Ricordi di Sternà

Page 1 sur 2 1, 2  Suivant

Aller en bas

Ricordi di Sternà

Message  Invité le 16/07/10, 02:54 pm

Oghje, ben’ch’o sia dapoi parechji seculi in pussessu di a mio libertà sana sana, mi vene sempre l’amarezza quandu ripensu à i centu cinquant’ottu anni passati nant’à Sternà. Sternà ? Una bella pianeta di u sistema nosclurianu, duve l’aria hè assai ussigenatu, duve correnu i fiumi d’un’ acqua linda, è duve si ponu truvà tamante mine d’oru è di diamante, ma per mè, sta pianeta fù sinonima d’infernu.

Dopu à esse partutu di Gherccebà per andà fin’à Saturna duve deviu ritruvà tutti i mio amichi, m’anu chjappatu i Lumakuti, dopu à una corsa-perseguita infrebbata, à a fine di a quale, à rombu di tirà nant’à u mio vascellu, m’anu ubligatu à pònemi nant’à una luna di Saturna duve m’anu pigliatu.
Prestu prestu, un Cummandante-Guvernore Lumakutu, sott’à l’ordine di l’Imperatore Supranu Immurtale, m’hà cundannatu à u bagnu à vita in a mina di diamante di Cernao, nant’à Sternà. Eru cundannatu à zappà tutta a mio vita quallà per truvà diamanti per l’usu di i Lumakuti, per a più grande gloria di Darnsfunt. Eru cundannatu, eru dannatu.

Ghjuntu nant’à Sternà, u vascellu carcerale sì posti à a vicinanza di a mina di Cernao. Trè milla prighjuneri, cum’è mè, di a barbaria funi lampati fora à calci. I nostri guardiani eranu infami, è crudeli. Ci lamponu prestu in a mina à zappà e petre. Eramu tutti, eiu è i mio fratelli è surelle di sfurtuna, incatinati mani è pedi durante a corte notte di Sternà, è u ghjornu, eramu staccati per pudè zappà. Nutritura, ùn ci ne era ch’è pocu è micca, solu un’ infama mistura d’acqua brutta incù una spezia di zuccaru digeneratu chì dispiaceria ancu à i porchi, ma à a quale avemu devutu abituàssi fin’à cunsideràlla cum’è una robba di e più squisite. Passavamu tutte e ghjurnate à zappà, à zappà, è à zappà sempre di più per truvà diamanti ch’è no mettiamu in i nostri tinti sacchi incù una spezia di disprezzu chì s’assumigliava à quellu di e ghjente richessime ch’ùn anu ch’è troppu petre preziose per fànne casu, ma u nostru, u disprezzu, s’addirrizzava piuttostu à u valore illusoriu di ste qualche petre, à l’orighjine di a nostra schjavitù. D’altronde, quandu venia a sera, ci era sempre un contramaestru lumakutu chì venia è impatruniscesi di i nostri diamanti per mandàlli nant’à a so pianetta. Eccu u solu fruttu di i nostri sforzi, à noi miserevuli schjavi,chì ci era arrubatu, cum’elli avianu arrubatu a nostra libertà, a nostra vita, ma micca a nostra dignità, chì degni, fieri è diritti firmavamu, micca fieri d’esse in a schjavitù, ma fieri d’avè tenutu a nostra mente sempre libera. E catene vere ùn sò ch’è quelle chì impediscenu di pensà è d’esse noi, è noi, ben’ch’è intravati à l’ultimu gradu, è privi di a libertà d’agìsce, teniamu sempre, per certi di noi, a libertà di pinsà.

Ma mai ùn perdìu spiranza durante tutti st’anni. Puru eru podassi u solu à tene sempre in u mio corre a sperenza d’ùn more micca quì. Ogni ghjorni ci cacciava sempre un paghju di fratelli di castigu, è malgratu tuttu u tempu passatu quallà, vi possu dì ch’ùn aghju mai avutu u tempu di fàmmi veramente un solu amicu, chì ùn si vidia micca a stessa ghjente più d’un mese à a seguita, chì eramu sempre traspurtati d’un locu à un altru di l’immensu bagnu di Cernao, precisamente per impedisceci di fraternizà trà di noi. Ma s’era quantunque stallata trà di noi una spezia di pinsata cumuna, di stintu di gruppu, di sulidarità implicita chì ci impedia, malgratu a nostra trista sorte, di diventà trà di noi lupi accaniti, à l’eccezzione di quelli chì perdianu ancu a libertà di pinsà.

Quantu ne aghju ricordi di st’anni bughji è neri, parechji ricordi d’una faccia, d’un surrisu, di qualche parolle prununciate à l’appiattu quandu a sperenza ùn ferma più ch’è l’unica richezza chì stà in la mente. Quandu i fiumi di sperenza si perdenu in a rena di un disertu d’addisperu.

È puru, hè infine ghjuntu lu ghjornu duve u mio fiume di speranza hà infine vistu lu mare. Hè accadutu dopu à centu cinquanta ottu anni dopu à a mio ghjunta quì, in stu locu maladettu di sudore, di sangue è di suffrenza infinita. Stu ghjornu quì, ghjornu ch’ùn dimenticheraghju mai fin’à a mio morte, eranu ghjunti in Cernao una centina d’avventurieri lumakuti, venuti quì per arrubbàcci diamanti. Assaltonu a mina incù fucile è materie splusive, allora chì i contramaestri si ghjuvavanu di noi schjavi cum’è paracolpi vivi. In u periculu ancu più grande ch’è d’abitutine, eramu parechji à aspettà a morte cum’è una liberazione. Per mè dinù, chì era quì dapoi più d’un seculu, a morte seria stata più ch’è una liberazione è a fine d’un sunniacciu, ma teniu sempre in mente un palmu di sperenza. A morte, ss’amanta maladetta chì mai ùn m’avia chjappatu durante tutti st’anni di schjavitù, di sevizii è altri strazii, ne eru sicuru, ùn pudia più nunda contr’à mè, è aviu decisu chì malgratu tutti l’anni passati quallà, ùn compieriu mai a mio vita in a schjavitù à Cernao. L’aviu decisa prima, è sta decisione era stata a mio maestra principale durante tutti st’anni.
Frà u fume, frà u focu, frà i pienti, è frà a disulazione di stu ghjornu, mi sentiu rinvivì d’una vita nova. Ùn mi primurava mancu più di nunda, nè di u fiscu di e pale, nè di u frombu di i cannoni, nè di u tonu di e splusione, nè mancu di tutti l’ordini di i contramaestri. Ùn vidiu ch’è stu picculu vascellu abbandunatu, à l’appiattu ma da u quale, nimu ùn paria primuràssi, cum’è mè d’altronde, eiu chì, senza nè corre nè mancu piattàmmi, prufittendu di a cunfusione ghjenerale, m’impatrunìu di sta sola manera per mè di piantà quì è oghje u mio sunniacciu per rivene à u lume è à u ghjornu.

In fattu fughjìu senza troppu prublemu u bagnu di Cernao, u spaventu di Cernao, chì l’altri eranu troppu occupati per occupàssi di mè, incù u solu rigrettu di lascià quì tutti l’altri prighjuneri di i Lumakuti, fratelli è surelle in a lotta per firmà arrittu malgratu tanti danni.
I rigretti sò cum’è una bestia infama, dolce è crudela chì manghja pianu pianu l’anima, campendu nant’à i ricordi, è invelenendu a mente. Quantu ci aghju pinsatu à tutti i disgraziati chì, cum’è mè, eranu prighjuneri quallà. Ci pensu sempre oghje, tant anni dopu à ste crudele stonde, è malgratu u fattu, accadutu parechji ghjorni dopu, chì Cernao fù assaltatu una volta di più, ma da l’armata cariutiana chì per impatruniscesi di i diamanti di Sternà, ne avia prufittatu per liberà tutti i schjavi chì riescinu infine à rientrà in i so lochi, compiendu infine anch’elli un longu spaventu.
avatar
Invité
Invité


Revenir en haut Aller en bas

Re: Ricordi di Sternà

Message  Francesco le 16/07/10, 03:48 pm

Ben ritornatu ò Lughjà.
Vagu à leghje cù interesse u to raccontu.
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Ricordi di Sternà

Message  Invité le 16/07/10, 03:52 pm

Grazie o Francesco.

Per u puttachju, Darnsfunt, u sputritu, hè l'Imperatore Supranu Universale di i Lumakuti.
Una spezia di Lernazg spaziale... ma ellu, hè pudente.
avatar
Invité
Invité


Revenir en haut Aller en bas

Re: Ricordi di Sternà

Message  Francesco le 16/07/10, 03:57 pm

Lughjarcu a écrit:Grazie o Francesco.

Per u puttachju, Darnsfunt, u sputritu, hè l'Imperatore Supranu Universale di i Lumakuti.
Una spezia di Lernazg spaziale... ma ellu, hè pudente.

S'ellu s'hè pigliatu una chjpa s'assumiglia piuttostu à Vituperi...
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Ricordi di Sternà

Message  Invité le 16/07/10, 04:02 pm

Ghjust'à puntu...
Fin'à tandu, ùn avia mai cunisciutu a scunfitta.
Un pocu cume, ind'è voi, Hitler, nanzu e so prime scunfitte.
avatar
Invité
Invité


Revenir en haut Aller en bas

Re: Ricordi di Sternà

Message  U Palatinu le 17/07/10, 08:47 am

Allora, deve esse gattivu in veru !

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Ricordi di Sternà

Message  Francesco le 17/07/10, 09:05 am

Aghju lettu u racontu di Lughja': he' intarassante perche' rammenta una certa Cayenna (Cume u filmu Papillon) e' dupu mi fa pinsa': ma quantu he' vechju issu Lughja'?


Dernière édition par Francesco le 18/07/10, 01:29 pm, édité 1 fois
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Ricordi di Sternà

Message  U Palatinu le 17/07/10, 03:05 pm

Ùn campanu micca quant'e noi...

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Ricordi di Sternà

Message  Cappellurossu le 20/07/10, 11:26 am

Si sente quasi u muscu di u sangue.
avatar
Cappellurossu
Stallatu
Stallatu

Masculin Numaru di missaghji : 659
Data d'iscrizzione : 29/11/2009
Età : 38
Lucalisazione : Probabilmente in Corsica

Voir le profil de l'utilisateur

Revenir en haut Aller en bas

Re: Ricordi di Sternà

Message  Culunellu di Vinciguerra le 20/07/10, 01:08 pm

È dinù a suffrenza, o Cappellurò.
avatar
Culunellu di Vinciguerra
Prisente
Prisente

Masculin Numaru di missaghji : 1291
Data d'iscrizzione : 28/12/2009
Età : 46
Lucalisazione : Quì

Voir le profil de l'utilisateur

Revenir en haut Aller en bas

Re: Ricordi di Sternà

Message  Invité le 22/07/10, 07:48 am

Sò in i culpacci ch'ellu si svela a mente di l'omu.
avatar
Invité
Invité


Revenir en haut Aller en bas

Re: Ricordi di Sternà

Message  Invité le 22/07/10, 02:26 pm

A mio sperenza di vita si calculeghja in millenarii. Puru, a mio cattività mi fù propiu longa.
Vi ringraziu di primuràvvi cusì di mè.
avatar
Invité
Invité


Revenir en haut Aller en bas

Re: Ricordi di Sternà

Message  Cappellurossu le 26/07/10, 09:16 am

Certe o Maè, ma Lughjarcu, ùn hè micca un omu.
avatar
Cappellurossu
Stallatu
Stallatu

Masculin Numaru di missaghji : 659
Data d'iscrizzione : 29/11/2009
Età : 38
Lucalisazione : Probabilmente in Corsica

Voir le profil de l'utilisateur

Revenir en haut Aller en bas

Re: Ricordi di Sternà

Message  Cocolitoferidea le 27/07/10, 02:04 pm

Ùn l'avia micca lettu, ma dicu cume l'altri.
Riveni quand'e tù voli, o Lughjà.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4928
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Ricordi di Sternà

Message  Filippu le 09/08/10, 02:13 pm

Lughjarcu a écrit:A mio sperenza di vita si calculeghja in millenarii.

Ùn sai micca quantu sè furtunatu, o Lughjà. Ai tempu par scopra u mondu, l'universu !
avatar
Filippu
Stallatu
Stallatu

Masculin Numaru di missaghji : 999
Data d'iscrizzione : 24/05/2010
Lucalisazione : in mezu à u mari

Voir le profil de l'utilisateur

Revenir en haut Aller en bas

Re: Ricordi di Sternà

Message  Culunellu di Vinciguerra le 11/08/10, 01:18 pm

Ci ferma à sapè s'ellu ne hà a voglia.
avatar
Culunellu di Vinciguerra
Prisente
Prisente

Masculin Numaru di missaghji : 1291
Data d'iscrizzione : 28/12/2009
Età : 46
Lucalisazione : Quì

Voir le profil de l'utilisateur

Revenir en haut Aller en bas

Re: Ricordi di Sternà

Message  Invité le 20/08/10, 07:25 am

Ma cosa credite ch'o facessi ?
avatar
Invité
Invité


Revenir en haut Aller en bas

Re: Ricordi di Sternà

Message  Francesco le 20/08/10, 08:39 am

D'appress'a' me ai dinu' visitatu qualchi "Boites de nuit" di l'Universu (Tipu quelle di "Star Wars", pe' capicci, induve si scontranu tutte e sfarenti razze...)
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Ricordi di Sternà

Message  Cocolitoferidea le 23/08/10, 06:34 am

Pensu chì u nostru amicu averà una spiegazione raziunale à stu misteru.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4928
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Ricordi di Sternà

Message  Invité le 01/09/10, 02:04 pm

Vi possu assicurà chì, per tutte e razze cuniscendu è ammaestrendu u viaghju strastellariu, l'occasione di scuntràssi sò più currente ch'e vo u pudete crede. Prestu ne saperete un pocu di più.
avatar
Invité
Invité


Revenir en haut Aller en bas

Re: Ricordi di Sternà

Message  Francesco le 01/09/10, 02:21 pm

Lughjarcu a écrit:Vi possu assicurà chì, per tutte e razze cuniscendu è ammaestrendu u viaghju strastellariu, l'occasione di scuntràssi sò più currente ch'e vo u pudete crede. Prestu ne saperete un pocu di più.

Grazie, Lughjà
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Ricordi di Sternà

Message  Invité le 29/09/10, 08:13 am

In l'unità, simu più forti.
avatar
Invité
Invité


Revenir en haut Aller en bas

Re: Ricordi di Sternà

Message  Francesco le 29/09/10, 09:11 am

Maestru Fenice a écrit:In l'unità, simu più forti.

Iè è i Romani dicianu, cume i nostri guverni dicenu oghje, "divide et impera" (Dividi - i nimici- è guverna)!
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Ricordi di Sternà

Message  U Palatinu le 22/08/18, 08:03 pm

Oghje, ben’ch’o sia dapoi parechji seculi in pussessu di a mio libertà sana sana, mi vene sempre l’amarezza quandu ripensu à i centu cinquant’ottu anni passati nant’à Sternà. Sternà ? Una bella pianeta di u sistema nosclurianu, duve l’aria hè assai ussigenatu, duve correnu i fiumi d’un’ acqua linda, è duve si ponu truvà tamante mine d’oru è di diamante, ma per mè, sta pianeta fù sinonima d’infernu.

Dopu partutu di Gherccebà per andà fin’à Saturna per ritruvà ci i mio amichi, m’anu chjappatu i Lumakuti, dopu à una corsa-perseguita infrebbata, à a fine di chì, à rombu di tirà nant’à u mio vascellu, m’anu ubligatu à pone mi nant’à una luna di Saturna duve m’anu pigliatu.
Prestu prestu, un Cummandante-Guvernore Lumakutu, sott’à l’ordine di l’Imperatore Supranu Immurtale, m’hà cundannatu à u bagnu à vita in a mina di diamante di Cernao, nant’à Sternà. Eru cundannatu à zappà tutta a mio vita quallà per truvà diamanti per l’usu di i Lumakuti, per a più grande gloria di Darnsfunt. Eru cundannatu, eru dannatu.

Ghjuntu nant’à Sternà, u vascellu carcerale sì posti à a vicinanza di a mina di Cernao. Trè milla prighjuneri, cum’è mè, di a barbaria funi lampati fora à calci. I nostri guardiani eranu infami, è crudeli. Ci lamponu prestu in a mina à zappà e petre. Eramu tutti, eiu è i mio fratelli è surelle di sfurtuna, incatinati mani è pedi durante a corte notte di Sternà, è u ghjornu, eramu staccati per pudè zappà. Nutritura, ùn ci ne era ch’è pocu è micca, solu un’ infama mistura d’acqua brutta incù una spezia di zuccaru digeneratu chì dispiaceria ancu à i porchi, ma à a quale avemu devutu abituàssi fin’à cunsideràlla cum’è una robba di e più squisite. Passavamu tutte e ghjurnate à zappà, à zappà, è à zappà sempre di più per truvà diamanti ch’è no mettiamu in i nostri tinti sacchi incù una spezia di disprezzu chì s’assumigliava à quellu di e ghjente richessime ch’ùn anu ch’è troppu petre preziose per fànne casu, ma u nostru, u disprezzu, s’addirrizzava piuttostu à u valore illusoriu di ste qualchì petre, à l’orighjine di a nostra schjavitù. D’altronde, quandu venia a sera, ci era sempre un contramaestru lumakutu chì venia è impatruniscesi di i nostri diamanti per mandàlli nant’à a so pianeta. Eccu u solu fruttu di i nostri sforzi, à noi miserevuli schjavi,chì ci era arrubatu, cum’elli avianu arrubatu a nostra libertà, a nostra vita, ma micca a nostra dignità, chì degni, fieri è diritti firmavamu, micca fieri d’esse in a schjavitù, ma fieri d’avè tenutu a nostra mente sempre libera. E catene vere ùn sò ch’è quelle chì impediscenu di pensà è d’esse noi, è noi, ben’ch’è intravati à l’ultimu gradu, è privi di a libertà d’agìsce, teniamu sempre, per certi di noi, a libertà di pinsà.

Ma mai ùn perdìu spiranza durante tutti st’anni. Puru eru podassi u solu à tene sempre in u mio corre a sperenza d’ùn more micca quì. Ogni ghjorni ci cacciava sempre un paghju di fratelli di castigu, è malgratu tuttu u tempu passatu quallà, vi possu dì ch’ùn aghju mai avutu u tempu di fàmmi veramente un solu amicu, chì ùn si vidia micca a stessa ghjente più d’un mese à a seguita, chì eramu sempre traspurtati d’un locu à un altru di l’immensu bagnu di Cernao, precisamente per impedisceci di fraternizà trà di noi. Ma s’era quantunque stallata trà di noi una spezia di pinsata cumuna, di stintu di gruppu, di sulidarità implicita chì ci impedia, malgratu a nostra trista sorte, di diventà trà di noi lupi accaniti, à l’eccezzione di quelli chì perdianu ancu a libertà di pinsà.

Quantu ne aghju ricordi di st’anni bughji è neri, parechji ricordi d’una faccia, d’un surrisu, di qualchì parolle prununciate à l’appiattu quandu a sperenza ùn ferma più ch’è l’unica richezza chì stà in la mente. Quandu i fiumi di sperenza si perdenu in a rena di un disertu d’addisperu.

È puru, hè infine ghjuntu lu ghjornu duve u mio fiume di speranza hà infine vistu lu mare. Hè accadutu dopu à centu cinquanta ottu anni dopu à a mio ghjunta quì, in stu locu maladettu di sudore, di sangue è di suffrenza infinita. Stu ghjornu quì, ghjornu ch’ùn dimenticheraghju mai fin’à a mio morte, eranu ghjunti in Cernao una centina d’avventurieri lumakuti, venuti quì per arrubbàcci diamanti. Assaltonu a mina incù fucile è materie splusive, allora chì i contramaestri si ghjuvavanu di noi schjavi cum’è paracolpi vivi. In u periculu ancu più grande ch’è d’abitutine, eramu parechji à aspettà a morte cum’è una liberazione. Per mè dinù, chì era quì dapoi più d’un seculu, a morte seria stata più ch’è una liberazione è a fine d’un sunniacciu, ma teniu sempre in mente un palmu di sperenza. A morte, ss’amanta maladetta chì mai ùn m’avia chjappatu durante tutti st’anni di schjavitù, di sevizii è altri strazii, ne eru sicuru, ùn pudia più nunda contr’à mè, è aviu decisu chì malgratu tutti l’anni passati quallà, ùn compieriu mai a mio vita in a schjavitù à Cernao. L’aviu decisa prima, è sta decisione era stata a mio maestra principale durante tutti st’anni.
Frà u fume, frà u focu, frà i pienti, è frà a disulazione di stu ghjornu, mi sentiu rinvivì d’una vita nova. Ùn mi primurava mancu più di nunda, nè di u fiscu di e pale, nè di u frombu di i cannoni, nè di u tonu di e splusione, nè mancu di tutti l’ordini di i contramaestri. Ùn vidiu ch’è stu picculu vascellu abbandunatu, à l’appiattu ma da u quale, nimu ùn paria primuràssi, cum’è mè d’altronde, eiu chì, senza nè corre nè mancu piattàmmi, prufittendu di a cunfusione ghjenerale, m’impatrunìu di sta sola manera per mè di piantà quì è oghje u mio sunniacciu per rivene à u lume è à u ghjornu.

In fattu fughjìu senza troppu prublemu u bagnu di Cernao, u spaventu di Cernao, chì l’altri eranu troppu occupati per occupàssi di mè, incù u solu rigrettu di lascià quì tutti l’altri prighjuneri di i Lumakuti, fratelli è surelle in a lotta per firmà arrittu malgratu tanti danni.
I rigretti sò cum’è una bestia infama, dolce è crudela chì manghja pianu pianu l’anima, campendu nant’à i ricordi, è invelenendu a mente. Quantu ci aghju pinsatu à tutti i disgraziati chì, cum’è mè, eranu prighjuneri quallà. Ci pensu sempre oghje, tant anni dopu à ste crudele stonde, è malgratu u fattu, accadutu parechji ghjorni dopu, chì Cernao fù assaltatu una volta di più, ma da l’armata cariutiana chì per impatruniscesi di i diamanti di Sternà, ne avia prufittatu per liberà tutti i schjavi chì riescinu infine à rientrà in i so lochi, compiendu infine anch’elli un longu spaventu.

Qualchì curezzione, si ponu fà, mi pare.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Ricordi di Sternà

Message  U Palatinu le 25/08/18, 11:24 am

Oghje dinù, malgratu sti qualchì seculu passati in libertà, mi vene sempre l’amarezza quandu ripensu à i mio centu cinquant’ottu anni persi nant’à Sternà. Sternà ? Una bella pianeta di u sistema nosclurianu, duve l’aria hè dolce, l’acqua hè linda è a terra piena di diamante. Sterna ? Una bella cuccagna induve ùn aghju trovu chè l’infernu.
Tuttu principiò per mè un ghjornu nurmale chì mi n’andava di Ghersciebbà per un viaghju nurmale. Subbitu partutu, m’anu datu a caccia e forze armate di Galmoz è m’anu pigliatu pocu dopu per massimu dannu meiu.
Ùn era micca un resistente eiu, ma à elli pocu l’impremia. In qualchì minutu, era detta a messa : un Cummandante-Guvernore di a squadra mi cundannò à u bagnu à vita in a mina di diamante di Cernao, nant’à Sternà. M’avianu cundannatu, m’avianu dannatu.

Ghjuntu nant’à Sternà, u vascellu carcerale si pose à dui passi di a mina. Trè milla disgraziati, prighjuneri, cum’è mè, ne fubbini lampati fora à calci per principià u nostru stantu. I nostri guardiani eranu infami, è crudeli. Di notte, eramu tutti incatenati mani è pedi, è di ghjornu, solu cappiati per zappà. Per manghjà, ùn ci era nunda, fora d’un imbuleghju fracicu d’acqua brutta è di zuccaracciu chì ci era purtatu cum’è un cibu di prima trinca, ma chì mancu i porchi ùn averebbenu manghjatu.
Spendiamu e nostre ghjurnate à zappà, à zappà, è à zappà sempre di più per buscà un pugnu di diamanti ch’è no mettiamu in i nostri tinti sacchi incù una spezia di disprezzu simile à quellu di ste ghjente cusì riche chì li casca senza fastidiu u soldu da e mani. A sera, ci era sempre u contramaestru chì venia è chì ci pigliava tuttu, chì ci arrubbava l’ultimu fruttu di u nostru sudore chì ci era cacciatu cum’è u restu. Privi di libertà è di campà, ùn ci firmava chè a nostra dignità, quella d’esse sempre liberi in e nostre mente.

Eiu, ùn aghju mai persu a sperenza. Era forse u solu. Ogni ghjornu chì passava ci cacciava sempre un paghju di fratelli. Senza ceremonia, eranu brusgiati i cadaveri, si pienghjia, è ùn si ne parlava dighjà più.
Quantu ne aghju ricordi di st’anni bughji è neri, parechji ricordi d’una faccia, d’un surrisu, di qualchì parolla prununciata à l’appiattu quandu a sperenza ùn hè più chè una luce in a mente. Quandu i fiumi di sperenza si perdenu in a rena d’un disertu d’addisperu.

È puru, per fine, u mio fiume di sperenza hà trovu u caminu per vede u mare. Hè accadutu u ghjornu, à l’ispensata, quandu sò ghjunti in Cernao una centinaia d’avventurieri galmoziani per arrubbà i diamanti. À colpi di fucili, assaltonu a mina, allora chì i contramaestri si ghjuvavanu di noi cum’è paracolpi vivi. In stu periculu maiò, eramu parechji à aspettà a morte cum’è una liberazione. Eiu dinù. Eppuru, à l’ora a più sombra di a mio vita, si ne crescì in mente meia un fiore di sperenza. A morte, quell’amanta maladetta chì mai ùn m’avia chjappatu durante tutti st’anni di schjavitù, ùn pudia più nunda contr’à mè. Tandu decisi chì era ghjunta l’ora di pruvà per vince o per more.
Frà u fume, frà u focu, frà i pienti, è frà a disulazione di stu ghjornu, mi sentiu rinvivì d’un fiatu novu. Ùn mi primurava mancu più di nunda, nè di u fiscu di e pale, nè di u frombu di i cannoni, nè di u tonu di e splusione, nè mancu di tutti l’ordini di i contramaestri. Ùn ci’era chè stu vascellucciu abbandunatu, à l’appiattu ma da chì, nimu ùn paria primurà si, cum’è mè d’altronde. Senza mancu corre nè fà à l’appiattu, apprufittaiu di l’imbarruffata per impatrunisce mi senza fastidiu sta sola manera di piantà quì è oghje u sunniacciu per rivene à a luce è à u ghjornu.

Scappaiu senza straziu in quellu ghjornu di focu, è caccia ùn mi fù mancu data. Scappaiu solu, lasciendu un pezzu di u mio core quallà incù tutti i mio cumpagni.

I rigretti sò cum’è una bestia infama, dolce è crudela chì manghja pianu pianu l’anima, campendu nant’à i ricordi, è invelenendu a mente. Quantu ci aghju pinsatu à tutti i disgraziati chì, cum’è mè, eranu prighjuneri quallà. Serà quessa una ferita chì mai ùn si chjuderà.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Ricordi di Sternà

Message  Contenu sponsorisé


Contenu sponsorisé


Revenir en haut Aller en bas

Page 1 sur 2 1, 2  Suivant

Revenir en haut


 
Permission de ce forum:
Vous ne pouvez pas répondre aux sujets dans ce forum