera, s’assumigliendu da veru à a Luna. Per pudè campà quallà, i Cariutianu, funi ubligati di custruì una cùpula tamante per ritene l’aria. Stu generu di stallazione, moltu cunsumatore in energia è in metallu, era naturalmente pocu prupizia à una stallaziona generalizata nant’à tutt’a pianeta, è dunque, ùn ci era ch’una sola cità nant’à Soksen : a cità di Sprodj. Cun 30 000 anime, a cità ùn era tanta maiò, sopra tuttu quandu omu a paragunava cun a cità d’Izuzzò, o quella d’Alnaris, mà sta cità era assai densamente pupulata, postu chì a ghjente, ubligata di firmà chjosa sott’à a cupula, ùn pudia prughjettà d’andà stallàssi nant’à tutte e terre vergine di a pianeta. È di fatu, a vita in a cità di Sprodj, ùn era tantu agradevule, è d’apress’à Lughjarcu, i Cariutiani di Sprodj, ch’ùn firmavanu quallà chè perch’ell’ùn avia assai medii per fughje per u sempre di quallà. Dunque, sempre d’apress’à Lughjarcu, serianu più ch’è lieti di riceve a visita di Lirl.
Mà Lirl, chì avia torna in mente u ricordu di a so incarcerazione, ùn era prontu à piglià u risicu d’andà solu à scuntrà i sprughjinchi (l’abitanti di Sprodj). U megliu, era per ellu di pruvà à cuntattàlli cun a radiò.
I cuntatti radiò cun i sprughjinchi funi cume u sperava Lirl. I sprughjinchi funi dà veru, più ch’è lieti di st’oppurtunità di sceglie un’avvene megliu è apertu. Senza esità una seconda, i 30 000 sprughjinchi richjapponu u Vededelà chì s’era callatu à a vicinanza di Sprodj. Lirl, chì avia messu in ballu un’sistema per permetteli di tramutàssi direttamente dà a cupula maiò fin’à u Vededelà, era acclamatu in eroe, ellu chì era venutu per salvalli di u so miseru statu, di a puvertà, è di l’assenza di pruspettive.
Mà ùn era finitu. Ci firmavanu sempre l’altre pianete di u sistema noscliurianu à visità : Denzen, Ytras, Noscl, Soklab, è sopra tuttu Cariutera. Se Denzen, Ytras, Noscl è Soklab eranu pianete s’assumigliendu à Soksen, pianete senz’atmosfere (o cun un atmosfere irrespirevule, per Denzen è Noscl) cun piccule stallazione miserevule di cariutiani chì, cume quelli di Soksen, serianu incantati di seguità à Lirl, Cariutera era una pianeta ricca, cun stallazione tamante, duve a quale l’abitanti serianu prubabilmente reticenti à abbandunà u so cunfortu è a so situazione per seguità Lirl per l’aventura è un’avvene scunnisciutu.
Mà Lirl era decidatu à pruvà tuttu cio chì era in u so putere per fàlli sente raghjò, à sti Cariutiani di Cariutera. È pò d’altronde, devia prima andà à visità l’altre stallazione di u sistema noscliurianu.
Cume previstu, a situazione nant’à Denzen, Ytras, Noscl è Soklab era simile à quella di Soksen, è tutti l’abitanti di tutte e stallazionuccie di ste quattru pianete seguitonu Lirl cume s’ellu fusti statu u salvatore. Fù cusì chì, in qualchi ghjorni, u Vededelà s’arrichì di 200 000 anime, 200 000 Cariutiani stirpati di a miseria, portendu in elli sonnii è sperenze d’una vita bramata di pace è di fraternità.
Mà firmava sempre Cariutera…

Qualchi ghjorni dopu, u Vededelà si calò infine nant’à a pianeta a più impurtante di u sistema noscliurianu : nant’à a stallazione cariutiana a più impurtante è a più pudente di fora Cariutia.
Cariutera (seconda Cariutia) era una pianeta campatoghja, cume Cariutia, Gherccebà è a Terra. Quandu i Cariutiani l’anu scuperta, si so stallati in muchju nant’à sta pianeta cusì agradevule, anu custruitu una cità maiò di parechji millioni d’abitanti, Alnaris, è anu campatu quallà una storia di parechji millenarii. Per Lirl, a qualità di a vita in Alnaris ùn pudia ch’è divintà un’ostàculu à u so prughjettu di ramintà tutt’a diasporà cariutiana fin’à a pianeta natale per rinvivisce tutt’i populi di Cariutia.
Mà, Lirl ùn era u generu à rinuncià cusì faciulmente. È nanzu di prughjettà qualunque azzione, ellu, mandò parechji missaghji cun a radiò, duv’ellu spiegava tutti, è, senza mancu aspettà qualunque risposte, calò u Vededelà in un’locu disertu di Cariutera, à a vicinanza di a cità d’Alnaris.
Stranamente, subitu chì Lirl, calatu dapoi una mez’ora, prughjettava di esce, Lirl fù accoltu dà una specia di delegazione d’una vintina di Cariutiani, vestuti cume sgiò. Lirl pocu malfidendussi postu chì e faccie parianu accogliente, falò u scalinu di u so vascellu per andà, solu, senz’aspettà à Lughjarcu, à scuntrà i Cariutiani.
Quand’ellu fù in faccia à elli, quelle chì si truvava davant’à tutti l’altri dichjarò, sulenne :
« Lirl di Fulzen, Palatinu di u Santu Ritornu, vi prisentu à Angr d’Orchalozg, Maestru di u Focu, Maestru di u Ventu, Onorabile Maestru di e Forze Armate Diplomatiche di a Parte Meridiunale di l’Altissima Cità d’Alnaris, Fanale à mezu à u Bughju. »
Pò, un Cariutianu più grande è megliu vestuti ch’è l’altri s’avanzò è pigliò a parolla :
« Lirl di Fulzen, Palatinu di u Santu Ritornu, so Angr d’Orchalozg. Mille voce, dà Izuzzò fin’à Szelinzsek anu cantatu i to meriti. Chì a to vita sia cuperta di fiori i più bellu, è chì u to caminu sia un’incantu per tutti quelli chì ti seguiteranu. »
Lirl era un’pocu sorpresu. Era a prima volta ch’ell’era salutatu cusì, cume un’sgiò. Certe, u rimore di a so azzione era sicuramente ghjuntu fin’à Alnaris, mà mai ùn averia pensatu chì e lode fustenu cusì forte. Angr cuntinuì :
« Mille voce anu lodatu i to meriti, o salvadore di i Cariutiani, mà… mà u populu cariutianu d’Alnaris campa in armunia è in felicità. A nostra vita, quì, hè una vita sana, agradevule, è vulemu cuntinuà à pudè campà quì cume i nostri antennati. Si un’eroe, quì, postu ch’è tù ai aiutatu i più povari di i Cariutiani, quelli chì campavanu fora d’Alnaris, mà quì, simu ricchi, è ùn pensu micca ch’è no abiimu bisognu di tè per noi. Si u benvenutu, quì, mà ùn ti seguiteremu micca. »
Lirl ùn era troppu sorpresu. Era esatamente cio ch’ell’aspettava. Mà quantunque, rispose :
« Hè capita, o venerabile Angr d’Orchalozg, Maestru di u Focu è di u Ventu, mà ti dumandemu solu u drittu di pudè calàssi quì qualchi ghjorni. So primurosu di fà infine a cunniscenza di u solu populu cariutianu chì campa in pace è salute è libertà. È cusì, tutti quelli chì so dentru u mio vascellu puderanu esceci per scambiàssi l’idee nanzu u gran’ritornu nant’à u nostru paese d’origine. »
Angr, cuntentettu, rispose :
« Si cume in casa toia, quì o Lirl. Fà cum’ella ti pare… Simu più ch’è onorati di sta visita… Pensu ch’è no divinteremu amichi… »

Hè cusì chì Lirl ricevì l’autorisazione di permette à a so ghjente in u vascellu di esce fora, per pudè scopre Alnaris è tesse qualchi ligami cun i Cariutiani d’Alnaris a ricca.
Mà, in fattu, Lirl avia un pianu sicretu ! L’idea di fà esce tutti i Cariutiani di u so vascellu ùn era micca neutra. Cusì, cume Lirl a sperava, anu parlatu cun l’alnarissiani, è anu ramintatu, à tutti sti Cariutiani impanzati, chì, ben’chè ricchi, eranu quantunque esiliati, luntani di a so terra. È anu ramintatu à tuttu sti Cariutiani chì si n’eranu scurdatu di a filetta ch’ellu ci vulia rigirà nant’à a so terra per campà. È in fattu, allora chì Lirl ùn era firmatu ch’è trè settimane quallà, l’opinione publica alnarissiana avia scambiatu : avà, eranu tutti pronti à seguità à Lirl.
Mà, ancu u Vededelà ùn era assai grande per accoglie doceci millione di Cariutiani. Allora, Lirl decidò di lagàlli quì, per un mumentu, è di rivene à circàlli dopu, quand’ellu averia purtatu quelli chì eranu dighjà cun ellu prima : l’izuzzoninchi è l’abitanti di l’altre pianette di u sistema noscliurianu. U solu risicu, era ch’elli scambiessi torna d’avisu frà tempu.
Mà per avà, Lirl avia d’altri prughjetti, è avia previstu di rientrà infine in u sistema cariutianu, in gira à a stella Gliese/Nolioris, mà micca per rientrà subitu, chì prima devia andà à circà quelli chì campavanu in a pianetta vicina, a fresca Anarulia/Gliese D.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:11 am

I misteri d’Anarulia



Dopu à avè lacatu Cariutera è u so sistema, Lirl era più accapatu ch’è mai. A so missione, a so opera, d’andà à ramintà tutti i Cariutiani di l’universu per organizà u ritornu di u populu cariutianu in terra soia viaghjava bè ; troppu bè, li paria. Dopu à u stalvatoghju di a so incarcerazione in Izuzzò, tuttu s’era bè passatu, è per ellu, ùn era micca naturale. Ancu a so incarcerazione izuzzonincha s’era passata troppu bè. Li paria veramente chì a furtuna viaghjava cun ellu, per schjarì u so caminu d’una luce di riesciuta. Li paria chì tutte e divinità cariutiane eranu daret’à ellu per sustene a so missione. Mà Lirl era sempre statu ateu. Per ellu, nisun putenza superiore in l’universu. Allora, per a prima volta di a so vita, cumminciava à rimette in causa e so certitudine e più prufonde. Cumminciava à dumandàssi s’è a so missione, u scopu di a so esistenza, ùn fusti d’ispirazione divina.
E raghjone di stu cambiamentu misticu eranu podasse à circà versu u fattu ch’ellu s’avicinava di a fine di a so missione. Per a prima volta di a so vita, era à u puntu di rientrà in u sistema di a so pianeta : u sistema di Gliese/Nolioris. Per a prima volta di a so vita, pudia cuntemplà a luce di a stella di i so antennati : a famosa Nolioris a rossa. Nolioris, chjamata Gliese dà l’umani, ùn era una stella cume u sole, ne mancu cume a stella ch’illuminava Gherccebà o Cariutera : era una nanna rossa ; piccula stella rossa. Ùn era micca cusì pudente ch’è u sole, Nolioris, mà era a stella sotta à a quale avianu campatu i so antennati. È pò sopra tuttu, era a prima volta ch’ellu vidia à so pianeta, i so uceani, i so cuntinenti, e so ghjacce bureale. Ancu s’ell’ùn si calò micca, stu feghju dà u spaziu, di a so pianeta natale ùn fù senza effettu nant’à ellu. Infine li paria chì tutte e so brame dapoi tant’anni, eranu ghjunte à a so fine.
Sta scuperta avia qualche effetivamente qualche raghjò di rende Lirl più misticu. Mà, sapia dinù chì a fine di u viaghju ùn era per u subitu. Ch’ellu devia prima andà à piglià cuntattu cun i Cariutiani d’Anarulia, quelli detti di a prossima diasporà, per cunvicheli di seguitàlu per u Gran’Ritornu.
Per cummincià, cum’ell’avia fattu in u sistema noscliurianu, mandò parechji missaghji radiò per piglià cuntatti, è, quandu ebbe ricevutu a risposte di l’autorità anaruliane, accennenduli un’terrenu per calà u Vededelà, capì chì l’anaruliani ùn eranu ostile à l’idea d’un ritornu nant’à Cariutia.
Una volta u vascellu calatu in un’locu disertu, Lirl, sempre accumpagnatu dà Lughjarcu, escì dà u so vascellu, per andà à a scontra di l’abitanti. Facia u fretu nant’à Anarulia, ancu più fretu ch’è nant’à a Terra, Gherccebà, o ancu Cariutera. A luce di a stella era assai debule, è a timperatura ùn francava micca 5 gradi. U paesaghju era custituitu d’una piana ghjacciata quasi senza rilievu, è cun’poche custruzzione. Ùn ebbinu micca à aspettà longu chì una delegazione di trè Cariutiani, chì s’era spezialmente custituita per ricevelu, venì à a so scontra.
È tantu cumminciò a discuzzione trà Lirl, Lughjarcu, è i trè anaruliani :
« Salut’à tè, Lirl di Fulzen, Palatinu di u Santu Ritornu. Mille voce, dà Izuzzò fin’à Alnaris anu cantatu e to lode, o eroe di u Populu Cariutianu. Simu onurati di pudè rispirà l’aria ch’è tù rispiri. »
Lirl, chì cumminciava à esse techju di sta manera cacasintenziosa di fà e prisentazione, rispose un’pocu aridamente :
« Sò anc’eiu onurati di fà a vostra cunniscenza… »
I trè pieniputenzarii, pocu abituati à una risposta cusì corta firmonu lolli qualche seconde. Pò, u più allelleritu di i trè, ripigliò :
« Sapemu tuttu di e to brame. Simu d’accunsenti per rigirà nant’à a nostra pianeta natale. Capimu avà chì si pesa un’alba nova duve u populu cariutianu serà, un’altra volta adunitu nant’à una sola pianeta. Grazi’à u to vascellu pudentissimu è sfrecciatu sfrecciatu, tutti l’esiliati di Gherccebà è di u sistema noscliurianu puderanu infine rientrà ind’è elli, mà, noi, Cariutiani d’Anarulia a freta, Anarulia a vicina, noi ùn simu mai partuti di u sistema di i nostr’antennati. Nant’à sta pianeta vicina di Cariutia a Santissima, avemu custruitu duie cità : Nova Nerziba, è Nov’Azomkil. »
Allora chì u Cariutianu si tacì, Lughjarcu, ch’ùn cunniscia ne l’una, ne l’altra, dumandò :
« Perchè ste cità si chjamanu "nove", o signori ? »
Fù Lirl chì rispose :
« Perchè e cità d’Azomkil è di Nerziba esistenu nant’à Cariutia. È quandu a ghjente, venendu d’Azomkil, o di Nerziba, anu custruitu e cità nant’à sta pianeta, anu vulsutu dà i nome di e so cità d’origine, in ommagiu. Ùn pocu cume "New York" è "New Orleans". Capisci, avà, o Lughjà. »
« Iè. Ti ringraziu, o Lirl. »
Mà i trè mandataghji ùn avianu micca apprezziatu st’interruzzione, sta tagliatura di parolla, sopra tuttu venendu d’un stranieru ch’ùn era mancu cariutianu. Quellu chì parlava à Lirl, nanzu ch’ellu fusti intermessu, ripigliò, un pocu inacerbitu, a parolla :
« E nostre cità di Nova Nerziba è di Nov’Azomkil tutalizanu cinque millione d’anime. È nant’à l’avanzu di a pianeta, ci hè un’millione cinque centu milla anime. Vole dì chì simu sei millioni cinque centu milla Cariutiani à campà nant’à sta pianeta cutrata. A vita quì, ùn hè tantu dispiacevule, mà face u fretu, dunque e cuazzione di pruduzzione ci impede di fà cum’ellu si deve per sviluppà sta pianeta propiu bè, è un’certu numaru d’i nostri cuncitatini ùn pensanu ch’è à rientrà nant’à a nostra pianeta ch’è no avemu lacatu tant’anni fà. »
U Cariutianu marcò un’rifiatu nant’à u so discorsu, pò ripigliò :
« Ùn simu tantu luntanu di Cariutia. Pensu à l’izuzzoninchi o i cariuteriani chì, senza u vostru vascellu, ùn averianu mai pussutu rientrà prestamente nant’à Cariutia, mà noi… noi simu vicini di Cariutia ; incù i nostri vascelli, pò andà prestu. Simu bramosi di parte dà quì, avemu i medii di parte dà quì, è puru firmemu quì. »
Nè Lughjarcu, nè mancu Lirl, ùn capiscianu sta spiegazione. Postu chì i Cariutiani d’Anarulia avianu laziu è medii d’andàssine, perchè firmavanu sempre nant’à Anarulia. Mà l’anarulianu ùn tardò micca hà dà a spiegazione :
« S’è no firmemu quì, hè solu perchè simu ubligati di firmà quì. Quand’i nost’antennati sò ghjunti per a prima volta nant’à sta pianeta, anu scupertu assai prestu chì sta pianeta ùn era diserta. Ci eranu qualche forme di vita primitive, piante è animali pochi intelligenti. Mà, in più di què, in più d’essari senza intelligenza cume quelli chì campanu nant’à Gherccebà o Cariutera, ci eranu cert’essari misteriosi : i Scalpillinuti. »
È, di colpu u diplumatu anarulianu, fù, cume i so dui cumpagni muti, trascorritu dà un’abbricciulamentu di terrore. Paria ch’ùn chì li facia male di cuntà a seguita, di parlà di què. A paura si leghjia in i so ochji, è Lirl si dumandava cosa eranu s’essaricusì terrifianti chì impedianu u ritornu di l’anaruliani. Mà in fattu, cun assai curraghju, ripigliò, atterrissitu :
« Sò… sò spezie di spiriti… di visione… d’ombre… d’anime perse… è si trovanu scultati in e terre bureale di a nostra pianeta… Si dice ch’elli so i veri maesti di… d’Anarulia… È tutti quelli chì so andatu in sti rughjonu… anu smaritu per u sempre… S’essari so a maledizzione di sta pianeta… È… è quande i nostri antennati so ghjunti à stallàssi quì, st’essari li anu parlatu, pruibbenduli di riparte di sta pianeta per u sempre… È tutti quelli chì anu pruvatu quantunque si so morti… Hè per quessa chì dapoi parechji millenarii, più nimu n’hè mai partutu dà quì… Ùn si vedenu mai… mai, st’essari, mà… mà sò pudenti… pudenti in veru… »
Lirl è Lughjarcu eranu assai dubbitativi cuncernendu sta fola. Certe, cume tutte e fole, ci era sicuramente una parte di verità, mà per elli, ùn pudia micca esse tutalmente vera. Ch’ellu ci fussi qualcosa in i rughjoni bureali di sta pianeta era podasse veru, mà ùn pudia esse ch’è qualcosa di cuncretu, è nunda chì u cartesianisimu ùn pudessi spiegà. Mà, in fattu, l’anaruliani ùn avianu finitu di parlà, è allora chì Lirl è Lughjarcu eranu ciuffati in e so pinsate, ripigliò :
« Tutte e notte, à mezanotte, u celu, dà bughju, divente chjaru cume in pienu ghjornu. Stu fenomenu, ùn dura ch’è qualche seconde, mà sapemu chì so elli chì u facenu… »
È unu di i dui altri anaruliani, sughjunghjì :
« È sapemu dinù chì quandu stu fenomenu pianterà, vulerà dì chì seremu, torn’una volta, libari di parte di sta pianeta per rigirà nant’à Cariutia. »
Lirl era cunturbatu. Tutta s’affare ùn li parianu esse ch’è fantucula buffa di un populu persu. Mà in fattu, cumminciava anc’ellu à avè a paura di st’essari surnaturali chì parianu cusì terrebuli. Sopra tuttu, era più ch’è primurosu di vede dà i so ochji u fenomenu straniu ch’elli li avianu discrittu l’anaruliani. È s’ell’era vera ? È sè st’essari esistianu in veru ? Cum’ellu avia dà fà per cuntinuà a so missione ? Cum’ellu avia dà fà per cunvinche l’anarulianu di vene cun’ellu ? Fù cusì chì u so scopu finale pigliò a suprana nant’à sta paura, è ch’ellu dumandò :
« È chì ne pinsate s’o andessi in sti rughjoni salvatichi è cutrati per scuntrà st’essari, è pruvà, in casi, à cunvichelli di lacavvi parte dà quì ? »
Sta pruposta lampò un’fretu nant’à i trè anarulianu. A sol’idea di pinsà à andà fà un’viaghju in sti lochi maladetti li tetanisavanu. U più curraghjosu di i trè, dopu à parechje longue stonde di silenziu, rispose, incuerente :
« Ùn ci vole micca à andà quallà, o Signore Palatinu ! Ùn ci vole ! Quallà, hè a morte chì vi truverà o Lirl di Fulzen ! Ùn ci vole ! Mà… mà vi dicu un’affare… Hè ch’è si vò parveniate à fà piantà l’illuminazione notturna di u celu ; vulerà dì chì puderemu parte… Mà nò, o Signore, ùn fate nunda, hè troppu periculosu per voi… Serà a morte assicurata per voi ! »
Lirl, era pinsosu. A paura di i so interlocutori anaruliani cumminciava à cuntaminàlu. Mà d’altronde, sapia chì per ch’elli riescì a so missione, ellu avia à francà sta paura. Fù per quessa chì, sulenne, annunciò :
« Ci anderaghju ! »


Dopu à st’adansciamentu duve Lirl avia decisu, insischendu i so interlocutori anaruliani, d’andà in i rughjoni bureali di a pianeta per andà à vede cosa era l’origine di u fenomenu d’illuminazione mezanottincha di u celu per fàllu piantà è cusì, cunvinche l’anaruliani di seguitàllu cun ellu per u Gran’Ritornu, Lirl è Lughjarcu avianu seguitatu i trè anaruliani, fin’à a so cità, Nov’Azomkil, duve ricevinu l’uspitalità.
Per fà u so viaghju fin’à e terre bureale d’Anarulia, Lirl aviu decisu d’andà à pedi, senza nisun veiculu, è, sopra tuttu, senza Lughjarcu, firmatu in Nov’Azomkil : u ghjornu dopu à a so ghjunta nant’à Anarulia, Lirl aviu vistu dà i so occhji l’illuminamente di mezanotte, è cumminciava à crede dà veru chì un’tal fenomenu ùn puddia micca esse, ne naturale, ne artificiale, è dunque, chì tutte e fole chì l’anaruliani li avianu cuntatu eranu podasse vere, è di colpu, ùn vulia micca risicà a vita di u so amicu Lughjarcu : a missione era a soia, è sola a soia ; era u solu chì devia risicà a so vita quì.
Ben ch’andendu à pedi, purtava cun’ellu tuttu l’equipagiamentu, imprestatu dà l’anarulianu, per andà avventuràssi in e terre bureale ancu più cutrate chì l’avanzu di a pianeta, duve a timperatura calava sott’à - 30 gradi, purtendulu in un saccu à spinu chì pisava più di sessante chilò.
Fù cusì chì Lirl, dui ghjorni dopu à a so ghjunta nant’à Anarulia, partendu dà a cità di Nov’Azomkil, cumminciò u so viaghju per andà à scuntrà i terribuli scalpillinuti. A matina di u terzu ghjornu, allora ch’ellu s’appruntava à parte di a cità, fù salutatu dà tutti l’anaruliani chì l’avianu ricevutu cume s’ella fù l’ultima volta ch’elli u vidianu. Certi, ancu pienghjianu, è Lirl era assai sorpresu, è cumminciava à pinsà dà veru ch’è u periculu era podasse reale. Pò, dopu à avè salutatu tuttu u mondu, Lughjarcu in ultimu, pigliò u caminu di u norde, sott’à u celu palidu è nivulosu d’Anarulia.
Anarulia era una pianeta cun pocu rilievu. U celu era palidu, mà Nolioris (u so sole) ùn mandava ch’è pocu lume, è per quessa, u fretu era onnipresente.
Lirl, dopu à avè lacatu Nov’Azomkil daret’à ellu, cumminciò u so longu viaghju versu u norde, solu cù u so saccu è a so cuscenza.

I primi ghjorni di viaghju ebbinu per quatru una piaghja diserta senz’animali, è cun pocu vegetazione. Quale sia a direzzione di u so sguardu, era sempre listess’affare : una piaghja diserta cun pocu vegetazione. Un ghjennaru di paesaghju moltu aghjacchente. Lirl viaghjava tutt’u ghjornu, piantendussi u menu pussibule per u perde micca tempu. Ùn manghjava ch’è pocu, solu qualche piante, poche nutriscente, ch’ellu cuglia à mezu à u so caminu. Quandu venia a notte, quand’ell’era più ch’è stancu mortu, si chjinava direttamente nant’à a terra, per arripusàssi qualche ore nanzu di ripiglià a so strada, chì firmava sempre cusì longa. Quand’ell’era mezzanotte, era sempre svegliatu per pudè rimirà l’illuminazione surnaturale, chì l’affascinava in crescendu, senzu ch’ellu sapessi perchè. È ogni ghjornu s’assumigliava à ogni ghjornu. Lirl era solu per a prima volta di a so vita, è cumminciava à sente chì stu viaghju era più impurtante ch’ellu cridia prima. Allora ch’ell’avia intrapresu sta longa strada solu per rassicurà l’anarulianu nant’à l’origine di un fenomenu straniu, cumminciava à risente, à u più prufondu di a so anima, ch’ell’andava à a scontra di u so destinu. Micca necessariamente un destinu funestu, o un destinu di morte, mà simpliciamente u so destinu, un’puntellu maiò di a so vita. A sulitudine, a sott’alimentazione, u fretu, è a fatica… tuttu què agiscia nant’à ellu, scambiendu a so mente. Avà ch’ellu avia u tempu di pinsà, cummincia à dumandàssi s’è a missione ch’ellu s’era fissatu, di ramintà tutta a diasporà cariutiana fin’à u so paese d’origine, fù veramente un’idea soia, o s’ell’era d’ispirazione suprana. Percorria u so caminu spirituale cum’ellu percorria u so caminu cuncretu, versu e terre bureale, è tutte e fole e leggende chì a so mamma l’avia cuntatu dà chjucu li rivenianu in mente, pensendu, per a prima volta di a so vita, ch’ell’eranu podasse a verità. Si dumandava dinù perchè avia tantu insistatu per andà a pedi senza veiculu, è solu. Si dumandava chì forza l’avia incitatu à sceglie a strada a più difficiule. Certe viaghjava, per a prima volta di a so vita, sott’à u lume di a so stella, è ne pigliava un’veru piacè, mà sapia ch’ellu ci era un’altr’affare : un’affare ch’ell’ùn pudia numinà, un’sintimentu cumpletamente novu per ellu, troppu suttile per ellu, chì andava propiu bè cù u so novu statu di pelerinu.

I ghjorni passavanu, è Lirl ùn si infiacchia micca. U fretu increscia à misura ch’ellu s’avvicinava di u norde, è ancu e corcie piante ch’ellu manghjava, si facianu scarsulate. Sta smariscione prugressiva l’alterava appena, postu ch’ellu cumminciava à dumandassi cio ch’ellu puderia manghjà quand’ùn ci serà più nunda. L’illuminazione mezanottinca divintia sempre più pudente, è Lirl si dumandava s’ell’era perchè s’avvicinava di a surghjente di st’illuminazione, o s’ell’era perchè era a so ghjunta chì agiscia nantu. Quaranta ghjorni dopu à a so parte di Nov’Azomkil, Lirl scorgì, à u luntane, u principiu d’una catena di muntagne. Sta vista incallò grandemente u core di Lirl ; prima perchè era più ch’è techju di sta piaghja senza fine, è dopu perch’ellu sapia chì s’avvicinava di a fine di u so viaghju : l’anaruliani li avianu dettu chì era precisamente à sta catena di muntagne ch’appartenia u famosu Monte Decivezu, u so scopu, induve, second’à l’anaruliani, si truvavanu i scalpillinuti.

I ghjorni dopu, Lirl, ben’ch’è allancatu è stancu, s’affrettò d’avvicinassi u più di u Monte Decivezu. Per nutriscesi, s’era custituitu una massarizia di tuttu cio ch’ellu truvava in u so caminu è chì era manghjaghju (erbe è piante). A fame ùn li fecia più soffre cume i primi ghjorni. Ùn pinsava più, o poche micca à u so corpu è i so bisogni curpurali. Solu impurtava a so missione, è a so certitudina nova nova chì era quì, solu in un locu persu, per fà qualcosa d’impurtantissimu.

Torn’una decina di ghjorni dopu, è e culline divintianu muntagne. U terrenu era più difficiule, mà què, à Lirl, li piacia, li piacia ancu più ch’è a piaghja. A timperatura era calata à – 60 gradi, mà Lirl, ùn sentia più u fretu. Ùn s’interrugava mancu più nant’à a pertinenza di a so venuta quì o nant’à u possibulu periculu chì l’aspettava ; solu avia in capu u fattu ch’ellu devia vene è ch’ell’era venutu. È ogni notte, si discitava sempre per cuntimplà l’illuminazione di u celu, chì, allora ch’ell’era vicina di a surghjente d’emissione, era pudentissima, è più bella ch’e mai. D’altronde, Lirl, chì vidia infine u Monte Decivezu dà i so ochji, vidia infine chì l’illuminazione partia bè dà a cima di u monte. È tutti i ghjorni, s’avvicinava sempre di più di u so scopu, di u Monte Decivezu.

Mà in fattu, Lirl, ùn pinsava più à a raghjone di a so presenza nant’à i lochi. Per ellu, sentia ch’ellu era di u so compitu d’andà quallà, è ùn pruvava più à dumandàssi perchè. È più s’avvicinava di u so scopu, di a cima di u Monte Decivezu, è più era quessa a so pinsata.


Una sera, qualche ore nanz’à mezanotte, Lirl parvenì infine à a cima di u Monte Decivezu. Dà culà, avia una vista tremenda nant’à tutte e muntagne di u circondu. U Monte Decivezu ùn li paria micca esse a più alta, nè a più difficiule à scalà… Mà sopra tuttu, cio ch’ellu rimarcava u più, era ch’ùn ci era nunda ! Manc’un’segnu d’una verunqua presenza surnaturale ! Manc’un’segnu di i scalpillinuti, s’essari fantastichi tanti straniu dà i quali l’abitanti di Nov’Azomkil li avianu parlatu ! Era a cima urdinaria d’un’alta muntagna urdinaria ! Mà Lirl sapia propiu bè chì u Monte Decivezu ùn pudia esse una muntagna urdinaria. L’avia vistu l’illuminazione chì partia da a cima. Ci vulia una spiegazione per stu fenomenu. Ùn pudia micca piantà cusì, u so viaghju. Micca nantu a cima urdinaria d’una muntagna urdinaria. Sinnò, u so viaghju ùn averia ghjuvatu à nunda. Solu à fà perdellu tempu. È à avè ritardatu a cumpienda di a so missione. Lirl era dilusu.

Mà allora ch’ell’era in pienu pensamentu, si sentì cascà. Micca in daretu ni in davantu, no, cascò, cume s’è a terra si sprufundia sott’à ellu. Cume s’ell’era in un’ascensore chì fallava. Lirl ùn ebbi mancu u tempu di spaventàssi chì u so cadimentu si piantò, chì a terra sott’à ellu piantò u so muvimentu, è ch’ellu si ritruvò in u core di a muntagna, in una spilunca, cumpletamente chjosa, mà straniamente illuminata. Mà, n’era sicuru, a so fallata ùn era micca naturale ; ùn era micca cascatu in un’tuvone, era a terra chì era fallata sott’à ellu. U tempu per ellu di ripiglià u so spiritu, di vede ch’ell’era in una spilunca, è chì a so fallata ùn pudia micca naturale, ch’infine, allora ch’ellu guardava e parete di a spilunca, ch’infine, vì à elli.
I scalpillinuti !


Eranu cinque. Cinque essari scultati nant’à a pareta di a spilunca. S’assumiglianu, dà luntanu, à una siluetta umana, mà dinù cariutiana, tantu i munti eranu imprecisi. I cinque essari lucianu dà per elli, è eranu talamente luminosi chì Lirl risentia qualche difficultà per guardàlli.
Pò, nanzu chì Lirl n’ebbi u tempu di prughjettà una qualunque azzione, unu di st’essari pigliò a parolla :
« Ùn ti spaventa, o Lirl. Si in locu sicuru. »
A voce era forte, auturitaria, è dolce. Era dinù piena di saviezza. Esattamente a voce chì omu aspetta, venendu d’essari superiori. L’essari ripigliò :
« L’Anaruliani ci chjamanu i scalpillinuti. Noi, simu e Sintinelle. »
Lirl si sintia cerbelloticu. D’una banda si sintia indegnu d’adirizzà a parolla à st’essari cusì impurtante, è d’un’altra banda vulia capì, vulia sapè. È per quessa chì dumandò :
« E Sintinelle ? »
« Simu i guardiani di u Populu Cariutianu. È bramemu u so ritornu. » Rispose una di e Sintinelle.
« Face parechji millenarii ch’è no aspettemu stu mumentu. Avà, infine, u Salvatore hè ghjuntu. » Sughjunghjì un’altra.
« U Salvatore ? » Dumandò Lirl, assai sorpressu.
« Iè. Si tù u Salvatore di u Populu Cariutianu. N’ai dighjà fattu assai, è u to destinu serà di cuntinuà. Sì l’Elettu di u Populu Cariutianu. » Rispose una Sintinella.
« Dapoi u principiu di a smariscione di u Populu Cariutianu, operemu per u ritornu, mà ancu cun tutt’a nostra Putenza, nund’ùn era pussibulu nanzu ch’è tù ghjunghjessi. » Precisò un’altra Sintinella.
« Avemu messu tuttu in opera, nant’à sta pianeta per pudè scuntràtti. » Dichjarò una Sintinella.
« Avemu pruvucatu sti fenomeni per azziccà u spiritu superstiziosu di l’anaruliani. » Dì un’altra.
« U to stintu naturale di Salvatore di u Populu Cariutianu ùn s’hè sbagliatu, è ai capitu prima ch’è u to spiritu ebbi capitu perchè, ch’è tù devia vene quì per scuntràcci. » Annunciò un’astra.
Sentendu stu discorsu, Lirl era propiu dubbitativu, è per quessa dumandò :
« Cume ? Site in tracciu di dìmmi ch’è vo site spiriti trapudenti è immortali, mà chì senza mè, chì sò u salvatore, ùn pudete fà nunda ? Ùn capiscu micca… È ghjust’à puntu… site sicuru ch’è so eiu, u salvatore ? Chì eiu, ùn sò tantu strasurdinariu, eiu. »
Una Sintinella rispose :
« Iè. Si tù u Salvatore. È ùn ci vole micca ch’è tù circhessi à capì. E forze di u destinu so più pudente è più cumplicate ch’è tù credi tù. Si tù chì averà à salvà u Populu Cariutianu. Ai dighjà cumminciatu. Noi, ci simu circuscritti à mette in piazza tutte e circunstanze per ch’è tù venissi quì oghje, è u fattu ch’è tù ebbi fattu stu longu viaghju solu, in cundizzione streme senza mai rinuncià vole, oramai, dì chì sì tù u Salvatore. »
« Nant’à sta pianeta, tuttu, era fattu appostu. » Precisò un’altra Sintinella.
Lirl ùn sapia più cosa risponde, nè mancu cosa pinsà. L’avenimenti pigliavanu una girata troppu strania, è ancu troppu spirituale per ellu. Ùn li parria micca d’esse un Messia. È puru… è puru, dopu à stu longu viaghju in e terre cutrate d’Anarulia, in cudizzione poche urdinarie, a so spiritualità s’era svegliata, ellu chì era statu sempre ateu. È cumminciava à dumandàssi s’è e so brame e più prufonde di ramintà u populu cariutianu, a so missione, cum’ellu dicia eiu, ùn fù d’ispirazione superiore. Li paria d’avè infine a prova di stu fattu. Mà tuttu firmava sempre moltu cunfusu in a so mente, è per quessa, fì a scelta di piantà di parlà, di piantà di riflette, è di cuntentassi di stà à sente. E Sintinelle cuntinuonu :
« Sì u Salvatore di u Populu Cariutianu, è un’Gran Destinu t’aspetta. Mà dinù grande prove. Sfidoni tamanti t’aspettanu per a salvezza di u Populu Cariutianu. »
Lirl chì si sintia un’pocu persu, dumandò :
« O Altissime Putenze di l’Universu. Vi chjamu per aiutàmmi à compie a mio missione è tuttu cio ch’è vo mi dite ch’è averaghju à fà. »
Una di e Sintinelle li rispose :
« Ùn ai micca bisognu d’aiutu. Ai dighjà in tè tutte e qualità necessaria à u compiimentu di a to Opera. Ùn t’ammanca ch’una sol’affare : a facultà d’impiegàlle. »
Lirl, era un’pocu dilusu di sta risposta. Mà un’altra Sintinella sughjunghjì :
« Mà ti femu quantunque un’Gran’Rigalu. Ti femu daziu di e Tavule di a Cunniscenza. »
« E Tavule di a Cunniscenza ? Mà cosa sò ? » Dumandò Lirl.
A Sintinella li spiegò :
« E Tavule di a Cunniscenza anu l’apparenza d’una petra nera ettagonale allisciata, nentru a quale sò intarsiate sette petre : un’diamante (biancu), una smeralda (verde), un’rubinu (rossu), un’zaffiru (turchinu), una tupaza (ghjalla), un’amatista (viuletta), è una zerlina (arancina). »
« Per i prufani, hè solu un’bellu ghjuvellu. Mà in e Tavule di a Cunniscenza, sò inchjustrate tutte e Cunniscenze di l’Universu. » Annunciò un’altra Sintinella.
« E sette petre riprisentenu sette Pudenze Suprane ch’ùn ai micca bisognu di cunnosce. » Precisò un’altra.
« Per pudè accede à tutte ste cunniscenze, ci vole ch’è tù parveni à un’statu superiore di meditazione è di cuncentrazione. » Dichjarò un’altra.
« È stu nivellu quì, ùn l’ai micca per u mumentu, mà poi avèllu. » Compiò un’altra.
Lirl ùn era mancu più stunnatu. U fattu ch’un’tal’ughjettu pudia esistà ùn lu surprendia mancu più. Ci eranu troppu accadamenti in listessu tempu per ch’ellu pudessi torna esse sorpressu. Una di e Sintinelle ripigliò a parolla :
« E per avà, noi, avemu à smarisce, tutti l’anaruliani smariti dapoi seculi è seculi per esse venuti quì troppu tostu anu à ricumparisce, è truverai quì e Tavule di a Cunniscenza. Seranu toie fin’à a to morte. »
È, dettu què, e Sintinelle smarinu in l’aria, senza lacà manc’un’orma di u so passaghju, è Lirl ùn devia mai più vedelle. À e so piazze, una bella petra ettagonale nera è allisciata, intarsiate dà sette petre : e Tavule di a Cunniscenza.

Lirl, ùn pocu stupidu dà tuttu què, pigliò in e so mane u preciosu ughjettu. À stu mumentu, cum’ell’era fallata prima, a terra sopra a quale era si messi à culà, per purtàllu, esatamente induv’ell’era prima : in cima di u Monte Decivezu.

È pò, vì una cinquantina di Cariutiani chì eranu quallà per aspettàllu. Eranu tutti i Cariutiani smariti dapoi parechji millenarii chì s’eranu avvinturati in stu rughjone sacratu. Lirl ùn ebbi mancu u tempu di riflette nant’à cio chì venia d’accade ch’ellu fù obligatu di parlàlli per pruvà à cunvinchelli di seguitàllu per riturnà à Nov’Azomkil, chì avà ch’ell’avia capitu tuttu, era più ch’è ora di rientre.

U viaghju di ritornu fin’à Nov’Azomkil fù più longu ch’è prima. Tutti ùn viaghjavanu micca cusì in furia ch’è Lirl, è certi suppurtavanu male a sott’alimentazione. Certi passavanu u so tempu à altercàssu è ancu à battesi. In più di què devianu esse sempre rassicurati. Lirl si dumandava cio ch’elli avia à divintà, elli. Ùn eranu mancu di a so epica, è serianu sicurament persi à mezu à tutti sti ghjenti ch’ell’ùn cunniscianu.
Mà sopra tuttu, Lirl, avà ch’ellu ne avia u tempu, pinsava oramai à ellu. À cio ch’elli li avianu dettu e Sintinelle nant’à ellu, u so scopu, a so azzione. U svelu di a so pusizione di salvatore, o d’elettu li lacava un’impressione moltu strania. E Tavule di a Cunniscenze eranu un’ughjettu strasurdinariu, è sopra tuttu unicu, preciosissimu. Si dumandava s’ell’era veramente veru ch’ell’era u Salvatore o l’Elettu di u Populu Cariutianu, cum’elle dicianu e Sintinelle. Sintia chì a so missione ùn era più simpliciamente di ramintà tuttu u populu cariutianu nant’à Cariutia, mà era ancu più grande, più alta, più impurtante. In più di què devia cumplettamente rivede a so pusizione nant’à a spiritualità.

Mà in fattu, u viaghju di ritornu si passò megliu ch’è u primu. Lirl rivenia in Nov’Azomkil cù tutt’e so risposte, a certitudina di u benestà di a so dimarchja, è sappia ch’ellu pudia fà u viaghju inversu senza cascà mortu, di fatica, di fretu o di fame. Di notte, quand’ellu era svegliatu, vidia bè chì l’illuminazione di mezanotte era compie è chì sicuramente, l’anaruliani serianu allora pronti à seguitàllu.

Quand’ellu rientrò in Nov’Azomkil, cun tutti l’altri Cariutiani, Lirl fù accoglitu dà una populazione entusiastica, in salvatore. Era ellu chì avia fà smarì l’illuminazione mezanottinca, è di colpu, eranu autorizati à rivene nant’à Cariutia.
U ritornu di tutti quelli ch’eranu smariti dapoi anni è anni participò à cunvinchelli di sta necessità. Mà Lirl ùn svelò nunda di e Sintinelle, à nimu, preferendu tene sta parte sicreta. È e Tavule di a Cunniscenze fune piattate, ancu à Lughjarcu.

Fù cusì chì, dui mesi dopu, tutti l’anarulianu seguitonu Lirl in u Vededelà. Per u Gran’Ritornu nant’à Cariutia. Infine.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:13 am

U ritornu nant’à Cariutia



Infine, Lirl avia finitu u so esiliu. Di què, ne era sicuru. Era infine ghjuntu à a vicinanza di a so pianetta antenatale : Cariutia a bella, Cariutia a ricca, Cariutia l’unica. A sola pianetta in l’universu nant’à a quale sapia chì u so destinu devia passà.
U so vascellu, carcu di Cariutiani di a diasporà, bramosi quant’e ellu, è per certi, più ch’e ellu, di rivene infine nant’à Cariutia, era infine quasi prontu à calàssi nant’à a terra sacrata di Cariutia.
Tandu Lirl, in stu mumentu storicu, sì mettì à pinsà à la so sorte, è à la so opera, dapoi ch’ellu avia lasciatu a Terra. Tandu infine vicinu di u so termine, a so storia persunnale li paria incredibile. Retruspettivamente, rializava chì mai ùn avia credutu pudè fà tuttu què. Mai ùn avia credutu pudè cuncoltà a quasi totalità di a diasporà cariutiana di tutte e pianette storiche di a culunisazione cariutiana, cunvinchendulli cusì faciulmente di vene cun ellu. Solu avia speratu di fà qualchi passi in sta direzzione, pensendu sinceramente chì u ritornu di tutti l’esiliati nant’à Cariutia ùn si pudia micca fà, à u megliu, nanzu parechji seculi. Per ellu, a so situazione tenia veramente di u miraculu ! Certe, era statu furtunatu di scuntrà à Lughjarcu è à l’altri Facciuti Verdi, mà quantunque, ùn vulia crede chì tutta a so storia ùn fusti pussibule ch’è grazia à sta sola scontra. D’altronde, ancu sta scontra era più ch’è strania è bisstrania s’ellu a piazzava sott’à u solu segnu di a furtuna.
Lirl, più ch’è mai, si dumandava perchè, essari cusi intelligenti è cusì pudenti ch’è i Facciuti Verdi – a tecnulugia di u Vededelà ne testimunia – avianu vulsutu scuntràllu, ellu ch’ùn era nunda. Lirl si dumandava cosa era a forza chì avia fattu i Facciuti Verdi interessàssi à ellu. Tutta a so vita, dapoi u principiu di i so sonnii fin’à stu mumentu, li paria troppu bella, è troppu incurunata di successu è di vittorie. È più ch’è mai, si dicia chì l’ultime rivelazione di e Sintinelle in a spilunca di u Monte Decivezu ùn pudia ch’è esse a spiegazione ultima di tuttu què, ben ch’ellu firmava sempre mudesta : s’ellu riescia tuttu cio ch’ellu facia, era perchè e Sintinelle avianu vistu in ellu l’Elettu.
Mà nanzu di callàssi infine nant’à Cariutia, ci vulia torna ch’ellu andessi à circà l’ultimi cariutiani sempre spapersi : quelli chì stavavanu nant’à i satelliti di Gliesse B, è quelli, ancu menu numarosi, chì campavanu nant’à tutti l’asteroidi di u sistema cariutiani.
Pupulazione poche numerose, un’pocu miserevule, chì campavanu cun quasi nunda, è chì fustenu più ch’è bramose di raghjunghje Lirl, solu qualchi ghjorni dopu.
Torna una vittoria. Torna un altra per u Salvatore, per l’Elettu. Incù stu novu sucessu, Lirl cridia sempre di più à cio ch’elli li avianu dettu e Sintinelle.

Era ghjunta l’ora di calàssi infine nant’à Cariutia. Tutta a diasporà cariutiana era à u so latu, fora di quelli d’Alnaris, troppu numerosi per rientrà tutti in u Vededelà, mà ch’ellu avia à andà circà prestu incù un secondu viaghju. Lirl, nanzu di calàssi indocu, cumminciò per discutà appena incù Lughjarcu è l’altri Facciuti Verdi, elli sempre cusì bè infurmati, di a situazione nant’à Cariutia.

Fù cusì ch’ell’abbì cunfirmazione chì quasi tutte l’antiche cità di Cariutia eranu cascate in ruvine, postu chì tutti l’abitanti eranu partuti in u spaziu, fora di a cità di Liozogzig chì ne avia prufittatu per cunquistà u restu di a pianetta, a casta à u pudere imponendu a so dittatura à tutti i Cariutiani chì eranu firmati in casa soia. A pupulazione cariutiana era veramente dissanguinata è Lirl sapia ch’ellu deberia, à un’mumentu o à un’altru, cumbatte a dittatura per impone a libertà, chì ùn avia micca sceltu di cuncoltà tutt’a diasporà cariutiana s’ell’era per mandàlli à una casta crudella chì li reducerà in a schjavitù. D’altronde, ùn vullia micca salvà a diasporà s’ell’era per ùn fà nunda per aiutà quelli chì eranu firmati. Lirl era decisu à cumbatte a dittatura.
Mà prima, ci vulia principià per calassi in un’locu di a pianetta Cariutia. Lirl, chì avia sceltu prima di calàssi accant’à Liozogzig per pudè mustrà à a dittatura ch’ellu vulia cumbàttelli, fù cuntradettu dà Lughjarcu è l’altri, chì, à u cuntrariu, per a securità di l’esiliati, preferiscianu fà u sbarcamentu in un locu disertu, per pudè urganisàssi megliu per custruì case per l’esiliati senza invadisce i lochi chì appartenianu dighjà à i Cariutiani di Cariutia. D’altronde, a luntananza di a dittatura era più ch’è bramavule per tutti l’esiliati chì l’avianu seguitatu sperendu ritruvà a pace è a serenità.
Cusì, Lirl sceglì di calàssi nant’à un cuntinente chjamatu Velsenia, spezia di grande isula à bastanza luntana di Liozogzig è di u sediu di a dittattura per ch’elli pudessinu sperà un pocu di tranquilità, lascendulli cusì almenu u tempu di sbarcà di u vascellu è d’urganizàssi.

Infine, dopu à tanti seculi, dopu à tanti millenarii d’assenza, a maghjorità di a diasporà cariutiana rivultava in terra soia. Stonde sulenne chì fecinu pienghje ancu i più insensibile di tutti i Cariutiani. Per Lirl, era cume a cunsecrazione di tant’anni di sonnii è di sforzi, è aldilà di u so esse, di tanti seculi d’assenza, purtati di tante brame cusì sicrette ch’è prufonde. I populi di Cariutia, raccoltati da novu.
U locu duve sì callò u Vededelà era una grande valle verde, trà duie catene muntagnose scuperte di neve. À u luntanu, si vidianu qualche fureste impenetrabile, ch’ùn eranu sicuramente micca state visitate dapoi l’esiliu. Infine, u locu era dinù vicinu di u mare.
Un locu magnificu cume fattu appostu per purtà tutte e sperenze di i Cariutiani rivultati.

L’aria di Cariutia, ch’ellu rispirava per a prima volta di a so vita, li paria d’una purezza infinita, è i so paesaghji verdi d’una bellezza ch’ùn truvava nisun parolla per descrivella. Puru u locu ùn era ch’è una terra diserta, micca cumplettamente vergine per esse stata occupata parechji millenarii nanzu da parechje cità più o menu pudente, senza bellezza particulare o eccezziunale. Ma eranu i so lochi, è per quessu, per i so ochji, eranu i più belli ch’ellu ùn ebbi mai vistu.

U termine di u viaghju era quì, ancu s’è a so missione ùn era finita, è Lirl seria firmatu parechji ghjorni custì, in cuntemplazione di a so pianetta ritrova s’è Lughjarcu ùn l’avia micca scuzzulatu per incurragiscellu à riparte, incù u Vededelà, à circà i Cariutiani firmati in Alnaris, troppu numarosi per rientre tutti in u Vededelà in una sola volta.
Lirl, pocu allegru di riparte subitu di a so terra ritrovata, ancu per un mumentu cortu, è dopu à essessi assicuratu ch’è i Cariutiani eranu bè stallati, ripartì in u spaziu, à piglià cun ellu l’ultimi Cariutiani.

Quand’ellu vultò nant’à Cariutia, pochi ghjorni dopu, purtendu u numaru totale di Cariutiani rivultati à parechji millioni, Lirl ebbi a sudisfazzione di custattà chì grazi’à a bona vulintà di tutti, i picculi campi principiavanu à organizàssi incù intelligenza. Sta cosa, à u vistu di l’origine diverse di tutti l’esiliati, è di tutte e so culture sfarente, li rallegrò u core ancu di più postu ch’ella ùn era manc’appena sicura.

À u totale, è senza parlà di i 20 000 Cariutiani d’Alnaris chì avianu sceltu di firmà quallà, l’esiliati eranu 250 000 à vene d’Izzuzzò, 10 000 d’altri lochi nant’à Gherccebà, 12 000 000 eranu nati nant’à Cariutera, 200 000 nant’à u restu di u sistema noscliurianu ; 5 000 000 venianu di e cità di Nov’Azomkil è Nova Nerziba, nant’à Anarulia, è 1 500 000 di tuttu u restu di sta pianetta. Infine, eranu 50 000 à pruvene di parechji altri lochi di u sistema cariutianu.
D’altronde, firmavanu sempre 2 500 Cariutiani ancu più luntani chì Lirl avia localizatu di manera imprecisa, è ch’ellu anderia prestu à circà fin ch’ellu seria ghjuntu à stabilizà una cria a situazione nant’à Cariutia. Sapia dighjà chì st’ultimi esiliati serianu difficiuli à truvà, ch’ellu seria un travaglione longu, è chì prima, avia bisognu d’occuppàssi di u campà di quelli, moltu più numarosi, chì eranu dighjà cun ellu.

In fatti, sti primi campi chì venianu di stallàssi in Velsenia cuntavanu un pocu menu di 19 millioni di Cariutiani vultati da l’esiliu. U so esiliu era spessu sfarente ; a maghjorità avia campatu nant’à Cariutera a bella, è un altru largu percentaghju nant’à Anarulia a freta. Quasgi tutti l’altri, minoritarii venianu di lochi monda più disgraziati, cume Gherccebà, u sistema noscliurianu, o ancu parechje stazione spaziale mezu abandunnate nant’à asteroidi di u sistema cariutianu. Eranu ghjente ch’ùn si serianu mai scontri s’è a putenza di u Vededelà ùn l’avia micca adduniti.
Tutti avianu, è senza ch’elli ne fussinu tutti cuscenti, accettatu di cunsiderà à Lirl cume essendu u capu di tutti l’esiliati. Lirl l’avia capitu, è ben ch’è sta situazione li dispiacessi appena, ellu ch’ùn avia mai bramatu u putere ma solu di pudè participà à rende à i soii, a felicità è l’addunita, facia in sorte di svelàssi degnu di a cunfianza ch’è i soii avianu piazzatu in ellu.
Cusì incù l’aiutu di i Facciuti Verdi è di tutti i cummandanti d’ogni cummunità, ch’elli sianu di Gherccebà, di Cariutera, d’Anarulia, o d’altrò, avia dighjà messu in piazza un primu guvernu pruvisoriu di i Cariutiani Esiliati Vultati.
Angr d’Orchalozg, anzianu altu rispunsevulu di a cità d’Alnaris ne era u Presidente, è Gliosk Ogra Friren di Gherccebà, l’anzianu cummandante di e forze militare di a cità d’Izuzzò, u Primu ministru, è capimachja di l’armata. Un anarulianu chjamatu Vren Morvienk di Nova Nerziba fù fattu Ministru di a Ghjustizia è di l’Econumia, è un altru cariuterianu, Zerg Onkror di Wielsezao, Ministru di u Sviluppu.
Lirl, riccusendu l’onori, ùn avia nisun rispunsabilità ufficiale, ma a so voce valia quante quelle di l’altri per u populu. Puru di tuttu què, Lirl si n’impippia.
U sole affare chì l’interessava tandu, era di sapè cumu fà per ufficialisà u ritornu. Certe s’eranu stallati, tutti l’esiliati, in campi pruvisoriu, in un bellu valle fiuritu di a Velsenia, ma ùn era micca l’oghjettivu veru. Prima perchè ùn eranu ch’è stallazione pruvisoriu per quellu chì vulia fà rinvivisce l’antiche cità cascate in ruvine, è dopu perchè ùn avianu mancu avutu cuntatti incù i Cariutiani chì campavanu sempre nant’à Cariutia, ch’ùn ne eranu mai partuti.
L’infurmazione ch’ellu tenia di i so amichi Facciuti Verdi, chì u putere in piazza in a cità di Liozogzig l’inchietava moltu. St’infurmazione era ancu più inchietante postu ch’ellu sapia ch’è era in sta cità ch’elli si trovavanu più di a meità di i Cariutiani detti di Cariutia, tandu chì quasi tutte l’altre cità eranu cascate in ruvina.
Più precisamente, Lirl sapia ch’è nanzu à la so ghjunta, ci eranu 7 millioni d’abitanti nant’à a pianetta sana ; 3.5 millioni campavanu in a cità di Liozogzig chì imponia u so ghjughu à tutti è à tutte, 2.5 millioni in a vechja cità muntagnola di Flimpkstatsk-Okronk, chì avia resistitu moltu bè à a disertificazione di a pianetta, campendu quasi in autarcia, un mezu millione firmava sempre à campà in a piccula cità d’Olkandai, è u restu, sia un millione di Cariutiani, era sfarfagliatu nant’à u restu di a pianetta, à bastanza spessu occuppendu e ruvine di l’anziane cità.
Cuscentu chì u cuntattu incù a dittattura di Liozogzig, ben ch’è inevitevule, ùn puderia mai esse pusitivu, Lirl decidò di principià per cuntattà a ghjente di Flimpkstatsk-Okronk, muntagnoli chì campavanu à mezu à i Monti Paliti (cusì chjamati perchè ricchi in calcare) in i rughjoni settentriulani freschi di a pianetta. Per Lirl, sta presa di cuntattu ùn puderia esse ch’è benefica, è quessa per duie raghjone. A prima era di duvintà amichi incù l’abitanti di sta cità muntagnola incù un nome cusì cumplicatu, è cusì tese ligami sicuri, trà quelli chì eranu sempre firmati culà, è quelli chì ci rivenia, dopu à tanti seculi d’assenza ; scambii culturali è suciali ch’ùn serianu ch’è boni per i Cariutiani in u so inseme. A seconda raghjone era chì sta presa di cuntattu li permetteria dinù d’allegàssi incù a citàdi Flimpkstatsk-Okronk, cosa chì li permetteria d’avè un pesu di più per fàssi accittà da Liozogzig.


Ma e cose ùn devianu micca passàssi cume previstu, chì, dui ghjorni dopu à l’ultimu viaghju di Lirl, allora ch’ellu appruntava una spedizione d’una decina di riprisententi cariutiani per andà in Flimpkstatsk-Okronk à scuntrà a ghjente di sta cità muntagnola, ghjunghjì, da u mare vicinu, un battellu pudente, cume s’ellu era un battellu di guerra.

Prestu a nutizia di a ghjunta di stu battellu si diffondì, è in qualche minute, tutti i Cariutiani di i campi fighjavanu, inchieti, l’orizonte marinu, è lu battellu avvicinàssi sempre di più. Lirl, un pocu sbalditu, s’avanzò, priparendussi à ogni eventualità, accumpagnatu d’una centinaria d’altri Cariutiani chì spartianu u so sintimu, fighjendu u battellu avvicinàssi d’elli cun inchietutina.
Pò, u battellu sì piantò, à bastanza vicina di a coste, forse per via di a prufundore ch’ùn era più bastevule per avvicinàssi di più, è ne escì una piccula barca, in a quale sì trovava una vintinaria di Cariutiani, per avvicinàssi sempre di più, di i campi pruvisorii d’esiliati.
Infine, a barca ghjunghjì in piena terra. Ne escinu sei Cariutiani in custume ufficiale chì piglionu u caminu di u campu, sott’à a surveglianza attenta di Lirl è di tutti l’altri. Tandu, quandu, parechje minute dopu, fubbinu ghjunti à u campu, in misura di principià un cuntrastu, quellu chì viaghjava davanti mughjò :
« Quale hè u capimachja di sta mansa di disgraziati ? Vogliu parlà à un sceffu ! »
In l’assenza d’altri rispunsevuli pulitichi, Lirl rispose :
« U sceffu sò eiu. Pudete negucià cun mè s’è vo vulete. »
U Cariutiani chì venia di parlàllu cusì, aghjustò :
« Sì tù u malasciamè à u quale devimu sta cuncolta di banditi ? »
Fendu nice d’ùn sente l’insulte, Lirl rispose :
« Vulete negucià cun mè ? Pensu chì l’ora hè venuta. Quale riprisentite ? V’invitu eiu. »
Ma l’altru, ùn parendu fà nisun casu di cio ch’ellu dicia Lirl, dichjarò :
« Sò l’Inviatu Speziale di u Guvernu Sacratu di Liozogzig. Sò statu mandatu quì per amparàvvi ch’è vo ùn site micca i benvenuti quì nant’à sta pianetta. A sola neguciazione ch’o vi prupongu hè quessa : partite subitu, è per u sempre, di a nostra pianetta, è ùn ci serà nisun prublemu. In u casu cuntrariu, vi feremu a guerra. »
Lirl, pigliendu u stessu tonu ch’è l’Inviatu Speziale, ripustò :
« Sta pianetta hè à bastanza grande per noi tutti. Site voi maestri di Liozogzig è di u cuntinente di a Locarnesia. Pudete lasciàcci a Velsenia per noi chì ùn site manc’appena prisente, nant’à stu cuntinente disertu. »
« Simu maestri di a pianetta sana ! A Velsenia ne face parte. È un ghjornu, ancu i muntagnolacci di Flimpkstatsk o l’abruttiti d’Olkandai, anu da amparà ch’è i soli maestri, simu noi. I stirparemu tutti. » Rispose l’Inviatu Speziale pienu d’orgogliu.
Lirl, ben ch’è a pinuccia surpresu da una risposta tale, li anunciò, dopu à qualche seconde di silenziu :
« Sta terra hè a nostra. Rivultemu d’esiliu, è firmeremu quì. »
Tandu, u riprisentente di u putere di Liozogzig li rispose, cun un calmu spavintosu :
« Tandu, a guerra hè dichjarata. »

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:14 am

A guerra cariutiana



Un silenziu di morte regnava subitu dopu à quell’annunziu cusì funestu, fattu d’una voce cusì calma ch’ellu ne era ch’è più tarribile. Allora ch’è i riprisententi di u guvernu ufficiale di Liozogzig, senza spartessi di a so falsa serenità, rivultonu à a so barca, quellu chì ne era u portaparolla dichjarò, incù una sulennità ch’ellu si cridia d’avè :
« Ùn v’avisate manc’appena di fàcci una mala sorte, o d’impediscecci di parte di stu locu puzzicosu, ossinò a guerra principierà ancu più prestu ch’è vo l’imaginate. Per avà vi lascemu tranquilli, ma solu per avà. A guerra hè dichjarata. »
St’ultimu avertimentu fù senza effectu particulare nant’à Lirl è i so cumpagni, è d’altronde cumplettamente inutile. Tutti eranu firmati cume abbambacinati da a ghjunta di li pritenziosi degni riprisententi di a cità di Liozogzig, è sopra tuttu, da l’annunziu di a dichjarazione di guerra. L’abbambacinamentu si perseguitò ancu parechje minute dopu à a partenza di a barca, chì raghjunghjì prestu u battellu chì ripigliò u caminu di u largu per smarì à l’orizonte.
Ma dopu à u primu subugliu passatu, fù u scatinamentu generale. Tutti si missenu à parlà in u stessu tempu di cio chì venia d’accade. A piuparte eranu atterriti da a minaccia avà chjarita, d’una guerra aperta contr’à a pudente cità di Liozogzig, è certi, forse un pocu più intelligenti o più arditi ch’è d’altri, ideavanu dighjà qualchi piani di diffesa o d’assaltu. Ma prestu, qualche voce sì fecinu sente per criticà à Lirl, in a so vulintà d’accuncoglie tutta a diasporà cariutiana sparta in tutta a galassia per fà piantà l’esiliu, lampendulli, d’una situazione cunfurtevule à tutta l’incertezza di i lindumani scunnisciuti. È tandu, sta pinsata di scuntentamentu generale è di zerga contr’à Lirl si propagò in tutti i Cariutiani di l’assistenza, in particulare quelli, è eranu numarosi, chì venianu di a ricca cità d’Alnaris nant’à Cariutera.
Lirl, afflettu da sta situazione da a quale ùn era manc’appena culpevule, aspettò ch’elle sì calmonu e voce scuntente, per dichjarà, à alta voce :
« Cariutiani ! Cari fratelli ! Ùn v’aghju micca fattu francà u cosmos per addestràvvi sott’à u ghjughu di a dittattura, o sott’à u focu di a guerra. U mio sonniu unicu hè di fà cresce u nostru populu in i so lochi antenatali è fà di voi un populu fieru, degnu, chì campa in u benestà è in a felicità. Simu quì in i nostri diritti. Ùn bramemu ch’è di campà in armunia ind’è noi ; in i nostri lochi. E nostre sperenze, e vostre sperenze, sò più ch’è leghjitime ! U nostru sonniu ùn deve patte d’una dittattura infama chì hà dighjà arrubatu a libertà à i soii ! S’ellu ci vole battessi per impone a nostra libertà, allora ci batteremu ! Simu à bastanza più numarosi ch’è elli. Simu quasgi vinti millioni, è elli, ùn sò ch’è trè millioni à campà in Liozogzig. U populu di Liozogzig ùn hè micca u nostru nemicu. U nostru nemicu, hè un putere chì inciacca u populu di Liozogzig è chì vole inciaccàcci dinù. Solu i sbirri di st’atroce dittattura sò i nostri nemichi. Cumbatteremu, è vinceremu ! »
Tandu, un formidabile tonu di sciaccamanate schjattò in l’assistenza redutta.

Duie ore dopu, u picculu gruppu si ne era rientratu in u campu. Tandu l’inseme di i 19 millioni di Cariutiani raccoltati culà avia pigliatu cunniscenza di l’ultimi accadamenti. Frà tempu, u picculu guvernu pruvisoriu avia decisu d’un primu pianu d’azzione. A missione in a cità di Flimpkstatsk-Okronk era oramai mantenuta, essendu cumposta di Lughjarcu è di qualchi Cariutiani, è a so partenza fù affrettata à tal puntu ch’ella partì in l’ora chì seguitò, incù unu di i picculi vascelli di u Vededelà, per andà ancu più prestu.
Frà tempu, guardii fubbinu disegnati per a nuttata in tuttu u campu, per curgà i lochi è appruntà à u megliu un eventuale assaltu. I capimachji avianu decisu d’aspettà u lindumane è u ritornu di a missione in Flimpkstatsk-Okronk per piglià altre decisione strategiche.

Qualche ore dopu, allora chì a notte era ghjunta nant’à u campu, è chì tutti eranu rientrati à l’agrottu di e tende, o ancu, per i più paurosi, à l’agrottu di u Vededelà, prutezzione moltu più sicura, un guardiu vedì qualcosa à u luntanu. È pò un altru, è pò torna un altru di più.
Vedinu una spezia di nulu di polvera spiazzàssi, ghjunghje in a so direzzione, accumpagnatu di stridi ch’ùn s’assumigliavanu à nisun stridu d’animale cunnisciutu, ma ch’ùn eranu manc’appena voce cariutiane. Tandu, allora chì certi guardii cuntinuavanu di curgà u fenomenu, l’altri sunonu l’alarma è in pocu tempu, sveglinu qualche centinarie di Cariutiani frà i più vicini di u locu, essendu quasgi impussibile di sveglià d’un colpu tuttu u campu, cumpostu di 19 millioni di personne.
È tandu, allora chì qualche decine di Cariutiani insunnulitu ma inchieti pigliavanu i so fucili in u magazinu d’arme, u nulu di polvera s’avvicinava sempre di più, sott’à u sguardu inchietu di li guardii, pronti à fà focu.
Qualche minute dopu, infine, allora chì s’eranu tutti stallati, u fucile in manu, pronti à fà focu in direzzione di u straniu fenomenu chì l’impauria, vedinu.
U nulu di polvera, pocu à pocu si dissipava, permettendu di vede quelli, o piuttostu cio chì ne era à l’origine. Era una spezia di brancu di mostri giganti, chì caminavanu à galuppà versu u campu cariutianu. Sti mostri, altri cume trè Cariutiani, avianu à pocu pressu l’apparenza di scarpaddanu umanoidi, cun poca carre, ma bracci multiplici assumiglienducci à tanaglie, è capi giganti incù una ganascia smisurata è disprupurziunata. I tinti diffensori fighjulavanu, tarrurisati, i mostri avvicinàssi sempre di più di u campu, à galuppà, cume pronti à strugge tuttu, è à tumbàlli tutti. Ancu i più sapienti di li Cariutiani eranu sicuri chì ste bestie, s’elli eranu animali, ùn facianu micca parte di a fauna naturale di a pianetta, è eranu dunque veri mostri.
Ma u capu di i guardii prisenti, un Cariutianu di Gherccebà chjamatu Zren Erxia Loliorien, malgratu a so paura, ùn avia persu u so discernimentu, è prestu avia pigliatu a direzzione di l’operazione, è di tutti i Cariutiani prisenti, purtatori di fucile, mettendussi à mezu à elli, è stridentu :
« Attenti ! Ùn tirate micca nanzu ch’o vi l’ordinessi ! »
Tutti ubidiscinu, u fucile prontu à tirà, u spiritu in ebulizione, pronti à fà fronte à l’assaltu.

Tornu qualche minute dopu, allora chì li mostri s’eranu avvicinati di più, permettendu ancu di vede i so ochji, picculi, spietati è crudelli, ma senza nisun luce d’intelligenza, Zren Erxia Loliorien stridò :
« Avà focu ! »
Tandu un tonu di spare tuvunò l’atmusfera. Parechji mostri casconu. Morti.
Puru i diffensori ùn avianu fattu cascà ch’è a prima linea, è malgratu a sudisfazzione di vede ch’è li mostri eranu sensibile à e palle, Zren Erxia Loliorien sapia ch’ellu ci ne firmava torna una cinquantina, sempre arritti è minaccianti, chì cuntinuavanu d’avanzà versu u campu, senza parè primuràssi di a morte di li soii, ne di nunda d’altronde.
Fù à stu mumentu chì parechji altri Cariutiani, frà i quali si trovava Lirl, ch’ùn eranu micca stati svegliati da l’alarma, ma da i colpi di focu, ghjunghjinu. Prestu, è senza ch’elli ebbinu u tempu di fàssi spiegà cio chì venia d’accade, piglionu un fucile è sì stallonu incù l’altri diffensori.
Ma Zren Erxia Loliorien ben decisu à ùn lasciàssi manc’appena distrae, appruntò dighjà a seconda carica, mughjendu :
« Aspettate appena ! Tirerete tutti inseme à u mio signale ! »
Pò, allora chì tutti i fucilari eranu in un statu di cuncentrazione stremu, Zren Erxia Loliorien mughjò :
« Focu ! Focu !! Focu !!! Senza piantà !! »
Più forte è più pudente ch’è a prima volta, a diffesa si scatinò. E palle fiscavanu, caminendu versu u so oghjettivu, è uni à uni, i mostri cascavanu, senza mai piantà d’avanzà fin’à a morte.
U rimore infernale di e detonazione svegliò parechje millaie di Cariutiani, chì, quant’è l’altri chì s’eranu svegliati capunanzu, andonu, per i più celeri, à piglià fucile per aiutà i s’amichi.
Ma era dighjà finitu. Tutti i mostri ghjaciavanu in terra, tutti morti, senza ch’alcuni d’elli n’ebbi pruvatu di fughje. Una vittoria incontestabile. Una vittoria ancu troppu faciule.

Pò, allora chì u focu di a battaglia s’era taciutu, u statu di cuncentrazione strema chì avia pigliatu tutti i difensori cariutiani sì svanì per lascià a piazza à u tempu di e questione, accumpagnatu di milli cuntrasti è mille incumprensione, cuncernendu l’attaccu fiascatu ch’elli venianu di subì.
Tutti, da i più sapienti à i più gnurenti, eranu propiu sicuri chì l’essari chì venianu d’assaltàlli, ancu puru senza sucessu, ùn s’assumigliavanu à nunda di cio ch’elli cunniscianu, ch’ellu sia nant’à Cariutia, o ancu in altrò in tutte le pianette nant’à e quale s’eranu stallati. Ancu e bestie e più feroce di Gherccebà ùn s’assumigliavanu manc’appena à què. E cose chì avianu pruvatu à assaltàlli parianu esse solu un cuncentratu d’imbecilità è di gattivezza.
Eccu e pinsate chì veninu di manera spuntanea à quasgi tutti i Cariutiani prisenti.

Fù à stu mumentu precisu, allora chì nimu ùn si ne primurava, ch’ellu ghjunghjì un vascellu in u campu, senza chì nimu ùn ne pigliessi cuscenza. Chì i Cariutiani chì eranu quantunque firmati addurmintati malgratu tuttu u rimore, ùn fubbinu micca svegliati da a ghjunta di u vascellu moltu più silenziosu, è quelli chì eranu dighjà arritti eranu troppu occupati à rifflette à l’origine di li mostri chì li avianu assaltati per vede un vascellu affaccàssi.

In fatti, era u vascellu di Lughjarcu chì rivenia dighjà.

U vascellu sì ponì un pocu più luntanu, è ne fallonu Lughjarcu, accumpagnatu di a piccula squatra cariutiana chì era venutu cun ellu per a missione à Flimpkstatsk-Okronk, è di qualchi altri Cariutiani scunisciuti.
À mezu à l’agitazione generale, capinu prestu chì qualcosa d’eccezziunale si passava, è a visione di i cadavere di mostri cunfirmò stu parè. Tandu Lughjarcu accumpagnatu d’un Cariutianu, si fregò un passaghju à mezu à a calca per pruvà di parlà à Lirl, ch’ellu truvò à bastanza prestu, vicinu di i cunfini di u campu, à mezu à l’altri difensori.
« O Lirl ! Infine ti ritrovu ! » Mughjò Lughjarcu per fàssi sente di manera sicura da Lirl malgratu u rimore.
« O Lughjà ! Sì dighjà quì ? » Rispose Lirl, avvicinendussi di lu so amicu.
« Cume tu vedi. »

Fù allora chì Lughjarcu, accurtendu e formule di crianza è e banalità, li dumandò infine :
« Ma… dimm’appena. Cosa s’hè passatu esattamente quì ? »
Lirl, imbarazzatu, rispose :
« Simu stati assaltati da què, ma ùn aghju nisun spiegazione. È nimu ùn ne hà, d’altronde. »

Lughjarcu, fighjendu quelli cadaveri d’essari scunnisciuti, ùn truvò nunda à risponde, ma u Cariutianu chì l’accumpagnava dichjarò :
« Quessi, sò alienatifamiti. »
Lirl, un pocu surpresu di vede tantu assicuranza in sta situazione duve nimu ùn sà nunda, insistò :
« Cosa ? Alienatifamiti ? »
Lughjarcu, a faccia vergugnosu, spiegò :
« Scusate, chì mi sò scurdatu di fà e prisentazione. Eccu Lirl di Fulzen, quellu chì hè à l’origine di stu ritornu di l’esiliatu. Vi prisentu Zsvrengks Illionmg, un Cariutianu di a cità muntagnola di Flimpkstatsk-Okronk. »

Tandu, allora chì i dui Cariutiani sì facianu e mille civilità usuale di a scontra trà un Cariutianu è un altru, Lughjarcu sì n’andò, un pocu più luntanu.
Lirl era cumossu di scuntrà infine un Cariutianu di Cariutia ch’ùn li era micca ostile, è ancu di più, dopu à un primu cuntattu chì l’avia propiu dilusu, incù i riprisententi di Liozogzig. St’accadamentu, ch’ellu avia tan’bramatu, li riscalava u core più ch’è a so magra vittoria.
Puru, ancu s’ellu ùn s’aspettava micca à fà sta scontra cusì prestu, avia dighjà principiatu à capì dapoi qualche seconde, ch’è u Cariutianu chì accumpagnava Lughjarcu avia qualcosa di sfarente : aldilà di a so vestura ch’ùn s’assumigliava ch’è pocu à a soia, li paria d’avè un accentu moltu prununciatu, cume un accentu muntagnolu di i Monti Paliti. A sunurità un pocu dura di u so nome è di a so casata cunfirmava bè ch’ellu era un veru flimpkstatskianu.
Lirl, resu felice, avia mille questione à pone à Zsvrengks Illionmg nant’à a pianetta, nant’à u so campà, è nant’à tante cose simile. Puru l’ora ùn era micca ghjunta di cuntrastà di e cose di pace, ma piuttostu di priparà e battaglie à vene.
Rimettendu à dopu un cuntrastu seriu, Lirl dumandò :
« Dite ch’elli sò alienatifamiti. È cosa sò esattamente ? Sò sicuru sicuru d’ùn avènne mai intesu parlà. »
« Ùn m’istonna mancu. Sò criature artificiale geneticamente mudificate, create da i sapienti à u serviziu di u putere di Liozogzig per suminà u tarrore. Sò cumplettamente scerbellati, è per quessa, faciule à vince quand’elli ùn sò micca troppu numarosi, ma quand’ellu ci ne hè millaie, hè quasi impussibile di resiste. Sò utilisatu da i capi di a ghjunta militare di Liozogzig per e missione grossiere, duv’elli ùn volenu micca risicà a vita di li sò suldati. Sò essari ideale per suminà u tarrore. » Spiegò Zsvrengks Illionmg.
Lirl ùn rispose nunda. Tandu Zsvrengks Illionmg ripigliò :
« Site stati furtunati perchè ùn era ch’è un picculu assaltu, ma d’altri seguiteranu, à bastanza più numarosi. È dopu i cherri ghjunghjeranu per starminàvvi s’elli ponu. I cunnoscu bè chì hè sempre cusì ch’elli facenu. Noi, in Flimpkstatsk-Okronk, ci piattemu in e muntagne per resiste à stu putere assuffucante, ma ancu dopu à centu cinquant’anni di dittattura à Liozogzig, perseguitanu sempre senza mai piantà. Un ghjornu, sò chì ci chjapperanu, chì sò à bastanza più armati è più numarosi ch’è noi. »
Zsvrengks Illionmg piantò u so discorsu, è Lirl ci riflettò. Zsvrengks Illionmg, chì ùn avia micca finitu di parlà, dichjarò :
« I vostri amichi, o sgiò Lirl, ci anu parlatu di a vostra intrapresa di ritornu di l’esiliati, è noi, à Flimpkstatsk-Okronk, simu stati parechje decine à rallegracci di sta nutizia. Ùn vi possu micca parlà di tutti l’altri di li mio cumpatriotti, chì ste qualche ore sò state troppu corte per cunsultà i millioni di Flimpkstatskiani, ma pudete esse sicuri chì, sott’à u stessu ghjughu ch’è voi, è in a stessa situazione, vi susteneremu. »
À sta frasa chì sunnava cume una cunclusione, Lirl rispose :
« Caru amicu, oghje u vi dicu. In voi è in i vostri, aghju trovu fratelli. Aghju trovu in voi fratelli di miseria è di lotta, contr’à la tirannia, è per a libertà. Spergu chì a nostra guerra contr’à a tirrania usurpatricia si pianterà prestu per permettecci di parlà di pace inseme, per custruisce un avvene migliore per tutti i nostri populi. »
Lughjarcu, ammirativu, sentia da veru chì Lirl, senza ch’ellu ne sia cuscente, pigliava, à misura ch’è u tempu pasava, tutte e qualità per esse u sceffu di i Cariutiani. Ne avia propiu a leghjitimità, duppiata d’un veru amore ch’ellu ispirava à a so ghjente. D’altronde sta pusizione era cunfurtata ancu di più di più ch’ellu ùn bramava micca u putere, ma solu u benestà di u so populu. Ancu s’è u Presidente era Angr d’Orchalozg, un Cariutianu propiu cumpetente, in a mente è in u core di tutti, ùn ci era ch’è Lirl. Un veru sceffu era natu. Ùn pudia ch’è esse bonu per stu populu chì avia tantu pattitu di mille disgrazie è chì s’era tantu svittitu in a galassia. Infine, ghjorni felici s’appruntavanu.


Parechje ore dopu, sott’à u luce di u ghjornu rivenutu, Lirl fecì un gran discorsu à l’inseme di i Cariutiani di u campu ricapizzati in giru à ellu. Tutti ci eranu, fora di quelli chì eranu stati vulintarii per piglià a rileva di a guardia, vigilendu l’orizonte per privene un affrontu novu, ch’ellu sia d’alienatifamiti, o d’altre cose ancu peghje.
À u so latu, si trovava Angr d’Orchalozg, u Presidente, chì riprisentava u putere puliticu, è Gliosk Ogra Friren di Gherccebà, u sceffu di l’armate, chì riprisentava quellu militare. Ci eranu dinù Lughjarcu, è Zsvrengks Illionmg chì riprisentava l’allianza ch’ellu si prumettia di fà incù a seconda putenza di a pianetta. St’allianza ùn era micca solu parolle vane, chì tutti i cuntatti pigliati frà tempu trà l’esiliati rivultati è a ghjente di Flimpkstatsk-Okronk s’eranu svelati propiu pusitivi, à tal puntu chì, in solu qualche ore, tutta a cità di Flimpkstatsk-Okronk, da i più povari à i più ricchi, s’eranu rallegrati da l’intrapresa di Lirl, è chì lu guvernu ufficiale di a cità avia da mandà, in i ghjorni à vene, una delegazione ufficiale per signà un allianza ufficiale trà Flimpkstatsk-Okronk è l’anziani esiliati, contr’à Liozogzig.
In cullaburazione incù Gliosk Ogra Friren di Gherccebà, u capu di l’armata, Lirl ne avia ancu pruffitatu per mandà in Liozogzig una vintina di spie, per megliu anticipà a guerra. Malgratu a difficultà è i risichi di sta missione, si truvò senza troppu difficultà qualchi vuluntarii per fà quessa.
Lirl mandò dinù una piccula imbasciata à a terza (è ultima) cità di Cariutia à esse sempre arritta : a piccula cità d’Olkandai in u sudu di a pianetta. Per via di u so isolamente per rapportu à elli, è per via dinù di u fattu ch’ella ùn era micca una cità guerriera ne mancu una cità pudente, paragunata à Liozogzig, Lirl ùn s’aspettava micca di riceve un sustegnu armatu è forte di sta cità, ma ùn vidia nisun raghjone per ùn duvintà micca amicu è forse alliatu incù a ghjente pacifica di sta piccula cità chì meritava, quant’e elli, è forse più ch’e elli, di campà in pace è in serenità, sbarrazzati di a tirrania di Liozogzig.

Stu famosu ghjornu, fubbinu parechji riprisententi à fà discorsi, ma fù quellu di Lirl chì ebbi u più di sucessu, infiarendu 19 millioni di Cariutiani :
« Fratelli ! Simu più numarosi ch’è elli ! Simu in u nostru dirittu ! Ùn bramemu ch’è di pudè campà liberi nant’à a terra di i nostri antennati ! Liberi è indipendenti di stu ghjughu ch’è Liozogzig ci vole impone ! Bramemu a pace. Ma s’elli a ci riccusanu, li feremu a guerra ! U putere di Liozogzig ci vole ammazzà cum’elli anu dighjà ammazzatu u so populu. Stu populu ùn hè micca u nostru nemicu. Serà ancu u nostru alliatu s’ellu accunsenta di rivoltàssi contr’à u putere ! Per quessa, lampu oghje una chjama ufficiale à u populu di Liozogzig. »
Tandu Lirl, chì grazie à e spie ch’ellu avia mandatu in Liozogzig, avia riesciutu à piratà tutti i sistemi mediatichi di a cità di Liozogzig, annunciò sulenne, à tuttu u populu di Liozogzig :
« Fratelli di Liozogzig, statemmi à sente ! U vostru ghjughu, u feremu cascà ! U puderete fà cascà incù noi ! À voi di discetessi s’è vo u pudete ! Per i vostri zitelli ! Per un avvene serenu è migliore ! Ùn simu micca i vostri nemichi ! I vostri nemichi sò quelli chì vi guvernanu è chì vi ingananu ! S’hè no ci pisemu tutti inseme, u pudemu fà cascà ! Simu 20 millioni, è prestu marchjeremu contr’à a tirrania chì vi pesa. A vi prumettu sulennamente. Tocc’à voi di sapè s’e vo serete cun noi o micca. À prestu o fratelli, nant’à una terra liberata. »
Tandu Lirl, cuncludendu u so discorsu à la ghjente di Liozogzig, mughjò, per a sò ghjente, cume un striddu di guerra :
« Tutti in Liozogzig !! »
Parechje millione di voce ripiglionu cun intusiasmu :
« Tutti in Liozogzig !!!! »

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:16 am

A marchja nant’à Liozogzig



U discorsu ch’ellu venia di prununcià Lirl avia infiaratu tutti i cori, è nimu, in tuttu u campu di Velsenia ùn pudia avèllu ignoratu. Tandu, è più ch’è mai, Lirl avia daretu à ellu i 19 millioni d’esiliati, chì, sbarazzati di i so dubbiti è di e so paure, eranu pronti à seguitàllu, è l’avianu accittatu cume capimachja incuntestevule.
Lirl avia sempre riccusatu l’onori, bramendu solu di fà avanzà u so populu nant’à a via di u prugressu, ma ecculu chì sì ritrovava tandu senza ch’ellu l’ebbi vulsutu cume sceffu, è què malgratu l’esistenza d’un guvernu pruvisoriu in u quale ùn appartenia manc’appena.
Ma tandu, ùn si pudia più rincullà. A Storia, a grande, si scrivia, è Lirl era cuscente ch’ellu facia qualcosa. U so mondu si muvia è a maghjorità di tutti quelli di a so razza eranu pronti à viaghjà darretu à ellu. I tirrani di Liozogzig eranu finiti. Ùn puderianu mai resiste contr’à a vulintà di u populu.
Puru tuttu firmava sempre à fà. Per ottene u drittu di stallàssi per u sempre nant’à a pianetta, è micca solu in e stallazione pruvisorie, ci vulia ch’elli marchjessinu nant’à Liozogzig. Per pudè sperà campà in pace à mezu à i so pari ch’ùn si ne eranu mai andatu di a pianetta, devianu fà a guerra à u putere di Liozogzig nanzu ch’è stu putere l’amazzessi tutti o i reducessi tutti in a stessu schjavitù ch’è u so populu.
A Storia si scrivia. Ùn pudianu più rinculà.


Qualche ore dopu, Lirl, incù u guvernu ufficiale di l’esiliati, decidò ch’è a grande marchja nant’à Liozogzig si devia fà cinque ghjorni dopu, incù tutti i Cariutiani esiliati chì si ne purterianu vuluntarii, fora di quelli troppu vechji, troppu ghjovanni, malati, è di i qualchi guardii disignati per assicurà a surveglianza di u campu durante l’assenza generale. Organizonu dinù tutti l’altri ditaglii di a marchja.
U lindumane, u campu fù assaltatu, una volta di più, da una gregia d’alienatifamiti, dece volte più numarosi ch’è a prima volta. Puru, Lughjarcu, à è cummande di u Vededelà, s’occupò di tiràlli nantu incù l’armamente pisante ch’ellu cuntenia in ellu stu vascellone. Tutti l’alienatifamiti fubbinu tumbati senza ch’elli ùn ebbi fattu nisun disguastu, ne mancu materiale, à u campu.

Diciotte ore dopu à st’assaltu, fubbinu e machine di guerra automatiche di Liozogzig chì accadinu. S’assumigliavanu à battelli militari giganti, ma senza ch’ell’ùn ci sia nisun suldati nantu. Eranu quelli battelli automatichi di l’armata di Liozogzig, mandati per stirpà tutti l’esiliati. Durante qualche minute, u spaventu si sparghjì in tutti i cori di l’esiliati, ma prestu, sempre incù l’indispensevule Vededelà, Lughjarcu annientì tutti i vascelli nanzu ch’elli ebbi u tempu di fà disguasti.
Trà l’apparizione di i battelli automatichi è a so destruzzione, ùn s’eranu micca passatu più di vinti minuti.

Per Lirl è per assai altri, era quì a prova ch’è u putere di Liozogzig avia a paura d’elli, è ch’elli lampavanu tutte e so forze à l’assaltu per stirpàlli. D’un altru latu, ste vittorie faciule eranu dinù a prova ch’è a putenza di Liozogzig ùn pudia micca tene u colpu contr’à elli è ch’elli ùn pudianu micca vince quella guerra ch’elli avianu dichjarati.
À tal puntu chì certi pruponinu d’aspettà chì i maestri di a cità di Liozogzig sì ritruvessinu disarmati, senza più nisun diffesa per obligalli à signà a pace. Stu parè era ancu diffesu da parechji capimachji di u guvernu pruvisoriu, ma Lirl riccusò.
Certe, e diffese di u Vededelà eranu bastevule per elli, è l’armate di Liozogzig ùn riprisentavanu micca un periculu impurtante, ma d’un altru latu, ùn era micca bonu di puntà una dittattura à e so ultime stremità, fendulla ancu piglià risichi maghjori per u so populu oppressatu, ch’ùn avia dighjà ch’e troppu pattutu di sta situazione, è ch’ellu ci vulia dinù liberà.
À u cuntrariu, una marchja nant’à Liozogzig, chì veneria prestu, è forse riceveria ancu a cullaburazione di u populu di Liozogzig, permetteria dinù di tese ligame sicuri incù a ghjente di st cità, una di a trè cità sempre arritte di a pianetta. I risichi eranu à bastanza limitati chì, incù a so grande superiorità numerica, ùn pudianu micca fiascà.
Certe u putere di Liozogzig pudia fà usu di e so arme contr’à l’esiliati è Lirl ne era cuscente, ma era sopra tuttu cuscente ch’e, s’ellu ùn facia nunda, pudia dinù fà usu di le so arme contr’à elli, ancu in Velsenia, cum’ellu l’avia dighjà mustratu ultimamente.
Per tuttu què, u pianu originale fù mantenutu.

Un ghjornu dopu, allora ch’elli principionu à cuntà i ghjorni, Lirl ricevì un ultimu raportu di e so spie mandate in Liozogzig. Li dichjaronu ch’è u populu ellu stessu, per via di sta malasorte, era rallegratu di a perspettiva d’un rivultamentu di a dittattura, è ancu di u ritornu di tutti l’esiliati. Per elli dinù, a pianetta era matura per accoglie i figlioli d’i figlioli di quelli chì si n’eranu andati.
Da stu stessu ligame, Lirl sapia dinù chì u putere in piazza in Liozogzig tremava è ch’elli parianu avè capitu, elli dinù, chì u so tempu era finitu.
Ùn firmava più ch’è dui ghjorni.

U lindumane, Lirl accelerò l’apprestamenti. Ùn firmava più ch’è un ghjornu è a tensione si vidia dapertuttu in tuttu lu campu. Ùn firmava più ch’è un ghjornu, è tutti, da i più arrabiati à i più calmi, da i più cuncernati à i menu cuncernati, sapianu ch’ellu s’appruntava una ghjurnata storica per Cariutia ella stessa.
A marchja nant’à Liozogzig si faceria incù 15 millioni di Cariutiani. Era menu ch’è a pupulazione totale di u campu, ma era quantunque un numaru cunsiderabile, elevatu, è suscettibile di purtà un colpu sicuru à u putere di Liozogzig. Certe, ci eranu risichi per u populu, è Lirl, quant’e tutti i dirigenti, ùn ne era ch’è troppu cuscente, ma in una tale situazione di superiorità numerica, ùn pudianu ch’è triunfà.
I risichi ligati à u fattu di rendessi direttamente in u locu duve eranu sicuramente per elli tutti i periculi eranu evidenti, è eranu parechji à esse stati contr’à fà piglià sti risichi à u populu, ma una volta di più, ùn era micca u parè di Lirl.
Certe, pudianu ancu mandà puru in Liozogzig e so armate automatiche, per anientisce i capi di a dittattura à distanza raghjunabile senza ch’elli pigliessinu risichi maghjori per elli stessi, ma Lirl era propiu cuscente ch’è, s’ellu era u populu chì si vultava contr’à i pudenti, a so mossa averia una leghjtimità ancu più forte, è sopra tuttu, li permetteria di tese ligami cun i trè millioni è mezu di ghjente chì campavanu quallà. Nant’à sti trè millioni è mezu, Lirl era propiu sicuru, è l’infurmazione ch’elli li avianu mandatu e so spie u cunfirmavanu, ch’ùn eranu mancu 10 % à sustene sempre u putere. Per quessa, per l’avvene, Lirl devia fà a mostra ch’ellu era u populu chì adumbarcia a dittattura.
Certe i risichi per elli esistianu, ma cosa pudianu fà l’armate di Liozogzig, ch’ùn eranu sicuramente micca cumposte di più di 100 000 suldati, contr’à 15 millione di personne ?
Per fà u viaghju da a Velsenia à Liozogzig, i dirigenti avianu sceltu, à l’unanimità, di piglià u Vededelà. Era d’altronde a sola suluzione per fà tuttu in una sola ghjurnata.
Trè gruppi di cinque millioni di Cariutiani ognunu, eranu stati custituiti per qualche raghjone pratiche, chi malgratu a so putenza, u Vededelà ùn pudia micca purtà, d’un solu colpu, i quindeci millioni di Cariutiani à Liozogzig.
U Vededelà fermeria ancu culà per pudè intervene in urgenza in u casu duve l’armata di Liozogzig utiliseria arme pudente di distruzzione.
Tutti i ditaglii di l’operazione eranu cuncipiti. Ogni pussibilità era stata studiata.
A marchja nant’à Liozogzig era indispensevule.



U lindumane nascì qualche ore dopu è ognunu sentia ch’è a ghjurnata seria una di e più longhe di a storia di Cariutia.

Prestu, dopu à avè manghjatu, u primu gruppu, di cinque millioni, imbarcò in u Vededelà per fàlli francà u mare, è ghjunghje in u cuntinente di Locarnesia, unu di i principali cuntinenti di a pianetta, ma dinù quellu piazzatu sott’à a duminazione di Liozogzig. Era in stu locu chì, più ch’è in altrò, u periculu l’aspettavanu. Era dinù in Locarnesia ch’elle si truvavanu cinque grande cità cariutiane in ruvina, frà e quale quella di Fulzen, a cità antenatale di Lirl.
Lirl, chì cunducia u vascellu accant’à Lughjarcu, è chì devia fà i trè viaghji, ebbi cusì a sudisfazzione di pudè ammirà per a prima volta di a so vita, a so antica cità di Fulzen da duve venianu i so antennati. Certe, era in ruvina, ma forse carezzava u sonniu, micca inaccessibile, di fàlla rinvivì.
U Vededelà sì calò nant’à un pianu à dui chilometri di e muraglie di a cità, pò ripartì subitu per piglià l’altri gruppi.

In poche minute, per via di a celerità di u Vededelà, eranu tutti adduniti, à pochi chilometri di a cità di Liozogzig, è fin’à tandu, ùn s’era passatu nunda è ùn eranu micca stati assaltati.
Lirl fecì sbarcà l’ultimu gruppu di u Vededelà, è cunsultò l’ultimi rapporti di le so spie. L’abitanti di Liozogzig li eranu à bastanza favurabile, è serianu ancu parechji à marchjà à u so latu. Una bona nutizia di più. Lirl escì anc’ellu di u Vededelà.
Lirl, davanti à tutti, fighjulendu l’orgugliosa cità à qualchi chilometri davant’à elli, diventò ancu più decisu ch’è prima, è senza ch’ellu ùn ebbi bisognu di fà discorsi, sunnò u cornu, è principiò à viaghjà.

Tandu tutti l’altri u seguitonu. A mossa strasurdinaria di parechji millioni di Cariutiani s’assumigliava da veru à un spettaculu sfiatante. Un mare gigante di tante è tante cuscenze chì marchjavanu per vince u dirittu à un avvene migliore. A mossa era ecezziunale, è u mumentu era storicu. Tutti avianu u so campà daret’à elli è eranu pronti à movessi per fà un avvene megliore. Per rivultà in i so lochi ancestrali, per rinvivisce l’anticu populu è fàllu cresce in i so lochi.
Avianu francatu u spaziu è mille imbatti. Eranu infine ind’è elli, è e lotte eranu quasgi compie, ma ci ne firmava sempre un ultima, è chì forse seria ancu a più simbolica.
A cuncolta cariutiana era propiu gigante, è a so mossa era ancu più tarrificante. Lirl viaghjava davanti, è à misura ch’ellu s’avvicinava di i muri di a cità, li venia in mente u svelu finale ch’e u so destinu si devia passà custì, nant’à a pianetta di li so antennati, è chì cunfirmava tutti i so sonnii dapoi chjucu, a so scontra incù Lughjarcu, è quella incù e Sintinelle. Tuttu era ligatu. Tuttu.
Tandu, infine, Lirl ghjunghjì davantu à e porte di l’immensa cità. Eranu aperte. Eranu aperte perchè e so spie li avianu apertu e porte. E cose si passavanu bè. Nimu ùn avia pruvatu d’intravà u so sbarcamentu. E cose si passavanu bè. Troppu bè. L’inerzia di u putere di Liozogzig surprendì Lirl à pinuccia.
Lirl sì piantò dui seconde, sunnò per a seconda volta di u cornu, è senza risente emuzione particulare, entrò, per a prima volta di a so vita, in una cità cariutiana nant’à Cariutia.

I bastimenti eranu giganti, è u stilu era propiu eteroclitu. U carrughju era largu, ma ùn ci eranu ch’è poche ghjente. Cume prima, ùn vedì nisun orma d’una qualunque trappula di l’armata di Liozogzig o di u putere. À u cuntrariu, tuttu si passava bè. Troppu bè.
Da e case, vedinu parechje ghjente cunghjunghjessi à a marchja, dimustrendu cusì chì Lirl avia avutu raghjone di crede in a vulintà di u populu di Liozogzig di fà cascà a tirrania. À misura ch’ella avanzonu tutti in l’immensa cità, gruppi di Cariutiani di Liozogzig sempre più numarosi venianu à raghjunghjelli, sempre cun un allegria rinova.
Lirl, ben ch’è felicitu di stu successu tremendu, ùn perdia micca in mente l’oghjettivu principale di sta marchja pacifica chì fin’à tandu l’era firmata aldilà di e so sperenze e più ottimiste : u Palazzu Presidenziale, simbolu di u guvernu dittattoriale.
À misura ch’ellu si n’avvicinava, sempre scuntrentu un sustegnu crescente in a populazione chì paria vulè movessi sanna sanna à u so latu, a so inchietutina nascia. Certe e forze armate ùn s’eranu micca mustrate fin’à tandu, ma in giru à u Palazzu Presidenziale, ci serianu sicuramente, è ancu di più ch’elle ùn eranu micca in altrò. Almenu ch’ellu ci sia una trappula à a quale ùn avianu mancu pinsatu. Per Lirl, era incuncevabile ch’è a tirannia si rendessi cusì, senza fà nunda.

Infine, dopu à longue minute, ghjunghjinu davant’à ellu. U Palazzu !

Era un bastimentone custruitu parechji seculi nanzu, à bastanza bellu, sulcatu direttamente in a petra, è arricchitu di colonne di marmaru. A so unica porta tuttu in oru, spampillulava da luntanu. Allora chì certi parinu, per un tempu, impressiunati da un tale edifiziu, Lirl ùn sì lasciò micca disturbà è senza esse seguitatu da più ch’è da una decina di Cariutiani, aprì senza nisun difficultà a porta d’oru, è entrò.

U bastimentu era lussuosu, bellu, ma cumplettamente disertu. A stanza in a quale venianu d’entrà era cume una spezia d’anticamera incù sullaghji, suffitti è muri riccamente dicurati, ma cumplettamente viota.
Lirl ne fù stunnatu, ancu di più ch’è precedemmente, à tal puntu ch’ellu si piantò d’avanzà per riflette una stonda. L’assenza di risposta di a dittattura li paria propiu incumprensibile, è cuscentu di u caratteru perversu di u sistema in piazza in Liozogzig, caratteru ch’elli li avianu discrittu e so spie multiplice, Lirl sapia propiu chì qualcosa s’appruntava, in lu bughju di li curridori di stu palazzu, o ancu forse in altrò.
L’assenza di riazzione di l’armata ùn li paria micca normale, è a facilità incù a quale eranu entrati in u locu piattava sicuramente qualche trappula. Certe, per via di i so sucessi militari incuntestabile di i ghjorni precedente, era forse nurmale ch’è u putere di Liozogzig, sentendu a scunfitta avvicinàssi per elli, sia partutu in un esiliu luntanu, ma Lirl firmava quantunque sfidanciu, chì ùn ci credia manc’appena.
Disturbatu da l’andatura troppu pacevule pigliata da l’accadamenti, sì girò veru Lughjarcu, entratu accant’à ellu, ma ùn ebbi micca a forza di prununcià una sola parolla. Pò, qualchi metri daretu à elli, a voce d’Angr d’Orchalozg dichjarò, cume per piattà, ellu dinù, a so incumprenzione :
« Sò scappati o chè ? Anu avutu a paura, in fatti ! »
Lirl ùn truvò nunda à risponde, è ùn rispose.

Più scuncertati ch’è mai, fecinu qualchi passi, è Lirl, chì viaghjava sempre davanti, fù u primu à vede un fogliu, postu in terra, ch’elli ùn avianu micca vistu fin’à tandu. Essendu l’unicu oghjettu di u locu, Lirl si n’avvicinò, s’aghjinuchjò, è u pigliò. È u leghjì, senza nisun difficultà.
Nantu, era scrittu un cortu missaghju, in lingua di a cità di Liozogzig, lingua chì s’assumigliava quantunque à bastanza à a soia, di l’antica cità, vicina, di Fulzen.
Era scrittu u missaghju seguitante : « Site stati i più forti è i più pudenti è moltu più numarosi ch’è noi, è ùn pudemu più vince contr’à voi, ma pudemu sempre impedisce vi di vince. Mureremu tutti quì, noi cun voi. Sta cità vi serà fatale. »

U missaghju era signatu Kish, chì era, Lirl l’avia amparatu pocu nanzu, à u capu di u guvernu militare autoritariu di Liozogzig. L’ultrageneralissima Kish chì tenia u putere dapoi più di trent’anni, è ch’ùn seria sicuramente micca prontu à spartellu.

Lirl era sempre, u fogliu in manu, à dumandàssi, incù un bulecu di surpresa è d’inchietutina, cosa vulia dì un missaghju simile, ch’ellu sentì un stridu multivoce, venendu di u fora :
« U focu ! »
Tandu, alarmatu, Lirl, seguitatu da tutti i so cumpagni entrati cun ellu in u palazzu, currinu fora, ghjustu à bastanza prestu per vede chì u bastimentu sannu era dighjà in focu. Incù una celerità ch’ùn era manc’appena naturale, u focu si prupagava à tutti i bastimenti vicini chì s’infiaravanu prestu prestu à tal puntu chì, in solu qualche minute, a maghjorità di i bastimenti di a cità brusgiavanu !
Per tutti, era tandu più ch’è u spaventu, era a panicca. Ancu puru a panicca nera. A cità sana sana s’era infiarata incù una celerità chì per ùn esse naturale, era sicuramente fatta apposta.
Incù st’accadamentu, tutti i Cariutiani di Liozogzig chì eranu sempre ind’è elli, escinu prestu prestu di i so lochi per raghjunghje u gruppu immensu in pienu centru di a cità, fendullu cresce di parechji millioni di più.
Eranu numarosi i Cariutiani chì striddavanu, à tal puntu chì u rimore di i striddi ricopria, è da luntanu, l’inseme di tutti i rimori fatti da u focu in a cità sana, è ancu di e case chì, une dopu à l’altre, si ne sfundianu. Puru, felicemente, tetanizati da a paura, firmonu tutti induve elli eranu, à mezu à u stratone, chì era à bastanza largu per ùn esse traversatu da u focu, è senza pinsà à corre versu i carrughji più chjuchi è più stretti, duve u risicu era più impurtante.

Lirl, chì pruvava, in cundizione difficiule, à firmà calmu, è à fà in sorte ch’e l’altri u firmessinu dinù, capiscia infine e raghjone di a faciulità cun a quale si ne eranu rientrati in a cità. Kish è i so pari, cuscenti ch’ùn pudianu micca vince contr’à una tale vulintà populare, avianu preferitu fà in sorte di starminà a razza cariutiana quasgi sana, piuttostu ch’è di perde u putere, ancu s’elli perdianu elli stessi a vita.

Puru, è malgratu u fattu chì a larghezza di u stratone, duve eranu tutti, custituia una sicurezza pruvisoria per elli tutti, eranu prestu cundannati s’elli ùn truvianu nunda da fà. A cità sana sana era infiarata, è e fiamme l’ingiravanu dapertuttu. Ùn esistia sicuramente nisun via duve pudianu fughje chì tutti i punti di passaghju eranu tuppati da chjappuli infiarati chì eranu cascati nantu.
Eranu parechji millioni, è solu per quessa, a situazione diventeria prestu incontrolabile quand’e a panicca seria divintata tale ch’elli ne perderebbenu a raghjone.
Ma ùn sì passò micca cusì.

Lirl, dapoi u principiu avia quantunque cunservatu un pocu di a so lucidità, chì fin ch’ellu avia vistu e prime fiamme, avia pigliatu cuntattu incù i qualchi Cariutiani chì eranu firmatu nentru u Vededelà per chjamàlli à u so succorsu. Certe, u Vededelà era un pocu troppu chjucu per pigliàlli tutti, esiliati è abitanti di Liozogzig, ma avia quantunque altre pussibilità, cume quella chì cunsistia à lampà nant’à a cità in focu, tutte e riserve d’acqua ch’ellu cuntenia sempre per spenghje almenu una parte di u focu, per fàlli una strata à bastanza grande è sicura per permettelli di scappà in sicurezza di a cità.
Per quessa, chjamendu subitu i qualchi Cariutiani chì eranu firmati nentru u Vededelà, dendu qualche spiegazione è qualchi ordine, è fù cusì chì, menu di cinque minute dopu à u principiu di l’incendiu, a madurnale ombra di u Vededelà venì à piazzàssi cinquanta metri sopr’à la cità in focu, per ribuccàcci tunnellate d’acqua salvatricia di manera à creà un passaghju à mezu à e fiamme di a cità.
Lirl ne pruffitò per piglià u caminu cusì creatu da i so amichi firmati in u vascellu, è sunendu u cornu, chjamò tutti i Cariutiani à esce di a cità, sempre in focu, per u passaghju cusì amenaggiatu, in u calmu.
A nutizie ùn mettì micca longu tempu per sparghjessi, chì ancu i più stupidi di li Cariutiani chì facianu parte di sta mossa strasurdinaria, avianu vistu l’accadamente è l’opportunità di salvezza.
Fù cusì chì, ancu s’ellu ùn fù micca cun u calmu ch’ellu avia bramatu Lirl, l’inseme di i parechje millioni di Cariutiani raccoltati in pienu centru di a cità di Liozogzig pudinu fughje senza scapitu a cità dighjà cundannata.
Una volta fora di periculu, lascendu l’ultimi bastimenti di a cità cunsumàssi, è allora chì u Vededelà, sempre sopra à elli, dopu à avè pigliatu in u so latu, tutti l’ultimi ritardatarii firmati in a cità, s’occupava tandu di verificà di manera elettronica è instantanea, chì tutti eranu prisente è micca firmati in a cità in focu, tutti si rallegravanu infine di a so salvezza. U primu cuntattu incù u populu di Liozogzig era statu à bastanza inabituale, è forse in l’infernu di u fuconu, Lirl avia pussutu vede chì quelli di a grande cità, fora di i so dirigenti, eranu ghjente cume elli, chì eranu tutti venuti accant’à elli, i primi per a granda marchja, è l’altri quandu s’hè incesu lu focu.
Ùn sapia nunda Lirl, di cio ch’ellu apprunteria l’avvene, ma tenia quantunque a certitutina chì e cose ùn si passavanu micca troppu male.
Un primu cuntattu pusitivu, è un incendiu ch’ùn avia fattu nisun vittime, senza parlà di i dirigenti di Liozogzig chì in pocu tempu avianu persu u pocu di leghjitimità pupulare ch’elli tenianu sempre. Eccu quellu bilanciu di la so azzione.
D’una certa manera, avianu riesciuti.

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Re: Prosa [raccolta]

Message  Cappellurossu le Jeu Sep 16, 2010 8:18 am

Epilogu



Dopu à tante emuzione, tutti i millioni di Cariutiani adduniti in stu locu chì per esse fora di u brasgeru, muscava propiu u brusgiatu, si ritruvoni veramente sott’à l’urtu tamantu d’esse passati cusì vicini di a morte. Ma ùn ebbinu micca tutti a stessa riazzione. Certi si ne firmavanu ammutuliti è immobili, allora chì d’altri, à u cuntrariu, avianu bisognu di parlà senza piantà di tuttu, ancu di cose senza impurtanze è senza ligame incù cio chì venia d’accade. Certi s’eranu ancu messi à marchjà, micca per andà in qualchi locu, ma solu perchè risentianu u bisognu di marchjà. Malgratu u fattu ch’elli sianu tutti salvi, l’emuzione era è firmava sempre grande. Accant’à elli, l’orgugliosa cità di Liozogzig, quasi strutta, ultimava di cunsumàssi.
Lirl, quant’e l’altri, dopu à avè fattu mostra d’un gran curaghju per organisà a salvezza generale, si ritruvava dinù cusì ammutulitu ch’è certi di li soii ; pensivu. Ben ch’è cuscentu ch’ellu ùn era micca u mumentu, avia bisognu, quante elli tutti d’un mumentu di calmu rilativu per ripiglià u so fiatu, è sopra tuttu, un pocu di pace in a so mente per pudè riprincipià à riflette cun serenità, chì ne avianu tutti bisognu. A cosa ùn era tantu faciule, ch’è, s’e u tempu ùn li facia micca diffettu, u silenziu era una cosa impussibile in quelle circunstanze.
Fù allora ch’ellu circava sempre à ritrovà a serenità spirituale ch’elli veninu accant’à ellu Lughjarcu, Angr, Gliosk Ogra Friren, è trè altri capi di u guvernu pruvisoriu cariutianu. Unu li dumandò :
« È avà, cosa femu ? »
Lirl, troppu bruscamente esciutu di u so riposu rilativu, rispose da una dumanda :
« Ma… cumu avete fattu per truvàmmi cusì prestu in questa calca cusì immensa ? »
« Ùn era tantu difficiule. Eramu solu à una vintina di metri di voi. » Rispose Angr.
Ma subitu, Gliosk Ogra Friren insistì :
« Cosa femu avà, o sgiò Lirl ? »
Lirl, ch’ùn vulia più nunda di più ch’è d’avè almenu qualche minute per pudè riflette in pace, rispose, senza mancu pinsà à cio ch’ellu dicia, è un pocu siccamente :
« Avà chì l’incendiu hè propiu spentu chì ùn ferma più nunda à brusgià, è ch’è no simu tutti salvati, vogliu ch’è vo truviate prestu una squatra di vulintarii per rigirà in e ruvine à vede s’ellu ùn ci hè nimu à esse firmatu quallà, ch’ellu sia vivu o mortu. È ùn vecu micca perchè avete bisognu di mè per piglià e decisione, chì site voi i sceffi ufficiale, è micca eiu ! »
Tandu, allora chì tutti, fora di Lughjarcu, s’alluntanavanu d’elli per andà à circà vulintarii per sta missione, Lirl rigrettava dighjà e so parolle, ma malgratu ch’ellu fussi largamente à l’origine di tutte e so ultime disgrazie, avia veramente bisognu d’un pocu di calmu per pudè pinsà.
Fendu u bilancciu, ùn pudia impediscessi di pinsà chì malgratu u fattu ch’elli sianu probabilmente tutti salvi, chì ùn si segnalava nisun smarrimentu, è fattu ch’è i so nemichi avianu sceltu una spezia di capitulazione strania, chì era ellu, Lirl di Fulzen, dettu Lirl l’Errante, à l’origine d’un errore tamanta chì era quasi statu à l’origine d’una tragedia attroce, ch’ellu sia per i Cariutiani esiliati ch’ellu avia purtatu cun ellu fin’à la cità di Liozogzig, ch’è per i Cariutiani di Liozogzig, chì dighjà casticati da una dittattura feroce, avianu dinù à patte di la so azzione tonta, è di e so cunsequenze. Lirl si sentia culpevulu. Certe, ùn ci era probabilmentu statu nisun mortu, ma ùn ne era tandu micca sicuru sicuru, è ancu s’è i sistemi elettronichi di u Vededelà s’occupavanu di verificà chì nimu ùn mancava, Lirl sapia propiu ch’ellu purteria nant’à ellu a culpabilità suprana s’ellu ci era statu un solu mortu o feritu in quella operazione tonta ch’ellu bramava tantu. Aldilà di u disastru di a marchja nant’à Liozogzig, Lirl pinsava dinù à la so missione, cunfirmata cume sacra da e Sintinelle, è da a quale, per a prima volta di a so vita, principiava à dubbità. Certe, l’appoghju di putenze suprane ch’ellu ùn cuniscia manc’appena, à st’oghjettivu strasurdinariu, li paria augurà u sucessu di e so idee, ma forse u prublemu era ellu. Era ellu ch’ùn era micca prontu o micca fattu per stu ghjennaru di cose. A missione era sacra, ma ellu, ùn l’era manc’appena una seconda.
Afflettu da u pesu di e so riflessione, s’era pusatu in terra, fighjendu, d’un sguardu tristu è assentu, tutta la mansa di Cariutiani adduniti in giru è davantu à elli, persi è miserevuli, più ch’elli eranu nanzu.
Fù esciutu di le sò negre pinsate da un Cariutianu ch’ellu cuniscia per avèllu pochi ghjorni nanzu mandatu in Liozogzig per fà ci a spia, chì l’interpellò, sfiatatu cun ste parolle :
« O sgiò Lirl ! Infine vi trovu ! »
« Postu ch’e no simu più di dece millioni à esse quì, m’ai ancu trovu prestu. » Rispose Lirl, amaru.
L’altru, ignurendu sta rimarca, cuncatinò :
« Pocu importa. Vi devu prisentà incù qualchissia propiu bramosu di scuntràvvi : Tril Litog di Liozogzig. »
Tandu Lirl s’arrizzò postu ch’è s’avvicinava d’ellu un altru Cariutianu. Senza aspettà qualcosa di particulare fora podasse di qualche rimprovari, Lirl dichjarò, un pocu cunfusu :
« Salute à voi. Sò onoratu di fà a vostra cuniscenza. »
È l’altru, incù un entusiasmu ch’ùn era ne fintu ne ironicu, dichjarò :
« Salute à voi, Lirl di Fulzen ! Sò eiu u più onoratu di fà a vostra cuniscenza, voi chì avete fattu tantu per u populu cariutianu di l’universu. »
Lirl, sbalditu da una tale testimunianza di gioia è d’allegrezza à lu so risguardu, venendu d’un Cariutianu da u quale era largamente rispunsevule di a destruzzione di a so cità è di u fattu ch’ellu avia risiscatu di perde a vita per colpa soia, senza scurdàssi di u fattu ch’elli ùn era manc’appena sicuru chì tutti sianu stati salvati di u focu. Vulendu fà parlà stu sintimu di culpevulità chì l’invadia, Lirl rispose :
« Mi face piacè di sente tante lode, ma cosa aghju fattu ? Aghju cumplettamente inruvinatu a vostra bella cità è sò sicuramente à l’origine di a morte d’un gran numaru di li nostri, oghje. »
Ma tandu, Tril Litog rispose :
« Ci avete fattu à bastanza più di bè ch’è vo u pudete crede. Avete, incù a vostra sola ghjunta, messu un termine à un numaru troppu grande d’anni di dittattura. Avete impauritu Kish è i soii sbirri, è avete vintu in pocu tempu tutte e so arme di tarrore, è tuttu què, senza fà nisun vittime. »
Tandu, Tril Litog mercò un arretta, per lascià à Lirl u tempu d’assimilà, è ripigliò :
« Ma u più impurtante, hè la vostra ghjunta. Micca la vostra ghjunta quì in Liozogzig, ma la vostra ghjunta quì nant’à sta pianetta. A vostra sola ghjunta quì hà bastatu per strugge l’equilibru maleficu chì mantenia a dittattura in piazza. Kish è i soii, impauritu, anu pruvatu contr’à voi, in pocu tempu, quasi tuttu cio ch’elli pudianu pruvà, ma ùn anu riesciutu à lottà contr’à la vostra pudenza. Site voi, è veramente voi, chì ci avete liberati. »
Lirl, sempre stunulatu da stu svelu, rialisava d’un colpu ch’è a so gloria ùn era micca solu acquistata in i cori di l’esiliati vultati, ma ancu per quelli chì avianu sempre campatu nant’à a pianetta. I disguasti di a marchja nant’à Liozogzig eranu cunsiderabile, ma e cose ùn andavanu micca cusì male.
Tandu Angr, rivenutu accant’à ellu, annunciò cun ufficialità :
« Vengu d’amparàllu avà o Lirl. Ùn manca nimu nimu ind’è noi. Simu tutti quì, è tutti li nostri sò salvi. »
Lirl, rallegratu di più da sta nutizia, si sclamò, cuntentu :
« Ma allora ? Ùn ci hè statu nisun vittime ? »
« Per i nostri, ùn ci hè statu nisun vittime. Ùn aghju nisun certitutine cuncernendu l’abitanti di Liozogzig, postu chì ùn li cunnisciamu micca, ùn avemu micca pussutu cuntrolà. » Rilativisò Angr.
È Tril Litog, girendussi versu Lirl, aghjustò :
« Ùn vi spavintate micca. Ùn hè manc’appena colpa vostra s’ellu ci hè statu stu focu. I soli culpevuli sò Kish è i so amichi chì anu preferitu tumbàcci tuttu piuttostu ch’è di perde u putere. In fatti, anu persu u putere quantunque, è per avà, ùn aghju micca intesu dì chì qualchissia sia mortu. Dunque, una vittoria cumpletta per voi è per noi ! »
U cuntrasti sì perseguitò qualche minute di più, lascendu Lirl sempre pensivu, ma micca cun u stessu parè ch’è prima. Tandu l’ottimisimu era vultatu ancu s’ellu firmava moltu inchietu per a sorte di tutti l’abitanti di Liozogzig, è per l’avvene di tutti. A cità di Liozogzig era stata cumplettamente distrutta à tal puntu chì e case risturabile eranu belle poche. Per colpa soia, eranu parechji millioni di ghjente chì, ancu essendu firmati vivi, avianu persu u pocu ch’elli avianu. Ci firmava à fà un travaglione tamantu per u bè cummunu, per pudè richjappà tuttu.
Ci era grande decisione à piglià.


Parechje ore dopu, u guvernu pruvisoriu, adduniti in i lochi, pigliò a decisione di fà vultà in Velsenia a maghjorità di l’esiliati chì avianu participatu à a marchja nant’à Liozogzig, duve firmerianu in i so campi, almenu per qualchi ghjorni di più. Solu firmerianu accant’à Liozogzig un millaie di vulintarii, frà i quale si trovava Lirl, per aiutà i Cariutiani di Liozogzig in a so disgrazia da a quale eranu quantunque rispunsevuli.
Dopu à a partenza di a maghjorità di l’anziani esiliati in Velsenia incù u Vededelà, quelli chì firmavanu passonu i dui ghjorni chì seguitonu à aiutà l’anziani abitanti di Liozogzig à esaminà e ruvine à a ricerca di morti o di feriti. Ùn ne truvonu manc’un solu, è solu una decina di personna – Kish è i so pari – eranu smariti, morti o fughjiti. Fù solu à u termine di sti qualchi ghjorni ch’ellu fù pussibile d’annuncià chì l’incendiu titanescu ùn avia fattu miraculosamente nisun vittime. Una vittoria di più per Lirl.
L’anziani abitanti di Liozogzig, ben ch’è tutti salvi, fubbinu obligati, quant’e quelli chì vultavanu d’esiliu, di stallàssi tende per campà pruvisoriamente, incù l’allestrimentu imprestatu da i cumpagni di Lirl è da la ghjente di Flimpkstatsk-Okronk riprisentati da una delegazione speziale chì era venuta à aiutàlli. Certi avianu persu tutu cio ch’elli avianu è a so disgrazia era grande. Puru, una vera sulidarità s’era messa in piazza trà tutti è aldilà di u passatu è di l’odii antenatali.
U più straniu era di vede ch’è ancu l’anziani miliziani di Kish, ancu i più pudenti, avianu cumplettamente abbandunatu tutta vulintà egemonica, è ùn bramavanu più ch’è di fà penitenza per i so peccati passati, elli chì eranu stati à bastanza scemi per fà cunfianza à un tirranu chì era statu à bastanza scemu per vulè tumbà li tutti.
Incù a caduta di Kish è di u guvernu di Liozogzig, u pudere firmò vacante parechji ghjorni nanzu chì l’anziani abitanti di Liozogzig pigliessinu a decisione di mettessi sott’à l’autorità pruvisoria di u guvernu di Flimpkstatsk-Okronk per qualchi mesi, u tempu per elli d’organizàssi di novu è di mette in piazza u so propiu guvernu. U guvernu di Flimpkstatsk-Okronk accittò à la sola cundizione chì sta messa sotta tutella pruvisoria ùn fusti micca ricundutta per permette à quelli chì tandu campava in Liozogzig, d’ùn perde micca a so indipendenza pulitica.



Una settimana dopu, una reunione strasurdinariu sì passò in Olkandai, terza cità di Cariutia, adduniscendu u guvernu pruvisoriu di l’esiliati vultati, u guvernu di Flimpkstatsk-Okronk, è infine u guvernu d’Olkandai, ben ch’è micca cuncernatu, à titulu d’osservatore. In sta reunione, fù decisu da u guvernu pruvisoriu è da u guvernu di Flimpkstatsk-Okronk ch’è tutti quelli chì campavanu sempre sott’à e tende, ch’elli sianu anziani esiliati o anziani abitanti di a cità di Liozogzig (oramai inresturabile), pudessinu stallàssi in tutte l’anziane cità di Cariutia, tandu abbandunate. A cità di Flimpkstatsk-Okronk è a cità d’Olkandai ghjuronu d’aiutàlli finanziariamente secondu un protocolu precisu.
St’idea, chì permettia d’evità di custruisce altre cità, fù accolta da tutti cume una salvezza, è certi si sentinu ancu baulli d’ùn avècci micca pinsatu.
Dopu à sta decisione, una squatra di sperti si n’andò, incù u Vededelà, à visità tutte l’anziane cità. E cità abbandunate elle stesse eranu in gattivu statu, per via di u so longu abbandonu, ma i dani fattu da u tempu à e case è a i muri ùn eranu micca irriversibili. Cusì fù fatta a scelta di i lochi chì eranu i più preservati è dunque chì bisognavanu u menu di lavori per campàcci.
Subitu dopu, tutti i Cariutiani di a pianetta à campà pruvisoriamente sott’à tende, sceglinu una « cità » per stabiliscessi, è cusì, u slugiamentu fù prestu fattu. A risturazione di e case in ruvina fù quantunque un travaglione tamantu per tutti, ma incù u so curaghju, a so fede, è l’aiutu di li so amichi è ancu allegati di Flimpkstatsk-Okronk è d’Olkandai, stu lavoru ùn fù fattu in vanu.



Fù cusì chì, un annu è mezu dopu à u ritornu di l’esiliatu nant’à Cariutia, inseme di tutti i Cariutiani – tandu ùn si parlava più d’esiliati – campavanu in case.
A maghjorità di l’anziani abitanti di Liozogzig avianu sceltu d’ùn stallàssi micca luntanu di a cità di Liozogzig, è s’eranu dunque stallati in a cità d’Orchalozg è i più aventurosi, in quella di Fulzen.
Una larga parte di quelli chì avianu campanu qualchi tempi in i campi di a Velsenia sceglinu di stallàssi in l’anziane cità di stu cuntinente, e cità di Wielzesao è di Fionvilg. L’anziani anaruliani sceglinu di stallàssi in l’antica cità d’Azomkil, duve venianu una larga parte di li so antennati. Infine, l’anziani izuzzoninchi, chì avianu campatu tutta a so vita in un disertu di rena, si stallonu in a cità di Milokra, custruita, ella dinù, in i tempi anziani, in un disertu di rena. Lirl, ellu, per rende ommagiu à i so antennati chì campavanu in a cità di Fulzen, si stallò quallà duve risturò, anc’ellu una vechja casa per campàcci.
Prugressivamente, e cità rinascianu, ancu s’elle firmavanu sempre menu pupulate ch’elle eranu in i tempi anziani. A pianetta di Cariutia cumportava tandu 25 millioni d’abitanti sparti in ottu cità ; è Lirl era quasi sicuru ch’ellu avia riesciutu à ramintà tutti, o quasi tutti i Cariutiani di a diasporà. Solu firmavanu podasse qualche centinarie di Cariutiani sparti in tuttu l’universu, ma ne devia occupàssi quand’ellu averia a certitutina ch’è a stabilità sia perenna. Incù l’aiutu di Lughjarcu è incù u Vededelà, sta raccolta di l’ultimi esiliati ùn era micca impussibile.

Ognune di e cità di Cariutia avia elettu u so propiu guvernu. Puru, l’anzianu guvernu pruvisoriu di l’esiliatu ùn avia micca cumplettamente smaritu, custituendu un entità internaziunale simile à l’anticu Organisazione di e Nazione Unite di a Terra. Ben intesu, ùn si chjamava più guvernu pruvisoriu, ma Assemblea di i Strot (« strot » vulendu dì « pace » in lingua cariutiana).

Ma di tuttu què, Lirl ùn si ne primurava ch’è pocu è micca. Malgratu u prestigiu chì era soiu nant’à tutta a pianetta, ùn bramava nisun putere puliticu ne mancu onorificu. Ch’è u so amicacciu Angr sia statu elettu Presidente di a cità d’Orchalozg, o chì Gliosk Ogra Friren sia Primu Ministru di a cità di Milokra li rallegrava u core, ma ùn facia nasce in ellu nisun sintimu d’invidia. A so sola brama era di pudè vede l’inseme di i populi di Cariutia perseguità in sta via fraterna, nant’à a via di u prugressu, senza mai più fàssi a guerra, ne perde a so fierezza naturale, chì per Lirl, s’e a fierezza hè una cosa indispensevule à u campà, l’orgugliu, chì si pò assumiglià à a fierezza, era propiu un velenu.
Puru, Lirl ambia dighjà di riparte in u spaziu, per andà à circà quelli ch’ellu chjamava l’ultimi esiliati, belli pochi numarosi, ma chì si n’eranu andati ancu più luntanu. Sta sfida tremenda, a vulia fà incù u so amicu Lughjarcu, firmatu nant’à Cariutia, allora ch’è tutti l’altri Facciuti Verdi si ne eranu ripartuti in i so lochi misteriosi.
Lirl avia prumessu à la so mamma ch’ell’ùn si mariteria ch’è quandu averia finitu di raccoltà tutti i Cariutiani di l’universu, prumessa chì li valia d’aspettà per pigliàssi una prumessa, ma chì facia parte di a so missione sacra, tale ch’ella li era stata sfinita da e Sintinelle.
Ritrovà st’ultimi esiliati ùn seria manc’appena una cosa faciule per ellu, ch’ùn sapia mancu induve circàlli, ma sapia propiu chì, incù l’aiutu di u rigalu ch’ellu avia ricevutu da e Sintinelle in cima di u monte Decivesu nant’à Anarulia, chì eranu e Tavule di a Cunniscenza, l’affare si passeria più prestu ch’è previstu.
Ma Lirl avia quantunque bisognu d’un pocu di riposu dopu à tante avvinture nanzu di riparte in u spaziu incù u Vededelà è Lughjarcu.
Tandu un altra avvintura s’apprunteria.



FINE

Cappellurossu
Stallatu
Stallatu

Masculin Numaru di missaghji: 659
Data d'iscrizzione: 29/11/2009
Età: 34
Lucalisazione: Probabilmente in Corsica

Voir le profil de l'utilisateur

Revenir en haut Aller en bas

Page 1 sur 3 1, 2, 3  Suivant

Voir le sujet précédent Voir le sujet suivant Revenir en haut

- Sujets similaires

Permission de ce forum:
Vous ne pouvez pas répondre aux sujets dans ce forum