Picculu girettu d'attualità

Page 1 sur 16 1, 2, 3 ... 8 ... 16  Suivant

Aller en bas

Picculu girettu d'attualità

Message  U Palatinu le 01/12/09, 05:00 pm

Salute à tutti, amichi cari, eccu un’altru articulu novu. Dopu à a creazione di l’Adunita di i siti corsi, aghju risentitu chì aviu avutu raghjò, chì, à sapemu troppu noi Corsi chì hè l’unione chì ci manca u più.
Simu dighjà à quattru bloghi nant’à sta cummunità, è ne sò propiu sudisfatu. Spergu quantunque ch’ellu ci ne venerà torna parechj’altri.
Oghje, eccu dunque un’picculu articulu, senza pritenzione, per fà, cumu faciu tandu, un’picculu girettu di l’attualità.
Allora cosa ci hè di novu ? Parechj’affare in verità.
Prima vogliu parlà di a cundanazione à un annu di prighjone, di Charles Pasqua per affare di vendite d’arme à l’Angola o affare simile (ùn aghju tantu seguitatu). Postu ch’ell’ùn sì face micca di rallegràssi di a disgrazia di fulani, ch’ùn hè ne caritatevule ne cristianu, ùn mi rallegreraghju micca, è quessa malgratu tuttu u male ch’ellu ci hà fattu quessu quì. Feraghju solu rimarcà chì a sintenzu mi pareria legera s’ell’ùn era dighjà cusì vechju. Ma hà quantunque minacciatu di parlà, di dì tuttu. Eiu, l’invitu vulinteru à svelà tuttu, cusì ne saperemu di più nant’à parechji scrucconi è altri manghjoni… Aspettu dunque a seguita…

Ci hè dinù statu sta cumedia di u Cummandate Supranu Nicolas S. chì vulia mette u so figliolu cume presidente di l’urganisimu ecunomicu u più pudente di l’Auropa ! Un zitellu ancu menu qualifiatu ch’è mè ! Quante risate ci simu fatte ! Ma postu chì u sughjettu hè dighjà (troppu) statu discutatu, è chì ùn cunsidergu micca a Francia cume essendu u mio paese, ùn ne parleraghju micca di più.

È fra tempu, cuntinueghja a ripressione, è cuntinueghjanu l’arrestazione di i patriotti corsi, è u numaru di prighjuneri pulitichi cresce sempre di più. A tactica di u statu francese hè sempre stata quella di a carotta è di u bastone, contr’à noi, senza circà una vera suluzione pulitica per noi, ma quessa, diceraghju chì, venendu d’un’nemicu, hè propiu « nurmale ». Tocc’à noi di fà cio chì a nostra cuscenza ci dicerà di fà.
Di i marinari di u STC perseguitati in ghjustizia francesa, ne vogliu parlà dinù, chì, dopu à l’affare ch’è no cunniscimu tutti, ci hè una manifestazione di sustegnu in Bastia dopu meziornu, è v’invitu, s’è vo u pudete, à andàcci, cume à tutte l’altre manifestazione simile…

Vi vogliu dinù parlà una criuccia di Veolia (quessi dinù, cume manghjoni !), sta multinaziunale tentaculare chì s’hè fatta chjamà Kyrnolia in Corsica (per cumprà qualchi indigeni bauli) gera in delegazione e rete di l’acqua nant’à u cuncettu di l’affittu, cio chì vole dì ch’elli assicuranu a distribuzione di l’acqua à beie di e cummune chì l’anu chjamatu, senza intraprende nisun ameliurazione è senza custruisce nunda (riserve, ritegni, stazione di trattamente,…). Ma anu quantunque una libertà cumpleta per sfinisce u prezzu di l’acqua cum’elli volenu, in ghjenerale assai caru !
Esempiu cuncretu, veru, è certifiatu : in u rughjone di a Balagna, a stazzione di trattamente di Codole, nant’à u Reginu, tratta l’acqua di u fiume per rendela beievula. Pò, vendenu l’acqua, dighjà beievula, à Veolia à u prezzu di 0.60 €/m3.
Dopu, Veolia, senza fà nunda chì a rete esiste dighjà, pò rivende st’acqua à i paesi à u prezzu ch’ella vulerà. Per esempiu, in u paese di Santa Riparata di Balagna, à vicinanza, u prezzu di l’acqua hè di 3.50 €/m3 !
Cio chì vole dì chì, senza fà nunda ch’è di prufità d’un’acqua dighjà trattata chì camina in una reta chì esistia dighjà, Veolia face un’benefiziu di 2.90 €/m3.
In faccia à stu sistema chì permette à st’intrapresa di fà benefizii nant’à unu di i nostri ben i più preciozi, senza fà nunda, pudemu interugàcci, incù un’sintimu di rivolta, nant’à a leghjitimità di stu cuncettu chì cunsiste à arrubàcci a nostra acqua per rivendeci la ancu più cara !

Sinò, vogliu dinù parlà di u prublemu di e rumenzule… forze a saperete tutti quì, in Tallone, principale scarica di rumenzule di Corsica ùn ne volenu più, cio chì custitueghja un’sintimu nurmale, pensu, per stu picculu paese chì hà dighjà tante rumenzule nant’à a so terra.
Ma u prublemu hè chì per avà, facenu parechji ghjorni ch’ùn sapemu più induve mettelli, ste rumenzule… è chì à mumenti, ci truveremu in una situazione simila à quella di Napoli, è ch’ùn vecu micca cum’elli (i nostri sapientoni d’eletti) anu da fà per regulà u prublemu. S’elli facenu cume sempre, simu freschi, è pudemu aspettà longu.
Eiu, à contu meiu, pensu chì u megliu seria di privilegià u tri sellettivu è di creà filiere aprupiate per assicuràllu. Ci serianu impieghi novi, è costeria menu caru ch’è di fà una rumenzuleria nova, ma stu puntu, u sviluperaghju in uni di i mio prossimi articuli chì per sta mane, mi ne piantu quì.

À prestu s’è Diu vole…
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  U Palatinu le 25/01/10, 11:06 am

U tempu passa troppu prestu
Vera chì u tempu passa sempre troppu prestu, per noi tutti, è chì u mondu gira sempre più prestu ch’è u nostru parè. A prova a più schjattante sì pò vede in tutte ste cose chì sì sò passate dapoi l’ultima volta ch’è v’aghju scrittu qualcosa quì à tal puntu chì mi pare d’esse infiaratu da tutti st’accadamenti.
Eccu dunque, cume tandu, un picculu girettu di l’attualità corsa è internaziunale, di tuttu cio chì m’hà cumossu st’ultimi tempi.
Per cummincià, parlendu in l’ordine cronologicu, parleraghju di st’atroce traghjedia accaduta in Cardu in u principiu di u mese : cume a sapete podasse dighjà, una ghjovana mamma, in una crisa di scimizia, hà annigati i so dui figliulucci, Raphaël è Gabriel, di 3 è 6 anni, in a bagnarola. Dopu, hà subitu subitu chjamatu a puliza per dinunciàssi ma senza pudè spiegà u so attu.
Aldilà di l’atrocità di l’attu, pensu à contu meiu chì u peghju firma sempre per sti dui zitelli ghjovanni ghjovanni, morti di cusì atrocia manera. Cumu firmà insensibile in faccia à ste vite pigliate troppu prestu ? Pensu dinù à tutte e famiglie annientite da una nutizia tale è tutti l’amichi di sti cinini morti cusì prestu, è per nunda !

Vi devu dinù parlà à u livellu puliticu, di tutte st’arrestazione, duie settimane fà, d’una quindecina di militanti indipendentisti, fra i quali cinqui funi dipurtati versu Parigi per via di a « ghjustizia » di u statu francese per u quale esse militante indipendentistu custitueghja dighjà un crimine.
Dopu à st’arrestazione, tutte e sere, ci sò state addunite di e famiglie è di i militanti davanti à u campu militare di Borgu duve eranu chjosi in patriotti, in segnu di sustegnu.
A sera duve s’amparò chì cinque d’elli eranu stati mandati in Parigi per fà piacè à ùn sò quale scuru « ghjudice antiterrustu » cum’elli dicenu elli, l’altri essendu cappiati uni apress’à l’altri, ci fù una manifestazione davanti à u cummissariatu di Bastia per prutestà pacificamente. Puru certi militanti ùn anu pussutu resiste contr’à u sintimu prufondu d’inghjustizia in faccia à st’arrestazione, chì, à contu meiu, ùn sò micca straniere à a prossima visita di Nicolas Sarkozy chì ci face « l’onore » d’una piccula visita u 2 di ferraghju prossimu. Mi ramenta assai a visita di Giscard in u 1977, chì era stata à l’orighjine, à vigilia, di l’arrestazione di 21 militanti di u FLNC per fà piacè à l’altru impaffatu di monta sega. Per quessa, hè nata a barruffa in i carrughji bastiacci, trà corsi è e forze di ripressione. Una volta di più !
In fatti, sò quasi tutti stati cappiati, è à l’ora attuale, ùn firmanu più ch’è dui à esse sempre incarcerati in Parigi, messi in esamine. Ma postu ch’è u Cummandante Supranu si face una piccula spassighjata ind’è noi, ci vole ch’è e forze d’uccupazione mostrassinu ch’elle facenu qualcosa.

Dopu ci hè statu stu terribile tarramottu in Haitì. U spaventu ! Parechje decine è ancu centinaie di morti in un tempu cusì chjucu : ma chì fenomenu orribile ! Quasi a meità di a pupulazione di a Corsica chì si ne hè morta in pocu tempu ! Ma più ch’è u contu di i morti, u peghju per noi firma a vista di l’imagine di a disulazione in Haitì. Aldilà di tutti i morti chì elli, almenu, anu avà l’assicuranza d’un soffre più, u peghju firma per quelli chì firmanu, chì, feriti o micca, chì aldilà di e strappature sicure per quelli chì anu persu un parente o un amicu, stu paese dighjà impoveritu da tant’anni di dittatura è di spugliazione da i so dirigenti è da certe multinaziunale uccidentale sempre pronte à arrubbà a richezza di l’altri.
Eccu u casu d’un paese impoveritu da a culunisazione è a post-culunisazione chì hà sempre soffertu di a fame, malatu di e so dittatture, è per u quale u casticu, mai assai grande, deve ancu suppurtà i castichi naturali ! Quante disgrazie per un paese cusì chjucu è per un populu cusì povaru !
In cundizione simile, ùn pò ch’è nasce un sintimu di rivolta, micca contr’à u tarramottu (què, nimu ùn ne hè rispunsebile), ma piuttostu contr’à e circustanze impeghjente chì li sò ligate.

Sinò, cume a sapete dighjà, u Cummandante Supranu si face un affaccata ind’è noi, u dui di ferraghju. Bon, hè dettu. Nunda à aghjustà, chì u persunnaghju hè senza interessu !

Puru, un altru accadamente scorsu ultimamente serianu sti qualchi curdi sbarcati clandestinamenti in Bunifaziu. Ghjunti in un battellacciu di sfurtuna, fughjenu a malasorte in u so paese, dendu a so sorte à qualche malasciame chì li hà fattu francà u mare à prezzu d’oru, prumettendulli l’edenu, è per abandunnàlli soli senza nunda nant’à u mare. Per scuntrà à quale ? Per scuntrà à i ghjendarmi grancesi, iè, e forze di ripressione, riprisentente per u colpu di l’infama Eric Besson, chì dighjà pensa à ricunducelli ind’è elli. Aldilà di stu fattu precisu, mi vene l’amarezza quandu pensu à st’altru populu disgraziatu ch’è sò i Curdi, incù un paese ch’ùn hè mancu indipendente, ma staccatu frà parechji stati, essenzialmente dittatturiali chì, più ch’è noi, u riccusanu u drittu d’esse elli. È a Francia si face u cumplice di sta situazione di ripressione di i Curdi, non solu incù st’accadamentu, ma dinù di manera ghjenerale, cuntinuendu di sustene sti guverni. Ma, di tutta manera, cosa aspettà d’un statu ch’ùn rispetta mancu u drittu à l’autodeterminazione per e so propie culunie ?
Aldilà di sta pulitica di i stati, hè sempre stumacante dinù, quandu si leghje i ghjurnali francesi, di vede chì a maiòrità di quelli chì danu u sò parè sò contru à u drittu d’asiliu (cume i so antennati eranu contru stu drittu durante a seconda guerra mundiale), perchè anu a paura di spende soldi ! Hè quessu u prublemu di sta ghjente : preferiscenu mandà ghjente à a morte ch’è perde i so soldi ! È sò i stessi chì dicenu ch’è no devimu piglià a nostra indipendenza solu perchè pigliemu troppu suvvenzione ! Hè rassicurante di vedessi odiati da sti conni !

Infine, è aghju tenutu u più bone per a fine, ancu s’o l’aghju dighjà dettu in altrò, aghju u piacè d’annunciàvvi chì Hervé, iè Hervé Santelli, hè infine statu cappiatu di prighjone, ghjovi scorsu, u 20 di ghjennaghju, dopu à trè mesi è cinque ghjorni di prighjone (ne aghju dighjà assai parlatu, ùn raminteraghju micca i fatti). Firma sempre, per avà, assignatu ind’è ellu, ma hè sempre megliu ch’è in prighjone. Eccu a bona nutizia di u mese !

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  U Palatinu le 13/02/10, 09:44 am

Quist’annu cummincia veramente male per noi. À vi la dicu francu è chjaru, è a Corsica hè in dolu. Sempre in dolu.
Francescu Maria Perfettini si ne hè mortu a settimana scorsa, è a so morte face ghjà l’effettu d’un gran viotu chì mai ùn sì riempierà. Gran sturianu di a Corsica, avia scrittu monda libri nant’à a lingua corsa, nant’à a cultura, è ben intesu, nant’à a storia di a Corsica. D’ellu, aviu lettu in particulare dui libri, dui libroni, micca per u numaru di pagine, ma per a qualità, ch’o aghju sempre cunsigliatu à tuttu u mondu è ch’o cuntinueraghju à cunsiglià à tutte è à tutti : « La Corse "française et républicaine" » in u quale facia a dimustrazione chì a Corsica ùn era micca un paese povaru ma un paese impuveritu, è ch’ellu era statu culunisatu da Genuva è pò dopu da a Francia chì l’avianu impuveritu. Chì a Corsica ùn era mai stata è ùn hè micca francesa ma solu una culunia di a Francia. Un librettu faciule à leghje è chì à ellu solu, spiega tuttu di cio ch’è certi tecnucrati parigini anu chjamatu u « prublemu corsu » chì ùn hè micca veramente u « prublemu corsu », ma piuttostu u prublemu di a culunisazione francesa in Corsica. A Corsica essendu una culunia francesa, hè perfettamente nurmale ch’è monda Corsi risentessinu in u più prufondu d’elli stessi ch’è qualcosa ùn và micca, è ancu chì qualcuni ne fussini veramente cuscenti. L’altru, « L’Histoire de la Corse, le point de vue corse », si scrive in a stessa logica, è custitueghja un bellu librettu in u quale si leghje a vera storia di a Corsica è di u populu corsu, micca quella invintata da i « sturiani » di a culunisazione, solu per culpabilisàcci è fàcci sminticà tuttu cio ch’è no simu per megliu assimilàcci.
Ùn cunisciu micca l’omu, disgraziamente, chì devia esse cusì appassiunante ch’è i so libri, ma à u vistu di cio ch’ellu lascia daretu à ellu, a so opera, i so libri, è a so azzione, cunsidercu chì a so morte hè propiu una granda perdita per a Corsica.
Qualchi ghjorni dopu, sì ne murì, in Corti, Carlu Rocchi, à 88 anni. Gran cantatore corsu, a so storia principiò, un pocu dopu a seconda guerra mundiale, grazi’à Felice Quilici, gran musicante corsu chì percorria a Corsica per arricurdà u cantu tradiziunale di i paesi per salvàllu di a dimenticanza. Quilici rimarcò stu ghjovanu cantatore, in u paesu di Rusiu, in Castagniccia, chì cantava cusì bè. Prestu durante l’anni 1950 è 1960, Carlu Rocchi diventò unu di i primi cantatori corsi di a nova ghjenerazione à cantà veramente in corsu, prima incù u so gruppu, a Cirnea, ma prestu solu. Immurtalizò decine è decine di canti, tradiziunali o micca, cume, per ùn parlà ch’è di i moi preferiti : « D’Aiacciu à Bastia », « U pastore », « Mulateru mulateru », « Cor di pantera », « A falata di Ficaghjola », « U mio mulinu », è tant’altri… Cantò ancu, in u principiu di l’anni 1960, à l’Olympia in Parigi ! In l’anni 1970, allora chì u Riacquistu facia nasce una nove ghjenerazione di cantatori corsi sempre più cuscenti di a so cursitutine, Carlu Rocchi piantò i cuncerti per via d’una tumora benigna à a gola, ma senza veramente piantà di cantà, ben’ch’è à un ritimu menu sustenutu.
Malatu dapoi parechji anni à l’uspitale di Corti, si ne hè mortu a settimana scorsa à 88 anni. Ben’ch’è l’annunciu di a so morte m’hà menu disturbatu ch’è di sapè ch’ellu era statu cusì malatu durante l’ultimi anni di a so vita, a so morte m’hà fattu u parè d’un casone di si sfonda. Sò cuntentu di sapè ch’ellu ùn soffre più, ma a Corsica vene di perde un gran tarcanu.

Ma i doli ùn eranu mica compii a settimana scorsa, chì ghjovi sera, o piuttostu vennari matina, versu quattru ore di matina, un ghjovannu studiente, Antone Casanova, fù tombu à l’escita di un bar, in Corti, dopu à una serata, da un altru studiente, incù un colpu di pistola in capu. Aldilà di a traghjedia ella stessa è u fattu di more cusì à vint’anni, d’una manera cusì stupida, ci ferma dinù un sintimu d’inghjustizia è d’incumprensione, nant’à e raghjone chì averianu mutivatu un attu cusì crudellu. À contu meiu, mi so sempre dumandatu cosa hè chì facia chì l’omu toma. Ùn aghju mai capitu perchè chì certi umani sì credenu tene u drittu di caccià a vita à un altru umanu ? A morte di qualchissia hè sempre un drama, è ancu di più quand’ella ùn hè ne naturale ne accidentale, chì svela u spechju di cio chì l’omu hà di più crudellu in ellu. L’affare hè cusì grave chì e parolle mi mancanu per sprime
A traghjedia ella stessa hà pruvucata una grande emuzione in l’università, à tal puntu ch’ellu ci hè statu una ghjurnata « Università morta », per rende ummagiu à a memoria di stu ghjovannu smaritu troppu prestu, è una larga manifestazione di più di 5.000 personne per dì innò à a viulenza è sperà chì mai più un sangue nucente ùn inacquessi i solchi di sta terra.
Ci vole à sperà !

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  u Faiu le 05/04/10, 07:00 pm

Gran peccatu ch'è tutte ste morte.
avatar
u Faiu
Interessatu
Interessatu

Masculin Numaru di missaghji : 96
Data d'iscrizzione : 21/12/2009
Età : 65
Lucalisazione : Corti

Voir le profil de l'utilisateur

Revenir en haut Aller en bas

Re: Picculu girettu d'attualità

Message  U Palatinu le 20/06/10, 08:57 pm

Eccu. Rivengu oghje per chjachjarà appena cun voi di l’attualità, è di cio chì m’hà interessatu, o ancu passiunatu. Oghje v’aghju da parlà in particulare di i scumpienti.

U mio primu sguardu si porterà nant’à l’affare di Dumè Flori, u guardianu di u rifughju muntagnolu di Puscaghja, sottu à u Caprunale, nant’à a cummuna d’Evisa, impiegatu di u Parcu Naturale Rughjunale di Corsica (u PNRC) chì s’hè vistu minacciatu d’esse lampatu fora di u so rifughju, senza nisun ghjustificazione. Malgratu chì Dumenicu Flori ebbi sempre fattu un bon travagliu in i so lochi, u PNRC vulia sbarazzàssi d’ellu per qualche raghjone scure, chì d’apress’à mè, ùn eranu altre ch’è finanziarie, sguassendu non solu tuttu u latu umanu di l’affare, ma dinù tuttu u travagliu ch’ellu avia rializatu Dumè Flori à Puscaghja ! U peccatu hè chì sta decizione ùn hè micca orfania, ma a figliola leghjitima di a pulitica attuale chì vole ch’omu si sbarazzessi di tuttu cio ch’ùn face micca soldi, à u dispressu di l’umanu è di l’anima. L’affare Dumenicu Flori vene ghjustu dopu à l’affare Pierrot Grisgelli, un altru guardianu di rifughju muntagnolu, chì avia, pochi mesi fà, cunisciutu anc’ellu una sorte simila. Per mè, sti rifughji muntagnoli è i so guardiani simbolisanu cun maraviglia l’anticu spiritu corsu, muntagnolu è paesanu, chì sì ritrova oghje minacciatu da a mudernità è u soldu omnipudente di l’ingordu liberalisimu.
Ma l’affare ùn sì piantò quì, chì a mubilisazione pupulare sì fecì in giru à Dumè Flori, è chì ellu stessu principiò una greva di a fame per fàssi sente. E cose sì passonu bè chì, dopu à una settimana di greva di a fame, u presidente di u PNRC, Jean-Luc Chiappini accitò di rivene nant’à a so decisione è prulungò u cuntrattu di Dumenicu Flori di dui anni. Firmu eiu un pocu dubbitativu cuncernendu sta decisione, è mi dumandu sempre cosa s’hà da passà quandu i dui anni seranu passati, ma què, a videremu dopu. Per avà, ci pudemu rallegrà di sta vittoria, chì bone nutizie, ùn ne avemu micca tantu.

Per parlà d’un altru sughjettu, pugnante ellu dinù, diceraghju chì, in Aghjacciu, un cummercente aghjaccinu, Pascal Bruno, hà messu u so bar, ch’ellu tenia dipoi dodeci anni, in vendita, per via di racket ! Sta nutizia hà prestu messu u so carrughju in statu di stupefazzione, à tal puntu chì ancu u nostru famose cutidianu Croce-matin… eh, scusate… Corse-matin, avertitu, li hà datu a parola in un articulu. Cusì, ampariamu chì stu tintu omu, chì tenia u so cummerciu dipoi dodeci anni, patia, dapoi u principiu, di certe pressione di i so furnitori, è d’altre ghjente bramose d’impatruniscessi di u so stabilimentu, chì li anu dumandatu, parechje volte, di vende. Certe ùn era micca un racket à l’usu « classicu », cume no u cuncipimu tutti, ma hè una spezia di racket murale ci dice ; analisa ch’o raghjunghju vulinteru.
Pruffitu di l’occasione chì m’hè data per parlà appena di u racket, sta pratica scandalosa è vergugnosa, veru cancaru di a Corsica è di tanti altri paesi, in u mondu sannu. Sempre mi vene l’amarezza quandu sentu parlà di ste pratiche di a criminalità è di a maffia, per impatruniscessi di u soldu di quelli chì travaglianu. Aldilà di l’offesa ch’ella riprisenta per mè l’arrubecciu di u fruttu di u travagliu di l’omu onestu, offesa ancu più grande quand’ella s’accumpagna di minaccia di morte, è s’omu face un analisa sprufundita di a cosa, u racket hè propiu una pessima pastoghja à u sviluppu è à l’elevazione d’un populu. Perchè u racket disticare e bone vulintà, scurage l’omi chì volenu fà viaghjà e cose, è incurage a parezza è l’inazzione. Perchè u racket, incù a perspettiva di fàssi soldi à i dipendi di e brave ghjente travagliatore, incurage, in e mente ghjovane, l’invidia di piglià u caminu di a disunestà è di succombe à e sirene di u soldu faciule, quandu si sà chì a vera valora di l’omu si svela per u travagliu onestu è per l’energia ch’ellu mette per fà caminà l’umanità nant’à a via di u bè, di u prugressu è di u benestà.
Allora, à tutti e vittime di racket di u mondu, vogliu mandà un missaghju di sperenza ; ùn calate micca i bracci. Ùn site micca voi i vigliacci. Ùn site micca voi chì suppurtate l’affanu. U racket hè invalevule quale ch’è sia a raghjone invucata per ghjustificàlla.

In un altru cartulare micca troppu luntanu, vi vogliu dinù toccà dui parolle nant’à a pruliferazione di a droga in a sucetà corsa oghjinca, è in particulare a ghjuventù corsa oghjinca, chì à u cuntrariu di quella di a mossa di u settanta, piuttostu ch’è di primuràssi di a sorte cummuna per travaglià per u bè di u paese, preferisce di più chjodessi incù mille paradisi artificiali chì li manda à l’infernu veru. Per a più grande gioia di u statu francese, sicuramente felice di vede una prupurzione sempre più grande di a nostra ghjuventù pisà i bracci per cascà in e prighjone d’oru di sta maladetta droga. Per a più grande gioia dinù, di monda banditi è malfattori diversi, trafficanti di polvera è marcanti di morti, chì si facenu i soldi nant’à a ghjente debbula. Chì sì facenu i soldi di a morte tumbendu a ghjente.
Cume prima, parlendu di u racket, a droga hè dinù una nemica di u sviluppu di i populi versu u caminu di un ideale di megliu stà, di felicità, di prugressu è d’adempimentu. A droga, ùn ci porta nunda d’altru ch’è a morte, a disgrazia, è per sè, è per e famiglie è l’amichi. A droga hè un castigu ch’ellu ci vole righjittà è cumbatte. Quelli chì a vendenu, ch’elli sianu corsi o micca, sò, è seranu per u sempre nemichi di u populu corsu è di a Corsica ella stessa. Sò gattivi sughjetti senza valore ne onore, ch’ùn valenu micca di più ch’è quelli chì praticheghjanu u racket, è da i quali sò spessi i fratelli.

Ma pudete credemmi… a maghjorità di sta ghjente, ùn hè mai arrestata da nisun pulizia, à u cuntrariu di monda militanti pulitichi, per i quale a ripressione pichja solu per abbattelli. L’ultimu coprimantellu utilizatu da e forze di ripressione di u putere francese hè l’ADN. Avà ne sò ghjunti à ghjudicà è à cundannà militanti pulitichi solu perchè riccusanu (cosa chì hè u so drittu u più assolutu) di vede u so ADN pigliatu. Incù ste nove tecnulugie, pare chì u mondu « sunniatu » d’Aldous Huxley o di George Orwell s’avvicina sempre di più. Ùn dicu micca chì a scenza si auna gattiva cosa – à u cuntrariu – ma solu chì a so manere di pruffitàne hè propiu perversa. Puru, hè un scrittore francese chì avia dettu chì scenza senza cuscenza ùn hè ch’è ruvina di l’anima ? Iè ; era bè un gran scrittore è umanistu francese, François Rabelais ; è ellu, avia propiu raghjone.
Oghje, ùn simu noi ch’è troppu stanchi di sente sempre nomi di militanti indipendentisti sinceri è puri esse ghjudicati solu per riccusà stu « mondu novu », istrumentu dittattoriale bramatu da quelli chì guvernanu, chì s’avvicina, è chì s’avvicina. Ch’elli sianu Ghjuvan’Francescu Gandon, Michele Terrachon, Hervé Santelli, Eric Marras o Gaétan Tullio, tutti sò omi d’onore da u quale u solu tortu hè di riccusà u mondu di sunniacciu ch’elli ci priparanu i dirigenti. Tutti meritanu u nostru sustegnu.

È postu ch’è no parlemu d’ADN, v’aghju da parlà di Carlu Santoni, militante indipendentistu in prighjone dapoi u 1996. Ùn pare micca prontu à esce di prighjone, chì era statu cundannatu à 28 anni di prighjone. Vi rindite contu cosa riprisentanu 28 anni di prighjone ? Ne hà dighjà fattu 14.
Era statu cundannatu à 28 anni di prighjone per a famosa fucilata di u Loretu. In u 1996, allora ch’ellu caminava in vittura incù un altru militante, vedinu ch’elli eranu seguitatu da una vittura (s’amparerà dopu ch’ella era una vittura di pulizia, ma tandu, ùn hà sapianu micca). Ùn sì sà micca, ancu avà, cosa s’era passatu esattamente, ma solu si sà chì tandu schjattonu i colpi di focu, trà e duie vitture, è ch’ellu ci fù dui morti ; unu in ogni vittura ! Solu sopravivante, Carlu Santoni fù cundannatu à 28 di prighjone per a morte di u ghjandarmu.
Oghje, hà dighjà fattu a meità di i sò anni. In teuria, puderia esse liberatu. Ma liberatu ùn serà. A sapete perchè ? Solu perchè hà riccusatu, anc’ellu, ch’elli pigliessinu u so ADN ! Solu per què !
Chì mondu tontu !

Vi vogliu parlà dinù di a manifestazione chì sì passò sabbatu scorsu in Casamozza, per riccusà a stallazione d’una nova centrale chì funziuneria à u fuel. Mi permettu di ramintà ch’è a nostra principale surghjente d’eletricità hè assicurata da e centrale eletriche di Lucciana è di u Vaziu ; duie centrale moltu polluante, per e quale u livellu d’emissione di sustanze tossiche riprisentanu certe volte, è per certe sustanze, u quadruplice di cio chì hè autorizatu in Francia ! Manca vergogna ! Ma quì, EDF dispone di derugazione speziale per polluà di più, incù tutte e cunsequenze pessime per a qualità di l’aria è a salute di a ghjente (cancari, malatie respiratorie,…). L’associu U Levante hà, parechji anni fà, fattu un travagliu eccezziunale nant’à ste cose ch’è u putere prova à piattà.
Aghjusteraghju dinù, per ch’è u ritrattu sia cumplettu, chì ste centrale preistoriche, stallate in l’anni 70, eranu dighjà fora di a legge per l’emissione di sustanze tossiche, quandu sò state stallate, è ancu di più oghje, ben intesu. Ma allora ch’ellu s’annunciu ch’è ste centrale seranu prestu cacciate, u guvernu francese è i so sbirri lucali ci vole mettenu d’altre, à pocu pressu simile ! Allora chì suluzione alternative, è migliore per a ghjente esistenu, u guvernu francese s’ustina à vulè mette in Corsica e peghje centrale chì esistenu, à u disprezzu di a ghjente è di a salute publica di u populu corsu. Hè veramente una di e più belle prove ch’è i guvernanti francesi ci trattanu da veru cume sottu-omi, cume mezi-omi, in una parolla, cume culunizati ! Ma cosa simu fora di una nazione vinta, è culunizata ?

Infine, per cunclude nant’à una cosa positiva, vi parleraghju d’un Corsu, Pierre Andreucci, 80 anni scorsi, chì vene di vince a midaglia d’oru di u Salone Internaziunale di l’Invenzione di Genève, frà più di 500 participanti !
Pierre Andreucci, anzianu ingeniore à u CEA, hà scupertu e virtù eccezziunale di un erba marina prisente à buzzeffa, ind’è noi : a pusidonia. Hè ellu chì dopu à dui anni di travaglii in u so picculu laboratoriu persunnale in Aghjacciu, hà riesciutu à fabricà un pruduttu, fattu di manera naturale senza sustanze chimiche, solu incù a pusidonia, chì custituisce un isulante eccezziunale, frà e migliore materie isulante cunisciute. In più di què, hè una materia ininfiammabile è ininfracichevule, cosa chì ne face una materia d’avvene.
A so scuperta nascì in l’anni 80 quandu scoprì, incù un amicu soiu, una mansa di pusidunia in una vechja torra ghjenuvesa duve firmavanu dipoi seculi è seculi, senza esse sgradate. Prestu ne fecì ricerche, è pocu à pocu, ne scoprì tutte e qualità.
E qualità di a materia, isulante è naturale, senza riprisentà nisun periculu per nimu (à u cuntrariu di l’amiantu, per esemppiu), ne facenu una scuperte eccezziunale ch’ellu fecì brivettà, ghjustu nanzu di creà un intrapresa per organisà a pruduzzione industriale di sta materia.
À st’omu d’eccezzione, chì, in più di què, firmò mudestu, ùn possu ch’è prisentà e mio più sincere sciaccamanate.

Serà a parolla di a fine ! À prestu è bona notte.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Filippu le 23/06/10, 08:10 pm

Vittoria di Dumè Flori !

Evviva !
avatar
Filippu
Stallatu
Stallatu

Masculin Numaru di missaghji : 999
Data d'iscrizzione : 24/05/2010
Lucalisazione : in mezu à u mari

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Invité le 07/07/10, 12:24 pm

Filippu a écrit:Vittoria di Dumè Flori !

Evviva !


Ignurente è smaculatu !

A sola vittoria hè quella di u male è di a notte freta !

Ùn vedi micca u distinu vitturiosu di u Regnu di u bughju !

Treme !

SSSSSS
avatar
Invité
Invité


Revenir en haut Aller en bas

Re: Picculu girettu d'attualità

Message  Filippu le 08/07/10, 05:04 pm

O Lernazg,

Nimu trema quand'è tù parli... l'ai à capiscia quessa.

U più ignuranti, sè tù ! Ùn sai scriva puesìi nè chjam'è rispondi !

Vattene à dorma !

avatar
Filippu
Stallatu
Stallatu

Masculin Numaru di missaghji : 999
Data d'iscrizzione : 24/05/2010
Lucalisazione : in mezu à u mari

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Francesco le 23/08/10, 11:52 am

Vengu di feghja' a' u ghjurnale di FR2 chi' unu PRETE ha' pregatu a' M. Sarkozy un "bellu colpu a' u so core" .....pe' a vicenda di i Rom.

Bellu cristianu issu prete! (Un amu troppu a' Sarko' e' si po esse d'accunsentu o' no circa u sughjettu di a "partenza" di i Rom, ma e parolle so' petre!)





Dernière édition par Francesco le 23/08/10, 12:34 pm, édité 1 fois
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Picculu girettu d'attualità

Message  U Palatinu le 23/08/10, 12:21 pm

Hè statu "forte" !

Anc'eiu, ùn aghju mai precatu a malamorte à i mio peghji nemichi. È puru, ùn sò prete, eiu.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Cocolitoferidea le 23/08/10, 07:38 pm

Francesco a écrit:Vengu di feghja' a' u ghjurnale di FR2 chi' unu PRETE ha' pregatu a' M. Sarkozy un "bellu colpu a' u so core" .....pe' a vicenda di i Rom.

Bellu cristianu issu prete! (Un amu troppu a' Sarko' e' si po esse d'accunsentu o' no circa u sughjettu di a "partenza" di i Rom, ma e parolle so' petre!)





Forse stu prete era veramente techju di Sarkozy.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4928
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Picculu girettu d'attualità

Message  Francesco le 24/08/10, 07:34 am

"Forse stu prete era veramente techju di Sarkozy"

Ancu troppu!

Eccu unu chì sicuramente ùn voterà più à ellu in u 2012....
avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Picculu girettu d'attualità

Message  U Palatinu le 24/08/10, 01:30 pm

Pensu chì seranu parechji in stu casu.

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Cocolitoferidea le 27/08/10, 08:07 am

Ci sò dinù e bone nutizie, ancu di grazia, in st'attualità pazza :


Una ghjovanna femina salvata grazie à una greffa di feccatu

E pupulazione di merù crescenu sempre di più in a riserva di Scandola

Face piacè di leghje qualche bone nutizie !
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4928
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Picculu girettu d'attualità

Message  Francesco le 27/08/10, 08:27 am

avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Cocolitoferidea le 30/08/10, 07:37 am

È puru sò ancu sicura ch'è, s'e no aviamu circatu megliu, ne averiamu trove d'altre.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4928
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Picculu girettu d'attualità

Message  Culunellu di Vinciguerra le 10/09/10, 08:14 am

avatar
Culunellu di Vinciguerra
Prisente
Prisente

Masculin Numaru di missaghji : 1291
Data d'iscrizzione : 28/12/2009
Età : 46
Lucalisazione : Quì

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Francesco le 10/09/10, 01:04 pm



"Que celui, qui, à 20 ans, n'a jamais fait un pari idiot lui jette la première cannette..."

avatar
Francesco
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 6653
Data d'iscrizzione : 23/12/2009
Lucalisazione : in mezu a' a nebbia

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Cocolitoferidea le 14/09/10, 12:30 pm

Trà tutti l'assassinamenti è altre nutizie sempre più brutte, face piacè di ride.
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4928
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Picculu girettu d'attualità

Message  U Palatinu le 19/09/10, 11:29 am

Bonghjornu à tutti !
È iè ! Sò dighjà di ritornu. Sembra ch’o mi megliuressi. Ch’o megliuressi a mio friquenza di scrittura. Ùn v’aspettate puru micca à vedemmi prugressà o fà megliu da veru. Innò, in fatti, scrivu solu quandu mi ne vene u laziu, cume sempre. Forse a prossima volta ch’o scriveraghju, serà da quì à un mese, o dui, è forse di più.
Oghje, s’o pigliu a pena, hè per parlàvvi d’un fattu chì m’urta sempre di più, in u nostru mondu malatu, aldilà di l’impurtanza sempre più grande di e grande pudenza cummerciale tutte più ammurale l’une ch’è l’altre (per ripiglià una spressione di Jean-Marie Messier ; un spezialistu !) è di a destruzzione sempre più forte di a nostra tinta pianetta ch’ùn ne pò più, hè di vede u gratu sempre crescente di a paranoia di a nostra sucetà attuale.
Ultimamente, aghju avutu l’occasione di leghje, in a stampa francese, ch’un presepiu parigina vulia impone nant’à ogni zitellu piazzatu sott’à la so rispunsabilità una puce elettronica, per sempre sapè tuttu d’ogni muvimentu di li zitelli !
Ma cosa hè stu puttachju !!
Dopu à a stallazione di camerà di surveglianza generalisata nant’à a via publica (si ne pò quasi vede una ogni dece metri), è un cuntrole assolutu d’Internet è di tuttu cio chì si face nantu (ma mi n’infuttu cumplettamente ch’è vo sappiate à ogni mumentu cio ch’o facciu o cio ch’o dicu, signori chì curgate à Internet ; v’aghj’à ancu dì megliu : v’invitu à andà vede in altrò s’o’n ci sò micca, mansa di cretini !) dopu à i GPS stallati nant’à tuttu cio chì hè elettronicu, per permette di seguità à distanza i più minimu muvimenti di li so prupietarii, dopu à i cuntroli sempre più numarosi, fin’à l’assurdu, eccu ch’elli si ne piglianu à i cinini.
Cume s’è bambini di dui o trè anni pudianu esse gran delinquenti ! Parenu fole !
Ma ùn ci sbagliemu micca. S’è sta misura face glubalmente l’unanimità contr’à ella (Diu grazie, e ghjente ùn sò cumplettamente lobotomizati da u liberalisimu scemu è a sucetà di cunsummazione bestiifiante), ùn aghju nisun dubbitu in a mio mente ch’una tale idea ùn hè micca solu una scimizia fracica nata in un cervellu merzu, ma una tappa di più, una di più, versu un controlu sempre più grande di l’umanità. Ùn li bastava micca di spià i nostri più minimi allestrimenti elettronichi, avianu bisognu d’andà sempre più luntanu in l’assirbimentu. Per abituàcci sempre di più.
Ci sò dighjà prighjuneri è ditinuti chì portanu puce elettroniche. Ci sò dighjà tutti i prighjuneri in libertà curgata chì ne portanu. Da quì à pocu, pensu chì tutti i sudditi stranieri à un paese ci seranu assughjettiti, è ancu l’anziani prighjuneri. È pò, seranu tutti i parenti è l’amichi di e « personne à risichi », chì serianu elle stesse anterioramente pucite. È dopu tutti l’aderenti di partiti pulitichi « dissidenti », è cusì cuntinueghja, fin ch’è no fustimu tutti puciti sempre. Cusì, tutti sti signori chì ci cummandanu cunnosceranu tutti i nostri atti. Tandu a libertà serà morte.
Pinsate ch’o fussi paranoiacu ? Hè vera ch’un tale discorsu pò sembrà accessivu, ma possu affirmà ch’aghju a paura d’avè a raghjone. Simu tutti dighjà schedati da i servizii di u Statu (quale ch’ellu sia, d’altronde), è ognunu di noi hè dighjà, d’una manera o d’un altra, survegliatu. Ancu s’o piattu, nant’à stu bloggu, a mio identità, sò perfettamente cunvintu ch’è quelli chì ci surveglianu sapenu propiu quale sò eiu, è si ne ridenu sicuramente di li mio discorsi ch’elli sapenu veri, ma inutili, postu ch’e ùn anu nisun effectu.
Mi pare ch’ellu hè u migliore di i mondi d’Aldous Huxley chì s’avvicina pocu à pocu di noi, almenu ch’ellu fussi quellu imaginatu da George Orwell in 1984.
L’avvene ùn hè manc’appena rassicurante.


In u restu di l’attualità, vi vogliu dinù parlà di sta riunione di l’eletti di l’Assemblea di Corsica, incù sta cara Michèle Alliot-Marie, Ministra di a Ghjustizia, chì avia dighjà tantu pruvatu dapoi ch’ella hè ministra, ch’ella ci tenia moltu caru.
Sta riunione cuncernava l’avvicinamentu di i prighjuneri corsi in terra corsa, famosa rivendicazione di u muvimentu naziunale ch’ùn hè, in fatti, nunda d’altru ch’è di dumandà l’applicazione di a legge francese è auropeana. Dopu à tante lotte è manifestazione pupulare, infine u guvernu francese avia accittatu di riceve une delegazione d’eletti di l’Assemblea di Corsica, chì, qualchi mesi fà, avia vutatu à l’unanimità una muzione favurabile à st’avvicinamentu.
Compia sta riunione, ci avianu prumessu ch’è a prighjone di Borgu seria riorganisata per accoglie 20 piazze di più, è ch’è d’altri prighjuneri serianu avvicinati, passendu di e prighjone di Parigi à quella d’Arles (chì u ramentu, ùn si trova micca in Corsica).
Puru, ùn si pò micca parlà di prugressu. À u cuntrariu : ùn serianu micca i soli prighjuneri pulitichi chì serianu cuncernatu da st’avvicinamentu (sia, una sessantina d’omi), ma tutti i prighjuneri corsi incarcerati in Francia, includendu dinù i diritti cummuni (250 à pocu pressu). Cusì mi pare logicu ch’è una misura chì permetteria l’avvicinamentu di menu di 10 % di i prighjuneri ùn puderia matematicamente cuncernà micca più di 10 % di li prighjuneri pulitichi. D’altronde, mi pare evidenti chì seranu priviligiati, una volta di più, i detenuti di dirritu cummunu à i prighjuneri pulitichi, in s’avvicinamentu calculatu, chì, per u Satu Francese, hè chjaru ch’è un gangster, ancu puru corsu, hè à bastanza menu periculosu ch’è un militente puliticu, è per quessa, per perseguità sta logica di distruzzione fisica è murale di li militenti incarcerati è di e so famiglie, preferiscenu avvicinà di a Corsica i gangsters è altri diritti cummuni.
Cuncernendu u falsu avvicinamentu à a prighjone d’Arles, vi possu assicurà ch’ellu hè un rigalu invelenatu, chì aldilà di u fattu ch’ellu ùn reduceria micca e difficultà di e famiglie per visità i so prighjuneri, chì fermerianu astrinte à spende i so soldi in l’avioni, o i battelli, è pò l’albergate, ci vole à sapè chì a prighjone d’Arles hè a più periculosa di Francia.
Chì, a vi possu dì, un avvicinamentu veru hè propiu pussibulu. In fatti, aldilà di a sola prighjone di Borgu ch’ùn hè micca, è da luntanu, a più pupulata di e prighjone francese, ci hè Casabianda, sta autentica bruga nant’à la nostra terra, dedicata à l’albergate di li criminali sessuali chì ci trovanu un regime speziale di meza-libertà, in l’impunità a più totale, è ancu prutetti da l’amministrazione ch’ùn pensa manc’una seconda à i risichi ch’ellu ci hè per a pupulazione indigena locale, ma d’altronde, ùn sò cusì ch’elli devenu esse trattati, l’autoctoni, in e culunie ? Cume mezi omi !
L’impruperiu supranu ci hè stata fatta quandu ci anu dettu ufficialmente ch’è se i prighjuneri pulitichi devianu esse trasferati in Casabianda, ci vuria prima ch’è sta « prighjone » sia securisata, cosa chì dumanderia travaglii troppu custosi, è dunque irrealisabile. Hè dunque evidente, per sti sgiò chì decidenu, ch’un criminale sessuale hè menu periculosu ch’un militante puliticu. À titulu persunale, ùn risentu ch’è dispressu contr’à ste ghjente chì si permettenu di rende dichjarazione cusì infame.
Eri, ci hè statu una cunferenza di stampa di l’Associu Sulidarità davanti à a prighjone di Borgu, è e cose ùn s’anu sicuramente micca stà cusì.


È pò mi tocca dinù à parlà di a nova centrale elettrica di Lucciana chì funziunerà sempre à u fuel pisiu ! Torna una nova eresia ambientale, ma ùn ne avemu ch’è troppu l’abitutine chì a Corsica, cume i paesi di u terzu mondu guvernatu da republiche bananiere, hà sempre « beneficiatu » di dirugazione speziale per ch’è l’intraprese è istanze etatiche è private stallate nant’à a nostra terra pudessinu currompe di più ch’è in altrò.
Pensu una volta di più ch’è sti signori chì decidenu, sempre ponti à estasiàssi davanti à a bellezza di sta terra chì seria un paradisu s’ellu ùn ci eranu micca i so abitanti (eccu a vera pinsata mussoliniana) sò paradosalmente sempre pronti à tuttu per strugge a Corsica è i Corsi.
Forse ci seria quì un sintimu piattatu di ghjelusia. Solu un psichiatru u puderia svelà incù certitutine, ma eiu, ùn sò micca psichiatru.
Per rivene à u sughjettu principale, diceraghju chì dopu à avè ufficializatu u caratteru vetustu, polluante, è incumpatibile incù a salute umane di a centrale di Lucciana, u putere dirigente è u prifettu anu decisu, incù a cumplicità di l’Assemblea di Corsica, ch’è a nova centrale energetica cuntinueria di funziunà à u fuel pisiu !
Ramintemu ch’ellu hè quì una surghjente energetica frà e più polluante è e più cancarigene, è chì u Populu Corsu, sanu, a righjitta. Ramintemu dinù ch’elle esistenu soluzione alternative rinnuvellevule è realiste. Ma di què, decidori è puliticanti si ne futtenu. È piuttostu ch’è di privilegià prughjetti nuvatori è pocu periculosi, ma chì certi puderianu avè un costu finanziariu più altu, eccu li chì preferiscenu, una volta di più, sacrifià a salute publica è ambientale nant’à l’altare di l’intaressi persunali è economichi. Hè chjaru ch’è certi sò sicuramente cunvinti ch’è no simu tutti mezzi omi.
Ma quì dinù, a mubilisazione pupulare ùn sì pò piantà quì è cusì. I Corsi, ben ch’è per una maghjor parte, lobotomisati fin’à ùn vede più nisun intaressu ch’è quellu finanziariu, saperanu, per certi, opponessi à stu prughjettu murtiferu.
In u casu cuntrariu, u nostru populu hè dighà mortu.
S’e tale hè u casu, ch’ellu muressi !

_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  U Palatinu le 15/11/10, 09:19 am


_________________
Tandu i figlioli adduniti sottu à a listessa bandera cù una vuluntà cumuna
Feranu di stu paese una nazione fiera, ùn ne mancherà manc'unu
È feranu l'avvene.
A. Olmetta
avatar
U Palatinu
Appuntamentistu Cunfirmatu
Appuntamentistu Cunfirmatu

Masculin Numaru di missaghji : 8148
Data d'iscrizzione : 29/11/2009
Lucalisazione : Casinca

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Cocolitoferidea le 15/11/10, 12:27 pm

Pensendu à Carlu Santoni, aghju à bastanza a paura ch'ellu ùn escessi micca di prighjone prestu, è l'affare di l'ADN ùn fù ch'è un pretessu à chjodellu un pocu di più. Tutte e mio pinsate vanu à la so mamma è à tutta la so famiglia.

A manifestazione in a piaghja d'Anghjone pò forse ghjuvà à fà cunosce di più u pessimu prublemu di a speculazione immobiliaria, è tantu megliu s'elle ci sò voce chì si discetanu per què, ma ùn sò sicura ch'è i scrucconi ùn ne fussinu disturbati.

Per l'energie solare, ùn sì pò ch'e accunsente u so sviluppu, chì hè un energia pulita. Tuttu u restu (altre cunsiderazione), ùn sò ch'è fulena.

In quant'à a messa in esamine di Petru Olmeta, diceraghju solu chì aspettu a seguita...
avatar
Cocolitoferidea
Appuntamentistu Veru
Appuntamentistu Veru

Féminin Numaru di missaghji : 4928
Data d'iscrizzione : 29/11/2009
Lucalisazione : In cima di a mio Torra d'Avoriu

Voir le profil de l'utilisateur http://viadevanescenza.wordpress.com/

Revenir en haut Aller en bas

Re: Picculu girettu d'attualità

Message  Compiu le 23/11/10, 12:56 pm

avatar
Compiu
Arradicatu
Arradicatu

Masculin Numaru di missaghji : 1559
Data d'iscrizzione : 20/10/2010
Età : 42
Lucalisazione : In cosa ti cuncerna ?

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Compiu le 23/11/10, 12:59 pm

avatar
Compiu
Arradicatu
Arradicatu

Masculin Numaru di missaghji : 1559
Data d'iscrizzione : 20/10/2010
Età : 42
Lucalisazione : In cosa ti cuncerna ?

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Compiu le 23/11/10, 01:00 pm

avatar
Compiu
Arradicatu
Arradicatu

Masculin Numaru di missaghji : 1559
Data d'iscrizzione : 20/10/2010
Età : 42
Lucalisazione : In cosa ti cuncerna ?

Voir le profil de l'utilisateur

Revenir en haut Aller en bas

Re: Picculu girettu d'attualità

Message  Contenu sponsorisé


Contenu sponsorisé


Revenir en haut Aller en bas

Page 1 sur 16 1, 2, 3 ... 8 ... 16  Suivant

Revenir en haut


 
Permission de ce forum:
Vous ne pouvez pas répondre aux sujets dans ce forum